ahmad abu zant على كرسي الاعتراف [الأرشيف]

مشاهدة النسخة كاملة : ahmad abu zant على كرسي الاعتراف

صفاء الايمان

05-20-2009, 06:36 PM

مراحب
يعطيه العافية عيسى ما قصر
دور
ahmad abu zant
بحسب التصويت ومن بعده يوسف مومني باذن الله
يلا بلشووووووو
لا تقصرو معو :(164):

شو اسمك؟
شو هواياتك ؟
شو لونك والوانك المفضلة
شو لبستك المفضلة ^_^
الي رجعة باذن الله كملو يا اعضاء

Essa Amawi

05-20-2009, 06:37 PM

ابو زنط والله وقعت والله وقعك

راجعلك بس ارجع ^_^

صفاء الايمان

05-20-2009, 06:46 PM

مممممم طيب احكيلنا اكتر موقف محرج صار معاك
وشو من المقالب يلي اعملتهم بالشباب او الشباب عملوها فيك
وايش اكتر الالوان بتحب
وشو اكتر اسماء ولاد وبنات بتحبهم 3 من كل واحد
شو رقمك المفضل
وشو هدفك واحلامك
وشو حلم ابو زنط لبعد 5 سنين
ايش بدو يسمي اول واحد يعني كنيتك شو ابو شو ^_^

<<<الي رجعة

صفاء الايمان

05-20-2009, 06:47 PM

ممممممم
دخلت الروضة ولا فتت ع طول المدرسة
وكيف علاقتك باهلك
وشو رايك بالاعضاء
عماوي
ويوسف المومني
وحسونة محمد
وبشير
ونور حوامدة
واحمد صويص << العلم من اعلام الكلية
وrozaleta
والحلم الاسير
والاستاذة فرح
وصفاء الايمان << ع البيعة

صفاء الايمان

05-20-2009, 06:49 PM

ايش رايك بالعضو فيصل البلوي <<
وبرضو مين العضو يلي بتعطيه هالاسم
عضو يضحكك
عضو يستفزك
عضو ما بتستغني عنه
عضو ملاك
عضو مشكلجي
عضو مسالم
عضو مرح
اكسجين المنتدى
سكر المنتدى
فلفل المنتدى
ممممم
ايش البلدان يلي سافرت لالها
وشو حتسمي اولادك بالمستقبل
ومتى بعصب ابو زنط
ايش اكتر خبر فرح ابو زنط
وشو احلى تاريخ بحياتك ؟وليه؟
مين اقرب لالك امك ولا ابوك ولا اخوك
وكم عدد عيلتك
وابو زنط متى بعتبر حاله مستقل ؟
متى ابو زنط حس بالمسؤولية ؟
ماهو الشيء الذي خسرته يوما وتعلم جيدا استحالة عودته ؟
تفضل
الي رجعة لاتمم بس انت جاوب هدول اول

YoUSeF MoMaNI

05-20-2009, 06:50 PM

بين فكي المفترس
الله يعينك

أحمد أبو زنط

05-20-2009, 07:11 PM

ابو زنط والله وقعت والله وقعك

راجعلك بس ارجع ^_^

يا شماتة أبلة ظاظا فيه ..
اللهم لا سهل إلا ما جعلته سهلا وانت تجعل الحزن إذا شئت سهلا

فـيـصـل الـبـلـوي

05-20-2009, 07:25 PM

يـا أهــلا وسهلا بأخي أحمد

حبيـت أرحــب فيك ... على الكرسي ... ولي عــوده بإذن الله

تـقبل خالص التــحيه

أحمد أبو زنط

05-20-2009, 07:25 PM

مممممم طيب احكيلنا اكتر موقف محرج صار معاك

لما زورت شهادة المدرسة واكتشف أبوي هذه القصة .. !! الله لا يحطكم مكاني:(279):

وشو من المقالب يلي اعملتهم بالشباب او الشباب عملوها فيك

بصراحة ما إلي هيك حركات وصحابي كمان ما عملوها معي ... على شان هيك ما صار معي هيك موقف

وايش اكتر الالوان بتحب

الأزرق الفاتح baby blue

وشو اكتر اسماء ولاد وبنات بتحبهم 3 من كل واحد

أسماء البنات: مرح،، زينة ،، نور الهدى

أسماء الولاد: زين ،، عبد الله .. نور الدين

واسم مشترك بينهم بحب اسم اسلام:(205):

شو رقمك المفضل

رقم 7 دون منازع.. لأن في إلو معاني كتير:(190):

وشو هدفك واحلامك

هدفي إني أكون مصدر سعادة لجميع من حولي ... وحلمي بممارسة الاعلام:(44):

وشو حلم ابو زنط لبعد 5 سنين

بتمنى من بكرة أكون مذيع أو إعلامي يعني :(305):

ايش بدو يسمي اول واحد يعني كنيتك شو ابو شو ^_^

من أنا وصغير بنادوني أبو عبد الله .. بس ما بعرف .. مش اشي الزامي إلي :(135):

أحمد أبو زنط

05-20-2009, 08:06 PM

أهلا أخ فيصل .. تحياتي إلك بس لا تثقل الأسئلة هههههههههه

ممممممم
دخلت الروضة ولا فتت ع طول المدرسة

فتت مدرسة على طول

وكيف علاقتك باهلك

على خير ما يرام ...ركيزة أساسية في المنزل .. لا أستطيع التخلي عنهم وإن هم تخلوا فأنا لن أفعل ذلك

وشو رايك بالاعضاء
عماوي
ويوسف المومني
وحسونة محمد
وبشير
ونور حوامدة
واحمد صويص << العلم من اعلام الكلية
وrozaleta
والحلم الاسير
والاستاذة فرح
وصفاء الايمان << ع البيعة

لم تذكري حسام حوامدة: لذا سأذكرك به: حسام صديق صدوق .. وفي جدا .. رائع جدا .. وكلماتي لن توفيه حقه.. يرسم الابتسامة دائما ولا ينتظر أحد ليرسم له ابتسامته ... محب للحياة .. للعائلة .. للأصدقاء .. واتمنى أن تحبه الحياة وأن تخفي له أياما سعيدة

عماوي: مثقف .. يعلم ماذا تريد الحياة منه ويعرف ماذا يريد من الحياة... متفاهم مع نفسه كثيرا .. محدد الخطوات .. ناكر للذات .. يضخم من حوله .. ويعمل بروح الفريق الواحد ..

يوسف المومني: متفهم لمن حوله .. مهتم بأمرهم .. عصبي أحيانا لكنه طيب القلب دائما ..قوي الشخصية .. ويمتلك صفات القائد الناجح

محمد حسونة: نموذج مثالي للطيبة.. حنون جدا .. عاطفي جدا .. يقدر من حوله ... لكن يترك الحكم لمشاعره دائما

بشير: بسمة رائعة .. اطلالته تملئ الجميع بحيوية عارمة.. خدوم جدا .. ومحبوب من قبل الجميع

نور الحوامدة: مؤدبة جدا.. تحيطها هالة من الحياء ... تعمل بجد .. لا تهوى المزاح كثيرا .. تعمل بصمت واتقان

أحمد صويص: إنت قلتيها علم من اعلام الكلية.. ومتواصل مع أصدقائه مع الرغم أنه تخرج .. مهتم للأخرين .. يبحث عن المعلومة وعندما يجدها يشارك بها الجميع

rozaleta: لم يحصل لي شرف اللقاء بها ... لكني ممتن لأني عرفتها من خلال الموقع .. من خلال مشاركاتها يبدو أنها محبة للناس .. ودودة ومجاملة .. جلستها تبعث على الراحة وعلى ما يبدو ان ابتسامتها تبعث السعادة

