المساعد الشخصي الرقمي

مشاهدة النسخة كاملة : مصطلحات اردنية ما انزل الله بها من سلطان :



alaa
03-19-2009, 02:28 PM
مصطلحات اردنية ما انزل الله بها من سلطان :

فكح

ومعناه مزط او هرب

تلولحي يا دالية

تقال للشخص النحيف جدا وبترخرخ لدرجة الهبل

حيد عن الراس وإذرب

بلهجة اهل اربد والمعنى وفي مقوله اخرى حيد عن الراس
واذرب
وتقال في الطوش او الخناقات انه يعني ما تعمل عمل كبير
تندم عليه
ولكان حاول توجع بشكل غير مباشر
يعني لا تضرب واحد على راسه تنبلي فيه

إحفظ هالّلطش

يقولها من أدى خدمة لحدا ومحملوا جميلة عليها

طقع - بكسر القاف

يقال انها كلمة دخيلة وأصبحت متداولة ومنشؤها
الزرقا(مجمع الباصات ) وبالأخص من شوفيرية السرافيس
الكوستر وتعني اشي روعة ومنيح جثير

فايـع/ فايـعة

وتقال للبنت والولد اللي ماشيين عل الموظة أو على حل
شعرهم أو شايفين حالهم - للتوضيح يعني من مناطق عمان
الغربية وبالأخص عبدون وأخواتها

هاك
يعني خذ او القف.. بس من غير نفس

بتتخوث يا ملوّث

تقال لمن يحاول أن يخفف دمه وبتهبّل وهو فيش أزنخ من
دمّو


يلعن روما
مسبة قاسية جدا تقال عند الغضب بدل من سب الدين
مشرّت - بكسر الرا وفتح الشين
تقال عادة للظاربة فيوزاته او ولا حبة

الطنجير
يقال انها من اصل طنجرة وتقال للشخص اللي مثل اللوح ومش
عارف وين الله حاطّه

الشنتير
تقال للشخص اللي حجمه كبير وعالفاظي

فستق فاظي

تقال للشخص اللي بحكي كتير وما بعمل اشي

سحنة

معناها ملامح وجه الواحد .. ويا محلا هالسحن


سنحك

معذرة ... ما زال البحث جاري عن معناها




كزدر
وتستعمل في المناطق الأقل حظا


منغنغ- الله يطعمنا

معناها معاه فلوس كثيرة وجيبته مليانة مصاري

YoUSeF MoMaNI
08-11-2009, 08:33 PM
وفيه كمان

مَزط : اي بمعني فلت او هرب


عنجد موضوع روعه
يعطيكي العافيه :)

Essa Amawi
08-11-2009, 09:00 PM
ههههههههههههههههه
هاي مصطلحات حفرتليه
هههههههههههههه

YoUSeF MoMaNI
08-11-2009, 09:14 PM
وفيه كمان
جخه : تقال للشي المنيح

محمد سليمان الخوالده
08-12-2009, 11:47 AM
وفيه كمان
جخه : تقال للشي المنيح

والمنيح تقال للشي الكويس
والكويس تقال للشي الي يهبل....ههههه

ALA'A ALHADIDI
02-16-2011, 02:23 PM
إحفظ هالّلطش

هاي كتير بتنحكى وشميلة وباقي الكلمات بضحكو هههههههههههههه

قانونية
02-16-2011, 02:39 PM
sorry بس ما عرفت حتى أنطقهم
كلمات غريبة

suhaib dalaqmeh
02-17-2011, 08:11 AM
سنحك
تقال عادة للشخص الذي فشل والباقي نجحو
او فل من شي او جلس بلحكي
بلعربي الهدف منها ذله بتذكيره بلذل الي مر فيه

أحمد أبو زنط
02-17-2011, 08:37 AM
يلعن ابو هالزقم
وتقال عند بهدلة شخص مكشر وبوزه قدامه شبرين

يلعن ابو الي طرقك
وتقال كشتيمة غير مباشرة للشخص لانه الذي طرقه يكون اما ان يكون داية او دكتور والطرق يستخدم بتمام الولادة حيث يضرب المولود من الخلف حتى يبكي وتنفتح رئتية للتنفس

يا غبصة يا حزينة وهي عبارة يراد منها اللطم وندب الحظ

يا صخام البين تفيد نفس المعنى السابق وتحديدا عند وجود حظ مشحر

jakleen alkurdi
02-17-2011, 04:42 PM
يا صخام البين تفيد نفس المعنى السابق وتحديدا عند وجود حظ مشحر
o::ko::ko::ko::ko::ko::ko::ko::ko::ko::k

سجا المومني
02-17-2011, 06:21 PM
فلان قروط تقال لشخص المقطوع من شجرة لا اب ولا ام
سلقووط يسلقطك تقال لشخص الي بحكي حكي فااضي ما الو معنى
ههههههههههه هههههههههههه