الامتحان التحريري ..... اررررررربت

[مصعب]

أعزائي الاعضاء وصلني اليوم المسج التالي من (JBA) يعني في الانجليزي :(266)::(266): نقابة المحامين وتقول هذه المسج :
(( الزملاء المحامين المتدربين نذكركم بموعد الامتحان التحريري 16-10 س 11 الحضور قبل نصف ساعة ، مجمع الكليات الإنسانية - الجامعة الأردنية ))


يعني الامتحان التحريري رح يكون بإذن الله يوم السبت القادم :(190)::(190):،،،، وبتمنى لكل الزملاء التوفيق والتميز فيه ، وأي خدمة أوتساؤل ممكن نتعاون مع بعض على حلها :(164)::(164):،،،، سواء هلأ أو في قاعات الامتحان يوم الامتحان هع هع ....

شدوا حيلكم زملائي :(334)::(334): لأن الدورة هذه قد تكون صعبة ومرة ثانية بحكي أي استفسار أو تساؤل قانوني في موضوع الامتحان اعتبروا زملائكم في lawjo في خدمتكم

[Mohammed Hawamedh]

خليها على الله يا مصعب نفس المسج وصلتني مبارح من حد ما وصلتني تنكدت
يا زلمة حكولنا باخر شهر عشرة مرة وحدة صار ب 16 !!!!!
الله يهونها و نشوفك على خير و سلامة ان شاء الله و يوفق الجميع يا رب

[مصعب]

الله وكيلك نفس الصدمة ،،،،، يعني أنا كنت حاسب حساب يكون بـ 30-10 ،،،، فكنت ماخد راحتي ....

بعدني ما بلشت أدرس ،،، لإنو كنت مجهز مخططات معينة أعملها ،،، احتمال أبلش الجمعة مساءً أو السبت ظهرا ... ومحتاااااااار شو أقرا وشو أترك ،،،،،
بدي أقرأ كوداتنا ،،، لأنهم قويات والمعلومات فيهم طازجة والمالكين والمستأجرين ومحاكم الصلح وحقوق و واجبات المحامي .....
وبنشوف شو بنلحق نقرأ غير هيك ......
وبعدين فرصة حلوة إنو أشوفك بيوم الامتحان ،،،، هع هع رايق

[Mohammed Hawamedh]

الله يهونها نشوفك على خير بنتشرف

[Essa Amawi]

بالتاكيد اساتذه لوجو سيحصدون الافضل -باذن الله- ^^

بالتوفيق اساتزه

[منية]

موفقين انشالله

[Tommywarsong]

الحمد لله أنا خلصت من هاد القرف كله زماااااااان ،،

خلونا نشوفكم يوم السبت يابا ،،، أنا جاي اتفرج على النسوان ،، أوكي ،، منشوفكم نشاله ،،

[MALAK]

وصلتني نفس المسج
يا سبحان الله
والله انسم بدني

[مصعب]

^
كلنا على هالطريق ،،، واللي خلف ما مات

[Mohammed Hawamedh]

و انا لله و انا اليه راجعون

[مصعب]

(( يمنع احضار او ادخال الهواتف الخلوية إلى قاعة الامتحان تحت طائلة الحرمان ))




هيك من الباب للطاقة إجتني المسج هاي ....
طيب شو بدي اعمل بتلفوني مثلا ؟؟؟ ارميه في أول سلة مهملات بلاقيها في الجامعة الأردنية ،،، مثلا
ولا إجيب معي مرافق يخلي التلفون معه لحد ما أطلع من القاعة واعطيه دينارين ونص عن المدة اللي بدي يخلي التلفون معه فيها ،،،، كمان مثلا
ولّا ادخله معي واللي بده يصير يصير ؟؟؟؟


هيه ميتة وحدة ويا بدخلوني أنا وتلفوني أو ما بدي امتحانهم

[قانونية]

الله يوفقكم يا محاميي المستقبل:(334):
وصيتي لكم:
ممنوع تمسج وانت بالامتحان:(135):
ممنوع تتنهد وانت بالامتحان
ممنوع تتلفت وانت بالامتحان
ممنوع تفكر بشيء غير الامتحان:(205):
ركز وادرس قبل الامتحان:(305):
بالتوفييييييييييييق والسداد:(164):

[مصعب]

^
والله يا قانونية أخشى أنو ما رح أقدر ألتزم بوصاياك .....
رح أحاول بس ما بوعدك بشي

[قانونية]

هذي الوصايا لمصلحتك
واحسبها بدماغك أكيد رح تلتزم بيها
الله يعينك
بس إنت ماشاء الله ما بينخاف عليك شطوووووووور:(89):

[YoUSeF MoMaNI]

مدة الامتحان ساعاتن
والامتحان طويل وبده سرعه بس ما اتوقع يكون صعب كثير على اساتذه من امثالكم

بالتوفيق للجميع والله ينجحكم

[مصعب]

23.35 دقيقة متبقية عن الشسمو .............

اللي إله نفس يتفضل ،،، أنتو زي الناس اللي بقربوا لقرايبهم ،،،، تفضلوا شاركونا