الحلم الأسير: الصديق أحمد البدوي .. باحث عن الحقيقة .. متأمل رائع في الوجود .. منطقي ويحب التدرج ... طموح .. مبهر .. ينتظر فرصة ليبدع .. أخشى أن تخذله عقول البشر

فرح: لها من إسمها نصيب .. دلوعة الموقع .. صاحبة الابتسامة الرقيقة والضحكة العذبة.. تنتمي إلى عالم البساطة الذي عند عتباته تحل جميع الأمور

صفاء الايمان: مشاكسة المنتدى .. شرارة البدء لكل ثورة عارمة .. شعلة نشاط .. طموحة .. واقعية.. تعرف كيف يكون الاقناع لأنها قيادية ولا تواجه مشكلة في تغير رأي من حولها .. على ما يبدو أنها صاحبة نفوذ في أسرتها

ايش رايك بالعضو فيصل البلوي <<

فيصل .. انسان اكثر من رائع .. مثقف .. واعي .. ذو إدراك حسي متنامي .. لماح .. ومتفاعل .. يعرف الكثير لكنه يفضل الصمت .. عندما يتحدث ينصت له الجميع .. لأنه عندما يتحدث يكون الأمر ملحا ويكون رأيه صائب.. متحدث لبق .. وهادئ .. هالته مشعة وتمنح الآخرين شعورا بالرضا

وبرضو مين العضو يلي بتعطيه هالاسم
عضو يضحكك
عضو يستفزك
عضو ما بتستغني عنه
عضو ملاك
عضو مشكلجي
عضو مسالم
عضو مرح
اكسجين المنتدى
سكر المنتدى
فلفل المنتدى

عضو يضحكني .. بصراحة هو لا يضحكني لكنه يضحك معي .. ويدخل السرور إلى قلبي .. صديقي حسام حوامدة

عضو يستفزك: أتحفظ على الاجابة

عضو ما بتستغني عنو: جميع أعضاء الادارة .. هم هيكل الموقع .. وإن اختل أحدهم فسيترك فراغ قاتل
ومن غير الاداريين .. هنالك فيصل .. صفاء .. الحلم الاسير ( أحمد البدوي )

عضو ملاك: فيصل البلوي
عضو مشكلجي: صفاء الايمان
عضو مسالم: فرح الحلواني
عضو مرح: حسام حوامدة
اكسجين المنتدى: عيسى عماوي
سكر المنتدى: بشير رافع
فلفل المنتدى: يوسف المومني

ايش البلدان يلي سافرت لالها

العراق .. السعودية .. الإمارات .. سوريا

وشو حتسمي اولادك بالمستقبل

إن شاء الله .. زين وزينة

ومتى بعصب ابو زنط

عند الغلط .. واللامبالاة

ايش اكتر خبر فرح ابو زنط

أن أختي رزقت بمولود بعد عدة سنوات

وشو احلى تاريخ بحياتك ؟وليه؟

ما في تاريخ محدد .. هنالك أيام رائعة حقا .. لكن ليست من أحلى الايام التي أريدها

مين اقرب لالك امك ولا ابوك ولا اخوك
وكم عدد عيلتك

أمي ..
عدد عيلتي .. 9
أب وأم | 3 ولاد | 4 بنات

ماهو الشيء الذي خسرته يوما وتعلم جيدا استحالة عودته ؟

الوقت

فـيـصـل الـبـلـوي

05-20-2009, 09:36 PM

عـدنا

أخي العــــزيز

أحمـــد

في البــداية أشكرك على هذا الإطـــراء الذي تــفضلت به

كلماتــكم هي بحـد ذاتها فخر لي ووسـام أعتـــز به

أخي العــزيز

تــحدثت

في معـرض سابـق

بتمنى من بكرة أكون مذيع أو إعلامي يعني

سؤالي :

1- مجــال الإعــلام واســع .. فأين يــجد نفســـــه ahmad abu zant بالتـــحديد ؟

2 - ماذا فعــل ahmad abu zant وأين وصـلت مساعـيه

كي يــحقق هذا الهـــدف ؟ أم أن الموضوع لا يخرج عن إطار التمني

3 - برأيك بماذا يــجب أن يتحلى الإعــلامي الناجـــح ؟

هذا ما لدي في الوقــت الحالي

ولي عــوده بإذن الله

لك مني خالص التـــحيه والموده

أخوك

فيصــل البلـــوي

Essa Amawi

05-20-2009, 09:52 PM

احمد والله وقعت وما ححدى سمى عليك ^_^

========================

1- ارى شخصيا في احمد وبرغم هذه العشره شيئا من الغموض .. هل يخفي احمد شيئا معينا ؟

2- ما نظره احمد للانتخابات الطلابيه بحكم خبرته التي استمرت طيله حياته الجامعية ؟ هل هناك امل في اصلاحها ان كانت سيئه ؟

3- هل يفضل احمد العمل كمحام ام كقاض ام كمستشار قانوني ام ماذا ؟ ولماذا ؟

4- ما سبب حب احمد بالعمل الاجتماعي ؟ وما السبب الذي دفعه ليكون واحدا من افراد ومن ثم اداري موقع الحقوق ؟

5- كيف يرى احمد موقع الحقوق بعد 10 اعوام ؟

6- لو كنت عميدا لكلية الحقوق .. ما هي الاشياء التي ستقوم بتغييرها فورا ؟

7- هل احمد مؤيد لفكره الاحزاب ام لا ؟ لماذا ؟

8- اسماء دكاتره لن تزول من ذهنك بسبب حسن تعاملها وعلمها ؟

9- هل تقرأ الصحف ؟ ايها اكثر ؟

10- مشروبك المفضل ؟

Hosam Hawamdeh

05-20-2009, 10:31 PM

لم تذكري حسام حوامدة: لذا سأذكرك به: حسام صديق صدوق .. وفي جدا .. رائع جدا .. وكلماتي لن توفيه حقه.. يرسم الابتسامة دائما ولا ينتظر أحد ليرسم له ابتسامته ... محب للحياة .. للعائلة .. للأصدقاء .. واتمنى أن تحبه الحياة وأن تخفي له أياما سعيدة

عضو يضحكني .. بصراحة هو لا يضحكني لكنه يضحك معي .. ويدخل السرور إلى قلبي .. صديقي حسام حوامدة

عضو مرح: حسام حوامدة

الحمد لله الذي جعلني وشرفني وتفضل علي بصحبتك والله لو شكرته طول عمري لن افه شكر هذه النعمة :)
ابو زنط له مكانة خاصة بالقلب ممنوع على أي أحد الدخول إليها ...أبو زنط شو رح اعمل بعدك !! كمل بحياة ربك تكمل ماجستير ..أبوزنط ان كنت جيدا في شيء فهو باختيار صحبتي التي أنت عميدها
mwah mwah ya man :)

أحمد أبو زنط

05-20-2009, 11:18 PM

الحمد لله الذي جعلني وشرفني وتفضل علي بصحبتك والله لو شكرته طول عمري لن افه شكر هذه النعمة :)
ابو زنط له مكانة خاصة بالقلب ممنوع على أي أحد الدخول إليها ...أبو زنط شو رح اعمل بعدك !! كمل بحياة ربك تكمل ماجستير ..أبوزنط ان كنت جيدا في شيء فهو باختيار صحبتي التي أنت عميدها
mwah mwah ya man :)

والله إنك حبيبي يا حسام .. وما في غير الله بيعرف مكانتك عندي .. ويعني وين الواحد بقدر يكشف معدن الناس بمكان أحسن من السفر !! .. أنا وياك صحبة سفر أبو السيم

1- مجــال الإعــلام واســع .. فأين يــجد نفســـــه ahmad abu zant بالتـــحديد ؟

مقدم برنامج سياسي

2 - ماذا فعــل ahmad abu zant وأين وصـلت مساعـيه

كي يــحقق هذا الهـــدف ؟ أم أن الموضوع لا يخرج عن إطار التمني

لا ليست مجرد اماني .. كل نفس في حياتي يسير باتجاه خلق اعلامي ناجح ..

