يوسف مومني على كرسي الاعتراف ^_^

[صفاء الايمان]

مراحب
بعد الغيبة الطويلة عشان الفاينل رجعنالكم مع ضيف جديد
يوسف مومني
المشرف العام
يلا شدو همتكم
ترا الحج يوسف خلص فاينل
انتشرووووووووووو

[صفاء الايمان]

شو اسمك؟
شو هواياتك ؟
شو لونك والوانك المفضلة
شو لبستك المفضلة
مممممم طيب احكيلنا اكتر موقف محرج صار معاك
وشو من المقالب يلي اعملتهم بالشباب او الشباب عملوها فيك
وايش اكتر الالوان بتحب
وشو اكتر اسماء ولاد وبنات بتحبهم 3 من كل واحد
شو رقمك المفضل
وشو هدفك واحلامك
وشو حلم يوسف مومني لبعد 5 سنين
ايش بدو يسمي اول واحد يعني كنيتك شو ابو شو

دخلت الروضة ولا فتت ع طول المدرسة
وكيف علاقتك باهلك
وشو رايك بالاعضاء
عماوي
احمد ابو زنط
وحسونة محمد
وبشير
ونور حوامدة
واحمد صويص << العلم من اعلام الكلية
وrozaleta
والحلم الاسير
والاستاذة فرح
معاند جروحه
سالي
جيفارا
مهند . خ
فيصل البلوي
وصفاء الايمان << ع البيعة
وبرضو مين العضو يلي بتعطيه هالاسم
عضو يضحكك
عضو يستفزك
عضو ما بتستغني عنه
عضو ملاك
عضو مشكلجي
عضو مسالم
عضو مرح
اكسجين المنتدى
سكر المنتدى
فلفل المنتدى
عضو بلوة
عضو مغرور
عضو مهم
عضو ما في منو تنين
ممممم
ايش البلدان يلي سافرت لالها
وشو حتسمي اولادك بالمستقبل
ومتى بعصب يوسف مومني
ايش اكتر خبر فرح يوسف مومني
وشو احلى تاريخ بحياتك ؟وليه؟
مين اقرب لالك امك ولا ابوك ولا اخوك
وكم عدد عيلتك
يوسف مومني متى بعتبر حاله مستقل ؟
متى يوسف مومني حس بالمسؤولية ؟
ماهو الشيء الذي خسرته يوما وتعلم جيدا استحالة عودته ؟
تفضل
الي رجعة لاتمم بس انت جاوب هدول اول

[فـيـصـل الـبـلـوي]

أهلا وسهلا بأخوي يوسف على كرسي الإعتـــراف

بصــراحه كنت ناوي أعطيك النصيب في الأسئلة ولكن ما حبيــت أضغطك خصوصا وإنه صفـاء مو مقصره

لذلك راح أأجل ما لدي من الأسئلة إلى حين إجابتــك على تـحقيق صفاء



لك مني كل التــحيه والتـقدير وأهلا وسهلا بك


وكل الشكـــر للأخــت صفـاء نظير جهودها وإسهاماتها الرائعة

[صفاء الايمان]

أهلا وسهلا بأخوي يوسف على كرسي الإعتـــراف

بصــراحه كنت ناوي أعطيك النصيب في الأسئلة ولكن ما حبيــت أضغطك خصوصا وإنه صفـاء مو مقصره

لذلك راح أأجل ما لدي من الأسئلة إلى حين إجابتــك على تـحقيق صفاء



لك مني كل التــحيه والتـقدير وأهلا وسهلا بك


وكل الشكـــر للأخــت صفـاء نظير جهودها وإسهاماتها الرائعة

خووووووود راحتك فيصل :(326):
كل واحد حيجيه دوره :(353):
يلا يلا شد الهمة حج يوسف
بنستناك :(326):

[Essa Amawi]

سؤالي :

ليش يوسف بعصب بسرعه ^_^ ؟

[صفاء الايمان]

-___-
يوسف ليه مش مجاوب -___-

[Essa Amawi]

ولا يهمكم يوسف اليوم رح يبلش اجوبه ان شاء الله ^_^

[YoUSeF MoMaNI]

لا شو كل هالاسئله
انا هسه ادريت عنهم من عيسى
بس ولا يهمك رح اجاوب كل الاسئله ولا يهمكم
يسلمو صفاء على هالقدر القليل من الاسئله واستاذ فيصل اسأل ولا يهمك

[YoUSeF MoMaNI]

شو اسمك؟ يوسف احمد محمد مومني
شو هواياتك ؟ بصراحه هوايات بالمعني الدقيق ما عندي لكن انا بكتب خواطر ومحاولات شعرية مثل ما تقولوا
شو لونك والوانك المفضلة : الازرق , الاحمر , الاسود , الابيض
شو لبستك المفضلة , انا بحب اللبس الرسمي كثير لكن الوضع الي انا فيه بيحتم علي البس كاجول بس انا بحب لبس البدل وبتمنى هالاشي يصير مفروض بالكلية على الطلاب والطالبات
مممممم طيب احكيلنا اكتر موقف محرج صار معاك : صار معي مره موقف بالجامعه اشي بيخزي
مره كنت ماشي بإتجاه المختبر ولا ببت بتنادي علي اجيت بدي اوقف اوقعت على ظهري فقمت اضحك انه الوضع عادي عاد انا كنت ماكل هوا متكسر :(
وشو من المقالب يلي اعملتهم بالشباب او الشباب عملوها فيك : انا من النوع الي ما بحب اعمل مقالب بحدا بس مره نكشت مخي على طالب ببداية الفصل الاول كنا طلاب واقفين على الدرج ولا فيه طالب جاي الساعه 7.50 دقيقه بدك تقولي ولا بوقفه بسأله يا شب بدي اسألك سؤال قلي اسأل قلته شو منابع نهر الاردن قلي اممممممممممم صدق ما بعرف قلته طيب انا شو اسوي هسه يعني افرض انه الدكتور رشاد سألي هسه شو اسوي انا :)
وبالنسبة للمقالب معي ما بتذكر انه حدا عمل فيه مقلب
وايش اكتر الالوان بتحب : الازرق والاسود
وشو اكتر اسماء ولاد وبنات بتحبهم 3 من كل واحد : ولاد سعيد وهشام وارشيد لانه اكثر ثلاث بعزوا علي وبحب اسم صهيب كمان :) بنات يارا وتالا ولجين
شو رقمك المفضل : 2

[صفاء الايمان]

شد حيلك اخ يوسف عشان نلحق نسالك كمان يلا يلا بانتظار الاجابات كلها

[YoUSeF MoMaNI]

