المساعد الشخصي الرقمي

مشاهدة النسخة كاملة : جد نفسي افش غليييييييييي



noor hawamdeh
04-26-2009, 05:49 PM
يعني بلف و بدور بهل جامعة نفسي اشوف حدا مش حقوق عندو امتحانين تخصص بنفس اليوم او على الاقل االمتحان اكثر من 100 صفحة, طيب بلاش نفسي اشف حدا فيهم بدرس المادة قبل اسبوع على الاقل جد يعني كليتنا تابى الا ان تتميز و ان تبقى رائدة الكليات قي التعب و الاجتهاد و لفظ الانفاس الاخيرة من اجل العلامة....

مع كل احترامي صراحة بس والله الامتحانات عندي مثل الكابوس مش ملحقة يا جماعة و الله حرااااااااااام
انا ااكد اني احترم كل من في الكلية لكن لا ارى اي عدل في وضع الامتحانات ولا بعض الطرق في طرح اسئلتها فبعضها لا قيم الفهم و الجهد المبذول

يمكن الغلط في انا والله مانا عارفة!!!!

Essa Amawi
04-26-2009, 06:20 PM
اه والله يا نور

كليتنا متميزه

الميد طلعوا امتحاناتي الاختياريه والتخصص بنفس اليوم ونفس الساعه
وبعد جهد جهيد تأجلت الماده الاختياريه ورح اقدمها ميك اب ( وشوفي الميك اب وصعوبته عاد )

غير هيك

امتحانات الكويز مادتها اكبر من الميد
والوقت تبعها اقل من ربع يوم

الواحد متى بده يدرس مو عارف

والاسوأ كلها ورى بعض

غير هيك

كليتنا الوحيده التي يتم فيها تسكير الاوراق
وكاننا بامتحان توجيهي


جد الله يعينا ^_^

noor hawamdeh
04-26-2009, 06:31 PM
ما هاد التميز وبعدين هاية الوحيدة من الكليات الانسانية 141 ساعة طب الله وكياكم و هاد بنتخرج و ليسا بدنا نصير محامين يعني بنقول يا هادي اسنا !!!!!!!!!!!!
بعتزر على التشاؤوم الضغط بيولد الانفجار :)

Essa Amawi
04-26-2009, 06:34 PM
فعلا

141 ساعه
كمان 13 ساعه بنلحق الهندسه ^_^

ولسه هذا كوم والسنتيين تدريب كوم

عموما الله يهونها

لانه بعد هالتعب ان شاء الله في مردود مادي كويس ^_^

فـيـصـل الـبـلـوي
04-26-2009, 06:57 PM
لا والله يا أخت نور الغلــط مو فيكي .. الغلط بهذا النظـــام اللي من أيـام أبيــض وأســود

ولكن الشكـوى لله ولازم نتأقلم مع الوضــع ما فيه إلا طريقة الدراسة أول بأول + قبل الإمتحان بأسبـــوع :)

Hosam Hawamdeh
04-27-2009, 12:55 PM
والله الغلط مو فيكي يا نور الغلط بالنظام التعليمي كامل مش بس بالأردن و بالشرق الأوسط كلو
يعني ازا حدا جاب سيرة اميركا الكل بيصير يسيب و يلعن بس لو كنا موضوعيين و شفنا طريقة تعاملهم و تدريسهم فعلا انو لازم ناخد منهم هل اشي لأنو وضعنا مزري !!

noor hawamdeh
04-27-2009, 02:54 PM
احنا للاسف ما تعودنا على اسلوبهم بالتعليم يعني لو نفكر نعمل اشي غير عن ليتعودنا عليه بنخبص الدنيا!!!!!!!
بعدين احنا ما عنا اشي التزام ولا مسؤولية يعني تذكر انو لما كانت المعلمة تنزلنا على مختبر الحاسوب كنا نفوت على الالعاب و هي تشرح لحالها!!!!!!!!!!!!!!!
جد الحمدلله خلصت مدرسة و انا بعرف العب شدة على الكمبيوتر كتيييييييير منيح ههههه
لعلمكم باوروبا كنانو يخترعوا اختراعات اثناء حصصهم و احنا بلعب solitaire و بنعمل شات عل ماسينجر الي همة اخترعوا طبعا.....

