خطر ببالي كمااااان سؤال

[صفاء الايمان]

مراحب يا قوم
ممممم هسا مثلا مثلا اشتريت شغلة مثلا علبة كولا او هيك شي وكان في غلط بالعلبة يعني مثلا فيها مممم حديدة او شي زي هيك يا ترى اذا رفعت قضية بربحها ؟؟ وشو اعمل بس يصير هالموقف
ممممممممم طيب بلاش مثال ثاني
هسا مثلا اشترينا مبارح خبز وانا عم باكل انتبهت انو في خشبة بالخبز ما بعرف كيف يعني حجمها تقريبا 2 -3 سم المهم هسا لو اكلتها كنت حموت " بعيد الشر " بس انتبهت والحمد لله شلتها
خطر هالسؤال ببالي
هسا مثلا شو رايكم بهالسؤال وشو جوابكم كحقوق ^_^

[Essa Amawi]

بكل بساطه بترفعي قضيه على المخبز او الشركه وبتطلعي منهم العجين والفطير ^_^

[صفاء الايمان]

اه
انا بديش اطلع العجين والفطير منهم مهي كانت حتطلع روحي لو اني ما انتبهت بس برضو
شو بيطلعلي منها لو واعملت وكم بتكلف ؟؟؟

[Essa Amawi]

السؤال هو
لسه الخبزه عندك ؟؟
غير هيك الدعوى كلها لا يمكن التفكير بها

[صفاء الايمان]

لا
بس خطر هالسؤال ببالي لانو مو اول مرة بصير معي هيك شي
يعني مو بس بالخبز باشيا تانية صارت هيك اغلاط

[Essa Amawi]

هاي مو اغلاط هاي كوارث
بتذكر مره كتبت لائحه دعوى كتدريب لشخص وجد مسمار بعلبه الببسي

الامر لا يستهان به -_-

[صفاء الايمان]

طبعا لا يستهان به
بس كمواطن او كشخص بعمري شو حيعمل هؤهؤ
عكل بكبها ولا اكلف حالي
هيك بحركها بدماغي

[Essa Amawi]

في قاعده فقهيه بتحكي المقصر اولى بالخساره
وانت بلا مبالاتك هاي كنتي مقصره وبالتالي انت اولى بالخساره والمرض - لا سمح الله - ...

القانون وجد ليحمي استقرار المعاملات ولينظم شؤون الناس .. اما اذا الناس نفسها ما بدها تطالب بحقها فهذا ما لا يمكن للقانون معالجته

[صفاء الايمان]

اه
بس انت قيسها
هسا انت لو كنت بهالموقف من جد بتحمل حالك وبتروح بترفع قضية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Essa Amawi]

انا بقلك نظره القانون وليس نظرتي انا كشخص

شخصيا ما بعرف بس مو بعيد والله ^_^
خصوصا اذا كنت طفران وبدي مصاري ^_^

[صفاء الايمان]

شايف
ومين حكالك اني انا معي مصاري
هههههههههههههههههههههههههههههه
اكبها اهونلي

[Essa Amawi]

مهي من وراها بتجيبي مصاري
<< بس مخبز هذا شو بدك تطلعي منه
مسكين عايف حاله
اما شركه عصير او الكوكاكولا نفسها او الببسي هناك بتطالبي بتعويضات هائله ^_^

[صفاء الايمان]

خلص بدي احط نقري من هالاشياءات بركي طلعلي اشي هههههههههه

[Essa Amawi]

اوكي انتي جيبي القضيه والباقي علي ^_^
هههههههههه

[صفاء الايمان]

اه التكاليف كمان ^_^
وانا الي الربح اكيد ^_^

[Tommywarsong]

أنا صارت معي عنجد شغلة الكولا ...

اجا عنا واحد على المكتب و معه قزازة كوكا كولا فيها من جوة اشياء بتقرف ..

- بهيك حالة أوعك تفتح القزازة ..
الخطوة التانية ازا ما بدك توجع راسك .. احكي مع الشركة و قلهم هيك هيك القصة .. و هم مستعدين يشتروها منك بالمبلغ يلي بدك اياه ..

- ازا كنت بتخاف على الناس و بيهمك مصلحتهم .. بتترك القزازة مسكرة .. و بوجهك على مديرية الصحة .. و بتعطيهم القزازة و بتروح ..