وشو هدفك واحلامك : هدفي التغيير وحلمي الوصول الى منصب استطيع التغيير من خلاله

وشو حلم يوسف مومني لبعد 5 سنين : ان شاء الله بعد خمس سنين بكون تخرجت وتوظفت بالشؤون القانونية بمجموعة شركات موعود فيها خارج الاردن وحلمي للفتره القريبة هاي هو اساعد اهلي واريحهم لانه تعبوا كثير

ايش بدو يسمي اول واحد يعني كنيتك شو ابو شو :انا مش ملزم بإسم معين لكن بتوقع يكون احمد او سعيد

دخلت الروضة ولا فتت ع طول المدرسة : اه دخلت الروضه ولسه متذكر اللبس الي كنا نلبسه الغرفة الي كنا نحضر فيها كرتون والمراجيح ووين كانت حنفية المي الي كنا نغسل منها

وكيف علاقتك باهلك : علاقة رائعه مبنية على اساس رائع

وشو رايك بالاعضاء

عماوي : مثقف .. صاحب فكره .. خلوق .. متعاون مع الجميع .. يعمل ليحصد .. إنسان بكل معني الكلمة .. والكلمات لا توفيه حقة من التعبير

احمد ابو زنط : تعجز الكلمات عن التعبير .. دولة بحد ذاته .. يحاول إسعاد الأخريين محب لمن حوله .. مصمم لما يريد ... صاحب شخصية قوية تؤثر بالاخريين .. علم من اعلام الكلية

وحسونة محمد : اسمه محمد حسونه , الطيبه بحد ذاتها , عنوان للإلتزام , عاطفي وتتحكم مشاعره بشخصية في بعض الاوقات

وبشير : صاحب الاطلاله الجميله والابتسامة الرائعة .. محبوب من الجميع .. انسان اكثر من رائع

ونور حوامدة : عنوان للحياء والادب والالتزام .. تجيد العمل بروح الفريق .. تسطتيع تكيف نفسها حسب الواقع الي بتكون فيه

واحمد صويص << العلم من اعلام الكلية : ما صار نصيب واعرفته بالكلية مع العلم انه بعرفه بالشكل يعني وين كان يقعد بالكلية
ولكن من معرفتي به من خلال الموقع اتوقع انه باحث عن المعلومه .. مهتم بالكلية والسؤال عن اصدقائه من خلال زياراته للكلية بعد تخرجه
وrozaleta : ما صار نصيب وتعرفت عليها , لكن من خلال ردودها بالموقع اتوقع انها طيبه

والحلم الاسير : احمد البدوي , صاحب شخصية منطقية .. يبحث على اساس الشيء دائماً .. متفلسف بعض الشيء .. وضحوك دائماً
صحيح انا تعرفت عليه بالباص بالكرسي الاخير J

والاستاذة فرح : اسمها فرح وماخذه من اسمها كثير .. صاحبة ابتسامه وضحكه رائعة .. كلتة من الحيوية والنشاط الدائم

معاند جروحه : شخصياً ما بعرفه لكن من خلال ردوده يبدوا انه منطقي ويعطي الامور اكبر من حجمها ويفكر

[YoUSeF MoMaNI]

سالي : ما بعرفها بصراحه لكن حكيت معها على الموقع وشفت شي من ردودها من خلالهم استطعت ان اعرف انها محامه متدربة تعمل بجد لتحقيق طموحها لها .. بحب الاخرين ولها القدر على تكوين علاقات بشكل سريع

جيفارا : صاحب صاحبه .. يقدر الاخريين .. شخصية قوية

مهند . خ : ما بعرفة بصراحه وللاسف

فيصل البلوي : من خلال ردوده صاحب شخصية قوية تعبر عن الاتزان والوعي والتفكير عند فيصل .. متفهم ومثقف وخلوق

وصفاء الايمان << ع البيعة : الحمدلله انه اسمك موجود .. كتلة من النشاط الدئوب مثل خلية النحل بالموقع
مشاكسة .. يبدوا انها صاحبة شخصية قوية بالفعل والقول .. تمتلك مفاتيح القياده الناجحه

بس فيه شخص مهم بالموقع انتي ناسية تذكري اسمه مع العلم انه هو العلم بالموقع والكلية : حسام ابو حامده : عنوان للفرفشه والضحك .. صاحب صاحبه واكثر كمان .. الكلمات لم ولن تكفي لوصفه بقدر ما هو انسان بكل معنى الكلمة .. صاحب شخصية قوية .. متفهم لمن حوله .. يجيد فن المجامله .. له القدره على التقليد والنقد بصور رائعه جداً

وبرضو مين العضو يلي بتعطيه هالاسم

عضو يضحكك : حمزه طربيه

عضو يستفزك : ؟؟؟؟؟؟؟؟؟

عضو ما بتستغني عنه : بصراحه فريق ادارة الموقع بالكامل لا يمكن الاستغناء عنه فلكل منهم شخصيه تسقل المنتدى بشي من شخصيته

عضو ملاك : الدكتور بشير نافع

عضو مشكلجي : صفاء الايمان

عضو مسالم : نور الحوامده

عضو مرح : فرح الحلواني

اكسجين المنتدى : احمد ابو زنط

سكر المنتدى : حسام ابو حامده

فلفل المنتدى : عيسى عماوي

عضو بلوة : المدعي العام

عضو مغرور : mohmmad ali (http://www.lawjo.net/vb/member.php?u=247)

عضو مهم : احمد ابو زنط

عضو ما في منو تنين : محمد حسونه
ممممم
ايش البلدان يلي سافرت لالها:
لحد هسه ما سافره

وشو حتسمي اولادك بالمستقبل : احمد وسعيد ولاد اما البنات يارا وهبه

ومتى بعصب يوسف مومني : لما اشوف شي غلط ولما حدا يستفزني للاسف

ايش اكتر خبر فرح يوسف مومني : اكثر خبر فرحني قبل دوام الجامعه بإربع ايام انه طلعلي بالجامعه بعد ما فقدت الامل انه ادرس بجامعه حكومية وطلع الخبر مش أي أي خبر هو الجامعه الاردنية ومش أي تخصص حقوق

وشو احلى تاريخ بحياتك ؟وليه؟ كثير التواريخ المهمه بحياتي

مين اقرب لالك امك ولا ابوك ولا اخوك :
ابوي وامي نفس الشي الاثنين عندي واحد

وكم عدد عيلتك : 7 .. ابوي وامي وثلاث شباب وبنتين

[YoUSeF MoMaNI]

يوسف مومني متى بعتبر حاله مستقل ؟ بعتبر حالي مستقل لما اكون بمواقف مهمه اقرر فيها انا ويكون رأيي مهم والكل يقدر

