كتب تستحق القراءه ... كتب إلكترونيه

[Dema naeem kayed]

بحب الكتب كتير وعندي كتير كتب مفيده للشخص ثقافيا وفكريا وسياسيا ... حبيت اشاركها معكم وكنت حابه انزل كتاب الأمير لميكافيللي لأنه يعتبرمن اهم الكتب وبيرجعلو كتير من القاده والحكام لكن سعته عاليه فما قدرت احمله ... لكن اللي حابب يقرأه يبعتلي ايميلو وممكن ابعتلو ياه عالإيميل
انشاله تعجبكم الكتب ...
ملاحظه : عندي كتب مسرح وأدب ونقد و روايات وتاريخ وشعر و قصص .... اكتبو في التعليقات شوالفئه اللي حابين انزل طكتب منها وإذا في كاتب مفضل عندك :(105):

كتاب مشروع للسلام الدائم - ايمانويل كانت ....... (فكر وفلسفه)
كتاب فن الحرب art of war - سون تزو sun tzu ........ (سياسه)
كتاب اعترافات جان جاك روسو جزء 2 و جزء 3 - جان جاك روسو ....( فكر وفلسفه )
الأعمال الكامله لجبران خليل جبران - جبران خليل جبران...... ( شعر )
كتاب تهافت التهافت - ابن رشد ...... ....(فكر وفلسفه)
كتاب بين التدين والتطرف - نجيب محفوظ ....... ( أدب ونقد )
الأعمال الكامله - محمود درويش......... (شعر )
يوجين جراندين - بلزاك ....... ( روايات اجنبيه )
رسالة الغفران - ابو العلاء المعرى ..... ( شعر )




هذه الكتب تقرأ على برنامج adobe reader

[Essa Amawi]

مجموعة أكثر من رائعة حقا

قرأت منها :
كتاب فن الحرب art of war - سون تزو sun tzu ........ (سياسه)
كتاب اعترافات جان جاك روسو جزء 2 و جزء 3 - جان جاك روسو ....( فكر وفلسفه )
الأعمال الكامله لجبران خليل جبران - جبران خليل جبران...... ( شعر )

وما شاء الله عليكي قارئة ممتازة

بنصحك تتابعي هالموضوع:
http://www.lawjo.net/vb/showthread.php?619


ملاحظة: من بعد اذنك تم حذف المرفقات تماشيا مع سياسة الموقع في الحفاظ على حقوق الملكية الفكرية.

مع الاحترام

[Dema naeem kayed]

بس الكتب الإلكترونيه ما بتنتهك حقوق الملكيه الفكريه .... جميع المواقع حتى موقع امازون بيبيع وبينشر كتب إلكترونيه ..... كل تعبي بتنزيلهم وبالأخر مسحتهم !!!!!!!

[Essa Amawi]

اهلا بك،

الكتب الالكترونية هي مصنفات تخضع لقانون حق المؤلف ولها دور ناشر ومؤلفون يعتدون بحقوقها ويطالبون بها. ونشرها من قبل موقع او مواقع لا يعني انها مرخصه للنشر فعلا.

اما موقع امازون فهو يبيع هذه الكتب ولا يعرضها كونه قد حصل على ترخيص ببيعا او لكونه ناشرا لها اصلا.

وعندما تدرسين مساق الملكية الفكرية بلا شك ستتفهمين سياسة الشبكة في الحفاظ على حقوق الملكية الفكرية، فمن غير المقول لنا كقانونيين ندافع عن الحقوق ان نكون اول من ينتهكها.

وبخصوص تعبك فابدا ما ضاع، وموضوعك ومقتطافاتك من الكتب ما تزال محفوظه اعلاه والجميع يشاهدها :)


ثقي ان هذا هو الصواب :)

وكل عام وانت بخير

[Dema naeem kayed]

عفوا بس في من المواضيع المثبته واللي حضرتك معلق عليها .. في اربع اجزاء من كتاب مهم وانت مو حاذفه يعني !!!!
http://www.lawjo.net/vb/showthread.php?122-%D8%A7%D9%84%D9%88%D8%B3%D9%8A%D8%B7-%D9%81%D9%8A-%D8%B4%D8%B1%D8%AD-%D8%A7%D9%84%D9%82%D8%A7%D9%86%D9%88%D9%86-%D8%A7%D9%84%D9%85%D8%AF%D9%86%D9%8A-%D8%B9%D8%A8%D8%AF-%D8%A7%D9%84%D8%B1%D8%A7%D8%B2%D9%82-%D8%A7%D9%84%D8%B3%D9%86%D9%87%D9%88%D8%B1%D9%8A