هاد أسلم اجراء ..

بس أنا برأيي انه ما بيطلع للواحد يشتكي على الشركة أو على المخبز مثلاً ازا اشترى منه شغلة فيها عيب معين .. طالما ما وقع ضرر .. لأنه هاد بيصير ضرر احتمالي .. يعني ممكن انه يحصل و ممكن لأ .. و ما دام ما حدث ضرر لا تجوز المطالبة بالتعويض .. هيك رأيي .. و يا ريت نشوف اجابة قانونية 100% ..

[Essa Amawi]

بس أنا برأيي انه ما بيطلع للواحد يشتكي على الشركة أو على المخبز مثلاً ازا اشترى منه شغلة فيها عيب معين .. طالما ما وقع ضرر .. لأنه هاد بيصير ضرر احتمالي .. يعني ممكن انه يحصل و ممكن لأ .. و ما دام ما حدث ضرر لا تجوز المطالبة بالتعويض .. هيك رأيي .. و يا ريت نشوف اجابة قانونية 100% ..
لكن ممكن المطالبه بالضرر على اساس انه اخلال بمواصفات الصحه او مواصفات الجوده التي التزمت بها الشركه اتجاهي كعميل ضمن العقد المبرم بيننا (العقد الضمني)
حيث ان تنفيذ هذا العقد لم يكن صحيحا ابدا
كون العبوه احتوت على اشياء او مكونات غير الموجوده في قائمة المحتويات
مما يعني اخلال عقدي واضح حقا
ويمكن اثبات ذلك عن طريق المعاينه والخبره

نضيف الى ذلك حدوث الضرر الأدبي او الصدمه النفسيه ^_^

واستاذنا اسامه عنده الخلاصه اكيد ^_^

[صفاء الايمان]

شكرا للتوضيح اسامة وعيسى ^_^

[Tommywarsong]

لكن ممكن المطالبه بالضرر على اساس انه اخلال بمواصفات الصحه او مواصفات الجوده التي التزمت بها الشركه اتجاهي كعميل ضمن العقد المبرم بيننا (العقد الضمني)
حيث ان تنفيذ هذا العقد لم يكن صحيحا ابدا
كون العبوه احتوت على اشياء او مكونات غير الموجوده في قائمة المحتويات
مما يعني اخلال عقدي واضح حقا
ويمكن اثبات ذلك عن طريق المعاينه والخبره

نضيف الى ذلك حدوث الضرر الأدبي او الصدمه النفسيه ^_^

واستاذنا اسامه عنده الخلاصه اكيد ^_^

يا عماوي .. أول شي ما تحكيلي أستاز ازا سمحت لأني بموت من هالكلمة و بحس حالي كبير بالعمر ..

ثانياً .. مع احترامي الشديد لوجهة نظرك .. لكن انتا كمستهلك ما في بينك و بين شركة الكولا مثلاً أي نوع من العقود .. لا ضمني ولا غيره .. لأنه انتا حر كمستهلك .. ازا بدك بتشتري المنتج .. و ازا ما بدك بتطقعله ..

لكن حماية للمستهلك .. وجدت مؤسسة المواصفات و المقاييس .. هي يلي بتتولى الرقابة و التفتيش على مخالفات المواصفات .. كمان في عندك وزارة الصحة .. بتفتش على النظافة العامة .. و على مكونات المنتج .. و عندك البلديات .. بتفتش على الصحة العامة .. و بتخالف المحلات و المطاعم و المصانع الوسخة .. و تصل العقوبة في حالات التكرار الى اغلاق المحل ..

أما بالنسبة لكلامك بوجود عقد بين المستهلك و الشركة .. فهاد مع احترامي الشديد جداً .. غير موجود ..


و ازا ما زبطت معك .. طقلك تلفون على محمد الوكيل .. و اعملها عزارى و عليها شهود .. !!

[Essa Amawi]

يا عماوي .. أول شي ما تحكيلي أستاز ازا سمحت لأني بموت من هالكلمة و بحس حالي كبير بالعمر ..

ثانياً .. مع احترامي الشديد لوجهة نظرك .. لكن انتا كمستهلك ما في بينك و بين شركة الكولا مثلاً أي نوع من العقود .. لا ضمني ولا غيره .. لأنه انتا حر كمستهلك .. ازا بدك بتشتري المنتج .. و ازا ما بدك بتطقعله ..