أحمد أبو زنط
04-27-2009, 03:33 PM
لسا يا حبايبي قولوا الله يعين الي بعدكم .. أكتر من 160 ساعة الخطة الجديدة .. ويا عالم شو في كمان .. المخفي أعظم !!!!

noor hawamdeh
04-27-2009, 07:03 PM
مين هيك حكى؟ يعني مجرد كلام ويلا صدر بشكل رسمي؟!!!!!!!!!

Essa Amawi
04-27-2009, 08:24 PM
فعلا
ابو زنط شو بتسولف يا رجل ^_^

أحمد أبو زنط
04-27-2009, 09:24 PM
هذا وقد أفادت مصادري الخاصة أن هنالك إجتماعات في الكلية تسير على قدم وساق في سبيل إعادة النظر بالخطة الدراسية .. وهذا وقد عقدت عدة إجتماع بهذا الصدد والنتائج الأولية ترجح زيادة عدد الساعات الدراسية للخطة الجديدة لتصبح قرابة 160 ساعة .. هذا بالإضافة إلى العديد من المساقات التي تأخذ منحا عمليا بعيد كل البعد عن الأسلوب النظري المتبع في كليتنا ..((( للمزيد من الأخبار حط إذنك على باب العميد واتنصت )))

Essa Amawi
04-27-2009, 09:46 PM
((( للمزيد من الأخبار حط إذنك على باب العميد واتنصت )))

شكلك هيك مسوي ^_^

أحمد أبو زنط
04-28-2009, 01:11 PM
دايما فاهمني غلط يا عماوي... الله يسامحك

Essa Amawi
04-28-2009, 04:01 PM
لأ يا زلمه انا بفهمك صح
بس بسمع كلام لحسام الي دائما هو وحسونه عند باب العميد ^_^

صفاء الايمان
04-28-2009, 10:21 PM
هذا وقد أفادت مصادري الخاصة أن هنالك إجتماعات في الكلية تسير على قدم وساق في سبيل إعادة النظر بالخطة الدراسية .. وهذا وقد عقدت عدة إجتماع بهذا الصدد والنتائج الأولية ترجح زيادة عدد الساعات الدراسية للخطة الجديدة لتصبح قرابة 160 ساعة .. هذا بالإضافة إلى العديد من المساقات التي تأخذ منحا عمليا بعيد كل البعد عن الأسلوب النظري المتبع في كليتنا ..((( للمزيد من الأخبار حط إذنك على باب العميد واتنصت )))

:(353)::(353)::(353):
شر البلية ما يضحك
عموما الله يعين

Basheer Nafe3
04-29-2009, 12:24 PM
والله منيح انو نفدنا بس اذا بدو يصير التطبيق عملي نيالهم لانة نحنا اذا ضلينا نحفظ رح ننتحر

Hosam Hawamdeh
05-24-2009, 10:26 PM
هلأ عنجد نفسي افش غلي !!
يخرب بيت هالشغلة
2000 صفحة بيومين !!
لأ وامتحانين بنفس اليوم ونفس الساعة والله لو الواحد robot ما بلحق
بعدين مع هالعيشة ؟
شباب وصبايا أنا رايح عند دوار الداخلية وجاي قناة نورمينا تصور ...مين بحب يجي كمان ؟

Essa Amawi
05-24-2009, 10:29 PM
حسام بنطلع كلنا سوى

انا معك يا كبير -_-

أحمد أبو زنط
05-24-2009, 11:48 PM
هههههههههههه روحوا لحالكم وانا بتفرج على البصير معكم من خلال اليوتيوب
يا حرام .. يا شماتة أبلة ظاظا !!

ههههههههههههههههه أنا خلصت وانتوا ما خلصتوا ههههههههههههههههههههههه

Hosam Hawamdeh
05-25-2009, 12:19 AM
ابوزنط اسم الموضوع نفسي أفش غلي
وهلأ جد يحققلها هالأمنية وبفش غلي فيــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــك

noor hawamdeh
06-01-2009, 10:17 AM
المهم مرء موضوع ال 2000 صفحة على خير؟؟؟؟؟؟؟؟؟
والله جد كتار!!!!!!!!

دعاء
06-01-2009, 01:40 PM
al7lo bkletna mab3tok el3lama ila bas tmot .. kol elkleat fe (20) 3lama msarka edaktor ba3teha (ea3ne bonas) ila 3na mn awal elfasal la5ro emt7anat