متى يوسف مومني حس بالمسؤولية ؟ حسيت بالمسؤولية بمواقف كثيره يكون الاعتماد علي وهيك عودني ابوي من لما كنت صغير اكون قد المسؤولية من الموقف الي حسيت انه لازم اكون فيه قد الثقه الممنوحه لالي من اهلي مثلاُ هو التوجيهي وحسيت بهالاشي قبل الفاينل بحوالي اسبوعين اقل اشوي فصرت ادرس 10 ساعات واكثر باليوم والحمدلله

ماهو الشيء الذي خسرته يوما وتعلم جيدا استحالة عودته ؟ الايام الي راحت ما رح ترجع بالمره

تفضل :(163)::(163)::(163):
الي رجعة لاتمم بس انت جاوب هدول اول :(118)::(118)::(118)::(118):

[YoUSeF MoMaNI]

سؤالي :

ليش يوسف بعصب بسرعه ^_^ ؟

اااااااااه اجيت انت على الوجع يا عماوي
اذا عصبت اعرف انه واحد من ثلاث بخصوصي
انه فيه غلط ولازم يتصلح
انه انا صح وما حدا ماخذ لالي اهميه وهالاشي غلط
واني احس انه مش عارف كيف احكيلك شعور من جوا يعني بيتحكم فيه وهالاشي بلشت اسيطر عليه اول بأول وان شاء الله خير

[YoUSeF MoMaNI]

-___-
يوسف ليه مش مجاوب -___-

هيني جاوبت :(262):
انا مبارح بالليل شفتهم ولما اجيت اجاوب طفى الجهاز لحاله :(118):

[Essa Amawi]

بما انك جاوبت خليني نرجع نسألك .

1- كم في بمحفظة يوسف هلأ ؟
2- يوسف شو علاقته بالموبايل ؟
3- علاقته بالنت ؟
4- علاقته بموقع الحقوق ؟
5- يوسف ليش بيشتغل بالموقع ؟ لشو بيطمح ؟ هل يعتقد يوسف ان للموقع مستقبل ؟
6- متى بلش يوسف يستخدم النت ؟
7- اكبر مبلغ مسكه يوسف بحياته ؟
8- هل يوسف انسان عاطفي ؟
9- هل ليوسف تجارب عاطفيه قبلا ؟ او حاليا ؟ متى وكم عددها ؟ والى ما ستنتهي الامور برأيه ؟
10- عبارات يرددها يوسف دائما ؟ ما السبب ؟

[YoUSeF MoMaNI]

[/font]
بما انك جاوبت خليني نرجع نسألك .

1- كم في بمحفظة يوسف هلأ ؟ سبع دنانير وربع

2- يوسف شو علاقته بالموبايل ؟ التلفون الخلوي ضروره بالنسبة لالي من خلاله بقدر اضل مع العالم واتفقد صحابي واتواصل مع الجميع وهو ضروره ما بستغني عنها

3- علاقته بالنت ؟ بصراحه قبل حوالي شهر خرب النت عندي اسبوع حسيت الكمبيوتر فاضي ما عليه ولا اشي يعني النت شي ضروري خلال هاي الفتره

4- علاقته بموقع الحقوق ؟ علاقتي بموقع طلاب كلية الحقوق هي علاقة صداقه زماله بالطلاب وباب من ابواب تحمل المسؤولية والتدرب على العمل بروح الفريق وزيادة الثقافه القانونية بالنسبة لالي

5- يوسف ليش بيشتغل بالموقع ؟ لشو بيطمح ؟ هل يعتقد يوسف ان للموقع مستقبل ؟ بشتغل بالموقع لانه مثل ما حكيت العمل بروح الفريق وتحمل مسؤوليه وبالاضافه انه الومقع صار بالنسبة لالي شي لا يمكن الاستغناء عنه وبالتأكيد لانه بحب الموقع وناسه
وبطمح اني اصير مدير عام ههههههههههه
بالنسبة لطموح الموقع من خلالي ( منارة يستنير بها الاخريين )
والموقع اكيد رح يكون اله مستقبل رائع جداً على مستوى المملكه والمواقع القانونية بس بده تعب وشغل كثير

6- متى بلش يوسف يستخدم النت ؟ بلشت استخدم النت ايام الصف العاشر وحتى صرت اهرب من المدرسه واروح اداوم بمقاهي النت وبس يخلص الدوام اروح على الدار انه انا خلصت مدرسه
7- اكبر مبلغ مسكه يوسف بحياته ؟ اكبر مبلغ حملته الي هو 200 اما مش الي حملة كثير ايام الشغل بالمطقة الحره

8- هل يوسف انسان عاطفي ؟ اتوقع اه :(220):
9- هل ليوسف تجارب عاطفيه قبلا ؟ او حاليا ؟ متى وكم عددها ؟ والى ما ستنتهي الامور برأيه ؟ كم عددها شو شايفني انا يا عماوي :(126):
انا بحتفظ بالاجابة
10- عبارات يرددها يوسف دائما ؟ ما السبب ؟ كلمات برددها دايما ( بقدي ) وكمان ( على قولت فلان )
بقدي بحس انه بكون فيها غير عن الناس الثانين وعلى قولت فلان عشان ما اكون زيي زي غيري


شو فيه كمان :(104):

[صفاء الايمان]

6- متى بلش يوسف يستخدم النت ؟ بلشت استخدم النت ايام الصف العاشر وحتى صرت اهرب من المدرسه واروح اداوم بمقاهي النت وبس يخلص الدوام اروح على الدار انه انا خلصت مدرسه
بشو كنت تستخدمه طيب ؟؟؟؟؟؟؟؟؟؟
ايش يوسف بعتبر تنسق الخط بالردود
يوسف كيف بوصف الحقوق اول ما انتسبله وهسا وشو التغييرات يلي بنظره

[YoUSeF MoMaNI]

بشو كنت تستخدمه طيب ؟؟؟؟؟؟؟؟؟؟
كنت استخدم النت بالاول بالشات والايميلات وهاي السواليف الي اول ما يتعلم الواحد نت بيتعلمها

ايش يوسف بعتبر تنسق الخط بالردود : تنسيق الخط بالنسبة للدورد هو تعبير عن شخصية وتميز عن الغير

يوسف كيف بوصف الحقوق اول ما انتسبله وهسا وشو التغييرات يلي بنظره ؟
اول يوم فتت فيه كلية الحقوق كان اول يوم الي بالجامعه فتت على محاضره عندالدكتور رشاد دولي عام وحطيت راسي ونمت
كلية الحقوق بالسبة الى هي مكان بحب اضل فيه والي فيه ذكريات كثيره ما رح تنتسى
بالنسبة الي كلية الحقوق اول ما فتت الجامعه كانت زي المدرسه لا راحت ولا اجت
اما هسه كلية الحقوق بالنسبة الي مكان واسع بتقدر تبني حياتك فيه بشتى المجالات بشخصيتك بعلمك بتعاملك بعلاقاتك

[Essa Amawi]