لكن حماية للمستهلك .. وجدت مؤسسة المواصفات و المقاييس .. هي يلي بتتولى الرقابة و التفتيش على مخالفات المواصفات .. كمان في عندك وزارة الصحة .. بتفتش على النظافة العامة .. و على مكونات المنتج .. و عندك البلديات .. بتفتش على الصحة العامة .. و بتخالف المحلات و المطاعم و المصانع الوسخة .. و تصل العقوبة في حالات التكرار الى اغلاق المحل ..

أما بالنسبة لكلامك بوجود عقد بين المستهلك و الشركة .. فهاد مع احترامي الشديد جداً .. غير موجود ..


و ازا ما زبطت معك .. طقلك تلفون على محمد الوكيل .. و اعملها عزارى و عليها شهود .. !!

امرك حجنا
<< هيك علشان اصغرك بدل استاز :(346):

مممممممم
بس الي استغربته انك بتحكي ما في عقد بيني وبين الشركه !!!!

ولا على اي اساس انا بدفع الثمن وبحصل على المقابل ؟؟
انت لما تفوت على مطعم وتاكل على اي اساس بتدفع حق الأكل ؟؟

هذا عقد بيع واضح وجلي ..

افرض انت رحت على شركة الببسي وقلت لهم بدي طلبيه 100 زجاجه ..
واخذتهن وما دفعت حقهن ..
مش رح يقاضوك ؟؟
رح يقاضوك على اي اساس ؟
على اساس عقد البيع

نفس الاشي لو اشتريت زجاجه وحده .. هو عقد بيع ايضا
^_^

[Tommywarsong]

مزبوط يا معلم .. هاد عقد بيع .. و أنا معك 4983903838 %

نشاله تشتري غطا قزازة بس .. هاد بيع .. و ما بيختلفوا عليه 2 ..

لكن انتا يلي حكيته انه في بين المستهلك و بين الشركة عقد ضمني انه الشركة تلتزم بالمكونات يلي مكتوبة على ضهر العلبة .. بس ازا سمحت توضحلنا كيف ممكن المستهلك يكون متعاقد مع الشركة بعقد ضمني بالالتزام بقائمة المحتويات ؟؟؟

انا هاي النقطة يلي عم بحكي عنها ..

بس خليني أحكي شغلة ازا سمحت .. انه اخلال الشركة بقائمة المحتويات .. سواء بالزيادة أو النقصان .. أو بوجود محتويات ضارة على صحة الانسان .. ما فيه اخلال عقدي .. هاد يشكل مخالفة لقانون الصحة العامة .. و التعليمات و الأنظمة الصادرة بمقتضاه .. و الها عقوبة معينة بالقانون و انا عم بدورلك عليها ..

[Essa Amawi]

حلو اذن نحن الآن انتقلنا الى بند قائمه المحتويات ..

انت الآن بس تطلب من بياع يبيعك رز كبسه ابو حبه طويله
ويروح يعطيك رز عادي
بترجع للبائع كونه اخل معك بمحل العقد

مثال اقوى على حالتنا ..
انت لما تشتري قمح .. ويتبين لك انه هذا القمح فيه بقايا شعير او مخلوط معه حمص مطحون ..
بتعترض على عقد البيع كون هناك اخلال بموضوع العقد المتفق عليه
صح ولا لأ ؟؟

نفس الاشي بالكوكاكولا
انت بتشتري كوكاكولا على اساس المحتويات الموجوده فيها ولا ما كانوا حطوا لك كمستهلك المواد الداخله في التصنيع
وفي حال وجود محتويات غير مدونه فهذا يعتبر اخلال عقدي
وزاره الصحه والمواصفات والمقاييس كان بامكانهم يكتفوا ببيان من الشركه الام بالمواد الداخله في التصنيع دون اظهارها للمستهلك .. وهم (الصحه والمقايس) الي بيراقبوا المنتج لا العميل ..
لكن الهدف من تدوين المحتويات كان الحفاظ على المستهلك واتمام الشرط الاهم ضمن العقد
والي هو انه يكون المحل واضع ومعلوم ومعين بشكل نافي للجهاله الفاحشه (وتعينه هنا يكون عبر بيان محتوياته)
فكما تعلم هناك ببسي وكوكاكولا ومندرين واوغاريت ... الخ
كيف رح نميزهم عن بعض في حال انتفاء الاسم التجاري او العلامه التجاريه غير من المكونات الداخله بالتركيب ؟؟؟

^_^

[Tommywarsong]

والله يا معلم معلش .. أنا لسه مو مقتنع بوجود عقد ..

