صفاء الايمان على كرسي الاعتراف ..

[Essa Amawi]

مرحبا جميعا ،


اكيد كلنا بنعرف العضوه صفاء الايمان

صاحبه المواضيع الرائعه والحماس الدائم .. ذات الردود الرائعه والديبلوماسيه المميزه بالحوار والتعامل ..
هي مديره علاقات عامه غير رسميه .. تمتاز بسرعه بديهتها وثقافتها الرائعه

نرحب معا بصفاء الايمان عضوه تحت التشريح .. عفوا على كرسي الاعتراف

طبعا لصفاء القدره على رفض الاجابه عن الاسئله التي تعتقد انها غير جائز سؤالها


نبلش مع صفاء على كرسي الاعتراف ^_^



1- اسمك صفاء الايمان .. ليش اخترت هذا النيك نيم ؟

2- بتحكي خليلي ؟

3- شو جابك على موقع كله قانونيين ؟

4- كيف صحتك هاليومين ؟

5- شو الفكره الي كونتها صفاء عن القانون وطلابه ؟

[فـيـصـل الـبـلـوي]

أهلا وسهلا بشعلة الموقـــع


أجدت الإختــيار أخي عــيسى


حبيت أن أرحب بضيفتنا صفاء الإيمان


ولي عــودة بالأسئلة

تـحياتي

[YoUSeF MoMaNI]

بسم الله الرحمن الرحيم
اوقعتي وما حدا سمى عليكي


صفاء شو قصتك مع الفلسفه ؟

شو رأيك بعلم النفس ؟

عمرك قرأتي كتب بعلم النفس والفلسفه واذا اه اسماء الكتب ؟


هل انتي شايفه حالك ؟ واذا اه ليش واذا لا ليش ؟


هل دخلتي تخصصك عن رغبه ولا كنتي بدك تخصص ثاني ؟


شو اكلتك المفضله ومشروبك المفضل ؟


برأيك .. ما هي الحياه بالنسبة الك ؟


شو نوع تلفونك ؟ هاظ السؤال مش عارف شو خصه بالحياه


هل صفاء تحب المجادله ؟


شو عطرك المفضل ؟


الي رجعه فيه اسئله مخبيلك اياها بس تتعبي من كثر الاسئله

[صفاء الايمان]

مرحبا جميعا ،


اكيد كلنا بنعرف العضوه صفاء الايمان

صاحبه المواضيع الرائعه والحماس الدائم .. ذات الردود الرائعه والديبلوماسيه المميزه بالحوار والتعامل ..
هي مديره علاقات عامه غير رسميه .. تمتاز بسرعه بديهتها وثقافتها الرائعه

نرحب معا بصفاء الايمان عضوه تحت التشريح .. عفوا على كرسي الاعتراف

طبعا لصفاء القدره على رفض الاجابه عن الاسئله التي تعتقد انها غير جائز سؤالها


نبلش مع صفاء على كرسي الاعتراف ^_^


^_^
الله يستر :(114):
نفسي احكي لرندة هالمرة مش سحر :(205):


1- اسمك [/size][/font]صفاء الايمان[font=tahoma][size=4] .. ليش اخترت هذا النيك نيم ؟
بصدق اسمي الحقيقي صفاء
والايمان لاني بحب الصدق والصفاء في الايمان والاخلاص راااااااائع ان وجد بتمنى اوجده بنفسي وبمن حولي :(205):


2- بتحكي خليلي ؟
لا ابدا اصلا بس اسمع حد بحكي خليلي بفرط ضحك
شوف علي انا اربيت بالاردن وانولدت فيها الي 5 سنين بفلسطين لكن بقرية وهذا خلاني احكي جبرا بالgـال وكمان اهل امي بحكو بالكال لغة دارجة بفلسطين شخصيا برتاح بالكال لانو نطاقها وااااااااااسع لكن بس اروح للاردن بضطر موقفيا احيانا احكي بالآل ع سيرة لاني بنت لازم تكون نعومة مع اني ما بقتنع بهالشكليات ابدا غير هيك ما بحب يكون في فوارق بيني وبين يلي بحكي معو


3- شو جابك على موقع كله قانونيين ؟
ما بعرف بس اجيت عليه عجبني شفته ما في حركة لانو كان مسكر الو شي شهر وعجبتني شغلات فيه حبيت انكشه وتعلقت فيه هاي القصة :(332):


4- كيف صحتك هاليومين ؟
الله لا يطعم الوجع اللي ذقته لحد بالفعل تعبانة لكن تحسنت اليوم الحمد لله


5- شو الفكره الي كونتها صفاء عن القانون وطلابه ؟
كنت اظنه حفظ وبصم وسرد غبي فقط زي الببغاوات لكن ايقنت بالفعل انو ذكاء ودهاء وحكمة وبحق رائع

:(89): الحمد لله اول الغيث قطرة الله يستر :(205):

[صفاء الايمان]

أهلا وسهلا بشعلة الموقـــع


أجدت الإختــيار أخي عــيسى


حبيت أن أرحب بضيفتنا صفاء الإيمان


ولي عــودة بالأسئلة

تـحياتي

:(120): بالمهلي ما يولي
تسلم استاذ فيصل انا بستنى :(82):

[Essa Amawi]

اهلا فيكي ^_^

اكمن سؤال على العشيه :


1- اعطي نسبه من 100 ترين نفسك فيها لكل مما يلي :
- الصدق
- العاطفه
- الدين
- الثقافه
- العمل
- الجد
- النشاط
- الكسل
- المال
- الخبره في الحياه
- الطبخ


2- كلمات تكثر صفاء من تكرارها وماذا تعني لها هذه الكلمات ؟

3- الوان تحبها صفاء واخرى تكرهها ؟ لماذا ؟

4- اسمعنا بتعرفي تطبخي .. بماذا تبرعين اكثر ؟؟

5- لو صح لك سياره خاصه فيكي .. شو بدك توعها ولونها ؟

[صفاء الايمان]

بسم الله الرحمن الرحيم
اوقعتي وما حدا سمى عليكي
:(217): اه شايفة انا المكتوب من عنوانه تشريح :(202):


صفاء شو قصتك مع الفلسفه ؟
هاد يا سيدي هالمجال واااااااااسع لكن احيانا بس اكون بمزاج مش رايق مستعدة انهي نقاش فلسفي بطريقة حادة ببهدلة يعني اما اذا كنت رايقة بسحبها لانتصر بالاخر عالم خاص بحسه لالي بس اكون رايقة عفكرة اذكر فلسفتي من انا عمري سنتين وخمس سنين بحق دهاء الاطفال لا يينسى :(203):


شو رأيك بعلم النفس ؟
ما بفتخر باني بقرا فيه لكن هوو اصلا علم راقي بيجذبني لاله


عمرك قرأتي كتب بعلم النفس والفلسفه واذا اه اسماء الكتب ؟
مققتطفات عامة كلها لكن محاضرات استمعت كتير مخصوص للفقي وصفا مصطفى شخصيا حتدحك لاني صحيح بحفظ جهة يمين ويسار من كتب كتيييييييييرة وحتى للمدرسة لكن ضعيفة احيانا بحفظ اسماء الكتب بحسب الكاتب وطريقته



هل انتي شايفه حالك ؟ واذا اه ليش واذا لا ليش ؟
شوف علي احيانا بحس حالي انانية وشايفة حالي
غير هيك ما بحس هالشي فيي لكن احيانا بكون انانية بس يكون شي بخصني لكني بحق كريمة ع غيري بخيلة ع نفسي لكن بالجامعة بما انو بابا بدرس بالجامعة اللي انا بدرس فيها تعامل الطلاب لالي وطالبات بختلف عن معاملة اي طالب عادي عشان هيك بحاول ما اتفاخر بهالشي انو بابا بددرس لانو تفكير الطلاب بوديهم بعيد مخصوص بالتعامل ووو دوامات بكرها بس اروح للجامعة



هل دخلتي تخصصك عن رغبه ولا كنتي بدك تخصص ثاني ؟
يا ابني انا كان نفسي بتخصص صحافة واعلام لكن لساتي ما بلشت بتخصصي الله اعلم بس هيئته حلو بيليق بتفكيري ع الاقل فهم ورائع اظن :(82):



شو اكلتك المفضله ومشروبك المفضل ؟
ما في شي محدد كل شي بعرف اطبخه بحبه لاني انا صنعته لكن اكل مفضل الدوالي وقبله البخاري شي مزبط مع صلصة اشي مرتب والله اما مشروب ما بعرف ادمنت الشاي الاخضر والنسكافيه من التوجيهي لكن اشتقت للكوكتيل :(217):وحليب ع موز :(203):



برأيك .. ما هي الحياه بالنسبة الك ؟
طريق كلها فروع احنا بنختار الفرع اللي بيناسبنا لكن احيانا كثيرة قد لانوفق بالاختيار وقد نوفق وذاك وحظك وقدرك اولا


شو نوع تلفونك ؟ هاظ السؤال مش عارف شو خصه بالحياه
هههههههههه ادحك لكن انا شخصيا ما بهمني البلفون او الخلوي بنات كتار حسيت بسخافتهم لانهم مسكو خلوي انا شخصيا ما بهمني ما بنحرج بس احكي انو ما بملك خلوي وانا بهالعمر كخلوي نوع حديث لكن لافكار احملها في بشار بخط اورانج الو من زمان بالبيت ما باخده الا اذا حتاخر بالجامعة لا سمح الله صار منع تجول شي منو بتصل ع اهلي بالازمات الله يبعدني عنها


هل صفاء تحب المجادله ؟
اه تناحة شوي احيانا بالمزاج والله
احيانا بكون مستعدة اجادل لاشيب اللي قبالي واحيانا لافكار اناصرها واحيانا بس تناحة وزناخة



شو عطرك المفضل ؟
اسمحلي اضحك كتييييير صفاء مش من هالنوع ما بهمني هالاشيا عطور ومكياج هاد كلو هبل بحسه لكن ما في عطر محدد سواء رجالي ستاتي بناتي
بس ما بحب ريحة الياسمين مع انو بحكو انها حلوة لكن في عطور ما بعرف اساميها ولا بهمني اعرف يمكن بس اخطب اميل لهيك اشيا الله اعلم شو يصير بالدنيا


الي رجعه فيه اسئله مخبيلك اياها بس تتعبي من كثر الاسئله


:(120): حياك الله باي وقت هلا فيك

[صفاء الايمان]

اهلا فيكي ^_^

اكمن سؤال على العشيه :
:(120):





1- اعطي نسبه من 100 ترين نفسك فيها لكل مما يلي :
اقسم ال 100 عليهم ولا نسبة بدي اعطيك نسبتهم احسن اظن اعدل

- الصدق = بحاول اكون 100 % لكن بلا كذب خليني عادلة والصدق عندي بصل في الثمانين
- العاطفه = احيانا بحس حالي عاطفية كتيييييييير بس اكتب خواطر بحسب الوضع ما بقدر اقدر
- الدين = في ذلك ما اجد بنفسي ذاك التدين اللي لو بقيسه عن اخواتي اللي اكبر مني لكن احاول ان اوصله للتسعينات باذن الله مقارنة باخواتي في حفظ القران انا 5 اجزاء ونسيتهم اخواتي اقل وحدة 15 جزء غير هيك هم لبسو النقاب من صف تاسع والجلباب من اول فذاك فارق كبيييييييييير من هالناحية غير التعامل الله يعينا ويهدينا يارب
- الثقافه = ما بشوف حالي مثقفة بس احكي مع عيسى او حد زيه طبعا لكل واحد مجاله برضو
- العمل= بحب الشغل يكون من ايدي تووب مش من ورا ايدي لكن رائع عندما اكون بمزاج جيد
- الجد = رفيق وملازم للعمل
- النشاط = مع العمل ما اروعه ليكون متقن
- الكسل = بحب ابعد عنه لكن احيانا ادفع نفسي للكسل لارتاح شوي
- المال = ما بهمني كتير لكن هوو يلي بحرك الدنيا بحب اكون كريمة ع غيري بهداايا واشيا حلوة يفرحو يلي حولي شخصيا ما بحب اتمصرف بشي لالي يعني حتى اروح واشتري زي ما بشوف جنونن البنات بالمولات شخصيا عندي اتزان لاني بفكر بالضروريات والاولويات
- الخبره في الحياه = ما مشيت كتير لكن شخصيا حاسة حالي جربت اكتر من اخواتي
- الطبخ = لا تسال لكن الحمد لله بفتخر انو بلشت انافس طباخات العيلة خالاتي ونسوان خوالي :(82):



2- كلمات تكثر صفاء من تكرارها وماذا تعني لها هذه الكلمات ؟
كن مع الله ولا تبالي << تنمح الثقة بالنفس
انا قوية << اذكر بمحاضرة حكيتها الها رابط عصبي جواي طلعتني من فكرة
الانسة صفاء << شخصية منفردة مستقلة تحمل الكثير
ما اجمل التفاؤل << لبكرة بتلزمني كتير


3- الوان تحبها صفاء واخرى تكرهها ؟ لماذا ؟
بموت ع الاحمر فيه قوة
والزهر هادئ ورومنسي
بحب الاسود ع الاحمر والابيض ع الاسود والابيض ع الاحمر لبسات جربتها رائعة
بيحكو البنفسجي حلو باللبس بحفلة التوجيهي كان لبسة حلوة عجبتني
واكيييييييييييييييد الفضي اللماع واللؤلؤي رائع بحس فيهم قوة
الوان بكرها ما بعرف بس الاخضر بكرهه ما بعرف ليه والبني بحس تشاؤم ما بعرف ليه


