ساعدوني بـ درجات القرابة :(

[نـارديـن]

السلام عليكم ..

ممكن حد يساعدني بدرجات القرابة ؟

يعني الدرجة الاولى مين ؟
والتانية والتالتة والرابعة ؟؟

هاد من القانون المدني الكويتي ،، نفس الاردني ولا بختلف ؟


درجات القرابةفهي كالتالي:
1. القرابة من الدرجة الأولى: الأب، الأم، الابن والبنت.
2. القرابة من الدرجة الثانية: الجد، الجدة، الحفيد، الحفيدة، الأخ والأخت.
3. القرابة من الدرجة الثالثة: إبن الأخ، ابن الأخت، العم، الخال، العمة والخالة.
4. القرابة من الدرجة الرابعة: أبناء العم، أبناء الخال، أبناء العمة وأبناء الخالة.
أما درجات المصاهرة فهي كالتالي:
1. القرابة من الدرجة الأولى: أب وأم الزوج، أب وأم الزوجة.
2. القرابة من الدرجة الثانية: جد وجدة الزوج، جد وجدة الزوجة.
3. القرابة من الدرجة الثالثة: عمام وخوال الزوج، أبناء إخوة وأخوات الزوج، عمام وخوال الزوجة، أبناء إخوة وأخوات الزوجة.
4. القرابة من الدرجة الرابعة: أبناء عمام وخوال الزوج، أبناء عمام وخوال الزوجة.

[hani al zoubi]

مممم درجات القرابه بعدني ما درسته بس بتذكر لما شرحنا الدكتور بالمحاضره هيك شرحنا
الجد(الاصل)
الابن (الفرع) الابن الثاني(الفرع)
ابن الابن ابن الابن
هسا الابن الاول اللي هو من الجد يعني مثل ابوكي بيكون فرع من جدك واصل الك وانت فرع لاثنين ولما بدنا نحسب درجة القرابه من عندك مثلا ؟ انتي واحد وابوكي اثنين وجدك ثلاث بس بنحذف الاصل بتطلع عندنا علاقه من الدرجه الثانيه بالنسبه لجدك
واذا بدك تحسبي الابن الثاني اللي هو عمك بتعدي انتي واحد وابوكي اثنين وعمك ثلاث وجدك اربعه وبتشيلي الاصل بيطلع درجة قرابه فئه ثلاث بينك وبين عمك
انتي وابوكي فئه واحد
بس شي شغله عن انه اذا بدك تحسبي مثل ما مكتوب فوق المصاهره مثلا امك واهل ابوكي كم درجة القرابه
هون عادي بيكون الوضع مثل ابوكي لانه بعقد الزواج بنعتبرهم عنصر واحد ما بنفرقهم
يعني درجة القرابه بين جدك اللي هو ابو ابوكي وامك درجه اولى مثل ابوكي ما هو درجه اولى مع جدك

انشاءالله تكون الامور واضحه واذا حدا من الشباب بيقدم شرح اوضح مش غلط بيفهمنا الموضوع بزياده

[نـارديـن]

اهااا
طيب في سؤال الدكتور جابو بالامتحان ..
الخالة وام الزوجة شو درجة قرابتهم ؟

[hani al zoubi]

هسا بالنسبه للخاله
هو واحد وامه اثنين وخالته ثلاث وجده اربعه وبنشيل الاصل الجد بيصيرو درجه ثالثه
اما ام زوجته اللي هي حماته درجة القرابه درجه اولى لانه قلنا هو يعتبر واحد هو وزوجته والام اثنين اللي هي الحماه وبنشيل الاصل بيظل ددرجة القرابه الاولى

[نـارديـن]

اهااا
هلأ فهمت
يسلمو كتير
غلبتك معي ..
بالتوفيق يااارب

[Essa Amawi]

يعني الاستاذ هاني ما قصر ^^

بس حاب انوه لاشي
انه لما تطرقنا لدرجات القرابه ايام مادة المدخل لعلم القانون
كنا ما نحسب الاب والام درجات قرابه لانهم اصول

[YoUSeF MoMaNI]

يعني الاستاذ هاني ما قصر ^^

بس حاب انوه لاشي
انه لما تطرقنا لدرجات القرابه ايام مادة المدخل لعلم القانون
كنا ما نحسب الاب والام درجات قرابه لانهم اصول