[Dema naeem kayed]

وهاد الموضوع كمان
http://www.lawjo.net/vb/showthread.php?21876-%D9%83%D8%AA%D8%A7%D8%A8-%D8%A7%D9%84%D8%AF%D8%B9%D8%A7%D9%88%D9%89-%D9%88%D8%A7%D9%84%D8%A8%D9%8A%D9%86%D8%A7%D8%AA-%D9%88%D8%A7%D9%84%D9%82%D8%B6%D8%A7%D8%A1

وهاد الموضوع انت اللي كاتبه ... وحاطط فيه تنويه .. بس التنويه ما بيعني انك مو محمل كتاب ... انت بالاخير حملت كتاب نوهت او ما نوهت
.... فرجاءً ما تزاود عحدا
بتمنى ترجع انت تشوف عشو كنت تعلق وشو منزل كتب وبعدين بتمسح تعب الناس

http://www.lawjo.net/vb/showthread.php?4-%D9%83%D8%AA%D8%A7%D8%A8-%D8%A7%D9%84%D9%81%D8%B3%D8%A7%D8%AF-%D8%A7%D9%84%D8%A7%D8%AF%D8%A7%D8%B1%D9%8A-%D9%88%D8%B7%D8%B1%D9%82-%D9%85%D8%B9%D8%A7%D9%84%D8%AC%D8%AA%D9%87

[Dema naeem kayed]

اه صح ونسيت هاد الموضوع اللي انت كاتبه ومنزل فيه كمان كتاب للحمورابي !!!!!!!!!!!!!!!!!!!!!
http://www.lawjo.net/vb/showthread.php?179-قانون-حمورابي-(-شريعة-حمورابي-)

[Essa Amawi]

اهلا بك استاذه،

مع الاحترام والتقدير لاهتمامك ولربما انزعاجك الا ان المواضيع التي اشرت اليها تتصف بما يلي:
1- كتب مجانية (اصحابها اعطوا ترخيصا بنشرها).
2- كتب مضى على تأليفها اكثر من 50 سنة دون ان يكون لاي دار نشر او الورثة حقوق طبع ونسخ متعلقة بها.

وكلا هاتين الحالتين مطابقتين لنصوص مواد قانون حق المؤلف الاردني.

وللحقيقة وانا احذف الملفات التي تفضلت برفعها كان من بينها بعض الكتب التي مر على تأليفها 50 عاما، الا انها كانت منسوبة لدور نشر ولم تكن نسخة خالية (نظيفه) يمكن نشرها.

مجددا اتفهم وجهة نظرك ومدى اجتهادك (الله يعطيك العافيه) لكن احيانا نكون امام نصوص قانونية لا مجال للحديث امامها.

واكون شاكرا حينما تشيرين الى اي موضوع ترين انه مخالف لنقوم بحذفه فورا :)

[Dema naeem kayed]

ههههههههههههه على فكره انا منزله ل ايمانويل كنت و ل ابن رشد و ل جبران خليل جبران وكلهم زمان وماتو لناس قدماء كمان واكيد اكيد كتبهم مجانيه نزلتها من الإنترنت ومن موقع عالمي
وكمان بحب احكيلك انو في موقع اسمو ebook كلو كتب إلكترونيه .... يا ريت تزورو

[Essa Amawi]

استاذه ديما رح تكوني محاميه/قاضية شاطره انا متاكد :)

بس للفت الانتباه فمجرد نشر الكتاب على مواقع عالمية او مواقع اخرى فهذا مش معناه انها كتب مجانية.
وصحيح الي تفضلت فيه .. كانت ورسو وابن رشد كلهم اسماء شهيرة ماتت قديما وكتبها هي ارث تاريخي صالح للنشر. لكن الفكره انه في دار نشر اصلا اعدت هذا الكتاب ونقحته وزودتنا فيه ولهيك هي الها حقوق ملكية فكرية فيما يتعلق (بالاعداد) وما بنقدر نعتدي عليها.

برجع بحكيلك .. لما تاخذي مادة (الملكية الفكريه) بالجامعة رح تتفهمي الي بحكيه.
وبالعكس ممكن تقرأي انت بذاتك قانون حق المؤلف الاردني ومتاكد رح تفهميه جيدا كونك انسانه عندك سعه اطلاع وملكة نقاش ممتازه.

[Dema naeem kayed]

ماشي .. شكرا عكل حال

[Essa Amawi]

مقدر لتفهمك استاذه :)

وشكرا

كل عام وانت بخير