4- اسمعنا بتعرفي تطبخي .. بماذا تبرعين اكثر ؟؟
اه بحكو اي شي بدك الحمد لله لكن مش شاطرة احيانا كتير ةبخرب معي الرز اللي معمول بلا شعيرية بخبص ا لا اذا كان رز بسمتي او ابو كاس والشللة
الدوالي توب والحمد لله واي شي ما بعرف مش فاكرة حاليا بس المنسف بحبو اطبخلهم اياه
بس الرز ع ماما اذكر زبطته باكثر من مرة لكني بهاب بس اعمله


5- لو صح لك سياره خاصه فيكي .. شو بدك توعها ولونها ؟
نفسي اركب كشف احمر ما بعرف بسياسة السيارات وثقافتها ضيقة عندي والجيب بحس فيه قوة يكون اسود او احمر
:(120):

[YoUSeF MoMaNI]

عدنا والعود احمدُ

السؤال الاول بقول :

ليش بتعتبري المكياج والعطور سخافه ؟

عمرك قرأتي روايات اسم الروايه ولمين وشو اكثر شي عجبك فيها ؟

ما مدى ايمانك بالحظ ؟ يا صفاء الايمان

شو رأيك بالطموح ؟

شو طموح صفاء للمدى القريب والبعيد ؟

شو رأيك بالروتين ؟

هل بتعاني من الروتين بحياتك ؟

اكمن سؤال جاوبي عليهن وراجعلك

[صفاء الايمان]

عدنا والعود احمدُ

السؤال الاول بقول :
:(82):


ليش بتعتبري المكياج والعطور سخافه ؟
لانو البنت اذا استخدمتهم برا بكون قد يكون ناقصها ثقة وبتعمل هيك لتظهر نفسها عفكرة يلي بترش عطر وبشم ريحته رجل غريب عنها تعتبر زانية وفي ذلك احاديث صحيحة اما اني انا شخصيا ما بحس باهميتها حكيت بس لاخطب وقتها حفكر بهالشي لخطيبي لانو هالشي لالو مش لشخص غريب اما ع الصعيد العام بظن بظن انو اهتم باللبس اكيييييييييييييد مطلب مهم اواعيي مكويين اهم شي عندي برضو الكندرة ممسوحة بتلمع بس لاطلع ع الشخص من تحت لفوق مهم يهتم بمظهره بكره شي اسمو ريحة عرق في اختراع اسمو مزيل عرق بيغني عن العطور دون الدخول بالحرام وشبهاته


عمرك قرأتي روايات اسم الروايه ولمين وشو اكثر شي عجبك فيها ؟
ما بحفظ اسماء روايات شخصيا اختي كاتبه قد اعجب باسلوبها واقتبس منه في اسلوبي :(220):


ما مدى ايمانك بالحظ ؟ يا صفاء الايمان
بالتوجيهي حسيت فيه كنت متاكدة اني ححمل الفيزيا والرياضيات والادارة والاحياء اتفاجات اني ناجحة فيهم :(157):


شو رأيك بالطموح ؟
منقذ الانسان من حفر كتييييييييييييييرة واذكر قصه الاخ مهند بحق رائعة


شو طموح صفاء للمدى القريب والبعيد ؟
القريب احقق الامتياز بالجامعة وابلش جادة بتخصصي
بعيد اني احصل شهادات شخصية وثبوتات ل cv للعمل بمكان راقي بمرتب راقي


شو رأيك بالروتين ؟
بعلمك ايش حتعمل بكل لحظة صعب لكنه قاتل بطيء وقد يكون بحضرك للتمثل المشاهد يلي بحياتك


هل بتعاني من الروتين بحياتك ؟
بعض الاحيان الكثيرة مخصوص ايام العطل حاليا بحاول اتخلص منه


اكمن سؤال جاوبي عليهن وراجعلك
:(120): اهلا بك :(120):

[Essa Amawi]

ههههههههههه

طيب


1- هل صفاء عصاميه ام عظاميه ؟

2- بتحبي السياسه ؟ ليش ؟

3- لما بدك تاخذي موقف من اشي ؟ كيف بتاخذي الموقف ؟ ممكن تغيري رأيك فيه ؟ كيف ؟

4- هل لصفاء قابليه للتغير ؟

5- هل صفاء تخطط للمستقبل ؟اي مستقبل البعيد ام القريب ؟

6- قنوات تتابعها صفاء على التلفاز ؟

7- ما رأيك بكتب السير الذاتيه ؟

8- اشخاص في هذه الدنيا ترينهم بعين ايجابيه ؟ واخرون بسلبيه ؟

9- ما رأيك بالقهوه ؟

10- عمرك حضرت نقاش على الجزيره ؟ هههههههه

[صفاء الايمان]

ههههههههههه

طيب
:(157): ليش الضحك :(220): عكل مش مشكلة



1- هل صفاء عصاميه ام عظاميه ؟
اذكر احد الحمقى سئل هالسؤال مكتوب ع جهة اليسار بكتاب العربي الوحدة الاولى من مقرر عربي 1 اجاب عصامي وعظامي فكوفئ ع ذلك انا شخصيا لا اتحيز بتفكيري وتحليلي لهالمفهومين لكن وقت ما حكى الاحمق انو عصامي وعظامي لانو ما بفهم معنى اي وحدة منهم عشان اذا طلع عصامي يحكي انا عظامي واذا عظامي يحكي انا عصامي تشفعله وحدة ما بدي ادور كتير لكن خليني ع جوابه لتفكير طويل قد يتعبني


2- بتحبي السياسه ؟ ليش ؟
مش بكرها بالكره لكن عنا مفهوم السياسة بفلسطين اوسع من الاردن لكن صدقا ما بحب اخوض فيها لنتائجها هي مش صعبة ابدا كلها مبادئ وافكار كثيرا ما تحمل الدهاء والذكاء بمحتواها


3- لما بدك تاخذي موقف من اشي ؟ كيف بتاخذي الموقف ؟ ممكن تغيري رأيك فيه ؟ كيف ؟
بصدق الانسان اللي اخد منو موقف مستحيل ابدله مهما يكون بصير بازمة مخصوص اني بحمل بين افكاري انو الانسان موقف وفي اشخاص بالفعل موقف ببينلك شخصيتهم كاملة وتعاملهم وسيرتهم بحياتهم
لكني بهيك مجتمع بتجنب هالحكم لانو مش كل يوم بقابل الناس ولا كل يوم بتعامل معاهم ع قولة هالخليلي يمكن احتاجه بيوم خليللك صاحب بالدنيا :(82):


4- هل لصفاء قابليه للتغير ؟
اظن ذلك تغيرت كتير بحياتها والمجتمع غيرها كتير لكن بحاول اكون متل المي بتعاملي مع الناس انو من ناحية الشفافية وبرضو اني اتقولب واتمكن من التاقلم بسهولة مع اي من اقابله لاكسر الحواجز


5- هل صفاء تخطط للمستقبل ؟اي مستقبل البعيد ام القريب ؟
للبنت صعب انها تفكر للبعيد لكن اطمح لاني اخد دورات بالصحافة والاعلام والاكتر اطور نفسي بتخصصي وبرضو القريب اني انجز الامتياز بالجامعة حلو هاللقب :(82): غير انو تكون نيرد بالجامعة كتييييييييييير راقي وبحسك بالاستقلالية والانجاز


6- قنوات تتابعها صفاء على التلفاز ؟
ههههههههه ما بحضر تلفزيون كتير لكن بحب برامج ثقافية بحب برنامج الف باء العلوم ع الجزيرة للاطفال برضو احم احم mbc3 بتجيب اطفالات ديزني حلوة بحبها وبرضو المجد الوثائقية وبرضو الجزيرة الوثائقية تحفة مخصوص يلي بالعلم والثقافة تحفة


7- ما رأيك بكتب السير الذاتيه ؟
يلي مر علي لكتاب ضيقين بتفكيرهم اخدين الفلسفة والمدح بحالهم فاخدت فكرة مو منيحة ما ببحر بالكتب بقدر ما ببحر بالمبادئ اللي بيحملها الكاتب لاكتشف شخصيته وعالمه يلي خلاه ينتج هالكتاب


8- اشخاص في هذه الدنيا ترينهم بعين ايجابيه ؟ واخرون بسلبيه ؟
كثر من ذاك وذاك
ايجابي كل معلم علمني حتى استاذ الرياضيات يلي قابل بالتصدي لالي بس طلعت نظريات ومعادلات الرياضيات وقتها حقدت عليه لكن برضو معلمتي بالروضة ماما امال وبرضو ماما سهيلة اذكرهم اذكر كذلك كل طفل جواه جانب رائع بنشر الجمال بابتسامة وين ما بكون برضو ايجابية اللي عندهم علم بنشروه بطريقة مرحة تحبب الناس بالعلم وكذلك الدين ^_^
سلبية كل بنت ما عندها ثقة بحالها
والشباب الاغبياء يلي بيتسلو بالبنات نفسي احكيلهم كما تدين تدان وبرضو البنات يلي بحاولو يتسلو بالشباب شفتهم بالجامعة وبحق امنيتي امحيهم عن الدنيا


9- ما رأيك بالقهوه ؟
بحب ريحتها لكن ما بشربها
السعودية السادة طيبة مع التمر بالعيد بس


10- عمرك حضرت نقاش على الجزيره ؟ هههههههه
بتعرف احيانا بكون اضحك واحيانا بحاول اني اناقش معهم مثلا عبد الباري عطوان بعجبني نقاشه هوو شخصيته بتجذب لتحضرله مش كتيربحضر نقاشات لكن نقاشه بفش القلب ع الاكثر
بس تاع الاتجاه المعاكس بحسه بس بخليهم يطاوشو بعدين بصير يحجز ههههههههههه :(82):

[Essa Amawi]

هههههههههههه

هلأ كنت احضر الاتجاه المعاكس
جد بفرط ضحك انا ^_^

==================

1- صفاء متى تكره شيء / شخص ؟

2- هل صفاء من النوع الي بيحقد ؟

3- شو علاقتك بالكلاب ؟ ههههههههه

4- بتفضلي ترجعي للمدرسه ؟ ليش ؟

5- اكبر مبلغ مسكته صفاء .. سواء الها او مش الها ؟ شو كان شعورك ؟

6- 3 اشياء تتمنى صفاء تحقيقها في هذه الحياه ؟

7- صفاء بتحب النسكافيه .. بتعملها برغوه على الوجه ولا لأ ؟

8- حلويات بتحبها صفاء ؟

9- علاقه صفاء بالكتب اللامنهجيه ؟

10- بتتابعي اخبار ؟

[صفاء الايمان]

هههههههههههه

هلأ كنت احضر الاتجاه المعاكس
جد بفرط ضحك انا ^_^
:(244):

==================


1- صفاء متى تكره شيء / شخص ؟
اكره شخص اي نعم واشخاص كثااار لكن لمواقف ببحث جدي هم غلطانين عشان هيك كرهتهم اذا تغيرو ممكن ارجع كمحايدة معاهم


2- هل صفاء من النوع الي بيحقد ؟
ما بظن


3- شو علاقتك بالكلاب ؟ ههههههههه
لووووووول بخاف منهم رعب لكن عندهم وفاء وذكاء المسه في بعض التصرفات الفطرية :(244):


4- بتفضلي ترجعي للمدرسه ؟ ليش ؟
لصداقات كانت فيها الاخلاص من جهة معلميني ومعلماتي بمرحلة تاسع لعاشر نفسي احكيلهم بحق انتو مخلصين مممم كنت طالبة مثالية بالمدرسة الكل بعرفني حتى بالجامعة بيجو بسلمو علي بحكو معي لكن ما بعرفهم لانهم بعرفوني
لكن بتظل المدرسة احسن من الجامعة للتعامل لانو مع اشخاص انت بتعرفهم بتعاشرهم بوقت اطول بحكم نظام الجامعة تاعتي


5- اكبر مبلغ مسكته صفاء .. سواء الها او مش الها ؟ شو كان شعورك ؟
ما بذكر لالي اكتر مبلغ 200 دينار حر مش لالي ما بعرف نوع من القوة المتلاشية لاني كنت قبل لامسكهم عارفة وين حصرفهم لكن شخصيا ما بمسك المصاري الا لاني عارفة وين حصرفهم واذا ما حددت بظلو سنة معي ما بصرف شيكل منهم وجربت هالشي العيد اللي قبل هاد كان معي عيديتي يعني بحدود ال200 شيكل انتبهت اني احتفظت فيها لاكتر من نص سنة ولظرف اطراري مو لالي للعيلة صرفتهم كان شعور رائع لانو حسيت بالمشاركة وقتها


6- 3 اشياء تتمنى صفاء تحقيقها في هذه الحياه ؟
ع الصعيد الاجتماعي الذوق والاحترام والتفاهم مع الكل
ع الصعيد الشخصي الامتياز وطموحات كتيرة ما بخلص عدها
ع الصعيد العائلة احقق مصدر فخر لاهلي فيي
ع الصعيد القريب اكون عند حسن ظن الكل
احقق شيء يجعلني بشهرة ذات هام للاسلام ونفسي والمسلمين


7- صفاء بتحب النسكافيه .. بتعملها برغوه على الوجه ولا لأ ؟
بكثر مبيض عشان تطلع الرغوة :(109):
يا الله


