د.جعفر المغربي في مادة الدولي الخاص

[فاطمة المصري]

استغرب امر الدكتور جعفر المغربي في مادة الدولي الخاص لازم كل طالب يحمل المادة وما حد بينجح من اول مرة ولازم يعيدها بعدين يفكر بالنجاح

[Hosam Hawamdeh]

مادة الدولي الخاص هوسي وهوايتي في القانون ..أكثر مادة استمتعت فيها وحسيت اني ممكن ابدع فيها ..وبالنسبة للدكتور انا بصراحة ما بعرفه ولا اخذت عنده بس هي المادة اللي بميزها انها بتجمع القانون كلله بدءا من التكييف اذ يجب ان يكون الدارس على علم كافي بالقانون حتى يكيف الواقعة وانتهاءا بالاسناد ..

[فاطمة المصري]

هو دكتور رائع جدا بس في هاي المادة لا بد انو الطالب يعيدها لحتى ينجح حتى لو نجح من المرة الاولى وكان تقديري فيها كويس حتى بعد ما يعيدها اذا زبط فيها لا يحلم في علامة عالية يا دوب النجاح حتى لو كان بيستاهل اكتر من هيك

[Hosam Hawamdeh]

يا ستي بالاخر المهم هو ان الطالب يستوعب بنظري مش المهم العلامة ..

[zaineb]

حلوه مادة الدولي الخاص كتير............والدكتور كمان محترم

[مصعب]

بصراحة أنا أخذت المادة عند الدكتور جعفر المغربي وأنا خريج ،،،، وأخذتها كمان عند الدكتور زيد العقايلة لما كنت سنة ثانية ،،،،
المرة الأولى عند الدكتور زيد أعطانا كتاب القانون الدولي الخاص للدكتور حسن الهداوي ،،، وكانت ممتعة بس تغيبت فيها عند امتحان وحطلي فيه 0 من 25 لإنه كان منبه على الغياب وبجوز هذا واحد من امتحانين غبت عنهم ،،،،، نزلتها 57 وهي أقل علامة بكشفي لحد ما اتخرجت وللعلم أعلى واحد بالشعبة نزلها 80
المرة الثانية عدتها عند الدكتور جعفر وأنا خريج كانت ممتعة أكثر لدرجة إنو كان الواحد ينتظر المحاضرة الجاية حتى يعرف إجابة التساؤلات اللي كان يثيرها الدكتور ،،،،، وأسلوب أسئلة الدكتور جعفر حلو كثير وتصليحه موضوعي وممكن تتوقع علامتك عنده ،،،، نزلتها عنده 84 وكان في 3 أعلى مني ....

أما إنو كل طالب لازم يعيد المادة حتى ينجح فهالشي أنا ما بشوفه صحيح وخصوصا عند الدكتور جعفر ،،،، المادة حلوة

بعرف حكيت كثير ،،،،،،،، بس هيك وجهة نظري بحياد

[Miss Law - Majali]

عفوا فاطمة !!!!!!!!
في البداية دكتور جعفر هو نابغة في القانون وله أسلوب لا يعلى عليه في شرح المادة وطريقة تعامله مع الطلاب وكيفية توزيع العلامات بكل صدق وأمانة ... وما عنده المبدأ يلي إنتي ذكرتيه إنو لازم كل طالب يحمل المادة ....
دكتور جعفر _ وبدون إنحياز إله ومش دفاعا عنه _ ولكن كلمة الحق تقال .. دكتور موضوعي جدا والطالب العلامة يلي بجيبها بنزلها اله لا زيادة ولا نقصان ، فضلا عن ذلك دكتور بخلص في شرحه للمادة

وأحيطكي علما إذا لم تكوني تعلمي ... أنا بخبرتي البسيطة بدكتور جعفر المغربي في كثير طلاب نزلو عنده علامات بالتسعين والطالب يلي بيرسب عنده فهو طالب يستحق الرسوب فلو كان شعبة كاملة رسبت عنده فكل الشعبة تستحق الرسوب لانه هدفه الوحيد إنو بدو طالب قانون بمعنى الكلمة مش طالب حامل شهادة فقط

[مصعب]

كلامك صحيح يا آية

[فاطمة المصري]

انا حكيت هاد الكلم مش على صعيد شخصي
علاقتي بالدكتور جعفر متينة جدا قائمة على الاحترام المتبادل حتى عائلتي بتعرفو معرفة جيدة
وما بشكك باسلوبه كاستاذ رائع للمادة
لكن اللي خلاني اشك بهالشي انو في المرتين اللي اخدت فيهم المادة كنت بتوقع علامات عالية جدا لكن للاسف ما كنت احصل على اللي توقعته مع اني متأكدة اني قدمت تقديم جيدجدا في الامتحانات
وكمان معظم الطلاب اللي معي في المرتين كانو معيدين للمادة
واللي اكد كلامي انو الطالبة وسام عنا بالكلية حكت انو الدكتور حكى الها شخصيا انو لا يمكن ينجحو من اول مرة وما يتوقعوا هاد الشي حتى لو قدموا تقديم منيح

