اضاءات قانونية - الحلقة الثانية- العربون في القانون الاردني

[أحمد أبو زنط]

http://www.youtube.com/watch?v=xjwxGU6aCPE

http://www.youtube.com/watch?v=BpoxGXBT1N0

[أحمد أبو زنط]

● عيسى : والله يا حسام بتحزن هالردينة المسكينة راح عليها الفستان
-__-

حسام : بالفعل رح عليها ، بس بتعرف .. هي ما تصرفت كويس ..

● عيسى : كيف هيك ؟ شو كان بايدها تعمل وما عملت .. والله حزنت عليها ..

حسام : لانه معلوماتها بالقانون ما كانت كويسة ما عملت اشي .. ولا كان بتقدر تعمل اشي كثير مهم ..

● عيسى : مهم ؟؟

حسام : اها .. مهم وبخلي البياعة حريصة اكثر على وعودها .

● عيسى : والله حيرتني معك .. ممكن توضح ؟

حسام : ok .. زي ما اسمعنا بالدراما الي صارت .. فردينا دفعت عربون لقاء حجزها للفستان .. لكن للاسف البائعة هدى ما التزمت بالوعد الي قطعته لردينا وراحت باعت الفستان لمشترية اخرى ..

● عيسى : قصدك انه ردينا بتقدر ترجع الفستان ..

حسام : عيسى يا زلمة انت ليش هيك دائما مستعجل خليني اكمل ..

● عيسى : تفضل اتحفنا -__-

حسام : الي قصدته انه القانون لما حط احكام العربون ضمن نصوصه بالماده 107 من القانون المدني .. كان قاصد انه التعامل بين الناس يكون اكثر ثقه وامانة .. ولهيك اوجب عقوبة على من يخل بالعربون ..

● عيسى : عقوبة !!!!

حسام : اه عقوبة ، لكنها عقوبة من نوع اخر ..

● عيسى : وكيف بتصير هاي ؟؟

حسام: أكيد بتصير .. بس خلينا نسمع الاضاءة القانونية التالية حتى نتعرف على أحكام المادة 107 من القانون المدني.

المادة (107) :
1 – دفع العربون وقت إبرام العقد يفيد أن لكل من المتعاقدين الحق في العدول عنه إذا قضى الاتفاق بغير ذلك .
2 – فإذا عدل من دفع العربون فقده وإذا عدل من قبضه رده ومثله .

عيسى: هينا سمعنا المادة بس ما فهمت شو جزاء الاخلال بأحكام العربون ؟

حسام : يعني كان المفروض هدى بس رجعت الـ 200 دينار لردينا انها رجعت فوقيهم كمان 200 دينار جراء الاخلال بالعربون ..

● عيسى : شو بتحكي يا زلمة ؟

حسام : زي ما سمعت .. القانون كان فعلا حريص انه ما يكون طرف رابح على حساب الطرف الآخر .. يعني هسا لو ردينا بطلت بدها الفستان مفكر انه البياعة هدى رح ترجع لها ال200 دينار ؟ قطعا لأ ...

● عيسى : طيب ؟


حسام : وعلشان هيك ، لما كان الطرف القابض للعربون هو الي اخل بالالتزام .. يعني بين قوسين بطل بده يبيع او باع لناس ثانيين .. وجب عليه التعويض .


● عيسى : بتعرف انها معلومة جديدة علي هاي !

حسام : مش بحكيلك ..

● عيسى : طيب حسام ، ليش هالحكي ما حكيته لما صاحبنا محمد دفع عربون لسيارته وطلع اخر شيء صاحب السياره بايعها ؟؟



حسام : ممممممممم .. سؤالك حلو يا عيسى ، بحالة السياره او العقارات او اي شيء نقل ملكيته بيحتاج للتنازل في دائرة مختصة .. اذا اندفع العربون او وعد احد الطرفين الاخر بالبيع وبعديها بطل بدون ما يكونوا مسجلين في الدائرة المختصة الي حكينا عنها قبل شوي .. فيعد عقدهم باطل .. وبالتالي ما بنطبق احكام العربون الي شرحناها قبل شوي ..