8- حلويات بتحبها صفاء ؟
حلاوة الجبن زاكية برضو البقلاوة بس من دون قطر كتير قطايف ع قشطة


9- علاقه صفاء بالكتب اللامنهجيه ؟
كنت استغلها لانمي قدرتي بالتحدث بالمدرسة واوسع مجالاتي حاليا كتبي كبيرة كفاية ولكن مش كل كتاب بشدني بحس الكاتب واسلوبه وموضوعه :(82):


10- بتتابعي اخبار ؟
مش كثير بالمزاج
بحب انتبه لشخصية المذيع وبرضو اسلوبه :(292):

[Essa Amawi]

ههههههههههههههههه
الله يعينك
انا مستمتع بالاسئله على فكره ^_^

======================

1- صفاء بتلاقي حالها وين على الصعيد العملي ؟

2- اكبر كتاب قريته صفاء ؟

3- لما كنت بالاردن .. شو المحافظات الي زرتيها ؟

4- لما كنت بالاردن كمان مره .. شو اكثر شيء عجبك وما لقيتيه بفلسطين ؟

5- وانت بفلسطين هلأ .. شو المحافظات الي زرتيها ؟

6- شو الاشي الي لقيتيه بفلسطين وما لقيتيه بالاردن ؟

7- من واقع حياتك .. شو الاشياء المشتركه بين البلدين ؟

8- هل تعتقدين انهم بلدين حقا ؟؟

9- شو رأيك بكل من البلدان التاليه :

- الاردن
- مصر
- فلسطين
- لبنان
- سوريا
- العراق
- السعوديه
- الامارات
- العراف
- المغرب

10 - لو صفاء بتشتغل بمحل لبيع الورد .. ودخل عندها زبون بده باقه ورد معينه صفاء لا تستطيع تنسيقها .. كيف ستتصرفين ؟ هل ستقنعينه باشياء اخرى ؟ ام انك ستخربين سمعه المحل باخباره الحقيقه ؟ ام ماذا ؟

[صفاء الايمان]

ههههههههههههههههه
الله يعينك
انا مستمتع بالاسئله على فكره ^_^
:(244): وانا :(203):

======================


1- صفاء بتلاقي حالها وين على الصعيد العملي ؟
حاليا شغل البيت يكفيني افكر ادرس واشتغل ع الفصل الثاني والله اعلم


2- اكبر كتاب قريته صفاء ؟
ما بذكر تحديدا لكن عندي فضول لاعادة قراءة بعض الكتب لمرات كتيرة منهم 5 مرات واكثر


3- لما كنت بالاردن .. شو المحافظات الي زرتيها ؟
كنت بعمان عايشة صويلح لكن تنقلاتي وصلت ابو نصير والجبيهة برضو الزرقا والبحر الميت الشونة الشوبك برضو العبدلي الزرقا اماكن ما بذكرها برضو


4- لما كنت بالاردن كمان مره .. شو اكثر شيء عجبك وما لقيتيه بفلسطين ؟
خلت السؤال بالعكس للوهلة الاولى لكن حجاوب ع ها دو العكس
هاد السؤال بالاردن انو الناس تعاملهم عام مش خاص يعني ما بدخلو فيك
اما بالعكس العقلية المخيقة والتفكير العميق والتحليل السريع عندهم مخيف خاصة الغزازوة اذا بدهم شي بصلولو باصرار غريبين اهل فلسطين صراحة عندهم اصرار


5- وانت بفلسطين هلأ .. شو المحافظات الي زرتيها ؟
بيت لحم ،رام الله ، اريحا القدس اكيد الخليل طبعا


6- شو الاشي الي لقيتيه بفلسطين وما لقيتيه بالاردن ؟
جاوبت عليه الاصرار ع تحقيق الهدف واثبات المعتقدات والافكار بطريقة داهية ومخيفة احيانا


7- من واقع حياتك .. شو الاشياء المشتركه بين البلدين ؟
بظن انو كلهم بشر لكن كلهم بشتركو ايضا بانو في جانب ليفتخر فيه كل فرد بحياته


8- هل تعتقدين انهم بلدين حقا ؟؟
لا بلد واحد وكل الوطن العربي لكن من خلال تعايشي مع الافراد حقيقة ارى اصرار في فلسطين


9- شو رأيك بكل من البلدان التاليه :

- الاردن
- مصر
- فلسطين
- لبنان
- سوريا
- العراق
- السعوديه
- الامارات
- العراف
- المغرب

10 - لو صفاء بتشتغل بمحل لبيع الورد .. ودخل عندها زبون بده باقه ورد معينه صفاء لا تستطيع تنسيقها .. كيف ستتصرفين ؟ هل ستقنعينه باشياء اخرى ؟ ام انك ستخربين سمعه المحل باخباره الحقيقه ؟ ام ماذا ؟

لبكرة
سلام ^_^

[HAMZEH_TARBIEH]

أولا مرحبا صفاء
خلينا نبلش
بسم الله الرحمن الرحيم
1- ما هو أكثر شخص تكرهينه في الحياة ؟
2- ماذا تفعلين لو أنكي تكرهين شخص وهو يحاول الأقتراب منك؟
3- ماهو برجك وهل تصدقين هذه الأقواليل؟
4- هل تحبين شغل البيت أم أنك تتهربين؟
5- لماذا تتباهين بنفسك لأبعد الحدود؟
6-إذا كان لديك معشوق فهل تغارين عليه لو شاهدته برفقة أحدى النساء؟

[ahmad albadawi]

اين تسكن صفاء بالضبط في فلسطين عشان انا عارفها حارة حارة؟


اين تحب ان تسكن صفاء؟


اريد تحليل لشخصية صفاء قصير يعني عشان اعرف مين صفاء لاني شايف اكثر من شخصية في ان واحد؟



ماذا يعني للك ؟

الصباح

ضرب المدفع للعيد


العيد

الفرح


رمضان


السعادة


الامان


الرجل


المراة


الطفولة


الاحسان


العفاف


اين تجد صفاء موقعها بين النساء ؟


هل تحب كلام النساء الكثير الغو؟

ماذا تعني لها القدس ؟


ماذا تعني لها الصلاة؟

الى من تلجا عندما تحتاج الى حدا؟


ماذا يعني لك الحب؟


هل انت مع المكياج ام الاخلاق؟


ماذا يعني للك الجمال؟

كيف تمضي الايام؟

كيف تنظم الوقت ؟

هل كل شي انترنت ام يوجد اشياء اخرى اورنج في الاردن تقول الانترنت =الحياة فهل انت مع هذا الراي؟



ماذا تحتاج الحياة لتكون افضل؟


متى النصر باعتقادك وما هي طرق ودواعي النصر من وجهة نظرك؟


ماذا تعني للك سماء البارحة؟

ماذا يعني للك اليوم ؟

ماذا يعني لك الغد؟

ماذا يعني الحاضر المستقبل الماضي ؟

كيف تتعامل مع الامور؟


لماذا عندما تنتقد صفاء تميل الى الملائكة وانها لا تخطى وتبرير تصرف معين؟


كيف نوعية تعاملها مع برهوم اخوها واخوانها ؟

كيف تعامل اخوان صفاء مع صفاء؟

ماذا تعني لها الاسرة
الزاوج
الابن
البنت
الاخ
الاخت
حمودة ابن الاخت ؟


كيفية تعامل الوالد مع صفاء؟



ماذا تخطط صفاء للمستقبل القريب؟


ما مقدار مهر صفاء اذا وافقت على الشخص؟

ما المعايير التي تراها صفاء مناسبة في فارس الاحلام؟


ما راي صفاء بكل صراحة بالعضو احمد البدوي
من الناحية الادبية
الثقافية
الاخلاق
المعاملة
العلمية
الوطنية
يعني من كل النواحي بلا مجاملة
يعني خذ راحتك؟؟؟

[صفاء الايمان]

ايوة رجعت
مبارح طلعت من دون ما اكمل عشان ما كنت مركزة غيرو مش منيح البنت اضل علنت لساعة متاخرة مهما كانت بتعمل
المهم

- شو رأيك بكل من البلدان التاليه :
بعرفش بس انا اصلا ما تواجدت الا بالاردن وفلسطين عكل بحاول برايي

- الاردن = المكان اللي انولدت فيه وطفولتي عشتها فيه ما بنساه والاشخاص يلي عشت معهم
- مصر = ما بعرف لكن عندهم حرص وفلسفة الكسب
- فلسطين = اصرار وتفكير عميق حيرني
- لبنان = بظن للسياحة حلوة
- سوريا = زي لبنان
- العراق = بعرفش
- السعوديه = بلد نفسي ازورها واروح حج وعمرة ^_^
- الامارات = بلد بتمنى اعيش فيها عفكرة بس اشوف العايشين بقصور هناك ممم بحكي لو اني هناك بكتفي بعيش متوسط وبعمل اكتر من مشروع ما بتهمني الطريقة بقدر الجودة
- العراف = بظنها العراق برضو ما بعرف
- المغرب = ما بعرف لكن في بنت تعرفت عليها من المغرب ما عجبني انفتاحها لكن اكره التعميم لانو غلط بغلط


10 - لو صفاء بتشتغل بمحل لبيع الورد .. ودخل عندها زبون بده باقه ورد معينه صفاء لا تستطيع تنسيقها .. كيف ستتصرفين ؟
مممممم ما بظن اني ما اقدر لربما انسقها بطريقة تكون احسن مما هوو بدو في اسلوب الاقناع بالبديل سهلة اذا كانت توافق ذوق الزبون



هل ستقنعينه باشياء اخرى ؟ ام انك ستخربين سمعه المحل باخباره الحقيقه ؟ ام ماذا ؟
شوف علي صحيح ابن ادم في منهم بكون مخه بجلط بتناحته لكن يمكن انسقله اياها
وانا بشتغل بالمحل هذا يعني اني انا حكون امتلكه لاني ما بحب اشتغل عند حد الا اذا كان مردود جيد ومضمون اما اذا كنت مضطرة لاشتغل عند حد وسمعة المحل حتكون بايدي وقتها بكون صاحب المحل يلي شغلني عنده براهن ع وجودي وسمعة المحل اكيد ححاول اتفهم راي الزبون وقولبته بما في قدرتي وهيك انا وهوو ان شاء الله بنكون راضيين ^_^
اسئلتك حلوة استمر :(240):

[صفاء الايمان]

أولا مرحبا صفاء
خلينا نبلش
اهلين خيو
ما شفت اسئلتك بالكراسي السابقة عكل اهلا وسهلا


بسم الله الرحمن الرحيم
وبه نستعين


1- ما هو أكثر شخص تكرهينه في الحياة ؟
الخائن ويلي بيتسلى بالبنات


2- ماذا تفعلين لو أنكي تكرهين شخص وهو يحاول الأقتراب منك؟
بعرفش بتصير بالجامعة كتير والله عكل احسن حل التطنيش او مصارحته باني بعتبره اخ مش اكتر ولا شي صارت وعملتها ^_^



3- ماهو برجك وهل تصدقين هذه الأقواليل؟
1/7/1990 بيحكو سرطان عكل ما بهمني هالشي بحب اللعب بالارقام وتواريخ الميلاد لانو شي بخليك توقف انو مثلا امك ضلت تطلق فيك خمس ايام وولدتك بيوم محدد وساعة محددة هذا فيه وجه اعجازي من الخالق سبحانه


4- هل تحبين شغل البيت أم أنك تتهربين؟
عالمي بحب البيت وشغله ولكني مزاجية احيانا لكن بالغالب افضله وهوو عالمي بحب اهتم باغراضي وشغلي كتير


5- لماذا تتباهين بنفسك لأبعد الحدود؟
ههههههههههههه مش بقللكم اني انانية يا جماعة انا صفاء النت غير الغير عن صفاء الواقع :(353):
لكن اول مرة حد بحكيلي هيك انا بالعكس بندمج مع اي حد وبحاول اشيل كل الفروق بيني وبين اللي حولي وكتييييييير منخرطة مع اللي حولي للاسف نظرتكم خاطئة عني عكل احنا بعالم افتراضي لربما هذا الظاهر لا ادري لكني اكره الغرور والتفاخر


6-إذا كان لديك معشوق فهل تغارين عليه لو شاهدته برفقة أحدى النساء؟
:(217): الله لا يقدر شو يمشي مع نسوان بطخه او بطخها
شو هاد والله عال
اصلا اصلا يلي بكون معشوقي او محبوب اولا في اطر لازم تكون لاي شي زي هيك وضوابط غير هيك شروط خلته يكون جدير بهالشي غيرو انو من اهم الاشيا العلاقات الاجتماعية يلي زي هيك بحسب شخصيته لازم الها حدود كذلك وانا ع ثقة بانها باطرها الصح كراشدين علاقاتنا الاجتماعية صحيح من انفتاحها نار الغيرة بتموت لكن بما انو محبوب لو خاطبة او هيك شي وقتها حيكون جدال واقعي يحتاج الى حسم :(1):

اذا عندك شي تاني تفضل

[صفاء الايمان]

اين تسكن صفاء بالضبط في فلسطين عشان انا عارفها حارة حارة؟/QUOTE]
ما بظن شوف علي انو انا بنت اكشف شخصيتي ومكان تواجدي هذا غلط عالنت طالما اني بمجتمع متحفظ
وبرايي ما في فايدة من التحديد عكل انا بفلسطين بالخليل اكتفي بذلك


[QUOTE]اين تحب ان تسكن صفاء؟
اماكن كتيرة منها امريكا او بلد اجنبي ممكن الامارات وبالغالب باي مكان اوجد الراحة


اريد تحليل لشخصية صفاء قصير يعني عشان اعرف مين صفاء لاني شايف اكثر من شخصية في ان واحد؟
مممم ما بعرف بحسب الموقف بحاول اتقولب واتاقلم لكن احاول الجمع بين الجانب الانساني والاجتماعي والخلقي ودمجهم في كل شخصية وذلك بحسب الموقف فالاننساني للتعقل والخلقي يجمع الديني بينه والاجتماعي للتكافل والرحمة وذاك احااااااول وضعه بالمواقف



ماذا يعني للك ؟
اها


الصباح
يوم جديد بختلف ميعاده لكن بالغالب الفجر احلى وقت
وحياة بعد موت


ضرب المدفع للعيد
رائع بس ولا بحياتي اسمعته الا مدفع الافطار برمضان بالمسجد الاقصى غيرو لا للاسف ما بهمني هالشكليات بقدر ما يحصل في ذاك اليوم



العيد
يوم رائع لانو الميزانية بتتعدل :(240):هالايام صار للاطفال بس لكن بعدي بشتري اواعي لاله واستمتمع مع العائلة والزيارات :(294):
.