ووصلت الان إلى انني فريبا قد ألتحق بأحد الجرائد اليومية ككاتب صحفي .. والموضوع ما زال طي الكتمان والدراسة

3 - برأيك بماذا يــجب أن يتحلى الإعــلامي الناجـــح ؟

الحيادية ... الثقافة ...و ان يمتلك مهارة الحديث .. والكثير من العلاقات الاجتماعية

احمد والله وقعت وما ححدى سمى عليك ^_^

روح منك لله ..

1- ارى شخصيا في احمد وبرغم هذه العشره شيئا من الغموض .. هل يخفي احمد شيئا معينا ؟

أخفي الكثير ... والكثير جدا

2- ما نظره احمد للانتخابات الطلابيه بحكم خبرته التي استمرت طيله حياته الجامعية ؟ هل هناك امل في اصلاحها ان كانت سيئه ؟

الانتخابات الطلابية هي نموذج للعشوائية المنظمة

ليس هنالك من شيء لا يستحيل إصلاحه .. لكن عليك ان تهدم أحيانا حتى تبني من جديد .. فإن اضطررت اهدم ولا تخشى شيئا

3- هل يفضل احمد العمل كمحام ام كقاض ام كمستشار قانوني ام ماذا ؟ ولماذا ؟

ذكرت في البداية اني أفضل مهنة الاعلامي لكن إن خيرت بين هذه المهن سأستبعد القضاء واتجه نحو المحاماة أو الاستشارة .. وأفضل أن أكون مستشار سياسي .. لأن المستشار السياسي إن عمل جيدا .. فالمستشار القانوني لن يعمل ابدا

4- ما سبب حب احمد بالعمل الاجتماعي ؟ وما السبب الذي دفعه ليكون واحدا من افراد ومن ثم اداري موقع الحقوق ؟

قلت لك أحب ان أنشر الابتسامة في محيطي .. وبالمناسبة فإن محيطي واسع جدا

5- كيف يرى احمد موقع الحقوق بعد 10 اعوام ؟

أراه بحوار اثنين من أكبر المستشارين القانونين في العالم ... عندما يسأل أحدهما الثاني عن معلومة قانونية فيجيبه الأخير أن ليس له سوى مراجعة موقع lawjo

6- لو كنت عميدا لكلية الحقوق .. ما هي الاشياء التي ستقوم بتغييرها فورا ؟

سأغير من نفسي أولا

7- هل احمد مؤيد لفكره الاحزاب ام لا ؟ لماذا ؟

نعم .. فالتعددية السياسية أهم مقومات الحرية

8- اسماء دكاتره لن تزول من ذهنك بسبب حسن تعاملها وعلمها ؟

دة لينا شبيب ، د غازي أبو عرابي ، د كمال العلاويين، دة رنا العطور

9- هل تقرأ الصحف ؟ ايها اكثر ؟

نعم .. الرأي والدستور

10- مشروبك المفضل ؟

شاي مع نعنع والقهوة

ahmad albadawi

05-21-2009, 07:57 AM

ahmad albadawi

05-21-2009, 07:58 AM

ahmad albadawi

05-21-2009, 08:59 AM

ممكن تقول الي كيف نوع العلاقة بينك وبين ابوك ؟

وكيف اثر ابوك فيك؟

وكيف صقلت شخصية احمد ابو زنط القيادية ؟

وكيف احتليت القلوب ؟

وكيف علاقتك بالدين والقانون والاخلاق والعلم والحرية والصداقة؟

صفاء الايمان

05-21-2009, 10:58 AM

بين فكي المفترس
الله يعينك

:(73): تخافش جايك الدور بعده يا باشا :(209):

صفاء الايمان

05-21-2009, 11:00 AM

ممكن يا صفاء تجاوبي على الاسئلة ايضا ازا في مجال

^_^ اهلا اخ احمد
ممممم ما بدي اخد دور غيري حيجي دوري واسالوني وقتها يلي بدكم اياه :(247):
بس حجاوبهم ببروفايلي كرمال ما اخد دور غيري ^_^
هلا فيك :(44):

صفاء الايمان

05-21-2009, 11:26 AM

جبتلك كمشة اسئلة
بدي اسالك كمان
متى ابو زنط بحس بالذنب ؟
اي نوع ابو زنط من المواضيع بفضل ؟
وشو يلي بفرح ابو زنط ؟
وشو رايك بالضرب ؟ كاسلوب في التعليم والتقييم والتاديب ؟ ( كل واحد لحال احكي )
ابو زنط جرب مدارس حكومة ولا خاصة واذا اي واحد انو وجد انو اجدى في التعليم ؟
وشو انجاز حققه ابو زنط وبفتخر فيه
========
هسا اسئلة خاصة شوي
ابو زنط شو بعرف حاله ؟
عمروابو زنط كتب لانسانة وكن انسانة بداخله
ابو زنط مؤيد للزواج التقليدي ولا بدو هوو يختار شريكة حياته
وشو نظرة ابو زنط للعائلة ؟
ومتى ناوي ابو زنط يستقر ؟
شو راي ابو زنط بالحب ؟
عمرو ابو زنط حب ؟
بدي اعطيك حيط ابيض ودهان لون احمر واسود وازرق واخضر واصفر اي واحد تختار لتكتب فيه ع الحيط وشو حتكتب ؟
ابو زنط شو رايه بالحقوق كتخصص
ابو زنط شو شعوره بس يفوت للمنتدى
مين الاعضاء يلي بدور عليهم
ومين الاعضاء يلي بتحب مواضيعهم
شو هدف ابو زنط وشو بفكر بالحقوق
بشو بفكر ابو زنط قبل لينام
ابو زنط اختار مواصفات شريكة حياته وشو هيي
ابو زنط متى بدو يستقر ؟
عمرو ابو زنط كذب ؟
ابو زنط سافر اعطينا انطباعك عن كل بلد رحتلها
مين سماك احمد وليه ^_^

=============
لا تاخذني ع الاسئلة بس هاي سالتها لغيرك بمنتديات تانية وبتمنى الصراحة بكل الاسئلة تفضل خوود راحتك وبتمنى انو ما ازعجتك

صفاء الايمان

05-21-2009, 11:32 AM

كمان اكم سؤال
ليه حااطط صورتك بالمنتدى وصورك ^_^
حاليا ابو زنط بشو بفكر
ابو زنط بشو بوصف شخصيته
عمرو ابو زنط ضحّى عشان انسان/ة ؟
ابو زنط بس يسرح بشو بفكر صراااااحة
ابو زنط شو كان بدو غير الحقوق ؟
لو حنحققلك ثلاث امنيات شو بتطلب
اعطيك 1000 $ شو حتعمل فيهم ؟
اقرب شخص لالك ؟ من عيلتك ومن اصدقائك
بعطيك انواع القطع التالية واختار منهم بدك جلد ولا قماش ولا حرير ولا جينز ؟
معاك ارقام من 1 ل 5 ايش بتختار
ومعاك ارقام من 6 ل 10 ايش بتختار
كم تاريخ ميلادك
ايش اكتر سمايل بتحبه وبتستخدمه
شو مجال قراءة ابو زنط علم نفس ولا علوم عامة ولا دين ؟؟؟
شو نوع الاخبار يلي ابو زنط بحب يطالعها بفراغه
ليه ابو زنط بقرا النكت ؟

<<<جاب هدول الي رجعة

ahmadswaiss

05-21-2009, 11:56 AM

أحمد أبو زنط ، لدي سؤال واحد فقط ، ما رأيك في الانتخابات في الأردن بشكل عام ؟؟ سواء كانت انتخابات نيابية، بلدية، جامعية، نقابية ...... ؟ ملاحظة : في جوابك انسى انو الك واحد نائب او عضو في نقابة او او او ...