[مصعب]

ما بتوقع في دكتور بيحترم نفسه يحكي هالكلام ( إنو ما بيقدر ينجح من أول مرة ) أو هيك كلام
أنا في معظم المواد اللي أخذتها عند الدكتور جعفر تحديدا كنت اتوقع علامتي وتطلع زيادة أو نقص علامة ...... وإعادة الطلاب موجودة بكثرة في مواد القانون المدني تحديدا

[فاطمة المصري]

هاد الحكي حكته وسام وصدقتها لانو درسنا على المادة مع بعض وكانت فاهمة المادة اكتر مني
وممكن الواحد ما يحصل على اللي بيتوقعه لكن بفارق بسيط مش كبير لهالدرجة انا توقعت اكتر من 85 و59
اعادة الطلاب واردة في كل المواد والمدني خاصة
لكن مادة الدولي الخاص بكثرة كبيرة

[مصعب]

موفقين جميعا من كان على مقاعد الدراسة ومن تخرج

[أحمد أبو زنط]

انداري .. ما بعرف !!

يا ستي الله يوفقكم جميعا.. وإلى إله حق إن شاء باخده

[ahmad khawaldeh]

مساء الخير انا ما بعرف الدكتور المغربي
بس اخوي درس عنده بمؤته وبحكي انه كلام الانسة فاطمه صحيح مع الاحترام للزملاء الكرام لانه في الواقع كل واحد بطلع للموضوع من جهته الخاصه
وهذا الشي طبيعي بكل البشر
بس الصراحه انو اخوي هيك حكى
بالتوفيق

[MALAK]

على دورنا كان اول مرة بدرّس القانون الدولي الخاص بعد ما كانت حكر عند الدكتور نور رحوم
وصدقاً كانت محاضرته من امتع المحاضرات ويلي كنت استناها بالدقيقة وحتى اسلوبه بالطرح كان شيق للغاية
ندمانه للآن ليش ما نزلت عنده اكتر من مادة
انا نزلتها 84 وكنت التانية على الشعبة و الاول نزلها 86 وصدقاً كنت متوقعة علامتي لأنه انسان حقاني
موفقة ان شاء الله

[محمد الرماضين]

مع الاحترام فهذا الكلام المنسوب للدكتور جعفر المغربي غير صحيح اطلاقا وبالنسبة لي فانني قد اخذت معظم مواد القانون المدني عند الدكتور جعفر المغربي وكانت كل محاضره له افضل من التي قبلها ونظام الدكتور جميل جدا حيث يقوم اولا بمناقشة الموضوع مع الطلبة وبعد ان يتاكد ان جميع الطلبة قد فهموا النقطة يقوم باعطاءنا المعلومات بحيث نستطيع كتابتها بشكل يستطيع كل طالب نقل ما يمليه علينا وبالنسبة لمادة القانون الخاص فهي مادة جميلة جدا وخصوصا عندما اخذتها مع الدكتور المفضل لدى معظم طلاب الكلية لما يتمتع به من روح شبابيه وتعامل جميل مع الطلبة

[فاطمة المصري]

انا اخدت كل مواد المدني عنده وهو بالفعل دكتور روعة لكن في هاي المادة بالذات الوضع بيختلف تماما حتى هو بيتعامل مع طلاب هاي المادة بطريقة تانية

[فلة]

انا احتاج مساعدة في بحث الاحالة في القانون الدولي الخاص

[فلة]

انا حابة اعرف كل شيء على هدا الموقع

[ihab law jo]

ممممممممممممممممم

[مصعب]

^
قصدك يا إيهاب تقول إنو الدولي الخاص كمان عند الدكتور نور فيها مشكلة ؟؟؟

وإنو يرسب فيها هالفصل 11 طالب خريج يدلل إنو المادة بغض النظر عن الدكتور صعبة ..... عادي

وكمان تخصص الدكتور نور قانون دولي خاص ..... فخذ الموضوع بسهولة

[ihab law jo]

شكرا فسرتها فاتقتنت التفسير
ولا زود على كلامك

[adnan zaza]

صراحة اكتر دكتور حبيتو في الكلية الدكتور جعفر و جد انو انسان قمة في الادب و التعامل و العلم و انا نزلت الدولي الخاص 79 من اول مرة بس صراحة درست عليها منيح....على العموم موفق للجميع...