الفرح
لحظات تخرجك من عالم لعالم


رمضان
شهر عبادة وتحسين علاقاتي مع ربي



السعادة
مبتغاي لاتمام الحياة مع وجود الامل



الامان
الحمد لله ما بدور عليه لاني بعائلة اعطيتني كل الامان والعطف والسعادة بحق عائلتي رائعة والحمد لله



الرجل
ليس كل رجل رجل وليس كل امراة امراة لكني اتحفظ بتعاملي معه مين ما يكون عفكرة انا بالنت صحيح ممكن بتعامل بالمنتديات بقابل رجال وشباب حوارات عادية جدا وبتحفظ لكن بالواقع بيني وبينه خط احمر عرييييييييييييييييييض عفكرة هوو بفرض احترامه علي بحسب شخصيته


المراة
انسانة بروح وعواطف لكنها ماكرة وذات كيد


الطفولة
عالمي واحلى عالم من البراءة والهدوء بحب اتواجد بين الاطفال



الاحسان
بابا بضل يحكيلنا الانسان عببد الاحسان يعني هوو الطريق لقلوب الناس



العفاف
لاله خطوط وضوابط وحدود للتعامل بين الانا والاخرين ووالمراة والرجل



اين تجد صفاء موقعها بين النساء ؟
هي لساتني ما وصلت النساوين لكن انا اعتبر نفسي انسة بشخصيتي لكن سواليف النساوين مش براسي مخصوص المولات والروحة والجية هاد مش فايت مخي
تروق لي بعض النقاشات لكن احس بتفاهة تقكير بعض النساء في جدالات وحرق اعضاب ع شي ما الو داعي



هل تحب كلام النساء الكثير الغو؟
قلتلك احيانا
لكن في دواووين بحق حلوة وفي دواووين بتوجع الراس عكل بحسب شخصية اللي بتحكي في ناس بكون موضوعهم حلو بس انا ما بطيقهم لشخصيتهم وطريقة طرحهم


ماذا تعني لها القدس ؟
بفلسطين مممممم حلوة كتير وروح اهلها بتجنن وحلوة بتحس بطيبتهم عكل هيي رمز لكل مسلم شخصيا مرة وحدة من اول ما جيت لفلسطين قمت فيها ليلة القدر العام الماضي وكان رااائع



ماذا تعني لها الصلاة؟
وقت اللي بحس فيه بالهدوء والطمانينة


الى من تلجا عندما تحتاج الى حدا؟
الى ربي ثم نفسي ثم قلمي


ماذا يعني لك الحب؟
اساس كل علاقة تكافلية اسرية الو انواع كتيييييييرة الفت له ديوان من 150 خاطرة وربما اكتر



هل انت مع المكياج ام الاخلاق؟
ضحكتني شتان شتان بين التنين عكل المكياج اذا كان بضمن حدوده وضوابطه يعني بمناسبة وع محارم لالي اوك انا يمكن استخدمه عادي لانو هاي زينة البنت حرة تستخدمه وثقافتي فيه ضييييييييييييييقة كتييييييييييييييييييير اما الاخلاق فهيي الروح يلي بترفع البنت يلي مش حلوة وبتفرض احترامها ع اللي حواليها وبرضو الشب اللي عندو اخلاق لا يقدر باي شي



ماذا يعني للك الجمال؟
الجمال جمال الروح مقولة سمعناها كتير انا شخصيا بهمني المظهر والجوهر بصراحة بهمني الشب والبنت يهتمو بشكلهم ولبسهم لكن مش لدرجة انو ينسو جوهرهم لازم يكون توازن


كيف تمضي الايام؟
احيانا بحسب بتكون سريعة وهيي الاوقات الحلوة والعطل بتمشي بطيء او وسط بحسب ما اقضيه فيها


كيف تنظم الوقت ؟
كتير بعمل خطط لانظم وقتي بتنظم يومين بعدين بترك عكل شخصيتي ما بتلزمني بوقت محدد يمكن بحاول يكون برنامجي مرن لاحتوي اي طارئئ


هل كل شي انترنت ام يوجد اشياء اخرى اورنج في الاردن تقول الانترنت =الحياة فهل انت مع هذا الراي؟
ما فهمت عليك ممكن توضح اكتر شخصيا علاقتي بالنت سطحية بحاول ما الزم شخصيتي فيها لكن هذا جانب لابد منه للمضي بالحياة




ماذا تحتاج الحياة لتكون افضل؟
هدوء وعقل وروح وتفاهم



متى النصر باعتقادك وما هي طرق ودواعي النصر من وجهة نظرك؟
ما بحب السياسة وحسيت بانو قصدك سياسي
لكن الله اعلم متى ولازمنا شوية تفاهم بس



ماذا تعني للك سماء البارحة؟
ما فهمت برضو لكن كان جو مبارح حلو ورائع تمنيت اطلع مشوار
اما اذا قصدت الماضي فهو اساس لليوم والمستقبل


ماذا يعني للك اليوم ؟
خططتله مبارح


ماذا يعني لك الغد؟
نتاج اليوم


ماذا يعني الحاضر المستقبل الماضي ؟
الحاضر عايشته المستقبل الله اعلم الماضي وقت لاخطط لليوم


كيف تتعامل مع الامور؟
بحاول التفاهم والدمج بين الاراء لاصل للصح



لماذا عندما تنتقد صفاء تميل الى الملائكة وانها لا تخطى وتبرير تصرف معين؟
ول ول مين قاللك
ههههههه راجعني اذا انا هيك
لا ابدا انا مش زي هيك لكن انا بحكي من نظرة واقعية اوك صفاء بتغلط انسانة لانها مش ملائكة لكن عفا الزمان عما سلف بقدر احسن من حالي ويلي حولي مش ضروري اذكر اغلاطي السابقة بكل جدال برضو الانسان بتغير



كيف نوعية تعاملها مع برهوم اخوها واخوانها ؟
هههههه حفظت اسمو طيب شوف علي
برهوم ابراهيم اخي الصغير بيني وبينه 5 سنين بحق رائع لانو عقله مميز لكنه احيانا بصل للعناد لباب مغلق او برضو بحب يساعد بس يجي ينفذ اللي وعد فيه بيتعسر عليه البعض منه بيترك الشغل وكالعادة بروح انا اتممه :(240):
اخي زيد مقرب لالي بتعجبني روحه المرحة وذكاؤه وتخطيطة
اخي محمد بحب فيه التعقل والتروي وروحه الحلوة والمرحة والمزح وبحق اب مثالي بعتبره
اخي بكر اقتصادي بارع لا اخفي انو الو مستقبل في عالم العاطفة في جواه جانب مخفي التمسته بس شاف خواطري



كيف تعامل اخوان صفاء مع صفاء؟
الحمد لله الكل بحب صفاء وبتمنالها كل خير والكل بخاف ع صفاء وبدو مصلحتها انا اخي يحكيلي اي شي بنفذه لانو متاكدة انو بدو مصلحتي وبخاف علي


ماذا تعني لها الاسرة
عالمي وحياتي كلها واروع مكان اتواجد فيه حياتي فيه


الزاوج
ما فكرت فيه حاليا لانو تحمل للمسؤولية لازم اتعلم الشراكة اولا


الابن
يا ابني هههههههه شوف علي الام والاب هم يلي بعرفو قيمته


البنت
الام والاب هم يلي بعرفوه


الاخ
الحامي والسند


الاخت
رفيقتي وتوامي


حمودة ابن الاخت ؟
ابن اختي
بتعرف كل اولاد خواتي انا عايشت طفولتهم وبحق حاولت اعطيهم كل شي من الطفولة حتى انو مثلا تغيير البمبرز او مثلا مرحلة صعبة انو يتركو البمبرز ويتعودو ع الاعتماد ع نفسهم عايشتها وكان الي دور فيها لكن بصدق هوو الوحيد يلي ما حصلي شرف اني اشوفه ع الواقع الان عمرو سنة ونص اظن المهم اني حسيت اختلاف شخصيته عن اخوه مجاهد من هالجانب



كيفية تعامل الوالد مع صفاء؟
بصدق اروع اب بالدنيا وحنوووووووووووووون بشكل لا يوصف بحبنا كتير بابا وبهتم فينا والحمد لله بحق انو رائع وراااائع واروع ما بعرف اوصف




ماذا تخطط صفاء للمستقبل القريب؟
انسالت هالسؤال


ما مقدار مهر صفاء اذا وافقت على الشخص؟
:(353):
ضحكتني مممممم بابا حاطط مهر لالي ولاخواتي لكن طلع بشغلة جديدة انو صفاء زيادة مهرها 100 دينار ع اخواتها لمهاراتها بالخبز وما الى ذلك عكل ما بهمني هالشي لوقتها الله اعلم غريب سؤالك :(240):



ما المعايير التي تراها صفاء مناسبة في فارس الاحلام؟
ول ول شو هالسؤال شوف علي يكون بني ادمي بدين باخلاق بفهمني عقلاته ع عقلاتي مش نكد وعنده ثقافة وعقل وعنده عدل بين الاهل وبيني وبحبني



ما راي صفاء بكل صراحة بالعضو احمد البدوي
من الناحية الادبية
ممم قرات لالك خواطر مميزة لا اخفي بوجود جانب جواك من الثقافة والتعقل


الثقافية
ما شفت ردود كتيرة لالو لكن بظنه يخفي المزيد



الاخلاق
ما شفت ردود كتيرة لالو لكنه وطني والاخلاق وطن


المعاملة
اظنه بجانب عصبي شوي ولكن يحتوي الذكاء في التعامل


العلمية
هذا منتدى حقوق وما الي ابحار باقسامه التخصصية لكن لكل انسان مميزاته


الوطنية
انت عصامي كتير


يعني من كل النواحي بلا مجاملة
يعني خذ راحتك؟؟؟[
ما بعرف لكن
احكم ع اي انسان بلا تعامل واقعي النت لا يكفي وتعامل المنتديات

مممم
لكل انسان مميزاته بخفيها بشخصيته ما بتظهر بردود نت وكتابة برضو جانب النقاشات والحديث بكشف هيك اشيا وببين بنقاشات واقعية ^_^ تحياتي وكل الاحترام
اذا عندك اي سؤال تفضل

[صفاء الايمان]

اخ حمزة انتبهت كمان مرة لسؤالك

2- ماذا تفعلين لو أنكي تكرهين شخص وهو يحاول الأقتراب منك؟
وانا صح جاوبت
بعرفش بتصير بالجامعة كتير والله عكل احسن حل التطنيش او مصارحته باني بعتبره اخ مش اكتر ولا شي صارت وعملتها اما بخصوص يلي بصير بالجامعة فانو قد يكون بس نكشة مش اكتر من الشباب وزناخة يعني لعب شباب زي ما بحكو هاد الو حدود وصفاء متحفظة كتييييييييييييييير ع نفسها وتعامللها بالجامعة " عندي ايمان بانو ليس كل ما يلمع ذهب "
لكن ليه بقرب ؟؟؟؟ يعني قصده شريف الباب بفوت جمل ما بظن انو اذا قصده شريف بدور طرق ملتوية وعفكرة اذا قصده شريف مثلا مثلا يعرف انو لو حاول يقترب كل ما انا بحاول ابعد وهاد الشي يمكن يكرهني منو لانو هيك اشيا بتعمل احراجات ومضايقات فالاسهل والاحسن والاضمن الباب وهيوه بابنا كبير وواسع والحمد لله

[صفاء الايمان]

بدي الفت لشغلة مهمة بل هي اهم من مهمة يمكن البعض يحكي
انو اجاباتي مش وافية او فيها من اللامبالاة او اني ما اعطيت بعض الاسئلة حقها زي ما هوو واجب كشخصيتي زي ما هيي معروف او حتى اني ببالغ يمكن او حتى ببحث عن المثالية باجاباتي
انا متحفظة ع بعض اجابة بعض الاسئلة يمكن اني بالواقع مش هيك ويمكن هيك لكن اعرفو يا جماعة اني بنت والي الحق بالتحفظ عن اي اجابة ولاي سؤال
احترامي

[Essa Amawi]