صفاء الايمان

05-21-2009, 08:14 PM

ايش هم اصعب اوقات مر فيها ابو زنط
كيف التوجيهي كان ايامك وكم جبت ؟
شو شعورك وانت ع وجه التخرج
ابو زنط حيترك المنتدى بعد ما يتخرج ؟؟؟؟؟

Hosam Hawamdeh

05-21-2009, 08:31 PM

ابو زنط حيترك المنتدى بعد ما يتخرج ؟؟؟؟؟

بعيد الشر !! :(101)::(101)::(101):

صفاء الايمان

05-21-2009, 08:34 PM

بعيد الشر !! :(101)::(101)::(101):

مالك عصبت يا حج هدي شوي
انا بسال بركي الاخ بيصير وراه عيال ومرة ووووو
زي العنجد مشغول :(168):

أحمد أبو زنط

05-21-2009, 10:28 PM

ممكن تقول الي كيف نوع العلاقة بينك وبين ابوك ؟

علاقة أب بإبنه ...

وكيف اثر ابوك فيك؟

همس يوما ما في أذني.. كنت صغيرا يوم إذ .. لكنه أذن للصلاة في أذني اليمنى وأقام الصلاة في أذني اليسرى.. وهكذا منحني السلام

وكيف صقلت شخصية احمد ابو زنط القيادية ؟

تصرفت على طبيعتي

وكيف احتليت القلوب ؟

لم أحتلها يوما .. لكني طرقت أبوبها .. وسمحت لي بالدخول .. لأنها قلوب محبة وكبير

وكيف علاقتك بالدين والقانون والاخلاق والعلم والحرية والصداقة؟

الدين: ما وقر بالقلب وصدقه العمل
القانون: أسعى لتطبيقه
الأخلاق: خلقت من أجلها
العلم: علاقة مستمرة .. بدات يوما ولن تنتهي أبدا
الحرية: كعلاقة عقرب الدقائق بعقرب الساعات .. أحدهما يحرك الآخر
الصداقة: كعلاقة اصابع اليد الواحدة

جبتلك كمشة اسئلة
بدي اسالك كمان
متى ابو زنط بحس بالذنب ؟

عند أقل خطأ

؟
اي نوع ابو زنط من المواضيع بفضل ؟

العديد من المواضيع .. أهمها التاريخ .. الأدب .. الفكر والمنطق .. والسياسة .. وبالتأكيد القانون

؟
وشو يلي بفرح ابو زنط ؟

أبسط الأمور .. وأكثرها عفوية .. أحيانا بسمة رضا

وشو رايك بالضرب ؟ كاسلوب في التعليم والتقييم والتاديب ؟ ( كل واحد لحال احكي )

بالتعليم: غير مؤيد أبدا
التقييم: لا يقيم الانسان بالضرب.. بل التقييم بالتكريم
التأديب: على أن يكون بأضيق الحدود .. وبأسلوب حضاري وبعد أن يصل الولد سن التمييز.. فهو أداة عقاة للتصويب لا للانتقام

ابو زنط جرب مدارس حكومة ولا خاصة واذا اي واحد انو وجد انو اجدى في التعليم ؟

جربت الحكومة والخاصة .. وجدت ان نوع المدرسة لا تلعب دورا كبيرا .. الأساس بنوع الطالب .. أين ما كان

وشو انجاز حققه ابو زنط وبفتخر فيه

عندما أصل مرحلة التفاخر بالإنجازات سأكون في لحدي .. وسيكتبون ماذا فعلت على شاهد القبر.. أما الآن فأنا ما زلت على قيد الحياة

=
هسا اسئلة خاصة شوي
ابو زنط شو بعرف حاله ؟

كالأتي: أحمد عبد المنعم أبو زنط

عمروابو زنط كتب لانسانة وكن انسانة بداخله

لأ ..

ابو زنط مؤيد للزواج التقليدي ولا بدو هوو يختار شريكة حياته

المهم بالنهاية الوصول للهدف الصحيح من خلال الطريق الصحيح

وشو نظرة ابو زنط للعائلة ؟
ومتى ناوي ابو زنط يستقر ؟
شو راي ابو زنط بالحب ؟

العائلة هي الحياة

أنا حاليا مستقر .. لكن إن كان قصدك عن الزوج فربما بعد 4 أو 5 سنوات من الآن

الحب: قليل من يعرفه .. وقليل ممن عرفه قدره .. وقليل ممن قدره نجح فيه .. أما الذي وصل مرحلة النجاح فهو ما يزال سعيدا حتى الآن

عمرو ابو زنط حب ؟

كنت أصلح الباب... عندما طرق الحب باب قلبي .. لذا لم أسمح له بالدخول

بدي اعطيك حيط ابيض ودهان لون احمر واسود وازرق واخضر واصفر اي واحد تختار لتكتب فيه ع الحيط وشو حتكتب

لن اكتب شئيا .. فأنا لا أهوى ثقافة الجدران

ابو زنط شو رايه بالحقوق كتخصص

بداية موفقة لحياة رائعة

ابو زنط شو شعوره بس يفوت للمنتدى

شعور باللهفة

مين الاعضاء يلي بدور عليهم

جميع أعضاء الادارة على رأسهم حسام وعيسى ويوسف وأيضا إذا كان موجود فيصل وأحمد البدوي وصفاء

ومين الاعضاء يلي بتحب مواضيعهم

نفس الجواب الفوق

شو هدف ابو زنط وشو بفكر بالحقوق

هدفي قلتوا أكثر من مرة .. أن أصبح إعلامي .. والحقوق بداية الطريق

بشو بفكر ابو زنط قبل لينام

أفكر باليوم الذي مضى واليوم الذي سيأتي

ابو زنط اختار مواصفات شريكة حياته وشو هيي
ابو زنط متى بدو يستقر ؟

جاوبت على هذا السؤال

عمرو ابو زنط كذب ؟

نعم ... لكني لم أوذي أحدا

\
ابو زنط سافر اعطينا انطباعك عن كل بلد رحتلها
\

مممممم

السعودية: شعب طيب .. كريم .. ويعبق بالخير .. بلد رائع .. مقدس .. لكنه حار جدا

الامارات: حديثة جدا .. جميلة جدا .. لكنها مصطنعة جدا .. والجمود يلفها .. وبصراحة نادرا ما تلتقي أحد أفراد الشعب الحقيقيين

العراق: بلد الخير .. يكفي ان تعبر أحد نهريه لتطل لك عاصمة العباس وتستنشق عيق التاريخ
مهد الحضارات .. وشعبه مثال الكرم والجود .. لكنه بلد مكروب ويحتاج للحياة