طيب

1- شو اكثر مادة بالحقوق يوسف بيحبها ؟
2- اكثر دكتور حقوق بيحبه ؟ واكثر دكتوره ؟
3- كلمة يوجهها يوسف الى الكلية ؟
4- ما هي القضايا التي سيعمل بها يوسف ان عمل في سلك المحاماه ؟
5- هل ليوسف احد الاقارب ممن زاول المهنة القانونية ؟ ما انطباع يوسف عنه ؟
6- هل يوسف يعتبر نفسه مدلالا ؟
7- كيف ينظر يوسف لكل من الأتيه :
- السماء
- الغد
- النار
- البحر
- الخريف
- الصيف
- الشتاء
- الربيع
- العائله
- الاصدقاء
- الحب
- الحوار
- الجامعة

[صفاء الايمان]

- كيف ينظر يوسف لكل من الأتيه :
- السماء
- الغد
- النار
- البحر
- الخريف
- الصيف
- الشتاء
- الربيع
- العائله
- الاصدقاء
- الحب
- الحوار
- الجامعة
في هون حد بقلد
طيب خليني اتمم للسؤال
- السلام
- الوردة الحمرا
- الام
- الجوال
- الخيانة
- البحر
- النت

[صفاء الايمان]

عمره يوسف حقد ع حد ؟؟
لو اعطيك ثلاث وردات لمين بتعطيهم
ايش تعريفك للغرور
ايش اكتر وقت محبب عند يوسف الغروب ولا الشروق ... اختار
ايش اكتر رقم بتحبه من 1 ل 5 و من 6 ل 10 ؟؟؟

[YoUSeF MoMaNI]

شو هاظ لسه كمالن فيه اسئلة
طيب خلص بكرا ان شاء الله بجاوبهم كلهم
بس مش قلتكم بدي ضع دائره
:(

[YoUSeF MoMaNI]

طيب

1- شو اكثر مادة بالحقوق يوسف بيحبها ؟ لحد هسه ما ارتحت بماده بكلية الحقوق بس بحب مواد القانون الدستوري

2- اكثر دكتور حقوق بيحبه ؟ واكثر دكتوره ؟كلهم سواء

3- كلمة يوجهها يوسف الى الكلية ؟ دعونا نغير ونتغير

4- ما هي القضايا التي سيعمل بها يوسف ان عمل في سلك المحاماه ؟ ان شاء الله
التجاري والشركات والأوراق التجارية والمالية

5- هل ليوسف احد الاقارب ممن زاول المهنة القانونية ؟ ما انطباع يوسف عنه ؟
لا

6- هل يوسف يعتبر نفسه مدلالا ؟ مدلل ؟؟؟؟ اكيد لا

7- كيف ينظر يوسف لكل من الأتيه :
- السماء : الغاية ,العنان
- الغد : الامل
- النار: الخوف
- البحر : التفاؤل
- الخريف : التنازل من اجل المستقبل
- الصيف : العمل
- الشتاء: الدفىء
- الربيع: الحياة
- العائله : الاساس الدائم لكل شيء
- الاصدقاء : ان تخليت عنهم فلا داعي للحياه
- الحب : عنوان لذات الانسان
- الحوار : التفاهم
- الجامعة : من اسمها جامعه

[YoUSeF MoMaNI]

في هون حد بقلد : شو يعني بقلد ؟؟؟؟


طيب خليني اتمم للسؤال



- السلام : الحوار الذي لا يجيده العالم الا بالدمار

- الوردة الحمرا : الاشتياق الدائم

- الام : القلب الحون

- الجوال : التواصل

- الخيانة : نهاية الكتاب وصفحة سوداء

- البحر : التفاؤل

- النت : مصغر للعالم كل ما تريد تجده

[Essa Amawi]

1- طموحات يأمل يوسف تحقيقها
2- لو خير يوسف في استلام حقائب وزارية فأي وزارة سيتلم ؟ لماذا ؟
3- هل ليوسف اهتمام بالمال ؟ كيفك ؟ ولماذا ؟
4- متى يعترف يوسف بالفشل ؟
5- هل يوسف يؤمن بالاعتذار ؟
6- اخر مرة بكى فيها يوسف ؟
7- هل يوسف عاش طفولته حقا ؟
8- العاب لعبها يوسف في طفولته ؟
9- حادثة تعرض لها يوسف ويأمل ان لا تتكرر ؟
10- اعلى علامة حصل عليها يوسف ؟ وادنى علامة حصل عليها في كل من الجامعة والمدرسة ؟ ^_^

[noor hawamdeh]

الله يعطيكم العافية :) اكيد المسكين نيشيف ريقه من وين بيتجيبه هالاسئلة!!!!!!
بس احلى شي اني مسالمة :) :)

[YoUSeF MoMaNI]

1-

طموحات يأمل يوسف تحقيقها :
اعلى طموح هو العيش بسعاده
بطمح لتكملة دراستي خارج الاردن واذا صحلي بالاردن ليش لا

2- لو خير يوسف في استلام حقائب وزارية فأي وزارة سيتلم ؟ لماذا ؟
حقيبة وزارية : رح اختار وزارة الداخلية
ليش : من شان الوطن لانه الوضع في الدوائر الحكومية ما بيسر
الموظف الاردني في الدوائر الحكومية لا يعمل بنصف راتبه في الشهر ليش طبعاً الكلام مش عن الكل

وكمان وزارة التعليم العالي: لانه في بالجامعات دكاتره حرام يدرسوا صف اول مش طلاب جامعه
لازم يكوتن فيه قوانين تنظم هالاشي بين الطالب والدكتور
مش دكتور ما بيكون بمكتبه بالساعه المكتبية او بيكون ومسكر على حاله الباب
او بتلاقي الدكتور ما بيعطي فرصه للطلاب انهم يعبروا عن رأيهم وانه هو الصح دايماً والدكتور منزه عن الغلط

3- هل ليوسف اهتمام بالمال ؟ كيفك ؟ ولماذا ؟ د
اكيد في الي اهتمام بالمال
كيف وليش : بأني ما بصرف مصاريه على الرايح والجاي بحب اصرف على حالي واكون مبسوط بس انه اصرف مصاري بشو ما كان وهيك يعني زي هالعالم اكيد لا
وليش هالاشي معروف عند اغلب العالم المال شي ضروري بالحياه الواحد بيتعب وبيشتغل عشان يعيش

4- متى يعترف يوسف بالفشل ؟
عند الفشل
الحمدلله لحد هسه وان شاء الله لبعدين ما فشلت يعني بأي شي لكن في اشياء ما اقدرت احصل الي بدي اياه كله
الاعتراف بالفشل رح يكون عنوان للتميز بالنسبة الي
مش دايماً لازم اطلع خطوه ممكن انزل خطوه تخليني اطلع مئة خطوه