عدنا ^_^
يعطيك العافيه
حوار حلو وشيق معك

بنكمله بهالاكم سؤال :


1- سمعنا انه صفاء بتأرجل .. شو نوع المعسل تبعها ؟
^_^


2- لو صفاء كانت احدى قطع الشطرنج .. فماذا ستختار ان تكون ؟
للعلم قطع الشطرنج هي :
- الملك
- الوزير
- الفيل
- الحصان
- القلعه
- الوزير ^_^


3- بالمناسبه هل تجيدين لعبها ؟ هل تعرفين احد يجيدها في عائلتك ؟

4- من المتعارف عليه ان اهل الخليل ذو عقليات تجاريه لا يمكن الطعن بمدى براعتها من اي كان .. هل تأثرت صفاء بهذا التوجه ؟ ام انها لم تعايشه ابدا ؟

5- كما قالت صفاء فان لديها القدره على التقولب والانخراط والتكييف في كثير من الاحيان وكثير من المواقف ؟ هل تذكرين واحدا من تلك المواقف التي شعرت بهذا الشعور حقا ؟


6- بعد 20 عاما من الآن .. لو سئلت صفاء عن عمرها .. فهل ستجيب ؟ لماذا ؟


7- هل تفضل صفاء ايصال الرسائل الى الاخرين بطريقه مباشره ام غير مباشره ؟ لماذا ؟

8- كما رأينا فانت كاتبه نهمه في مجال الخاطره .. منذ متى تكتبين ؟ كيف وصلت الى هذه الدرجه ؟ هل ساعدك احد ؟ ما مستقبل هذه الكتابه ؟ اما انها مجرد هوايه ؟

9- منذ متى تستخدمين جهاز الحاسوب ؟ من علمك عليه ؟

10 - منذ متى تستخدمين الانترنت ؟ من علمك عليه ؟ كيف كانت بدايتك ؟ الاشياء التي شاركت بها في باديتك عليه ؟
وهل يعجبك هذا العالم اليوم ؟ كيف تتصورينه بعد 10 اعوام ؟

[صفاء الايمان]

عدنا ^_^
يعطيك العافيه
حوار حلو وشيق معك
والله مش عارفة شو كان جابرني كان دور بشير وانا دوري بعيد يلا صرت قاعدة :(353):


بنكمله بهالاكم سؤال :
راحتك خدها :(240):



1- سمعنا انه صفاء بتأرجل .. شو نوع المعسل تبعها ؟
^_^
شوف علي هوو ريحته حلوة اه ما بقول لا بس مش اي نوع

هي ما بفهم بهالشغلات اعووذ بالله ما عنا حد بالعيلة لا بارجع ولا بدخن :(240):



2- لو صفاء كانت احدى قطع الشطرنج .. فماذا ستختار ان تكون ؟
للعلم قطع الشطرنج هي :
- الملك
- الوزير
- الفيل
- الحصان
- القلعه
- الوزير ^_^
العبتها في الزمنات كان يعجبني الوزير والحصان بعرفش ليه ههههههههه


3- بالمناسبه هل تجيدين لعبها ؟ هل تعرفين احد يجيدها في عائلتك ؟
زماااااااااااااااااااااااااااااااااااااااااااااااا اااااااااان كتير كمان جربتها وما عدتها لالا ما عنا بالعيلة مشغولين بدراستهم


4- من المتعارف عليه ان اهل الخليل ذو عقليات تجاريه لا يمكن الطعن بمدى براعتها من اي كان .. هل تأثرت صفاء بهذا التوجه ؟ ام انها لم تعايشه ابدا ؟
كيف يعني دماغهم القاسي
اه جربتو بس صحيح اثرو علي ما بعتقد انو بظهر هالشي الا بالمعاملة



5- كما قالت صفاء فان لديها القدره على التقولب والانخراط والتكييف في كثير من الاحيان وكثير من المواقف ؟ هل تذكرين واحدا من تلك المواقف التي شعرت بهذا الشعور حقا ؟
مممم مثلا مرت عمي درست للتوجيهي يلي بقهرني انها من النوع يلي بتدعي العلم كتييييييير بتحكي اشيا غلط المهم بهدوء وجدال هادي بحاول اثناء النقاش معاها اوصللها افكاري ممممم او برضو باللغة انو احكي مع اهل قرية واهل مدينة بختلف حتى الحوار والموضوع والطريقة




6- بعد 20 عاما من الآن .. لو سئلت صفاء عن عمرها .. فهل ستجيب ؟ لماذا ؟
ليش لا
بالعكس انا بستنى عيد ميلادي بشوق لاعرف مين بتذكرني ومين ما بتذكرني غير هيك بتحس بشي رائع انك كبرت سنة ومع المقارنة بين سنة وسنة وانجازك وتطورك غير هيك انو بعد 20 سنة يعني 39 سنة ما شاء الله الله كريم ويحييني وتسالني وقتها كم عمري :(353):



7- هل تفضل صفاء ايصال الرسائل الى الاخرين بطريقه مباشره ام غير مباشره ؟ لماذا ؟
بحسب الموقف وشو بدي اوصل احيانا بحاول ما اتكلف كتير عشان ما اضيع طاقة اما اذا شي الو خص بالمشاعر لا ابدا ما بباشر اكيد لازم مقدمات لانو انا بحب هالاسلوب معي بعامل الناس زي ما بدي يعاملوني نظرية الارتداد ^_^


8- كما رأينا فانت كاتبه نهمه في مجال الخاطره .. منذ متى تكتبين ؟ كيف وصلت الى هذه الدرجه ؟ هل ساعدك احد ؟ ما مستقبل هذه الكتابه ؟ اما انها مجرد هوايه ؟
اكتشفت طاقة ممكن اغيرها بالخواطر واروح لشخصيات وهمية انا بصنعها مين ما كان بدي اياه واكون الشخص يلي بدي اياه حتى بشخصية شب كنت اكتب
صارت احداث غزة كتبت الوطني ووو في ساعدوني اعضاء بمنتديات انو مدح كتاباتي كتيرونقدها وغير هيك صاحباتي سحر واريج ما بنسى اني كنت كل ما اكتب اي شي جديد اورجيهم واخيرا انا هون بينكم وانتو ساعدتوني ما بعرف شو مصيرها لكن اقر باني انتظر الزمان ان يحركني مع قلمي ودفتري الى عالم اخر لا ادري الى اين


9- منذ متى تستخدمين جهاز الحاسوب ؟ من علمك عليه ؟
فاكرة اول مرة بشوف كمبيوتر بحياتي كنت بالروضة بعدها كنت مرة مروحة من المدرسة بصف اول اول ايام المدرسة كانو بناقلو الجهاز للبيت طبعا ما كان حد بمتلكه بالحارة اللي انا فيها غيرنا واخواتي اخدو دورات حاسوب اما انو مين غلمني عليه ما حد كنت انتبه لمهندس اسمو عبد الحميد واراقبه من انا صف اول شو بعمل اقلده او اعمل شي المهم من صف 11 ركبنا نت او بين 11 و 12 وتعلمت عليه لحالي برضو مش صعب هالشي


10 - منذ متى تستخدمين الانترنت ؟ من علمك عليه ؟ كيف كانت بدايتك ؟ الاشياء التي شاركت بها في باديتك عليه ؟
كعادة اي حد بتعلم النت اول شي عالمنتديات ماسنجر ووو القصص هاي اما انو متى استخدمته اول مرة من صف تاسع ^_^


وهل يعجبك هذا العالم اليوم ؟ كيف تتصورينه بعد 10 اعوام ؟
اذا بقي على هالحال صيصل الى الهاوية لا محالة لكن اتفائل بوجود افكار وعقول نيرة وشباب بحاولو ينقذو العالم والاجيال من الخطر يلي فيهم

في كمان ؟؟؟؟؟؟؟؟

[Essa Amawi]

مليان بس اصبري لاخلص دراستي وبفضاالك بشكل حقيقي ^_^

[صفاء الايمان]

عراحتك انا بستنى ^_^

[Essa Amawi]

مرحبا ^_^

==========

1- صفاء ليش غيرت توقيعها اخر اكمن يوم ؟ شو الي مو فاهمته ؟ وشو الي بدها الناس تفهمه ؟

2- هل لصفاء قضيه تعيش لاجلها ؟

3- اسمعنا وشفنا انه خطك بالكتابه كثير حلو .. هو هيك ولا انت تعلمتي ولا كيف ؟ اشرحيلنا عن خطك ومراحل تطوره ؟
<< خطي انا زي الحجابيين
ههههههههههه


4- التوجيهي كان على ما يبدوا مو نقطه كويسه بحياتك .. ليش ؟

5- صفاء تطمح الى الاعلى وهو امر ايجابي ورائع .. ترى هل سترضى بالارتقاء التدريجي ؟ اما انها تريد القمه ولا شيء غير القمه ؟

6- لو بيوم من الايام صفاء حصلت على منصب وزيره .. شو الحقيبه الوزاريه الي رح تاخذها ؟ ليش ؟

7- شو رأي صفاء بالتعليم بفلسطين او الاردن ؟

8- لو قدر لصفاء ان تكون معلمه في مدرسه ؟ فهل سيكون هذا مرضيا لها ؟ لماذا ؟

9- صفاء انسانه مرحه كما يبدوا .. فهل هي كذلك حقا ؟


10 - شو رأيك بالاعضاء التاليه اسماؤهم ؟

- احمد ابو زنط ؟

- يوسف مومني ؟

- حسام حوامده ؟

- حبر العتيبي ؟

- بشير ؟

- ضرغام ؟

- نور حوامده ؟

- فرح حلواني ؟

- مريم ؟

- فيصل البلوي ؟

- المدعي العام ؟

- انا ؟
^_^

[صفاء الايمان]

مرحبا ^_^

==========
:(240): اهلين


1- صفاء ليش غيرت توقيعها اخر اكمن يوم ؟ شو الي مو فاهمته ؟ وشو الي بدها الناس تفهمه ؟
بكره اي حد يفهمني غلط او انفهم غلط بتمنى امتلك ملكة لفهم الاخرين بكل شي


2- هل لصفاء قضيه تعيش لاجلها ؟
نفسي وذاتي


3- اسمعنا وشفنا انه خطك بالكتابه كثير حلو .. هو هيك ولا انت تعلمتي ولا كيف ؟ اشرحيلنا عن خطك ومراحل تطوره ؟
<< خطي انا زي الحجابيين
ههههههههههه
بعرفش اذا بتعتبره حلو لكن ما بعرف هوو بالفطرة هههههه اختي لي ب 1/7 خطها نفس خطي وع احلى
كانت معلمة الاحياءخطها مميييييييز :(203):



4- التوجيهي كان على ما يبدوا مو نقطه كويسه بحياتك .. ليش ؟
اها صحيح كان سيء للغاية ع الاحداث يلي صارت واجا بفترة صعبة زيي زي اي طالب بمر بهالمرحلة صعب كتير كان


5- صفاء تطمح الى الاعلى وهو امر ايجابي ورائع .. ترى هل سترضى بالارتقاء التدريجي ؟ اما انها تريد القمه ولا شيء غير القمه ؟
ما بحب انط نط ع السلم بخاف تنكسر اجري لكن اطمح للافضل دايما وبحاول اوصلله ما بحب انو يكون حد احسن مني لكني قنوووعة


6- لو بيوم من الايام صفاء حصلت على منصب وزيره .. شو الحقيبه الوزاريه الي رح تاخذها ؟ ليش ؟
ما بفهم بهالشغلات لو بتسميهم يمكن يمكن اني اقتصادية ^_^


7- شو رأي صفاء بالتعليم بفلسطين او الاردن ؟
التمست الجدية عند البعض
هوو بحسب المعلم وامانته والله في هيك وهيك
شخصيا بفلسطين عندهم دعم كتييييييييييييييييييييييييير مادي وبالمدارس الحكومية توافرت خدمات ما شفتها بالاردن لذلك كان في جانب مميز اكتر


8- لو قدر لصفاء ان تكون معلمه في مدرسه ؟ فهل سيكون هذا مرضيا لها ؟ لماذا ؟
بابا بحكيلي اني معلمة بالفطرة ما بعرف ليه
بس انا قنوعة وبحاول اتاقلم واتقولب بحسب الجو


9- صفاء انسانه مرحه كما يبدوا .. فهل هي كذلك حقا ؟
الله اعلم بكره النكدين وبحب اضحك عفكرة فتحت دفتر الاوتوغراف يلي بكتبولي فيه صاحباتي ومعلماتي الكل اشترك ع اني كنت اضل مبتسمة مع اني ما انتهبت لهالشي :(353):


10 - شو رأيك بالاعضاء التاليه اسماؤهم ؟
:(244):


- احمد ابو زنط ؟
بحسو اخوي بكر بالزبط ذكي بشتغل ع حاله مصداقي بالشغل الو تفكير اقناعي ممييييييز وبرضو جانب عاطفي قولبه بخواطر بهرني فيهم صراحة


- يوسف مومني ؟
بعرفش بس بظن انو مراوغ بالنقاشات وروحه فيها جانب مرح :(240):


- حسام حوامده ؟
بعرفش ليه هيك الكل بحبه وبمدح فيه شكلو منيح كتير وطيب في عندو جانب بشخصيته لولا انشغالي بالفانيل كان حللت شخصيته :(240):


- حبر العتيبي ؟
من اروع الكتاب بذكرني بشخص مرتب جدا اسمو استاذ عصام بحق مرتب ومنظم