سوريا: بلد مريحة .. تمنحك السعادة .. لكنها بحاجة للمزيد من التطور .. والشعب هنالك مشتاق للمزيد من الحرية

ابو زنط سافر اعطينا انطباعك عن كل بلد رحتلها
مين سماك احمد وليه ^_^

والدي ... وكان المفروض محمد.. لكن هنالك عادة قديمة بالعائلة بأن لا يسمى أبناء العم باسم ذاته .. ولقد كان لي ابن عم اسمه محمد .. لذا تم التغير لأحمد ..
ليه ؟؟ .. طبعا تيمنا بسيد الرسل محمد صلى الله عليه وسلم

لا تاخذني ع الاسئلة بس هاي سالتها لغيرك بمنتديات تانية وبتمنى الصراحة بكل الاسئلة تفضل خوود راحتك وبتمنى انو ما ازعجتك

مو مشكلة خدي راحتك

كمان اكم سؤال
ليه حااطط صورتك بالمنتدى وصورك ^_^

لا يوجد ما اخفيه.. وأحب الشفافية .. وأحب أن أترك لمخاطبي لمحة عن حياتي .. ذكرت لك من قبل أن محيطي واسع جدا!!

حاليا ابو زنط بشو بفكر

دائما .. بالمستقبل .. اما في هذه اللحظة تحديدا أفكر بهذه الأسئلة

ابو زنط بشو بوصف شخصيته

متفهم ..عملي.. متجدد.. تحدني السماء وتحتويني الأرض

عمرو ابو زنط ضحّى عشان انسان/ة ؟

ليست تضحية بل واجب !

\
ابو زنط بس يسرح بشو بفكر صراااااحة
\

متى راح أخلص كتابي ؟؟

ابو زنط شو كان بدو غير الحقوق ؟

فكرت بالصحافة والعلوم السياسية .. لكنها مجرد أفكار وليست بديلا عن الحقوق

لو حنحققلك ثلاث امنيات شو بتطلب

راحة البال .. وبس

اعطيك 1000 $ شو حتعمل فيهم ؟

هلا .. راح أضبهم لأنو ما في شي أعملو فيهم

اقرب شخص لالك ؟ من عيلتك ومن اصدقائك

أمي .. ومن أصدقائي شخص لا تعرفوه

بعطيك انواع القطع التالية واختار منهم بدك جلد ولا قماش ولا حرير ولا جينز ؟

قماش ..

معاك ارقام من 1 ل 5 ايش بتختار
ومعاك ارقام من 6 ل 10 ايش بتختار

مش فاهم

كم تاريخ ميلادك

13/10/1986

ايش اكتر سمايل بتحبه وبتستخدمه

بيكا !! بيكاتشووووووووووووو :(2):

شو مجال قراءة ابو زنط علم نفس ولا علوم عامة ولا دين ؟؟؟

بقرأ بكل هدول .. لكن متخصص بالأدب أكثر

شو نوع الاخبار يلي ابو زنط بحب يطالعها بفراغه

دائما وليس في اوقات فراغي وحسب .. اخبار الارض المحتلة

ليه ابو زنط بقرا النكت ؟

لأني بحب الضحكة

أحمد أبو زنط ، لدي سؤال واحد فقط ، ما رأيك في الانتخابات في الأردن بشكل عام ؟؟ سواء كانت انتخابات نيابية، بلدية، جامعية، نقابية ...... ؟ ملاحظة : في جوابك انسى انو الك واحد نائب او عضو في نقابة او او او ...

الانتخابات في الأردن !!

الجواب ذاته إلي جاوبته بالنسبة للانتخابات الطلابية .. فعلا نموذج مثالي للعشوائية المنظمة !!

النيابية ؟.. أبعد ما تكون ممثلة عن إرادة الشعب

ايش هم اصعب اوقات مر فيها ابو زنط

أتحفظ على الاجابة

كيف التوجيهي كان ايامك وكم جبت ؟

بالنسبة لي مريت بمرحلة مرضية صعبة .. ومعدلي كان 86.3

شو شعورك وانت ع وجه التخرج

السعادة والريبة

ابو زنط حيترك المنتدى بعد ما يتخرج ؟؟؟؟؟

بالعكس .. بتمنى يكون تخرجي وحياتي العملية مفيدة للمنتدى أكثر من موقعي الحالي

Essa Amawi

05-22-2009, 10:03 AM

رجعت لك ^_^

===========

1- كيف ينظر احمد الى يوم الجمعه والى يوم السبت والى يوم الخميس ؟

2- هل انجذب احمد نحو المشاركه ببعض النقود في البورصه (الي سوت الكارثه) ؟

3- هل يتابع احمد الاخبار الاقتصادية ؟ هل لك اهتمام بسوق عمان المالي ؟

4- ما نظره احمد للنقود ؟

5- عندما يواجه احمد مشكله .. كيف يفكر بحلها ؟

6- اخيرا .. ما هي الذ 3 اكلات(طبخات) عند احمد .. ومن ايد مين بحب يوكلهم ؟

أحمد أبو زنط

05-22-2009, 11:07 AM

رجعت لك ^_^

===========

1- كيف ينظر احمد الى يوم الجمعه والى يوم السبت والى يوم الخميس ؟

يوم الجمعة يوم مبارك

السبت يوم مريح

الخميس يوم عائلي

2- هل انجذب احمد نحو المشاركه ببعض النقود في البورصه (الي سوت الكارثه) ؟

لأ .. ولا عمري اشتغلت فيها ولا حتى بفهم فيها..

3- هل يتابع احمد الاخبار الاقتصادية ؟ هل لك اهتمام بسوق عمان المالي ؟

ليس كثيرا .. لكن إن كان قصدك عن الأزمة العالمية الحالية فعندي خلفية جيدة عن الموضوع .. بالنسبة لسوق عمان المالي ولا بعرف وينه

4- ما نظره احمد للنقود ؟

أحد وسائل السعادة

5- عندما يواجه احمد مشكله .. كيف يفكر بحلها ؟

بنظرة إلى الوراء ( مراجعة ما حصل )

التفكير بسبل الحل ومقارنتها بالتأثيرات المستقبلية .. والهدف الأساسي الخروج بأقل الخسائر

وهنالك أمور أفضل إلتزام الصمت حيالها ... وقد أتركها للزمن فإما يكون جزء من الحل او يكون جزء من المشكلة

6- اخيرا .. ما هي الذ 3 اكلات(طبخات) عند احمد .. ومن ايد مين بحب يوكلهم ؟

أكيد من إيد الوالدة ... وبحب المقلوبة .. الدوالي ... والمنسف:(203)::(202):

Essa Amawi

05-22-2009, 07:52 PM

طيب خذلك هذول بما انه صفاء اجازه ^_^

============

1- اوطى علامه جابها ابو زنط بالجامعة وبالمدرسه ؟

2- ما علاقتك بالكومبيتور ؟

3- كيف تنظر للروابط العائليه ؟ وروابط الصداقه ؟

4- هل تحب الشاي الاخضر ؟

5- اكثر محافظه تزورها في الاردن ؟ واكثر محافظه تحبها في الاردن ؟

6- نابلس ماذا تعني لك ؟ هل انت عشاق الكنافه ؟

7- هل تعرضت للضرب في المدرسه ؟ لم ؟

8- هل ابو زنط سائق متهور ؟

9- هل تستخدم الزامور كثيرا ؟

10- هل اشترك ابو زنط منذ بلوغه سن الرشد الى الآن باي معركه استخدمت بها الايدي ؟

أحمد أبو زنط

05-22-2009, 10:35 PM

1- اوطى علامه جابها ابو زنط بالجامعة وبالمدرسه ؟

بالجامعة كانت (د)
وبالمدرسة .. اكتر من إنو الواحد يرسب بالمادة شو يعمل !!