5- هل يوسف يؤمن بالاعتذار ؟
لمات احس حالي غلطان بعتذر
ولما اكون نويت على شي ما اعمله وارجع اعمله بعتذر
والاعتذار يعبر عن الرقي عند الشخص المعتذر وبالعكس بيعطي نظره احترام للمعتذر اليه

6- اخر مرة بكى فيها يوسف ؟
مش من فتره بعيده

7- هل يوسف عاش طفولته حقا ؟
عشت الطفوله
يعني ما بعرف بالضبط كنت صغيره العب وارح واجي وما اسأل عن شي هيك بتذكر كنت

8- العاب لعبها يوسف في طفولته ؟
العبت بالإلعاب التركيب والعبت بسياره لساتها عندي لحد هسه لونها حمرا والثانية لونها زرقاء ولساتهم عندي

9- حادثة تعرض لها يوسف ويأمل ان لا تتكرر ؟
الي صار معاي بالرحله لما بطل بالسياره بريك والحمدلله اقدرت اوقف السياره على العكسي :(163):
وان شاء الله ما بتتكرر :(217):


10- اعلى علامة حصل عليها يوسف ؟ وادنى علامة حصل عليها في كل من الجامعة والمدرسة ؟ ^_^
اعلى علامه بالجامعه هي 24 واقل علامه 0 صفر
بالمدرسه بتذكر انه جبت علامات كامله
واقل علامه هي بتوقع انه كانت ثلاث من ثلاثين شي بالعربي اضن :(239):

[YoUSeF MoMaNI]

الله يعطيكم العافية :) اكيد المسكين نيشيف ريقه من وين بيتجيبه هالاسئلة!!!!!!
بس احلى شي اني مسالمة :) :)

الاسئله هاي توصاية من غرفة عمليات lawjo
بالتأكيد انتي مسالمه
حتى شايفة احلى مشاركه ما سألتيني اسئله زي عماوي الشرير ولا صفاء المشاكسة
عنجد نشف ريقي :(264):
بدي كادية على حساب عماوي :(104):

[Essa Amawi]

على سيرة الكاديه ..
1- يوسف بيشرب كاديه كثير ؟
2- شو بيشرب ( نوع الكاديه ) ؟
3- قديش حقها الي بتشتريها ( من محل لمحل بتختلف مرات ) ؟
4- بتحبها بارده ولا سخنة ؟

---------
5- شو المشروبات الساخنة الي بيحبها يوسف ؟ (3 مشروبات على الاقل )
7- المشروبات الباردة الي بيحبها يوسف ؟ ( 3 مشروبات على الاقل )
8- شو علاقتك بالشاي ؟ العادي والاخضر ؟
9- عجلون ماذا تمثل ليوسف ؟
10- واحنا قاعدين على البحر اخر مره .. يوسف كان يتطلع بشوق نحو فلسطين .. ما سبب هذا التطلع ؟
11- اكثر اكلة بيحبها يوسف ؟
12- اكثر اكلة بيكرهها يوسف ؟
13- مطاعم يثق بها يوسف ؟
14- اول واحد تعرف عليه يوسف بالجامعة ؟ واول واحد بالكلية ؟
15- هل ينظر يوسف الى القمر في المساء ( بالامس كان القمر كبيرا جدا ) ؟ لماذا ؟

[YoUSeF MoMaNI]

على سيرة الكاديه ..
1- يوسف بيشرب كاديه كثير ؟ يعني

2- شو بيشرب ( نوع الكاديه ) ؟
كادية ليمون وكيوي وكادية جوز الهند والانناس وكمان كدية قرين وبلو طيبين

3- قديش حقها الي بتشتريها ( من محل لمحل بتختلف مرات ) ؟
يعني متذكر كنت اشترهياها يام زمان بنص دينار
هسه حقها حسب المحل الي بتشتري منه بس السعر الغالب من 60-70 قرش

4- بتحبها بارده ولا سخنة ؟ اكيد باردة

---------
5- شو المشروبات الساخنة الي بيحبها يوسف ؟ (3 مشروبات على الاقل )
هوت شوكليت ...
الحليب
والزعتر بدون سكر
وبحب القهوه العربية القهوه الساده


7- المشروبات الباردة الي بيحبها يوسف ؟ ( 3 مشروبات على الاقل )
البيبسي وتوابعه
الكادية
وعصير الليمون ونعنع فريش

8- شو علاقتك بالشاي ؟ العادي والاخضر ؟

مش كثير صحبه انا والشاي ان كان اخضر او احمر وبشربه مع الفطور واحيانا ً بشربه مع نعنع بس يجي على بالي

9- عجلون ماذا تمثل ليوسف ؟
عجلون ااااااااااااه يا عجلون
عجلون بلدي وفيها ناس بحبهم كثير قضيت شي من طفولتي هناك والي فيها ذكريات حلوه
عجلون الاصل

10- واحنا قاعدين على البحر اخر مره .. يوسف كان يتطلع بشوق نحو فلسطين .. ما سبب هذا التطلع ؟
فلسطين
وانا على البحر صرت اتطلع على الضفه الثانيه للبحر وعز علي انه فلسطين الي بينا وبينها ثلاث كيلو تقرباُ ما تقدر تفوتها وانها محتله من اليهود بجد عز ببالي انه فلسطين ما تكون بأمان زي الاردن
نفس التضاريس ونفس المناخ ونفس الشعب
والله كريم بترجع فلسطين
كمان اعز صاحب عندي من فلسطين –غزه

11- اكثر اكلة بيحبها يوسف ؟

المنسف بلا منازع

12- اكثر اكلة بيكرهها يوسف ؟
انا ما بكره شي وعلى قولت حسام انا ما بكره غير الصحن الفاضي
لكن فيه اكلات ما بحبها زي الملفوف والفاصوليا البيضاء والدوالي والصواني الي بيكون عليهم بصل
لكن اذا ما فيه غيرهم بوكل والله بعين


13- مطاعم يثق بها يوسف ؟
مطاعم بثق فيها
جبري ... الكلحه ... وعنا بالزرقاء مطعم دندش ابو صطيف وجباره شغل حمص وفول


14- اول واحد تعرف عليه يوسف بالجامعة ؟ واول واحد بالكلية ؟
انا فتت الجامعه ما بعرف غير شب بيكون اخو صاحب اخوي وهو الي دلني على الكلية
اول شخص اتعرفت عليه بالكلية كانت بنت الله يسهل عليها كان اسمها سماح

15- هل ينظر يوسف الى القمر في المساء ( بالامس كان القمر كبيرا جدا ) ؟ لماذا ؟
بتمعن وكثير
وبحب القمر بدر وبحبه محاق
بدر لانه بحس انه نوره بيعطيني امل والمحاق بتحس انه فيه حزن
هيك بالنسبة الي
واحياناً بتحس انه القمر شمعه متجدده :(262):