- بشير ؟
حاسة بقف عالنقرة او بشخصية متمرسة في الطوش :(264):


- ضرغام ؟
مرح رياضي فيه جانب عادل من الطاقة


- نور حوامده ؟
امورة ذكية بتلقطها ع الطاير وفيها جانب منظم كتييييييييييييييييييير


- فرح حلواني ؟
امورة ومرحة ذكية محامية متمرسة مستقبلا


- مريم ؟
بتذكرني بانسانة راااااااااااااااااااااقية بكلماتها ردودها بكل شي بحق رائعة


- فيصل البلوي ؟
انسان منظم افكاره مميزه يحمل جانب مرتب وشخص بطاقة راقية


- المدعي العام ؟
في جواه انسان بالفعل لكن توجيه طاقاته لازمها تحديد اطر


- انا ؟
^_^
مين انت اه ممممم شوف علي يلي شفته بالمنتدى انا ما بعرفك شخصي وبحق اول سنة بمر علي اسمك انت وسواق الجامعة لكن في جانب ثقافي واااااااسع عندك وطاقة وتفهم واسلوب للاقناع مميز

نسيت محمد علي : انسان مميز وراااااااااااااااائع بعقل اذهلني بردوده العقلانية والواقعية والمنطقية دبلوماسي فذ وبحق الله يحفظه

احمد البدوي جاوبت عن

صالح جيفارا : شخصية متمرسة دفاعي مناضل


بس ؟؟؟ في كمان ولا خلص ؟؟

[صفاء الايمان]

نسيت حسونة : انسان رائع وراقي في جانب معنوي بيرتقي بيلي حواليه انسان متفهم ذو اخلاق وتعامل رااااااااااقي احترمه بحق

[Essa Amawi]

حجه صفاء

==========

1-من متى بتصلي ؟

2- شو شعورك اتجاه كل مما يلي :

- الظلام
- الظلم
- الوحده
- الهزيمة
- النصر
- الحرب
- السلام
- الالفه


3- هل لصفاء جانب مظلم في حياتها .. رأيتك متأثر بتوقيع ابو زنط " كلنا كالقمر .. لنا جانب مظلم " ؟

4- هل تقرأ صفاء التاريخ ؟ لماذا ؟

5- تعاملت مع يهود ؟ كيف تعاملهم ؟

6- الك معارف او للعائله من اليهود ؟

7- هل تظنيين انهم كلهم (اليهود) نفس الطيبنه ؟

8- لو عاد بصفاء الزمان الى 4 اشهر او 5 اشهر مضت .. ترى هل كانت ستغير شيئا في حياتها ؟

9- لصفاء شخصيه غامضه يجمع عليها الكل في الانترنت .. فهل صفاء غامضه ايضا في الحياه ؟ هل هي غامضه في عائلتها ؟

10- القاب اطلقت على صفاء واجبت صفاء بها ؟

11- هل تعرضت صفاء لحادثه في هذه الحياه .. بدلت القليل من معتقداتها ( لا اقصد معتقدات دينيه ) ؟

12 - لو قالوا لصفاء ... الآن تستطيعين دراسه الصحافه والاعلام .. لكن ستخسرين السنة الدراسيه التي قطتيها بالكامل .. فهل ستوافقين ؟

13- لكل منا امور تجعله متحمسا .. بحيث ينظر الى الساعه ويستعجل الدقائق والثواني .. متى تصاب صفاء بمثل هذه الحاله ؟

14- كما شاهدنا في حوارات صفاء .. فهي طباخه عالميه ^_^ .. من علمها ؟ هل استفادت من النت ؟ هل اخبرك احد من غير العائله بان طعامك لذيذ ؟

15- كما يبدوا فلديك قصه عشق مع الجلي (هههههههههههه) ما هو سبب هذا الاستمتاع الباهر في الجلي ؟

16- هل لصفاء مستودع اسرار غير نفسها ؟ من ؟ لماذا تعطي اسرارها لحاضن اخر (اي بئر اسرار غيرها ) ؟

17- عمرك جربت الشغل بالارض ؟ متى ؟ كيف شفتيه ؟

18- هل صفاء عصبيه ؟ متى تكون كذلك ؟ كيف بتهدى ؟ كم يستمر غضبها ؟

19- انت وحيده في الغربه .. وصلتك 3 رسائل من دون وجود اي عنوان او اسم للمرسل عليها .. ترى ممن تتوقعين ان هذه الرسائل قد وردت ؟ مع العلم بانها ل3 اشخاص مختلفيين ؟

20 - هل تتمتعين بالحاسه السادسه ؟ كيف ؟ هل صدقت معك ؟

[HAMZEH_TARBIEH]

مرحبا صفاء خلينا نكمل المشوار
بصراحة ينتابني شعور غريب عندما أفتح المنتدى وأجد أسمك ولا أعرف ما سبب فهل تساعدين؟
هل تلبسين الجلباب والنقاب ؟
تخيلي أن أحدهم يريد الأقتراب من قلبك فكيف له الدخول؟
ماذا يعني لك الحب والرومانسية؟
ماهي مواصفات فارس أحلامك؟

[صفاء الايمان]

حجه صفاء

==========
:(241): لساتني بعز شبابي :(244):


1-من متى بتصلي ؟
هوو بتعرف الصغير بحب يقلد كتييييير يعني كنت اشوف اهلي اخواتي كيف بعملو اقلدهم واحيانا بلا وضو لكن كالتزام من صف ثالث اذكر مس سعاد ومس فتنه هم يلي خلوني التزم اكتر لانو بس اخدنا امتحان الصلاة قيموني غلط ومن وقتها صار عندي اصرار لالتزم


2- شو شعورك اتجاه كل مما يلي :
:(120):


- الظلام
كنت اخاف منو لكن تعودت عليه



- الظلم
بكرهه ويلي بتعامل معو لانو انت بتعطي حالك كقيمة انت مش من صلاحيتك
شعور قاسي انو حد يظلمك مخصوص انو اقاربك واسوا ظلم بظن السوء


- الوحده
صعبة بتصنع الانسان الاناني واظنها جيدة احيانا في حالات العصبية
شعور صعب لكنه جيد في بعض الاحيان


- الهزيمة
مش موجودة طالما قناعتي باني استطيع النهوض واني قوية
شعور صعب التمسته بنتائج التوجيهي بس فازت قريبتي ببالرهاان


- النصر
نتيجة صراع العقل والحياة وتعاونهم مع بعض لسلوك الطريق الصح
بما انك حكيت بدك شعوري فهو رائع
والاروع الانتصار على الذات والشهوات


- الحرب
الله يبعدنا عنها
سماعها بيقشعرلها البدن كنت بالتوجيهي باحداث غزة بحكو خلالالاص قامت الحرب ما تدرسو :(217):


- السلام
كمفهوم واسع بتمنى حصوله
ولكني اجده بين عائلتي ومن احب


- الالفه
من ربنا وهيي راحة بالقلب بتسري الحياة بالجسد


3- هل لصفاء جانب مظلم في حياتها .. رأيتك متأثر بتوقيع ابو زنط " كلنا كالقمر .. لنا جانب مظلم " ؟
مممم لاني فكرت فيه كتيييييييييييير وبالفعل لكل انسان جانب مظلم انا بس اشوف حالي افكر بطريقة سلبية هاد يعني انيي جوااي جانب مظلم بس افكر كيف ارد السوء بسوء هذا جانب مظلم لكن الاروع انك تغير قناعاتك وتفكيرك لتحول مقابلة الاساءة بالحسنة وهيك انت بتكسب المعركة


4- هل تقرأ صفاء التاريخ ؟ لماذا ؟
قراته عن كثب بالواقع من ووجودي بفلسطين لكن مش متعمقة فيه بالجامعة اجباري مادة القضية الفلسطينية كشفت حقائق واشيا احنا غافلين عنها ابناءها لكن هذا لا يهم بقدر انو نسعى لمصلحتنا دوما


5- تعاملت مع يهود ؟ كيف تعاملهم ؟
انا تعاملي معاهم بكون ع الجسر ع المحاسيم يعني مش هالتعامل في منهم بعطوك نوع من الاهتمام مابعرف بس ع الجسر مثلا مش الكل بعاملوهم بنفس الطريقة لمست جانب الاحترام والاهتمام منهم معي ما بعرف شو السبب اذكرموقف مضحك ع الجسر اذا افضيت بحكيه وعفكرة في ناس البعض بعاملوهم باحتقار وازدراء ما بعرف ليه وع اي اساس هالتمييز


6- الك معارف او للعائله من اليهود ؟
بنت صفي بصف عاشر امها يهودية وفي وحدة ابوها يهودي ومعاهم هوية اسرائيلية لكن هذا طبيعي جداا بهيك مجتمع


7- هل تظنيين انهم كلهم (اليهود) نفس الطيبنه ؟
لا ابدا فحتى تعاملهم مع المجموعة مش الكل نفس التعامل مثلا ع الجسر بكون صف طويل وما بعرف ع اي اساس بعاملونا كعرب لكن في منهم رائعين


8- لو عاد بصفاء الزمان الى 4 اشهر او 5 اشهر مضت .. ترى هل كانت ستغير شيئا في حياتها ؟
اشهر بظن اني كان لازم اكون متفهمة اكتر ومحبة اكتر للي بيستحقو هالشي لكن كسنوات حكون بالمدرسة اظن اني اهتم بدراستي واعطيها كل وقتي


9- لصفاء شخصيه غامضه يجمع عليها الكل في الانترنت .. فهل صفاء غامضه ايضا في الحياه ؟ هل هي غامضه في عائلتها ؟
ما بعرف لكن صفاء متحفظة مع البعض لكن خودها مني صفاء اذا بترتاح لحد وبياخد ثقتها لسانها ما بتركلها شي بصارح بكل شي بالقلب اظن انو انا هيك مع عائلتي مع اخواتي لا مش غامضة صريحة كتير واخواني وامي وابوي لكن لاني ما بشوفهم اصلا ويعني هم ببلاد وانا ببلاد اعتقد هالشي خلاني اعتمد ع حالي اكثر واقعد مع حالي اكثر لحل اي شي بمر فيه ولا يخخلو ذلك من النقاشات والمحاورة مع العائلة


10- القاب اطلقت على صفاء واجبت صفاء بها ؟
ما فهمت السؤال بتمنى توضحه اكتر


11- هل تعرضت صفاء لحادثه في هذه الحياه .. بدلت القليل من معتقداتها ( لا اقصد معتقدات دينيه ) ؟
مش حادثة حوادث
لا اذكرها الان


12 - لو قالوا لصفاء ... الآن تستطيعين دراسه الصحافه والاعلام .. لكن ستخسرين السنة الدراسيه التي قطتيها بالكامل .. فهل ستوافقين ؟
انو الواحد يضحي بسنة كاملة من عمره فهذا جنون ومراهنه عالمستقبل لكن بامكاني اني اكمل هالتخصص اللي انا فيه وابدع بالاضافة لاخذ دورات بمجال الصحافة لانو مجال الصحافة مو متل الحاسوب اذا اخدت فيه شهادة بكالوريوس ع الاغلب بحاول اخدها دورات وحاطيتها ببالي عادي


13- لكل منا امور تجعله متحمسا .. بحيث ينظر الى الساعه ويستعجل الدقائق والثواني .. متى تصاب صفاء بمثل هذه الحاله ؟
بس اكون استنى شي ومتاكدة اني حنجح فيه واني ربحانة وبرضو بس اكون بانتظار شي بحققلي امنية او انجاز فهذا ما انتظره بحق


14- كما شاهدنا في حوارات صفاء .. فهي طباخه عالميه ^_^ .. من علمها ؟ هل استفادت من النت ؟ هل اخبرك احد من غير العائله بان طعامك لذيذ ؟
هههههههههههههههه اللي بسمع بفزع
عادي جدا انو حد يمدح الاكل اذا كان يستحق المدح دون مجاملة عائلتي كبيرة ومتشعبة وفي عزايم انا طبخت فيها وعادي مدحو الاكل وهذا ما اخاف منه وهوو الغرور وبرضو بساورني شك اني يا ترى حزبط الاكل مرة تانية والله اعلم بعتبره حظ بالغالب هههههه ومزاج الاغلب
لكن ممم مين علمني اول طبخة كانت عزومة لصحاب اخي كانو صايمين كلهم شباب يعني سنة اولى جامعة كنت انا بصف سابع او سادس فانا بطختلهم مقلوبة وقتها كنت رايحة جاية ع ماما لاعرف شو اعمل بكل خطوة وطلعت مقلوبة بتجنن ع قولة الشباب هههههههه وانبسطو بعدها صرت كل جمعة اطبخ وبعدها حبيت هالشي وتعلمته مع التجربة تزبط ما تزبط وبالاخر صارت تزبط وفيها خبرة هالشغلة



15- كما يبدوا فلديك قصه عشق مع الجلي (هههههههههههه) ما هو سبب هذا الاستمتاع الباهر في الجلي ؟
السرح والالهام والتفكير باخد مجدي فيهم براجع حالي وشو اعملت بهالوقت يلي بجلي فيه ما بنكر اني خواطر مميزة طلعت وانا بجلي هههههههههه وبرضو معادلات رياضيات طلعت بهالوقت يلي الغير بعتبره ضائع