● عيسى : شوي شوي يا حسام خليني افهم عليك .. الآن انا فهمت منك .. انه ما بيصير ندفع عربون لسياره قبل ما نسجل عقد البيع ..
وفهمت كمان .. انه اذا دفعنا عربون بدون ما نسجل عقد البيع بيكون البيع باطل ..
بس ما فهمت شو يعني كل هذا ...


حسام : ايوه يا عيني عليك .. يعني اذا دفعت عربون على سيارة او عقار او اي شيء أوجب القانون تسجيل بيعه في دائرة مختصة بدون ما يكون التسجيل تم .. فانت ما بتقدر تطالب الطرف الاخر الا بالمقدار الي دفعته على سبيل العربون بدون ما يدفع هو نفس المبلغ . يعني بيرجع المبلغ تبعك وبس مش زي حالة الفستان ..

● عيسى : وليش يعني .. هو الفستان احلى ولا اغلى من السياره ؟

حسام : لأ مو هذا المعيار يا عيسى .. المعيار انه هاي الامور الي حكينا عنها قبل شوي القانون رتب على مخالفة اتباع اجراءات التسجيل الخاصه فيها والي بنسميها بالقانون (الشكل) رتب عليها البطلان وهالاشي اكدت عليه المادة 168 من القانون المدني والي رتبت بطلان العقد على عدم التقيد بالاجراءات الي رتبها القانون .
وعلى شان تكمل الصورة خلينا نسمع الاضاءة القانونية الثانية في حلقتنا وخلينا مع المادة 168 من القانون المدني..

المادة (168) :
1 – العقد الباطل ما ليس مشروعاً بأصله ووصفه بأن اختل ركنه أو محله أو الغرض منه أو الشكل الذي فرضه القانون لانعقاده ولا يترتب عليه أي أثر ولا ترد عليه الإجازة .


إذن وبناء على نص المادة السابق بكون يا عيسى العقد صار باطل .. بالتالي العربون باطل .. وهون احنا المفروض نرجع كل اشي زي ما كان لا اكثر ولا اقل .. مما يعني ...

● عيسى : مما يعني انه بنرجع للي دفع العربون مصاريه بلا زيادة ولا نقصان وبلا ما يدفع الطرف الثاني اي مصاري لقاء العربون .


حسام : يا عيني عليك يا عيسى ..


● عيسى : طيب وشو قصة الوعد بالبيع الي جلطتني فيها قبل ما نفوت على الحلقه ..

حسام : بتعرف يا عيسى انت ما بتعلق بثمك كلمة .. مع هيك بفضل نخلي موضوع الوعد بالبيع كونه موضوع شوي كبير لحلقه خاصة فيه ..

● عيسى : هاتلك تعليق صغير عليه علشان تكمل الصوره عند المستمع وعندي ..

حسام : امرك يا عيسى .. ما رح احكي كثير بس من خلال الوعد بالبيع كان بامكان ردينا بالدراما الي سمعناها باول الحلقة انها تطالب بالفستان نفسه .. او بالتعويض عنه .. اضافة الى ضعف مبلغ العربون الي حكينا عنه .. وهذا الي نصت عليه صراحة كل من المادة 105 و 106 من القانون المدني.


● عيسى : ولو اني ما فهمت عليك كثير بس ما رح نطول على اعزاءنا المستعمين وبنوعدهم انه نخصص حلقة لناقش فيها هالموضوع بشكل جاد كونه زي ما فهمت من حسام كثير كثير مهم ..

والآن بننتقل لفقره المفجأه الي وعدناكم فيها .. فقره ..