[ahmad albadawi]

الان دوري بعد الغياب
اول شي اعرفتك اليمين في الكرسي الاخير من الباص
حاست اني قاعد مع موسوعة علمية


الان

شو حاسس الان يعني تعبان جائع...................؟؟؟

انت وين ساكن بالضبط؟

كيف العيش في المنطقة ؟

ماذا تقول عنما يخبرك احد بموعد الامتحان؟

لما تتمتع باكتر من شخصية وقت واحد......تعبان وبتضحك.......زعلان ومش فارقة...........؟

زكيف بتضبط نفسك علمني احتريت؟؟



كيف كونت شخصيتك؟؟؟


ومن سماك يوسف؟؟


ولما اعرفت بان اسمك يوسف شو قلت ولا ما خطر بالك؟

شو معنى يوسف؟


انت شو يعني للك الطموح؟


ما رايك بالدكتور رشاد السيد......من دون تغول.....؟؟؟


شو حاب تكمل؟؟

ووين بتقعد بالكلية؟؟؟


وماذا يعني للك الزمن ؟؟


ماذا يعني للك المكان؟؟


كيف تقيم الوضع السياسي بالمنطقة؟؟



ماذا تقرا؟؟


ومن تحب من الكتاب؟


وما هوايتك؟؟..........غير الشدة؟؟؟؟؟؟؟؟؟؟؟؟؟؟

[YoUSeF MoMaNI]

الان دوري بعد الغياب
اول شي اعرفتك اليمين في الكرسي الاخير من الباص
حاست اني قاعد مع موسوعة علمية

اه متذكر انه كنت زعلان لانه الدكتور بعد ما ناقشته ما تفهمك وزعلت منه
وانا الي بادرت وتعرفت عليك :(220):

الان

شو حاسس الان يعني تعبان جائع...................؟؟؟

هسه حاسس بالوحده مع العلم انه قبل شوي روحوا صحابي من عندي

انت وين ساكن بالضبط؟ الزرقاء حي الامير محمد مدرسة التميز

كيف العيش في المنطقة ؟

الحياه بسيطه وحلوه
والناس طيبين والامر ما بيخلى من المشاكل والتخلف وعدم المبالاه والاخذ بتصرفات خاطئه كثير

ماذا تقول عنما يخبرك احد بموعد الامتحان؟
السؤال قصدك مه شو بحكي لما حدا يحكيلي عن موعد امتحان

اذا ما كنت عارف الموعد وانا كنت حاب اعرفه بريحني ودغري بيتبرمج عقلي على التاريخ
شو بحكيله يعني حسب الموقع

لما تتمتع باكتر من شخصية وقت واحد......تعبان وبتضحك.......زعلان ومش فارقة...........؟

لانه يا صاحبي لازم اكون مع الكل منيح وما بحب اتكبر على حدا ولا بحب ازعل حدا
يعني بعزل الذياق بتلاقيني بضحك !!!

زكيف بتضبط نفسك علمني احتريت؟؟

ضبط النفس يا صاحبي تعويد لكن مش دايما بقدر اضبط نفسي بتفلش مني كثير وبدفع ثمن هالاشي بعدين
واخر مره مش بعيده ودفعت الثمن


كيف كونت شخصيتك؟؟؟

كونت شخصيتي من العشره مع الناس من التجارب الي بعيشها
يعني مثلا انا تعرفت على شخص سوري الجنسة وبيشتغل بالاردن
اشتغلت معه حوالي ثلاث اشهر مخلص عاشر وفايت على الاول ثنوي
لقيت انه هالشب عنده شغلات كثير فاضيه ولقيت انه مش فارقه معه الدنيا
لكن تعملت منه كيف اكون حريص بمواقف معين
تعلمت منه الحدقنه باللغه العاميه ببعض المواقف الي بتواجهك بالحياه
يعني كل واحد بشوف فيه شي بيعجبني بحاول اوخذه منه وانميه بشخصيتي


ومن سماك يوسف؟؟

الي سماني يوسف هو ابوي

ولما اعرفت بان اسمك يوسف شو قلت ولا ما خطر بالك؟
ما خطر ببالي
لكن انا بحب اسمي كثير

شو معنى يوسف؟
يوسف حسب ما قرأت
هو اسم عربي اصيل
وان يوسف اسم الرسول يوسف بن يعقوب عليهما السلام
ويوسف بالعبرية يعني جلب الخير او وجهه
وايضاً من معاني اسم يوسف الاحسان والزياده
هيك انا بعرف

انت شو يعني للك الطموح؟

الطموح بالنسبة الي الغاية والقدره على التصميم لتحقيقها

ما رايك بالدكتور رشاد السيد......من دون تغول.....؟؟؟
بصراحه الدكتور رشاد دكتور قدير جداً
ومن افضل دكاتوره الكلية بصراحه بالرغم انه انا جبت عنده بالدولي العاد ( د )
والدكتور رشاد صاحب مبدأ ورساله بعكس كثير من دكاترة الكلية


شو حاب تكمل؟؟

اكمل شو بالضبط ؟؟؟

ووين بتقعد بالكلية؟؟؟

وين ما بدك بالكلية بتلاقيني وبقعد جوا الكلية كثير
بقعد بالعماده وكمان بحب اقعد قدام الكلية محل الحديقة الجديده بالكلية عند القوس :(125):

وماذا يعني للك الزمن ؟؟
الزمن مضى فلا يعود
والزمن بالنسبة شي مهم كثير بحاول اغتنم منه قد ما اقدر

ماذا يعني للك المكان؟؟
دائما انا بإشتياق الى اماكن قعدت فيها كثير
والمكان بالنسبة الي ذكريات
والمكان بالمفوهم العام بالنسبة الي الحياه

كيف تقيم الوضع السياسي بالمنطقة؟؟
مقبول نوعاً ما


ماذا تقرا؟؟
يا دوب اقرأ كتبي
:(163):
بحب اقرأ الكتب المفيده والقيمه الي بزيد ثقافة ومعرفتك

ومن تحب من الكتاب؟

قرأت كتاب اسمه لا تحزن لعائض القرني
كتاب جميل وقيم

وما هوايتك؟؟..........غير الشدة؟؟؟؟؟؟؟؟؟؟؟؟؟؟
الشده مش هوايه بالنسبة الي وانت حظك دياما لما ترن علي بكون بلعب شده
لكن هواية بمعنى الهواية ما عندي
:(126):

[Essa Amawi]