16- هل لصفاء مستودع اسرار غير نفسها ؟ من ؟ لماذا تعطي اسرارها لحاضن اخر (اي بئر اسرار غيرها ) ؟
كنت في الماضي لصديقتي سحر وافترقنا يمكن لانو الواحد بكون بعمر 17 سنة بحاجة لحد يفهمو من عمرو الان نفسي ودفتري يكفيني ذلك


17- عمرك جربت الشغل بالارض ؟ متى ؟ كيف شفتيه ؟
في الزمنات كنا نروح مع دار خالتي لنلقط الزيتون واصدقاء لبابا لكن من ما اجينا ع فلسطين مش هالشغل يعني احواض صغيرة بس نسقيها بس ويعني ورد وهيك اشيا ^_^


18- هل صفاء عصبيه ؟ متى تكون كذلك ؟ كيف بتهدى ؟ كم يستمر غضبها ؟
بحسب مع مين وليش اذا عصبت احيانا بمزع شغلة او باخد نفس عميييييييق وبطلعه برتاح او بغير تفكيري لشي تاني وخلاص


19- انت وحيده في الغربه .. وصلتك 3 رسائل من دون وجود اي عنوان او اسم للمرسل عليها .. ترى ممن تتوقعين ان هذه الرسائل قد وردت ؟ مع العلم بانها ل3 اشخاص مختلفيين ؟
ماما واختي ام مجاهد واظن اخي محمد وزيد وبتوقع مس خولة


20 - هل تتمتعين بالحاسه السادسه ؟ كيف ؟ هل صدقت معك ؟
اظن ذلك كثيرة هي الحوادث لا ادري لماذا وكيف لكن كثيييييييييير صارت :(220):


في كمان ؟؟؟

[صفاء الايمان]

مرحبا صفاء خلينا نكمل المشوار
:(244):اهلين يخوي :(244):


بصراحة ينتابني شعور غريب عندما أفتح المنتدى وأجد أسمك ولا أعرف ما سبب فهل تساعدين؟
:(157):انداري شو بعرفني اسال حالك :(157):
بحكو بخوفو فيي الولاد الزغار :(287): يمكن بخوف انا ههههههههه
عفكرة ما بشوفك غير باندر المواضيع :(287):


هل تلبسين الجلباب والنقاب ؟
اها جلباب كنت افكر بالنقاب لكن المجتمع اللي انا فيه قلة يلي بلبسوه وحكون ملفته للنظر اكثر وبعدين احنا بوضع احتلال صعب كتييييييير ع المحاسيم


تخيلي أن أحدهم يريد الأقتراب من قلبك فكيف له الدخول؟
قلبي مسكر ممنوع حد يفوته لربه لانه
وكمان انا بنت ملتزمة كتير وهيك شي ما بفوت دماغي ابدا الباب بفوت جمل اذا القصد شريف



ماذا يعني لك الحب والرومانسية؟
حياتي مع عائلتي والامل باسرة متفاهمة
وقوافي خواطري



ماهي مواصفات فارس أحلامك؟
جاوبت ع السؤال اقرا الردود السابقة

[صفاء الايمان]

هي السؤال اخ حمزة

ما المعايير التي تراها صفاء مناسبة في فارس الاحلام؟

ول ول شو هالسؤال شوف علي يكون بني ادمي بدين باخلاق بفهمني عقلاته ع عقلاتي مش نكد وعنده ثقافة وعقل وعنده عدل بين الاهل وبيني وبحبني
برضو اهم شي يكون كريم مش بخيل وذكي والو شخصيته بقدر يعطي رايه وقرار مش كل ساعة براي ومتذبذب ويكون رجل بشخصيته

[Essa Amawi]

اي سؤال خارج حدود الاداب العامه لن يتم التسامح باجله

يرجى العلم من الجميع

[Essa Amawi]

مرحبا صفاء ...

==================

1- يقال بان اهل مكة ادرى بشعابها وروايات اخرى ابوابها ... اهل الخليل ادرى بشو ؟

2- السؤال الي ما فهمتيه .. لكل منا احيانا القاب يطلقها علينا الاصدقاء والمعارف بعضها يعجبنا والاخر لا .. هل لديك القاب اخرى غير اسمك تعجبك ؟

3- لو صفاء بالمستقبل كانت امامها عده فرص عمل هي كالاتيه .. فهل ستقبلها ام ترفضها مع التعليل :

- بائعه زهور ؟

- معلمه ؟

- موظفه حوكميه ؟

- مبرمجه ؟

- مذيعه ؟

- صحفيه ؟

- منشده ؟

- سكرتيره ؟

- موظفه بنك ؟

- موظفة علاقات عامه ؟


4- كلمات تكره صفاء سماعها ؟ لماذا ؟

5- مدن او قرى او مناطق .. زارتها صفاء ولا تود العوده الى زيارتها مجددا ؟ لماذا؟

[صفاء الايمان]

مرحبا صفاء ...

==================
اهلين انت لسا ما خلصت :(209):




1- يقال بان اهل مكة ادرى بشعابها وروايات اخرى ابوابها ... اهل الخليل ادرى بشو ؟
ادرى بمصاريهم والميزانية


2- السؤال الي ما فهمتيه .. لكل منا احيانا القاب يطلقها علينا الاصدقاء والمعارف بعضها يعجبنا والاخر لا .. هل لديك القاب اخرى غير اسمك تعجبك ؟
اه
ممم بصف عاشر بالمدرسة نادولي نيوتن لاني كنت فهلوية بالعلوم
بحادي عشر علمي نادولي غاوس بالمدرسة لانو طلعت نظريات رياضيات وهيي مشتقات لنظريا ت غاوس عبارة عن معادلات بتخطر بدماغي بحطها ع ورق بتطلع صح ^_^
صفوءة وصفصف وهالشغلات دلع يعني :(68):



3- لو صفاء بالمستقبل كانت امامها عده فرص عمل هي كالاتيه .. فهل ستقبلها ام ترفضها مع التعليل :

- بائعه زهور ؟اذا براتب مرضي ليش لا حلوة هالشغلة

- معلمه ؟اها بشرط اما لاطفال او راشدين مش مراهقين -__-

- موظفه حكومية ؟ يصحلي ما بقول لا هههههههه بحسب الراتب واذا بكون بمستوى تعليمي وبستحقه :(248):

- مبرمجه ؟بتخصصي الله كريم يصحلي

- مذيعه ؟هههههه ما بظن اهلي يوافقو لكن مذيعة راديو مش تلفزيون لاني بستحي :(342):

- صحفيه ؟لا مش كثير ما بتناسب البنت اقتنعت -___-- بالمستقبل يعني لعيلتي واسرتي :(234):

- منشده ؟هههه بستحي :(342):لكن مش غلط يعني

- سكرتيره ؟يا سلام بحس اني بحب هالشغلة لكن بحسب لشو ؟

- موظفه بنك ؟اه ليش لا الله يطعمني شكلها منيحة ^_^

- موظفة علاقات عامه ؟يمكن متعبة وارتباطاتها كثيرة

اهم شي الراتب والخبرة والc v يعني اذا الناتج برضيني وبيعطيني حقي اوك ما في اي مشكلة o::k


4- كلمات تكره صفاء سماعها ؟ لماذا ؟
كذابة بكره حد يحكيلي اياها
منافقة انا والحمد لله حذرة كل الحذر
هوو في كلمات كثيرة بتجرحنا واحنا ما بنعرف بحسب مين بحكيها برضو


5- مدن او قرى او مناطق .. زارتها صفاء ولا تود العوده الى زيارتها مجددا ؟ لماذا؟
:(209): انداري ما رحت لاماكن بعيدة هوو انا بحب اطلع واشوف ناس وبيتوتية بنفس الوقت بالمزاج
بس مع مين هاد يلي بخليني ما اكرر الزيارة مع الاشخاص وليس الاماكن o::k

غيروو:(210):

[Essa Amawi]

اهلا حجتنا
لسه قدامك اسبوع كامل ^_^

=============

1- تقول صفاء انها مستعده للعمل ما دام ان هناك راتب مجزي .. ما مقدار الراتب الذي تضعه صفاء كاتعاب لها ؟ (بالدينار الاردني علشان كلنا نفهم )


2- اماكن اثريه او سياحيه زارتها صفاء ؟ واكم مره زارت كل منها ؟ مع مين ؟ انطباعها عن كل واحد ؟


3- شو رأيك بالبتراء ؟ سواء زرتيها او لأ نفسك تزوريها ؟


4- لما العائله الخليليه المتوسطه .. بدها تقرر تطلع رحله .. وين بتطلع بالعاده ؟ شو في اماكن شغل طلعات سواء عوائل او شباب ؟


5- كيف شايفه حالك بعد 10 سنوات ...
بعد 25 سنه ..

بعد 40 سنه ..

بعد 60 سنه ان شاء الله ^_^
وطوله العمر يا رب ^_^
؟؟؟

[صفاء الايمان]

اهلا حجتنا
لسه قدامك اسبوع كامل ^_^

=============
:(220):
الله يعين



1- تقول صفاء انها مستعده للعمل ما دام ان هناك راتب مجزي .. ما مقدار الراتب الذي تضعه صفاء كاتعاب لها ؟ (بالدينار الاردني علشان كلنا نفهم )
لكل وقت الو مقياسه :(109):



2- اماكن اثريه او سياحيه زارتها صفاء ؟ واكم مره زارت كل منها ؟ مع مين ؟ انطباعها عن كل واحد ؟
بصف سابع رحنا بالاردن ع شارع جرش واشياءات هاي المدرج الروماني رحته وانا صغيرة لكن ما عجبوني رحل المدارس بالاردن يعني اقصى شي ع العصر كنا بالبيت اما هون وعنا احتلال بنصل البيت ع 1 و 2 مسا وعادي
بفلسطين مممممممممم ما بعرف بس كنسية القيامة واكيد الاقصى وقبة الصخرة وكل شي هون ^_^ بالقدس


3- شو رأيك بالبتراء ؟ سواء زرتيها او لأ نفسك تزوريها ؟
لا والله ما زرتها كان نفسي اروح لاشوفها بس الله اعلم ازورها او لا :(353): شكلها حلو فيها فن



4- لما العائله الخليليه المتوسطه .. بدها تقرر تطلع رحله .. وين بتطلع بالعاده ؟ شو في اماكن شغل طلعات سواء عوائل او شباب ؟
:(353):
ما عمري رحت رحل عائلية هون الا بالمدراس بس لكن في متنزهات وعندك البحر الميت وبرضو رام الله مليانة ونابلس بتسطل ارض الله واسعة :(109):


5- كيف شايفه حالك بعد 10 سنوات ...

بعد 25 سنه ..

بعد 40 سنه ..

بعد 60 سنه ان شاء الله ^_^
وطوله العمر يا رب ^_^
؟؟؟
:(157): الله اعلم
بتمنى انجز فيهم :(353):

في كمان ؟

[Essa Amawi]

شكلك مليتي

عموما لسه فيه ^_^

[صفاء الايمان]

لا ابدا لا يمل منكم <<<بالمرررررررررررررررة -_-






بس لو تحطو اسئلتكم مرة وحدة مش بالقطارة يعني اهون شوي
مش شايفة الكل بشارك عراحتكم برضو
انا من ناحيتي يلي ما بسالني واجا دوره ع الكرسي مش حاخد هالشي بالاعتبار يعني حسال حسال ^_^

[Essa Amawi]

مساء الخير

==========

1- بكل عيله لابد بعض المشاحنات بين الاخوه وتلك خصوصيات لا نخوض بها .. لكن هل صفاء هي من تبدأ تلك المشاحنات ام انها تكون الطرف رقم 2 دوما ؟؟

2- انت الآن في المحكمه .. رافعة دعوى على حالك لتغيير اسمك .. ماذا ستختارين ؟ لماذا ؟
(بعرف بتحبي اسمك وعاجبك .. بس لنفترض )


3- هل صفاء ذات روح ليبراليه(راغبه في التجديد) ام محافظه(تميل الى ابقاء الحال على ما هو عليه) ؟

4- شو رأيك بالمخدرات ؟ لو عرفت انه احد معارفك بيتعاطى - لا سمح الله - شو بتعملي ؟

5- متى صفاء بتبكي ؟ شو بتحسي بس تبكي ؟ انت كثيره البكاء ؟

[صفاء الايمان]

مساء الخير

==========

:(202):



1- بكل عيله لابد بعض المشاحنات بين الاخوه وتلك خصوصيات لا نخوض بها .. لكن هل صفاء هي من تبدأ تلك المشاحنات ام انها تكون الطرف رقم 2 دوما ؟؟
والله بحسب
في هيك وفي هيك
في نكشات زناخة بتكون بس لعمل الحركة وتحريك الجو
وفي بتكون جدية وقليلة كثييييييييييييييييييير


2- انت الآن في المحكمه .. رافعة دعوى على حالك لتغيير اسمك .. ماذا ستختارين ؟ لماذا ؟
(بعرف بتحبي اسمك وعاجبك .. بس لنفترض )
بعرفش كنت بالتوجيهي غيرت اسمي بالمدرسة لمدة شهر يمكن لاسم سوار عاجبني كان وكل صاحباتي نادولي فيه كانو بالمدرسة بعدين ارجعت صفاء :(287):
لكن اسعى لادرك معنى اسمي وهوو الصفاء
ما بعرف ما بعرف


3- هل صفاء ذات روح ليبراليه(راغبه في التجديد) ام محافظه(تميل الى ابقاء الحال على ما هو عليه) ؟
في مواقف بتدعونا للتجديد واخذ بالتطور وفي انو نكون محافظين بحسب اخد المحايدة بينهما