حسام : اكيد فقرة lawjo



● عيسى : صح يا حسام .. والي رح يكشف مفاجأه هالفقره هي زميلتنا نانسي العتوم ..

[مصعب]

حلقة حلوة ،،، وموضوع مهم فعليا ،،،،
بس إلي ملاحظتين قانونيات زغار كثير
الأولى إنو كان بإمكانكم استخدام عبارة غير ( العقوبة ) للدلالة على نتيجة الإخلال ، مثل عبارة ( المسؤولية ) ممكن تحكي بنفس موقع هاي العبارة إنو رتب المشرع عليه ( مسؤولية إضافية ) دلالة على ( الضمان ) لأن العقوبة تترتب على الجريمة ،،،،،،،،، صح ممكن كان الهدف إيصال الفكرة وممكن تحوا أنا دقيق زيادة عن اللزوم ، بس حتى يعني يكون استخدامنا للعبارات بشكل قانوني...
والثانية إنو حسام بالأخير حكى إنو الوعد بالبيع لا ينطبق عليه التسجيل ،،،، كمان هاي المعلومة كان ما لازم تكون عامة ،،، فالمشرع مثلا في قانون ملكية الطوابق والشقق حكى إنه يجب أن يسجل الوعد بالبيع في الطوابق والشقق لدى دائرة الأراضي حتى يمكن الاعتداد بهذا الوعد وترتيب الآثار - اللي منها العربون - عليه .....

ممكن هاي الملاحظات مش ذات أهمية كبيرة لكن يجب أن نعطي جمهورنا أدق صيغة قانونية ، لإننا قانونيين مميزين ........... كل الشكر
وسامحوني على الدقة الزايدة ،،،،،،، اعجبني اخيار الموضوع والاسلوب الراقي بالطرح

[Essa Amawi]

بالفعل مصعب

اصلا هاي الحلقه هي والسابقه ضعيفات كثير
واحنا عدنا تسجيلهم
والي انبثوا غير هذول
بس شكلهم بالاذاعه مخربطين ومعطينا اياهم
-_-
هاي الحلقه مثلا تمثل تيست للبرنامج اجينا نقدم على اساسه علشان يوافقوا او لأ
ولاحقا قمنا باعدتها كامله -_-

لعله خير وشكرا للملاحظات القيمه اكيد :(219):

[rodyna khliafat]

lawjo عالم يفهمك
^_^

[أحمد أبو زنط]

مممممممممم فعلا الجماعة خربطو معنا وأعطونا حلقات التيست .. على كل .. تجربة جيدة كبداية

[مصعب]

تجربتكم جميلة ،،،،،، والهدف كان من الملاحظات التي ربما لا يلتفت لها الغالبية العظمى من مستمعي البرنامج هو الوصول إلى حالة من الدقة التي لا تدع مجال لأحد أن ينتقد ،،،،،،،

نسعى نحو التغيير فسوف نقدم من أجله الأفضل
تعجبني التجربة بمجملها ،،،، حتى ولو كانت هذه هي الحلقة النهائية ،،،،، إبداع

[أحمد أبو زنط]

بالعكس .. بالنقد البناء نرتقي .. وكلمات الشكر والاطراء في غير موضعها مفسدة مطلقة وغش لا يناسبنا ولا نقبل به لأنه يضرنا أيما إضرار بحيث نتوهم بأننا في الطريق الصواب على شدة اعوجاج مسلكنا ..

بكم وبأمثالكم نسموا

[مصعب]

ليت جميع الذين ينشدون التغيير يفهمون كمثلك .....