:(89):

[hani al zoubi]

كيف ما بنحسبهم وبتغير شي على الحسبه ؟؟؟

[نـارديـن]

اهااا
طيب حد يحكيلي هيك صح ؟

الجدة :التانية
ام الزوجة : الاولى
الخالة : التالتة
الأخت: التانية

[hani al zoubi]

ما بعرف انا جاوبت مثلك تمام بس مش متاكد طبعا
وانتي امتحانك كيف ؟
انا يمكن احمل الماده الله يسرتنا

[نـارديـن]

الحمد لله الامتحان تمام .. حليت منيح وعملت اللي علي
له ليش هيك متوقع؟
ان شاالله بتنجح
بس اغلبك تدخل ع الموقع وتشوف الدكتور ازا زاد اشي ع علامة الفيرست !

[hani al zoubi]

لا مش زايد شي على الفيرست بعدها مثل ما هي

[نـارديـن]

اها !
انا استغربت وقلت ما بعملها لأنو حكى ما حيزيد ،،
بس عندي 3 علامات زيادة ع الفيرست
ما بعرف يمكن بالغلط !!
مع انها كانت من فترة العلامة نفسها من غير زيادة !
وسألت كمان بنتين وحكولي مش زايد فأكيد بالغلط !!!

[laith_shraideh]

السلام عليكم ..

ممكن حد يساعدني بدرجات القرابة ؟

يعني الدرجة الاولى مين ؟
والتانية والتالتة والرابعة ؟؟









يا اخوان الموضوع بسيط وسهل ... فقط يحتاج الى القليل من التركيز

المادة 36 من القانون المدني:

يراعى في حساب درجة القرابة المباشرة اعتبار كل فرع درجة عند الصعود للأصل بخروج هذا الأصل وعند حساب درجة القرابة غير المباشرة تعد الدرجات صعوداً من الفرع للأصل المشترك ثم نزولاً منه إلى الفرع الأخر وكل فرع فيما عدا الأصل المشترك يعتبر درجة.


اي كالاتي بلغة مبسطة:


نرسم رسمة (مثلا) بين من نريد ان نعرف درجة القرابة بينهم وكل خطوة تعتبر درجة باستثناء الاصل المشترك فهو لا يحسب...


مثال:

*الاب وابنه....... بينهما خطوة اذن قرابة من الدرجة الاولى

*شخصان ابناء عم:كالاتي:

ابن العم-----عم------جد-------عم--------ابن عم

نجد ان عدد الخطوات (4) ولكننا حسب القاعدة نحذف الاصل المشترك وهو الجد...... اذن القرابة من الدرجة الثالثة.


من يفهم هذه القاعدة يستطيع ان يعرف اي درجة قرابة مهما كانت معقدة... وأي استفسار انا جاهز

[قانونية]

يا اخوان الموضوع بسيط وسهل ... فقط يحتاج الى القليل من التركيز

المادة 36 من القانون المدني:

يراعى في حساب درجة القرابة المباشرة اعتبار كل فرع درجة عند الصعود للأصل بخروج هذا الأصل وعند حساب درجة القرابة غير المباشرة تعد الدرجات صعوداً من الفرع للأصل المشترك ثم نزولاً منه إلى الفرع الأخر وكل فرع فيما عدا الأصل المشترك يعتبر درجة.


اي كالاتي بلغة مبسطة:


نرسم رسمة (مثلا) بين من نريد ان نعرف درجة القرابة بينهم وكل خطوة تعتبر درجة باستثناء الاصل المشترك فهو لا يحسب...


مثال:

*الاب وابنه....... بينهما خطوة اذن قرابة من الدرجة الاولى

*شخصان ابناء عم:كالاتي:

ابن العم-----عم------جد-------عم--------ابن عم

نجد ان عدد الخطوات (4) ولكننا حسب القاعدة نحذف الاصل المشترك وهو الجد...... اذن القرابة من الدرجة الثالثة.


من يفهم هذه القاعدة يستطيع ان يعرف اي درجة قرابة مهما كانت معقدة... وأي استفسار انا جاهز



مزبوط:(149):

[نـارديـن]

عنجد شكرا كتير خيي ليث ...
يعطيك العافية:)