رجعتلك ^_^


1- يوسف صله يومين بعجلون .. شو كان يسوي ؟

2- هل يوسف بياكل المنسف على لحمة ولا جاج ؟ اي واحد الذ ؟

3- هل يفضل يوسف الاعمال المكتبيه ؟ ام الاعمال اليدوية ؟

4- هل يوسف يلعب الشطرمج ؟

5- هل كان يوسف يقود الداراجة الهوائيه ايام الصبا ؟

6- كم صديقا ليوسف ؟ (اصدقاء وليس معارف)

7- متى يغضب يوسف ؟

8- متى يخاف يوسف ؟

9- متى يفرح يوسف ؟

10- هل يوسف يشتاق الى احد احيانا ؟

11- هل ليوسف ألقاب معينة ؟

12- هل يوسف سائق متهور ؟

[YoUSeF MoMaNI]

رجعتلك ^_^
شو مالك علي يا زلمه اي والله اني مسكين وما الي غير ام وحده :(126):

1- يوسف صله يومين بعجلون .. شو كان يسوي ؟
احم احم
كنت اشغل بالدار الي بنعمر فيها
وتخصيصاً كنت ببني سنسله يعني بلغتنا بنسنسل

2- هل يوسف بياكل المنسف على لحمة ولا جاج ؟ اي واحد الذ ؟
بوكل منسف اللحمة ومنسف الجاج وبحب منسف اللحمه اكثر

3- هل يفضل يوسف الاعمال المكتبيه ؟ ام الاعمال اليدوية ؟
شوف انا من النوع اذا فيه شغله بقدر اعملها بيدي ما بتواني لحظه اني اشتغلها وما بجيب حدا يشتغلي اياها
لكن بفضل العمل المكتبي لانه فيه راحه
لكن بتحس بمتعه لما تخص شي انجزته بيدك

4- هل يوسف يلعب الشطرمج ؟

انا بصراحه ما بعرف غير كيف بيتحركوا لكن بلعب شطرنج لا

5- هل كان يوسف يقود الداراجة الهوائيه ايام الصبا ؟
اكيد اه وكان عندي بسكليت اما شو من الاخر

6- كم صديقا ليوسف ؟ (اصدقاء وليس معارف)
الاصدقاء والاحباب كثر والمعارف كمان كثار وانت شايف كيف العلاقات بالكلية يا عيسى


7- متى يغضب يوسف ؟
راجع الي قبل جاوبت هالسؤال

8- متى يخاف يوسف ؟
انا من النوع الي ما بخاف لكن اذا كنت بموقف غلط بحس بشي غريب هو حرص ولا خوف مش عارف
زي لما اغش او اغشش بأي امتحان

9- متى يفرح يوسف ؟
بأي خبر سعيد بفرحني
واي خبر بكون مستني اسمعه اكيد بفرح لما اسمعه

10- هل يوسف يشتاق الى احد احيانا ؟
اه ومش بس الى احد الى احاد

11- هل ليوسف ألقاب معينة ؟
يعني شو القاب عمي
هي شو الي بدك اياه انت
الي وما بدي احكي بعدين بتستلموني فيه بالمنتدى :(118):

12- هل يوسف سائق متهور ؟
انت طلعت معي بالسياره وشفت انه بسوق على مهلي يعني اكثر من 90 بطريق البحر الميت ما مشيت
لكن هالاشي انت بتحدده :(149):

[Essa Amawi]

من حهتي انا اكتفي بهذه الاسئله ^_^

[YoUSeF MoMaNI]

من حهتي انا اكتفي بهذه الاسئله ^_^


:(360):

كثر الله خيرك :(1):

انت متأكد انه ما ظل عندك اسئله :(119):
مع العلم انه انا ما سألتك ولا سؤال وانت نزلت زَخ فيه اسئله
اي انا نفسي اعرف شو مسويلك :(126):

[Essa Amawi]

ههههههههههههههه

خلص مرقها ^_^

بنستنى البقية اذا لسة عندهم اسئلة علشان نفكر بضحيه جديدة ونغتالها ^_^

[YoUSeF MoMaNI]

ههههههههههههههه

خلص مرقها ^_^

بنستنى البقية اذا لسة عندهم اسئلة علشان نفكر بضحيه جديدة ونغتالها ^_^
يعني انا تحت الاغتيال
مش على كرسي الاعتراف

[صفاء الايمان]

ياترى مين بعدك ؟؟

[Essa Amawi]

انت ^^

[صفاء الايمان]

^_^ بالله لازم نسوي انتخابات عادلة وبتحمل كل معنى الديمقراطية بعدين دور المشرفين بس نخلص من الادارة بنبلش بالاعضاء يلي زيي ^_^
======================================
اسئلة لالك اخ مومني
متى مومني بدو يستقر
متى مومني بكى بحياته
شو تعريف مومني للخيانة
وشو رايه بالانتحار
عمره مومني ظلم نفسه
متى مومني بحس بالذنب
بس مومني يصحى من النوم شو بعمل " برنامجك اليومي غالبا "
شو احلى رحلة بحياتك رحتها
مين استاذ انحفر اسمه وصفات لالو او مواقف بحياة مومني
شو بتعني عيلة المومني ليوسف

[YoUSeF MoMaNI]

^_^ بالله لازم نسوي انتخابات عادلة وبتحمل كل معنى الديمقراطية بعدين دور المشرفين بس نخلص من الادارة بنبلش بالاعضاء يلي زيي ^_^
======================================
اسئلة لالك اخ مومني
متى مومني بدو يستقر ؟
الاستقرار شي جميل كل واحد بيسعاله بالفطره لكن متى يوسف بدو يستقر لما الله يريد ولسه بكير على كل حال

متى مومني بكى بحياته ؟
مواقف ما بنساها ... لما رحمة جدتي توفت وكنت احبها كثير كثير كثير الله يرحمها
مره تمشكلت مع ابوي وزعلت منه وطلعت برا الدار ورجعت بعد ساعيتن وبست على رجله وقلته يا ابوي انا اسف وكنت ببكي وشوية ومواقف بالحياه بتقهر

شو تعريف مومني للخيانة ؟
الخيانة بنظري شي متفق على انه من الممنوعات بشكل مطلق بالفطره

وشو رايه بالانتحار ؟
برأيي الانتحار استلام للواقع بخلل واضح في دماغ المتنحر والي بيفكر بالانتحار بنظري انسان لا يستحق ان يعيش
بعرفش ممكن الي بده ينتحر كان يحاول يعبر عن شي وما حدا فاهمه وهالاشي الي سببله الحالة الي صار اليها

عمره مومني ظلم نفسه ؟
ظلمت نفسي

متى مومني بحس بالذنب ؟
حسيت بالذنب بأشياء ومنها شي ظلمت نفسي فيه وبرضو انا جاوبت على هالسؤال من قبل