شكرا - حقيقية - لك

[صفاء الايمان]

لي عودة في شرق اخر حينما يصبح العقرب قارب للهدوء

[ALA'A ALHADIDI]

"عيسى انت دائما مستعجل ... ليش هيك "
هههههههههههههههههه

يعطيكم العافية ... كتير حلو

[Essa Amawi]

هههههههههههه
صرنا مسخره
والله لاموتهم الاذاعه .. عدنا تسجيل الحلقه لانها بتقرف
راحوا اعطونا اياها كمان مره ههههههههههههههههه

[ALA'A ALHADIDI]

عيسى ليش بتحكي هيك؟!
بالعكس كتير حلوة وعجبتني , بس ضحكت على حكي حسام عنك "عيسى انت دائما مستعجل " ههههههههههه

ان شاء الله بس اعطل رح اسمع اي ضلوا

استمروووووووووووووا

[Essa Amawi]

هههههههههه
الله يجبر بخاطرك هههههههههههههههه

بنتشرف والله ^^

[ALA'A ALHADIDI]

والله انا اكتر

يجبر بخاطرك انت لانك بترد علي
هههههههههههه

[صفاء الايمان]

ممم بالتوفيق
بس كانو السكتش مو من اوله مكتوب او الحلقة قصدي
عمومما استمرو
شو حظك يا هالردينا ^^الله يحلي ايامك

[Nancy Otoom]

أحلى اشي الجزء التاني عشان انا فيه
هههههههههههههههههههههههه

[صفاء الايمان]

وين موقعك من الاعراب حجة
؟\
ما بحضر الفلاش بس بقرا المكتوب ؟
احكيلي وينك ؟عشان عندي النت زنخ وبطيء ؟.@×_

[صفاء الايمان]

هيني بحضرها
والله حلوة
خخخخخخ
بس لا استني مش حلوة
؛_؛ حجة حجة لا مش حلوة
في حقوق نشر يما شو هي سايبة
عموما يسلمو جد فقرة حلوة
عجبني الجراوند باك للحكي
مممم كنت بدي اقترح انه تكون الميوزك او الباكجراوند للمواد يلي بنص عليها القوانين بالحوارات تكون تاعت اخبار الجزيرة بتحس بجهد اروع للموضوع والشغل
بالتوفيق استمروو
برضو ممكن تعملو كوبي لرابط المواضيع يلي بتقتبسوها بعرض موضوع اضاءات للحلقة
بحق ابدعتم
بس كمان بدي اتفلسف لو بس تحكو عن محتوى الفلاش انه يكون شوية صدى للصوت بكون احلى
بس تعرفو بالفلاش
عندما تتشابك الامور ولا نميز بين الخطا والصواب
انه عندما تتيه ...عن بوصلة الحياة
واخر شي اضاءات قانونية يكون فيها صدى برضو بتكون احلى
مممم الباكجراوند يلي حاطينها حلوة لالها
استمرو بحق ابداع

[يارا النجادات]

up

[صفاء بدارين]

ههههههههه يال الهووووووووووووول
هسا لسمعت الجزء الثاني مو فاكرة اني سمعته
لوول
جد جد جد ابداع ^_^ همممم حلوة الفكرة عفكرة بحس صايرة اسرق من وقتي لاطلطل جد بكتشف اشياءات ههههههههه
جميل جميل :p يا الله ايامات
هدى ونانسي وردينا كلللللللللللكم ههههه عنجد اين انتم :p

[صفاء بدارين]

همممممم لانه النت كان متوفي عندي بفلسطين
جد لازم ارجع اسمعهم كتير حلوة الحلقة
حاسة حالي فاقدة الذاكرة لوول
ابدعتم المهم بحاول اسمع كل يوم وحدة ^^ ابدعتم

[rodyna khliafat]

ههههههههههههه دخيلكم خليهم مدفونيين بلا فضايح :(163):

[أحمد أبو زنط]

:(109):

[صفاء بدارين]

ههههههههههههههههه نفضت الغبرة رديناااا
ايووااااا
مواهب مواهب
ودوهم ع نجم الاردن :p

[rodyna khliafat]

يييييييييييييييييييييييي ههههههههههههههههه

[صفاء بدارين]

هههههههههههههههههههه