2- ما علاقتك بالكومبيتور ؟

علاقة المضطر

3- كيف تنظر للروابط العائليه ؟ وروابط الصداقه ؟

جاوبت على هذا السؤال أكثر من مرة

4- هل تحب الشاي الاخضر ؟

أشربه دائما .. لكني أفضل الشاي العادي ..

5- اكثر محافظه تزورها في الاردن ؟ واكثر محافظه تحبها في الاردن ؟

أزور الزرقاء لأن أختي تقطن هنالك .. لكني أزور السلط أيضا بحكم وجود معظم الاقارب

أحب محافظة العقبة طبعا بعد عمان

6- نابلس ماذا تعني لك ؟ هل انت عشاق الكنافه ؟

نابلس .. حلم بعيد المنال

الكنافة .. أتقن صناعتها .. وأحبها لكن ليس بشغف

7- هل تعرضت للضرب في المدرسه ؟ لم ؟

دخلت في القليل من المشاجرات لكن لم أتعرض للضرب كانت مناوشات

8- هل ابو زنط سائق متهور ؟

9- هل تستخدم الزامور كثيرا ؟

لا لست متهورا

ولا أستخدم الزامور أبدا

10- هل اشترك ابو زنط منذ بلوغه سن الرشد الى الآن باي معركه استخدمت بها الايدي ؟

نعم .. وليس من وقت بعيد !!

صفاء الايمان

05-23-2009, 10:45 AM

ايوة اجيت مممممممم

معاك ارقام من 1 ل 5 ايش بتختار
ومعاك ارقام من 6 ل 10 ايش بتختار
ليه ما فهمتهم
اختار ارقام من 1 ل 5 ( 1.2.3.4.5.)
اختار رقم منهم
ومن 6ل 10 اختار واحد ( 6.7.8.9.10.)
افهمت ؟؟؟

ايو ةايوة اجيت يا جماعة كان عنا عرس بنت خالي عقبالك ابو زنط
المهم
ايش رايك باعراس هالايام
بتفضل الاعراس الاسلامية ولا العادية
بتسمع اغاني .؟
واي نوع بتحب تسمع ؟
شو طابعك عن الاغاني
؟
اسفة بس تعبانة بس افضى يمكن يمكن ارجغ

أحمد أبو زنط

05-23-2009, 06:19 PM

ايوة اجيت مممممممم

ليه ما فهمتهم
اختار ارقام من 1 ل 5 ( 1.2.3.4.5.)
اختار رقم منهم
ومن 6ل 10 اختار واحد ( 6.7.8.9.10.)
افهمت ؟؟؟

اها .. من 1- 5 بختار رقم 3
من 6- 10 بختار رقم 7

ايوة ايوة اجيت يا جماعة كان عنا عرس بنت خالي عقبالك ابو زنط
المهم
ايش رايك باعراس هالايام
بتفضل الاعراس الاسلامية ولا العادية

شكرا .. بوجودك إن شاء الله

ما بفضل شي على شي .. كل واحد ويلي بيرتاح عليه .. بس على كل حال أنا ما بحضر عرس مختلط

الأعراس هذه الأيام .. في منها شي حلو ومرتب وفي شي مبهدل وفي شي مأنزع .. كل واحد وزوقه
بحب العرس يلي بميل للهدوء والرواء

بتسمع اغاني .؟
واي نوع بتحب تسمع ؟
شو طابعك عن الاغاني
؟
اسفة بس تعبانة بس افضى يمكن يمكن ارجع

ما بتفرق معي إنو أسمع ولا لأ .. بحب أسمع موسيقى أكثر

وما في نوع معبن من الأغاني بحبو بس بالمجل بحب الكلمة الحلوة بغض النظر عن نوع الأغنية سواء كانت طربية أو فياعة
:(246):

صفاء الايمان

05-23-2009, 07:01 PM

ممممم سؤال لابو زنط
انت اي ساعة بتنام
اي ساعة بتصحى
شو رايك بالسهر
احكيلنا تجربتك بالجامعة واكتر موقف ما بتنساه
وشو رايك بنظام تدرس الجامعة
ورايك برد حسام حوامدة بالمزاج عن النظام التعليمي بجامعتكم بما انك ع وجه تخرج
ابو زنط شو اهدافه بالحياة كانت بس كان سنفور وهسا تغيرت وشو هيي ؟
ابو زنط بحب التملك وانو يمتلك شي لاله
شو رايه بالانانية وفي بحياة احمد جوانب هوو اناني فيها ؟
الي رجعة ^_^

صفاء الايمان

05-23-2009, 07:02 PM

ليه هيك توقيع ابو زنط ؟
وشو رايه بتوقيعي
وبالاخص الفلاش يلي فيه ؟
ابو زنط بالمحادثات بكون مرح واحيانا هادي يا ترى شو يلي بغير مزاجه لابو زنط
وشو رايه بالعصبية ابو زنط عصبي ولا لا ؟
الي رجعة باذن الله

Essa Amawi

05-23-2009, 09:11 PM

ليش نقى احمد الرقم 3 والرقم 7 ؟

متى احمد بلش يستخدم الانترنت ؟ بشو بلش استخدامه ؟

هل احمد متاثر بشخصيه معينه ؟ من هي ؟ ولم يتاثر بها ؟

ما رأيك بالوضع الايراني الحالي ؟ هل تتوقع نشوب حرب ؟ ام ان المسأله مجرد هوس اعلامي يسعى لانعاش الاقتصاد بالاخص ان اسعار النفط قفزت خلال الاسبوع الماضي لتطال حاجز 62 دولار فيما قفزت اسعار الذهب خلال شهرين اكثر من 230 دولار ؟

ما رأيك باسرئيل (ان صح وجود هذا الاسم اصلا) كدوله ( على فرض انها لم تحتل فلسطين وانها دوله مسالمه ) ؟ رايك في تنظيمها واقتصادها وفكرها وقادتها .. الخ ؟

ماذا تمثل الاردن لاحمد ؟

هل يقرأ احمد التاريخ ؟ ماذا يقرأ فيه ؟

عندما يفكر احمد سياسيا ؟ فهل يكون يساريا ام يمينيا ام متوسطا ؟

هل احمد تقدمي ليبرالي ام اصولي ثابت ؟

لو كان احمد نقيبا للمحاميين ماذا كان سيصنع لهم ؟

Basheer Nafe3

05-23-2009, 09:38 PM

ول ول ول ول ول

ارحمو الزلمة شوي شو هالاسئلة

صفاء الايمان

05-23-2009, 09:51 PM

حيجيك الدور حج بشير تخافش ^_^

سالي

05-24-2009, 01:17 AM

اممممممممممممم والله حجي ابو زنط وقعت؟؟؟
طييييييييييب
متى اول مره غشييييييييييت؟؟؟
مواصفات فتاة الاحلام عندك؟؟
اكتر اكله بتحبها؟؟؟؟
اكتر شي بتكرهه؟؟؟
انا....................... كملها من عندك
شو اول كلمه بتخطر عبالك؟؟؟
اتمنى يسامحني.............................

