المساعد الشخصي الرقمي

مشاهدة النسخة كاملة : مقتطفات اردنية !!!



alaa
03-19-2009, 02:38 PM
إذا بيوم من الأيام حضرت عرس ...ونزلت الشباب عالدبكة وبلش العرق يزرب...وحميت مع أبواسماعين (رقيب متقاعد) وسحب الكلاشنكوف وطررررررر...بلشطخ عن جنب وطرف وهو برقص وبدبك ...


وسقط ثلاث شهداء من جراء القصف العشوائي ....... ابتسم أنت في الأردن..انت بتحضر عرس أردني .








إذا تجوزت ...والناس واقفيتلك عالمسطرة بتستنا أسبوع العسل لما يخلص عشان يفيعو عليك ويهجموا هجمة رجل واحد..وكل واحد فايت يا يجيبلك طقم فناجين قهوة...ياصينية...وبالآخربتحوشلك سبعطعش طقم قهوة وحدعش صينية واستنا مناسبات عشان ترجعها لصحابها...بتكون بتمارس واجباتك الاجتماعية بالأردن...ابتسم...


إذا فتت إنتومرتك أو خطيبتك أو صاحبك على قهوة وأجتك المنيو...القهوة بليرة..الميلك شيك أبوفراولة بليرتين..وحضرتك طلبتهم..شو ثلاث ليرات..ولا إشي ..



ولما أجت الفاتورة ولا هي بقدرة قادر خمس ليرات وثلاثين قرش...كيف ما بتعرف ...



ابتسم .... أنت بتمارس الرفاهية في الأردن ....





إذا كنت قاعد على مكتبك بوظيفتك...وكل المراجعين اللي أجوك طلعوا يا قرايبك يا نسايبك يا مخاولك (سوم هاو ) وكل واحد الا بيسألك بتعرف فلان الفلاني...هذا إبن عم جدتها لبنت عم مرة أخوياللزم...هاتلك بوسة يا زلمه...اممممموا...امممممممممممموا ...ابتسم فأنت في الأردن.





إذا كنت ماشي بسيارتك مستعجل بدك تلحق موعد..ولا الشارع مليان سيارات عن اليمين والشمال...إمشي ..إمشي والسير يالله ماشي...فجأة بتشوف هالسيارة المزينة...وكلها ورد وشبر...والعريس النظوة حاط نيوترال وداحل....وليش السير واقف..لإنه كل واحد من المحترمين اللي بالفارده بده يوقف خمس دقايق جنب سيارة العروس وينظر النظرة الأخيرة عالعروس ...هنيال ابوها...إذا صار معك مثل هالموقف مشتبتسم بس...اضحك واقلب على ظهرك...إنت بالأردن يا عمي ...



إذاكنت بصلاة الجمعة...كلك إيمان وخشوع بعد الخطبة المؤثرة..والإمام صوته ما شاءالله..بيدغدغ القلوب...وأول ما يسلم الإيمان وخلصت الصلاة سمعت :


"


أحمر يازر البندورة...ليرة البوكسه ليره "


"


أصابيع البوبو ياخياااااااااااااااااااااااااااار...أ ربعه كيلو بليره...يالله يالله "


"


عالسكين يا بطيييييييييييييييييييييييخ....أحمر أحمر يا بو قرعه...ابتسم وابتسم وخلي طواحينك يبينو...إنت على باب جامع بالأردن

سائد العبادي
03-20-2009, 06:53 PM
والله انا شايف انو الموضوع ما الو لازم لانو انتو بتوصخو بسمعه الشعب الاردني مو لهدراجه في كتير مبالغات بدي ارد عليكو
1:الطخ من الفرح وهاي عزوه مثل العدوان و العبابيد و السلطيه و الله عزوه طررررررررررررررررررررر و الي مات الله يرحمه
2:وكمان عزوه
3:مبالغ
4:مبالغ
5:مبالغ
6:يا عمي كلنا ولاد حمايل و عشاير و بنعرف بعض و كلنا قرايب و ولاد عم يعني قرايب
7:والله عزوهههههههههههه يعني الناس مبصوطه و فرحانيتلك احسن من زفه ما فيها اثنين
8:موجوده عند كل الناس بعد صلاه الجمعه و البيع بعد الصلاه عباده بدور ع رزفه

وشكراااااا اتمنا انو ما نبالغ كتيييييير

alaa
03-22-2009, 02:45 PM
انت ليش ماخذ الموضوع بشكل شخصي خليك موضوعي والحكي اللي انحكى كلو صاير وانت ما تقيس على حالك قيس على كل المجتمع وانا اردنية وبحب بلدي كتير وبدي اياها تكون احسن بلد بالعالم وهاد اسمو النقد البناء

سائد العبادي
03-24-2009, 12:04 PM
يا ستي انا اسف جدا جدا والي ما بعرفك بجهلك انا اسف وانتي بطلعلك تحكي كل اشي

Mohammed Hawamedh
03-25-2009, 02:13 AM
ههههههههههههههههههههههههههههههههههههههه قوية

أحمد أبو زنط
03-26-2009, 11:11 AM
يا ستي انا اسف جدا جدا والي ما بعرفك بجهلك انا اسف وانتي بطلعلك تحكي كل اشي

يعني يا سائد alaa بطلعلها تحكي كل اشي وباقي الناس ما بطلعلهم يحكو اشي ؟؟؟

سيد سائد كل أعضاء المنتدى بيطلعلهم يحكو إلي بدهم إياه .. وهون ما في مزاودات ... ( أرجو إنو ما نبالغ كتيييير)