بس مومني يصحى من النوم شو بعمل " برنامجك اليومي غالبا " ؟
لما اصحى على طول بتوضى وبصلي والحمدلله وبعد هيك اذا كان فيه فطور بفطر واذا ما كان فيه عادي واذا بدهم بروح بجيب فطور وبالعادة ما بوكل على الفطور كثير
المهم حياتي اليومية شغلات ثابتة ما بغيرها منها صلاتي .. احكي مع صحابي واشوفهم يومياً لانه دايماً بإشتياق الهم ... اقعد مع اهلي ... وشغلات عمومية بالحياة


شو احلى رحلة بحياتك رحتها ؟
احلى رحلة رحتها بحياتي على العقبه ووادي رم مع ناس بتعز على قلبي كثير كثير كثير كثير

مين استاذ انحفر اسمه وصفات لالو او مواقف بحياة مومني ؟
بصراحه انا علاقتي مع كل مدرسني كثير كويسه لحد هسه ولما اشوف واحد مهنم لحد الان احترامات
فيه استاذ اسمة وليد طيفور مدرس ادراة ونظم معلومات عنوان للمرح والذكاء والحدقنه لاف العالم وبيعرف كثير وكسبت منه كثير
استاذ اسمه عدنان العلي مدرس فنون حببني بشي اسمة فن ورسم
استاذ اسمة محمد عوده مدرس رياضيات مصدر من مصادر الانضباط وشد الانتباه
وكثيرين والله
بس فيه واحد ما بحبه وبيكون قرابتي وهو سبب جيات ابوي على المدرسه علي كثير باخر سنيتين بالمدرسه هو مدير المدرسه الاستاذ فالح المومني :(163):


شو بتعني عيلة المومني ليوسف ؟

العيلة بشكل المقصور على ابوي وامي وخواني وخواتي القوه والثقه والراحه والاشي الي ما بقدر استغني عنه

[YoUSeF MoMaNI]

شو انتخابات ما انتخابات
شوفلوكم بنت اسمها صفاء وحطوها زنزانة الاعتراف وعالواقف بدون كرسي يلا عيشي :)

[صفاء الايمان]

غيرت اسمي ههههههههههههههه
اصلا اصلا بس نخلص من المشرفين وبعدها يلي ملونين احمر
وقتها الله اعلم شو بصير

[صفاء الايمان]

اسئلة
من شو مومني بخاف
شو نقطة ضعف مومني
عمرو مومني كتب شعر او خواطر
شو بتعني الخواطر لالك
قسم الخواطر شو بعنيلك
قسم النقاشات شو بعنيلك
شي نفسك تغيره بحالك
شي حابب يتغير بالناس يلي حوالي
شي حابب يتغير بالعالم كلووو

[صفاء الايمان]

مومني شو بقيم خبرته بالنت والكمبيوتر
مومني مين اعز صديق لالو
وشو شروط اختيارك للصديق
متى مومني يحتاج الاخرين
مين بير اسرار مومني
مومني بحكي لحد اسراره
ولمين
اخوات مومني شو بيعنيله
وكيف علاقتك فيهم
اذا اعرفت انو في انسان غلط عليك شو حتعمل
" الغلط مرة بالشتم وانسان اخر بالاساءة خربلك شي بعز عليك احكيلي كيف بتتصرف بكل حالة"
الامتحانات شو بتعنيلك
الجامعة شو بتعنيلك
بعطيك ثلاث وردات لمين بتعطيهم
ثلاث شوكات لمين
ثلاث اوراق لمين
واقلام احمر اخضر ازرق اصفر لمين
رتب الالوان التالية بحسب راي مومني
احمر اخضر ازرق اصفر. بني. برتقالي. زهري بارد

[صفاء الايمان]

ايش مومني بعمل اول ما بفوت ع الجامعة
واول ما بفوت ع المنتدى شو بعمل ؟؟؟؟
شو ابعد ذكرى بتذكرها مومني من طفولته
شو بتعني طفولة مومني لالو
شو اكتر ذكرى بتذكرها من طفولته احلى ذكرى واحزن ذكرى
بس يسرح مومني بشو بفكر ؟؟؟؟؟

[صفاء الايمان]

مومني ليه هيك توقيعه
يا أعدل الناس إلا في معاملتي فيك الخصام وأنت الخصم والحكم؟؟؟؟؟؟؟؟؟؟؟؟؟؟؟؟؟
شو بيعنيلك
وليه هالتنسيق بالخطوط بتستعمل

علي امتحانات فاينل ولا كان اعطيتك حقك ^_^

[YoUSeF MoMaNI]

اسئلة
من شو مومني بخاف
شو نقطة ضعف مومني
عمرو مومني كتب شعر او خواطر
شو بتعني الخواطر لالك
قسم الخواطر شو بعنيلك
قسم النقاشات شو بعنيلك
شي نفسك تغيره بحالك
شي حابب يتغير بالناس يلي حوالي
شي حابب يتغير بالعالم كلووو


مومني شو بقيم خبرته بالنت والكمبيوتر
مومني مين اعز صديق لالو
وشو شروط اختيارك للصديق
متى مومني يحتاج الاخرين
مين بير اسرار مومني
مومني بحكي لحد اسراره
ولمين
اخوات مومني شو بيعنيله
وكيف علاقتك فيهم
اذا اعرفت انو في انسان غلط عليك شو حتعمل
" الغلط مرة بالشتم وانسان اخر بالاساءة خربلك شي بعز عليك احكيلي كيف بتتصرف بكل حالة"
الامتحانات شو بتعنيلك
الجامعة شو بتعنيلك
بعطيك ثلاث وردات لمين بتعطيهم
ثلاث شوكات لمين
ثلاث اوراق لمين
واقلام احمر اخضر ازرق اصفر لمين
رتب الالوان التالية بحسب راي مومني
احمر اخضر ازرق اصفر. بني. برتقالي. زهري بارد


ايش مومني بعمل اول ما بفوت ع الجامعة
واول ما بفوت ع المنتدى شو بعمل ؟؟؟؟
شو ابعد ذكرى بتذكرها مومني من طفولته
شو بتعني طفولة مومني لالو
شو اكتر ذكرى بتذكرها من طفولته احلى ذكرى واحزن ذكرى
بس يسرح مومني بشو بفكر ؟؟؟؟؟


مومني ليه هيك توقيعه
يا أعدل الناس إلا في معاملتي فيك الخصام وأنت الخصم والحكم؟؟؟؟؟؟؟؟؟؟؟؟؟؟؟؟؟
شو بيعنيلك
وليه هالتنسيق بالخطوط بتستعمل

علي امتحانات فاينل ولا كان اعطيتك حقك ^_^

رح اجاوب على اسئلتك لكن مش هسه
لانه هسه نعسان هي تروحيتي من الشغل والي يومين ما فتت على المنتدى
بس افوت بلاقي تحقيق شو انا مسوي مش عارف :(