لو برجع الزمن مره لورا شو بتعمل؟؟؟؟
لحد هلا بكفي بس راجعتلك؟؟:(343):

Essa Amawi

05-24-2009, 03:57 PM

ان مارس احمد المحاماه .. فما هو مجال تخصصه سيكون ؟

هل ببال احمد اكمال الماجستير ؟ ماذا يريد ان يتخصص ؟

هل يمارس احمد اعمالا منزليه ؟

هل يعمل احمد ؟ كيف يحصل على مصروف جيبه ؟

لو وجدت الظروف الملائمه من مال ورغبه .. فبم سيستبدل احمد سيارته ؟

Essa Amawi

05-24-2009, 11:47 PM

ابو زنط نحط اسئله كمان ولا نستنى على بين ما تجاوب ؟؟

أحمد أبو زنط

05-25-2009, 01:07 AM

ممممم سؤال لابو زنط
انت اي ساعة بتنام
اي ساعة بتصحى
شو رايك بالسهر

ما في وقت محدد بس بالعادة متاخر .. مرات الساعة 3 أو 2 بس أغلب الوقت الساعة 1

بصحى الصبح على دوام الجامعة من الساعة 6

السهر حلو .. عادي يعني .. انا بحب السهر والقعدة بالليل ما بتفرق معي

احكيلنا تجربتك بالجامعة واكتر موقف ما بتنساه
quote]

في كتير مواقف ما بتنتسا خصوصا الصراعات الايدولوجية بالجامعة .. تجربتي للأسف ما تكللت بالنجاح لكن بقدر أحكي إني خطيت أول الطريق وبتمنى حدا يكمل في هذا المجال .. حاولت طوال فترة 4 سنوات محاربة العنصرية .. تحاربت كتير ووقفوا ضدي كتير بس ما حدا كان يقدر يحكي اني غلطت ... للاسف صوت العنصرية كان أقوى بس على الاقل صار في اشي جديد اسموا ( بكفي كذب إنتوا الجوز)

[quote=صفاء الايمان;8270]
وشو رايك بنظام تدرس الجامعة
ورايك برد حسام حوامدة بالمزاج عن النظام التعليمي بجامعتكم بما انك ع وجه تخرج

مش فاشل .. لكنه ليس مثالي .. بالنسبة للمزاجية فهي موجودة يضاف اليها العنصرية والواسطات .. والتخلف أحيانا

ابو زنط شو اهدافه بالحياة كانت بس كان سنفور وهسا تغيرت وشو هيي ؟

أهدافي من قبل التوجيهي هي هي بس صارت الصورة أوضح شوي

ابو زنط بحب التملك وانو يمتلك شي لاله
شو رايه بالانانية وفي بحياة احمد جوانب هوو اناني فيها ؟
الي رجعة ^_^

بحب أتملك شي بينفعني ..وبالنسبة للأنانية فالله يبعدنا عنها .. عنجد اسلوب مقيت في الحياة

ليه هيك توقيع ابو زنط ؟
وشو رايه بتوقيعي
وبالاخص الفلاش يلي فيه ؟
ابو زنط بالمحادثات بكون مرح واحيانا هادي يا ترى شو يلي بغير مزاجه لابو زنط
وشو رايه بالعصبية ابو زنط عصبي ولا لا ؟
الي رجعة باذن الله

بالنسبة للتوقيع .. يعني إذا ما كان هيك راح يكون شي تاني .. بس بالمجل دائما بحب أعطي لمحة عن شخصيتي بكل مكان .. بحب إنو يلي بحاورني يعرف مع مين بحكي .. وزي ما حكيت من قبل ما في شي عندي أخبي .. الشفافية تحتل كل مساحة حياتي ...

توقيعك حلو .. بس كبير وانا بحب الامور البسيطة ..

أنا هادي معظم الوقت فلا يوجد شيء في الحياة يستحق الالم .. لكن أستفز دائما وبسرعة عند تجاوز حدود المنطق .. أشعر أن الذي أمامي يستغبيني .. وأكيد أشعر بجرح غائر وبثورة من العصبية عند متابعة اخبار الارض المحتلة

بالنسبة لرأي بالعصبية فانا كتبت عن رأي فيها في مقال بعنوان أبواب الحكمة !! بتقدري ترجعيله

ليش نقى احمد الرقم 3 والرقم 7 ؟

رقم 3 لأن الله وتر يحب الوتر ..

الرقم 7 هنالك العديد من الامور التي لفتت إنتباهي في هذا الرقم
نجمة الاردن 7
السموات 7
الأراضين 7
أيام الأسبوع 7
وهنالك السبع المثاني
وعدد إخواني وخواتي 7
وهنالك العديد من الأمور في الرقم 7 لكني لا تحضرني الآن لذا أشعر أنه رقم جيد

متى احمد بلش يستخدم الانترنت ؟ بشو بلش استخدامه ؟

في الصف قبل 8 سنوات وذلك لاعداد بحث

هل احمد متاثر بشخصيه معينه ؟ من هي ؟ ولم يتاثر بها ؟

لن أكذب حينما أقول أنه في هذه الحياة لا يعجبني تفكير شخص معين .. حتى أولئك من أرباب الفكر ..
أعتقد أن الامور أوضح من أن تقال وأولئك المفكرين يعقدونها بشكل استفزازي..
وانا بصراحة لا يهمني إعتناق نسق فكري لأي ما كان حيث اني لا أعاني من فراغ فكري .. فعندي من أجابني على كل تساؤلاتي وأكثر .. رسم الحياة بخطوط عريضة وجعلها واضحة لا تحتاج إلى تعقيد .. ألا وهو سيد الخلق محمد صلى الله عليه وسلم .. هل هنالك من عاقل لديه مثل هذا المعلم ويهرع لتلقي العلم من الفكر من الخارج !!! كمن يجلس على نهر جاري وينتظر مياه البلدية حتى تأتي

بالوضع الايراني الحالي ؟ هل تتوقع نشوب حرب ؟ ام ان المسأله مجرد هوس اعلامي يسعى لانعاش الاقتصاد بالاخص ان اسعار النفط قفزت خلال الاسبوع الماضي لتطال حاجز 62 دولار فيما قفزت اسعار الذهب خلال شهرين اكثر من 230 دولار ؟

إيران صبي متمرد لا يتقن الصمت في ظلة لجلجة الكلام السقيم.. هذا الصبي يفهم جيدا كيف تكون لعبة السياسة .. لعبته الاستراتيجية الآن كسب الوقت حتى يمتلك السلاح النووي .. وما زال يلاعب القطة بكرة من صوف .. فإيران ما تزال ترى بالإفق رجال ببذلات سوداء يحملون حقائبهم الديلوماسية ويهرعون لفرد صفحات الحوار والعروض كالباعة المتجولين ... أما الحرب فهذا أمر يحتاج إلى الكثير من التفصيل .. لكن اعلم أن (الكيان اليهودي ) لا يمتلك نفس المحارب .. فهو لا يخوض معارك طويلة الامد ودائما ما يتقهقر بعد أسبوعين من المعركة وعندما تصل الحرب إلى شهر من الزمان يطرق أبواب أمريكا من الخلف حتى تحرك مجلس الأمن ليوقف الحرب .. أما إيران فيكفي لاختبار بأسها بالحرب أن ترى عمر الحرب الايرانية العراقية .. وبعدها احكم .. كما أن أمريكا لم تصب بعد بالجنون حتى تهرول لفتح أبواب حرب وأقادمها ما زالت مغروسة بوحل العراق وأفغانستان .. وانظر الان إلى خريطة المنطقة ستفاجئ بوجود ما يعرف بالهلال الشيعي ( إيران، شيعة العراق، شيعة سوريا، شيعة لبنان) وبعدها احكم بنفسك هل أمريكا او كيان العدو اليهودي يجرئان على فتح هذا المعترك .. عند ضرب إيران سوف يشتعل هذا المحور بأكمله .. فأي مجنون سوف يقدم على هذا !!