4- شو رأيك بالمخدرات ؟ لو عرفت انه احد معارفك بيتعاطى - لا سمح الله - شو بتعملي ؟
في تفكير بالعقل لييييييييييييه صار ياخد
يمكن نعالجه


5- متى صفاء بتبكي ؟ شو بتحسي بس تبكي ؟ انت كثيره البكاء ؟
مممممم انا مش عياطة برضو بس برضو ببكي
بس احس بالظلم بس احس بالوحدة بس افقد شي بعز علي بس اكون خسرت شي تعلقت فيه
بس يساء الظن فيي او حد يفهمني غلط
بحاول كبت دموعي امام الخصم اذا كنت بطوشة
بذكر بالمدرسة بكيت اول مرة كنت بصف رابع المعلمة ضربتني ظلم يعني العريفة بنت المديرة كتبت اسمي لانها كانت تغار مني ووقتها غمضت عيوني ودعيت من قلبي ماما تيجي وبالفعل فتحت عيوني الا ماما اجت ما بعرف شو الصدفة مع انو ماما ما كانت مخططة تيجي ابدا مراق طريق ووقتها المس صار تحضن فيي واعترفت انو في غلط لاني مش من هالنوع المشاغب للجكر
مرة تانية بالمدرسة بس كنت بصف حادي عشر بس استاذ الرياضيات واجهني بانو المعادلات مكتشفة بكيت بحرارة وحسيت بسخونة الدموع
هدول اجبرت ع اني ما اخبي دموعي
اما اني بكيت لحالي
مرة بالتوجيهي اكتشفت غلطي
وبفترة قبل شهرين والشهر اللي قبل اللي فات بكيت كتير برضو
احيانا بكاء بحسسني براحة واحيانا بطلع غصة او هم جواي ببكاء لكن صدقا من النوع اللي ما ببكي كتير :(217):

غيرو ؟

[Essa Amawi]

ههههههههه

==============

1- بعد ما اكتشفنا انه صفاء عياطه - على حد تعبيرها - فهل دموعها حاره ام بارده ؟

2- انت قلتي انك بتحبي الحصان والوزير ؟ ليش ؟

3- لو واحد قلك انا بدي اعطيك هالمليون دينار مقابل توصفي حاليك ب3 اسطر حتى اعرف مين انت ؟

4- لو معك تلفون .. شو بيهمك اكثر شيء فيه ؟

5- كم تستغرق الطريق رحلة الذهاب الى الجامعه ؟ هل هي ممله ؟

[صفاء الايمان]

ههههههههه

==============
:(120):


1- بعد ما اكتشفنا انه صفاء عياطه - على حد تعبيرها - فهل دموعها حاره ام بارده ؟
هي انا ما حكيت اني عياطة
كنت اول ما اجا ابراهيم كنت اغار كتير منو كنت عياطة بعدين بس تعودو عيلتي ع عياطي فصرت اخد حقي بالقوة :(326): بذكر اني كنت شرسة كتيييييير اذا ما اخدت يلي بدي اياه وكمان في اسلوب الدلع قال يعني لكن الكل بعرف صفاء وشو هيي لكن
بهالعمر بحسب الموقف يلي ببكي عشانه احيانا بتكون بلا مشاعر فقط لذكرى اما لشي بعز علي بتكون حارة عفكرة اذا حسيت حالي خسرت شي ببكي بحرارة وبتكون دموع ساخنة


2- انت قلتي انك بتحبي الحصان والوزير ؟ ليش ؟
:(157): بعرفش بس بحس فيهم قوة اكتر من الباقيين يعني الحصان والوزير ع ما اذكر الهم طريفة مشي بتمنحهم قوة اكتر من البقية باللعبة " زمااااااااان ما لعبتها هاللعبة "


3- لو واحد قلك انا بدي اعطيك هالمليون دينار مقابل توصفي حاليك ب3 اسطر حتى اعرف مين انت ؟
هووو بس يعطيني المليون دينار بصير خير
:(287):
والله بحسب يا عيسى ليه بدو يعرف مين انا وليش
مش سهل اعطي صفاء مقابل مصاري اذا كان انسان بخصني والو حق انو يعرف صفاء فهذا من دون مقابل لانو يكفي انو يكون بخصني
اما اذا كان لمجرد نكشة مخ ووو فهذا ما اسهل اعطيه معلومات وهمية
اما اذا كان بشتري معلومات واظن ذلك بالحقوق له قوانين وضوابط
ما علينا حاخد السؤال انو عرفي حالك باكم سطر
بصراحة ما بعرف لكن انا الانسة صفاء ويلي بدو يعرفها فهي بتختلف عن النت تماااااااااما وانا بالنت غير الغير عن الواقع يمكن انو النت بساعد الواحد يغير ردود فعله بسهولة وانو يمتلك اكتر من شخصية ويتاقلم بكل المواقف لكن هذا قد يمنحني القوة في الواقع اني ااقل ذاتي مع الكل



4- لو معك تلفون .. شو بيهمك اكثر شيء فيه ؟
:(287): بظن انو بحسب لشو معي اهلي بحكو بيلزمك عشان روحتك للجامعة بس انا بشوف البنات ما بستخدموه لشي مهم بالجامعة برايي اذا كنت خاطبة او هيك شي حيكون بهمني لكن انو بالجامعة ما بظن كثير بهم الا اذا لا سمح الله يكون في شي يعني اضراب او الخ الخ تعليق منع تجول
لكن حاليا ما بظن يمكن تهمني الرسائل ممكن الذاكرة تاعته استخدمها لشي مفيد مش لنغمات وهبل هاد كلو ما بهمني


5- كم تستغرق الطريق رحلة الذهاب الى الجامعه ؟ هل هي ممله ؟
:(287):
بحسب مع مين راكب
اذا مع ابو انس توقع تاخد الطريق معك ساعة ويمكن اكثر
اذا مع عيسى توقع تصل بسرعة الصاروخ يعني شي ربع ساعة او ثلث ساعة ترا بدك تامين ع الحياة
اما اذا بتركب مع راجح فلازم ما يكون ولا ربع سم الا وفيه راكب وهيك لتتعبى السيارة عن اخرها ونصير زي الساردين بعدين بصير خير وسط يعني نص ساعة ساعة الا ربع
اما ااذا مع منير بتروح باجرة اقل وسرعة وسط او سريعة بالمزاج بسوق وقللللييييييييييل احيانا بطلع في سيارة 8 ركاب ب 3 ركاب مستغربة من انو اروق سواق بشوفه وبرضو جهاد زيو
المهم هاد بيرجع للسواق ومزاجه وعدد الركاب احيانا عند البعض

غيرو ؟

[Essa Amawi]

شوب
كيفك حجتنا ؟

====================

1- صفاء بتحب الصيف ولا الشتاء ؟ ليش ؟

2- كيف شعورك بالشوب ؟ مع العلم انه الحراره بعمان اليوم 37 بحسب دائره الارصاد الجويه ..

3- بالصيف الناس بتكثر من اكل شغلات معينه .. انت ايش الي بتكثري منه ؟

4- مهارات او هوايات .. تعتقد صفاء انها الوحيده التي تفعلها او تتقنها ؟

5- الآن لو رب العمل تبعك قال لك احنا بدنا نفنش (ننهي خدمات ) الموظفين الي عنا وبدنا نخلي 5 موظفين من اصلا 50 .. وبدنا كل واحد منكم يكتب كيف هو بده يطور العمل وشو رغبته بهذا العمل لنقرر انه رح يظل او لأ .. شو رح تعملي وقتها وكيف رح تقنعي صاحب العمل فيكي ؟ كم النسبه الي رح تكون ممثله للأمل بالبقاء لديك ؟

[صفاء الايمان]

شوب
كيفك حجتنا ؟

:(217): اه والله شوووب بس انا بشرب سلش عادي يعني :(203):

====================


1- صفاء بتحب الصيف ولا الشتاء ؟ ليش ؟
بالمزاج والله
بس الصيف فيه عطلة والشتاء في شغل كتير والجلي بمي باردة مش شعور حلو فيعني بس بكون حلو عشان التوقيت بالشتا :(82):


2- كيف شعورك بالشوب ؟ مع العلم انه الحراره بعمان اليوم 37 بحسب دائره الارصاد الجويه ..
عادي عادي
بكون وقت لنضل نحكي اللهم اجرنا من النار والله يعافينا بجد شوب
الدنيا
ع قولة كراسنة الجو حامي اليوم :(287):


3- بالصيف الناس بتكثر من اكل شغلات معينه .. انت ايش الي بتكثري منه ؟
التعزيل واحيانا التمتع باشي اسمو كسل هههههههههههههه
وهوو يعني وقت للراحة اكثرو -___- هاد اول صيف بالجامعة :(203):


4- مهارات او هوايات .. تعتقد صفاء انها الوحيده التي تفعلها او تتقنها ؟
بعرفش طالما انا بسوي اي شي اكيد حيكون مختلف عن انو غيري بعمله حتى لو كان نفس الاسم مثلا الخط او حتى الحكي او حتى المهارات كل شي انا بعمله غير عن يلي بعملو اي انسان حتى لو تحت الاطار بكون وكل انسان اكيد بختلف عن اي انسان تاني


5- الآن لو رب العمل تبعك قال لك احنا بدنا نفنش (ننهي خدمات ) الموظفين الي عنا وبدنا نخلي 5 موظفين من اصلا 50 .. وبدنا كل واحد منكم يكتب كيف هو بده يطور العمل وشو رغبته بهذا العمل لنقرر انه رح يظل او لأ .. شو رح تعملي وقتها وكيف رح تقنعي صاحب العمل فيكي ؟ كم النسبه الي رح تكون ممثله للأمل بالبقاء لديك ؟
من غير غرور
انا بحب الشغل وعندي اهم شي المصداقية بالعمل
والاتقاااان اهم شي وهوو شعاري
والجودة
طبعا حعرض عليه خبراتي والمهارات وممكن استخدم تغير الانتاج عندو اذا ممكن نقيسه بتواجدي وابرهنله باهميتي بالمكان اللي انا فيه وكيف انو ممكن اغير باللي حولي من موظفين بتواجدي وبرضو الشخصية الها دور والحوار لازم يكون ع احترام وهدووووووووووووء تام

تفضل اذا في كمان ^_^

[Essa Amawi]

احم احم

============

1- بتشربي سلش ؟ على شو ؟ كم حقه عندكم ؟

2- صفاء لو كانت بين مجموعه ؟ فكم من الوقت يحتاج المعلم او الدكتور الجامعي لتمييزها عن غيرها ؟ ام انه لن يحفظها ابدا ؟

3- كما تفضلت فان لديك قدره على الاقناع .. هل هذه القدر مرتبطه بالصراخ ام بالهدوء ؟

4- متى تصرخ صفاء ؟

5- اقصى رده فعل قد تفعلها صفاء في حال غضبها هي ؟؟

[صفاء الايمان]

احم احم

============
:(244):


1- بتشربي سلش ؟ على شو ؟ كم حقه عندكم ؟
:(287):
ممم نص شيكل ههههههه ع ع مم فراولة زاكي نوعا ما بس لانو بارد من الدكان القريبة دار ابو محمد :(287):


2- صفاء لو كانت بين مجموعه ؟ فكم من الوقت يحتاج المعلم او الدكتور الجامعي لتمييزها عن غيرها ؟ ام انه لن يحفظها ابدا ؟
ما بعرف بس شخصيا من اول محاضرة كان الاستاذ او المحاضر يحفظ اسمي كااااملا
من قبل ليعرف بابا انو بدرس بالجامعة او حتى كمان بالمدرسة الكل كان يعرفني من دون ما يدرسني
لاني بحب اشارك واعبر عن رايي لدرجة كانو المعلمات يبعتو لماما انو سكتي بنتك بدنا نعرف نشرح دايما كنت احكي واشرح وما اخلي اشي :(287):



3- كما تفضلت فان لديك قدره على الاقناع .. هل هذه القدر مرتبطه بالصراخ ام بالهدوء ؟
ههههههه هيك وهيك وبحسب الموقف
غالبا الاقناع بحاول اجيب براهين او حتى نقاش وادلة :(200):



4- متى تصرخ صفاء ؟
بس حد ينرفزها ويحرق اعصابها ع الالالالالالالالاخر وقتها صفاء مستعدة تمسكه وتنتفه طبعا مش دايما صارت نادرة هالحالات او بس اروح ع مدينة الالعاب ونعلب الدويخة او العنكبوت حلو شعور الصراخ عن زناخة هههههههههههههه :(287):


5- اقصى رده فعل قد تفعلها صفاء في حال غضبها هي ؟؟
بحسب مين قبالي ومين معصبني
ما بعرف لا اراديا ممكن امسك واضرب اذا بحق انغظت او برضو ممكن اضرب شغلة قبالي اذا ما كان بامكاني اضرب يلي نرفزني :(287):
لكن زمان ما عصبت كتير صرت افرغ اول باول بالكتابة او انو امزع ورقة او شي زي هيك برتاح خلاص اخد نفس عميق واطلعه كلو بريح ليش اصرخ واوجع راسي
عفكرة احيانا في كلمات بتيجي بوقتها بتجرح اكتر من جرح البدن هاد احلى اسلوب واحلى جزاء للي بنرفزني واحيانا السكوت احلى جزاء برضو :(82):

غيرو تفضل