ما رأيك باسرئيل (ان صح وجود هذا الاسم اصلا) كدوله ( على فرض انها لم تحتل فلسطين وانها دوله مسالمه ) ؟ رايك في تنظيمها واقتصادها وفكرها وقادتها .. الخ ؟

"اسرائيل" مجرد هراء .. خرافة لا وجود لها .. على فرض أنها مسالمة .. لن أفترض ذلك أبدا لأن فكرة قيام " اسرائيل" لتكون وطنا أبديا للشعب اليهودي في العالم .. والله تعالى أخبرنا بالقرآن الكريم (لتجدن أشد الناس عداوة للذين آمنوا اليهود ..) فمن المستحيل أن تكون (اسرائيل) دولة محبة للسلام
بالنسبة لتنظيمها واقتصادها وفكرها وقادتها ،، فاسمح لي بالقول أنه بناء على ما أسلفته من استحالة هذه الفرضية التي افترضتها .. فينبني على ذلك أن اقتصادها وفكرها وقادتها يسيرون باتجاه واحد ألا وهو قيام وطن قومي لليهود ... وبهذا كيف نقول عن الارهاب فكرا وكيف نطلق على الارهابين وصف القادة ..

ماذا تمثل الاردن لاحمد ؟

كل شيء

هل يقرأ احمد التاريخ ؟ ماذا يقرأ فيه ؟

نعم .. أقرأ التاريخ الذي يرشدني للمستقبل .. لا أحفظ التاريخ لكنني أستطلع النسق الذي تسير عليه الامم .. وستفاجئ أن التاريخ يعيد نفسه .. البشرية تسير في عجلة واحدة لكن كل مرة في طريق مغاير

عندما يفكر احمد سياسيا ؟ فهل يكون يساريا ام يمينيا ام متوسطا ؟

لا أفكر إلا من منطلق واحد .. ماذا نريد نحن وماذا يريدون هم !! صنفه بأي باب تريد

هل احمد تقدمي ليبرالي ام اصولي ثابت ؟

لست ملزما بأيهما ..

لو كان احمد نقيبا للمحاميين ماذا كان سيصنع لهم ؟

لا أعلم .. لم أخطط لأكون نقيبا للمحامين .. لكن بالمجمل .. سأحاول ان اجعل منهم محامين على الاقل

متى اول مره غشييييييييييت؟؟؟
:(343):

مش متذكر !!

مواصفات فتاة الاحلام عندك؟؟
:(343):

تكون بني آدمة

اكتر اكله بتحبها؟؟؟؟
:(343):

مقلبوبة

اكتر شي بتكرهه؟؟؟
:(343):

"اسرائبل"

انا....................... كملها من عندك
:(343):

أنا أحمد

شو اول كلمه بتخطر عبالك؟؟؟
:(343):

مش عارف !!

اتمنى يسامحني.............................

:(343):

ربنا

لو برجع الزمن مره لورا شو بتعمل؟؟؟؟
[/b][/color]:(343):

نفس يلي عملتو بحياتي لحد الآن

ان مارس احمد المحاماه .. فما هو مجال تخصصه سيكون ؟

أظن تجاري !! يمكن يعني

هل ببال احمد اكمال الماجستير ؟ ماذا يريد ان يتخصص ؟

نعم .. بس مش عارف بشو التخصص

هل يمارس احمد اعمالا منزليه ؟

نعم ...

هل يعمل احمد ؟ كيف يحصل على مصروف جيبه ؟

عملت بعدة أمور تابعة للأسرة .. لكني الان متفرغ للدراسة

لو وجدت الظروف الملائمه من مال ورغبه .. فبم سيستبدل احمد سيارته ؟

سترونها قريبا ...

صفاء الايمان

05-25-2009, 05:55 PM

لو هالساعة ساعة استجابة ايش في ثلاث دعوات احمد نفسو يتحققولو

عمرو ابو زنط راح اعتمر او حج
ابو زنط عمرو قفز من سور " بقصد بالسور مطبات بحياته ومواقف صعبة "
اوصفلنا كيف اخدت نتيجة التوجيهي
ابو زنط عمرو هرب من المدرسة
ابو زنط بحب العطل ولا الدوام
شو اكتر حلويات احمد بحبهم
ايش الاعمال المنزلية يلي احمد ممكن يساعد فيها او بعملها
شو بعرف ابو زنط يطبخ
عمرو ابو زنط كسر قواعد او قوانين
وانت مع ولا ضد كسر القوانين
الي رجعة

أحمد أبو زنط

05-25-2009, 07:17 PM

لو هالساعة ساعة استجابة ايش في ثلاث دعوات احمد نفسو يتحققولو

الله يرحمني برحمتوا ..ويغفرلي
وويغفر لوالدي ولمن له حق علي

عمرو ابو زنط راح اعتمر او حج

نعم !! طلعت عمرة يمكن خمس مرات

ابو زنط عمرو قفز من سور " بقصد بالسور مطبات بحياته ومواقف صعبة "

كتيييييييييييييييييييييييييييييييييير .. أكثر ما بتتصوري

اوصفلنا كيف اخدت نتيجة التوجيهي

بصعوبة

ابو زنط عمرو هرب من المدرسة

أكيد يعني !!

ابو زنط بحب العطل ولا الدوام

حسب العطلة .. في عطل تقيلة دم .. ما بحبها وفي عطل حلوة ما بحب تخلص

شو اكتر حلويات احمد بحبهم

الشوكولا

ايش الاعمال المنزلية يلي احمد ممكن يساعد فيها او بعملها

الغسيل .. الجلي .. ترتيب البيت ومسح الغبرة .. التكنيس والشطف .. الزراعة وسقي الزريعة .. شراء أغراض المنزل
وأكيد دهان الحديد وقص الشجر ونكش الأرض ..

شو بعرف ابو زنط يطبخ

ما بعرف أطبخ .. بس بعرف أشوي .. وبعرف أسوي حلو

عمرو ابو زنط كسر قواعد او قوانين
وانت مع ولا ضد كسر القوانين

بتهمني العدالة أكتر من القانون .. على شان مرات بتجاوز القانون لتحقيق العدالة

والله كسر قواعد القانون ما بحبه بس حسب الحاجة .. يعني مرات الواحد بضطر إذا كان القانون مش منطقي

صفاء الايمان

05-26-2009, 11:46 AM

ما بعرف أطبخ .. بس بعرف أشوي .. وبعرف أسوي حلو
متل شو؟؟

فـيـصـل الـبـلـوي

05-26-2009, 01:55 PM

متــابــع وتــسجيل إعـجاب للمحاورين وللضيف الرائــع أحمد :)

أحمد أبو زنط

05-26-2009, 02:13 PM

متل شو؟؟

كيك بهارات (جوزة الطيب وقرفة).. كيكة الجزر ... كيكة الشوكولا .. مبروشة ... ديسكو ... :(202):

وفي شوية سلطات .. أكيد السلطة العادية .. والروسية .. وكولوسلو .. وسلطة الذرة

متــابــع وتــسجيل إعـجاب للمحاورين وللضيف الرائــع أحمد :)

اهلا أخ فيصل .. مجرد اطلالتك بتشرفنا ..

YoUSeF MoMaNI

09-09-2011, 12:06 PM

احمد زمان عنك

تعااااااااااااال احكيلنا شو رأيك بدعدع ؟؟؟