انتا ما بتحاسب الشركة على أساس الالتزام العقدي ..

مزبوط انه لو اشتريت القمح و طلع على سبيل المثال مخلوط بمواد تانية .. أكيد رح ترجع و تذبح البياع ذبح .

لكن بالنسبة لموضوع انك عم تشتري البيبسي مثلاُ على أساس المكونات يلي فيه .. هاي ما اقتنعت فيها مع احترامي الشديد لوجهة نظرك ..

هون الموضوع مختلف كتير .. هون ممكن يكون في عقد بيع .. انتا بتشتري قزازة .. و الشركة بتبيعك .. هاد عقد بيع متل ما نحنا متفقين .. لكن بالنسبة للأخلال بالمكونات .. ما بيطلعلك ترفع دعوى حقوقية على أساس الاخلال بالتزام عقدي .. انتا بترفع دعوى حقوقية للمطالبة ببدل الضرر النفسي و المعنوي و المادي ازا حصل لا قدر الله ..

أما ازا ما وقع الضرر فعلاً .. و ما حدا اتأذى من موضوع قزازة الكولا مثلاً .. لكن القزازة كانت ملوثة .. هون بتصير الدعوى جزائية على أسلس انها مخالفة لقانون الصحة و ليست حقوقية ..

و اعذرني يا صديقي .. الاختلاف في وجهات النظر لا يفسد للود قضية متل ما بيحكو ..

[Essa Amawi]

والله يا معلم معلش .. أنا لسه مو مقتنع بوجود عقد ..

انتا ما بتحاسب الشركة على أساس الالتزام العقدي ..

مزبوط انه لو اشتريت القمح و طلع على سبيل المثال مخلوط بمواد تانية .. أكيد رح ترجع و تذبح البياع ذبح .

لكن بالنسبة لموضوع انك عم تشتري البيبسي مثلاُ على أساس المكونات يلي فيه .. هاي ما اقتنعت فيها مع احترامي الشديد لوجهة نظرك ..

هون الموضوع مختلف كتير .. هون ممكن يكون في عقد بيع .. انتا بتشتري قزازة .. و الشركة بتبيعك .. هاد عقد بيع متل ما نحنا متفقين .. لكن بالنسبة للأخلال بالمكونات .. ما بيطلعلك ترفع دعوى حقوقية على أساس الاخلال بالتزام عقدي .. انتا بترفع دعوى حقوقية للمطالبة ببدل الضرر النفسي و المعنوي و المادي ازا حصل لا قدر الله ..

أما ازا ما وقع الضرر فعلاً .. و ما حدا اتأذى من موضوع قزازة الكولا مثلاً .. لكن القزازة كانت ملوثة .. هون بتصير الدعوى جزائية على أسلس انها مخالفة لقانون الصحة و ليست حقوقية ..

و اعذرني يا صديقي .. الاختلاف في وجهات النظر لا يفسد للود قضية متل ما بيحكو ..

اكيد الاختلاف في وجهات النظر ظاهره صحيه
ولولاها ما كان في قضاء اصلا ولا في محامين لانه كل الناس رح تكون برأي واحد ^_^

اعتقد انه هنا يبرز دورنا كمحامين في اظهار جديه تأثير الاخلال بالمكونات على المستهلك واعتبارها اخلال بالتزام عقدي
كما تفضلت فانت غير مقتنع وانا مقتنع
مما يعني ان الامر غير مبتوت فيه قانونا او عبر قرار تميزي

وبالتالي فهو نقاش جديد من نوعه يمكن للمحامي تكيفيه لمصلحه موكله للاستفاده من التعويضات ..

كما قلت لك ..

لنفترض انك تاجر وطلبت شحنه ببسي

اجت الشحنه وكان ملزق عليها علامه الببسي
لكن العملاء (الزباين) اكدوا لك ان هذا هو طعم اوغاريت وليس ببسي
هنا كيف ستتأكد ..
رح تتأكد من خلال المحتويات المكونه للمشروب
اذن المحتويات كانت ذات اثر رئيسي في التعاقد اضافه الى العلامه التجاريه ..
نفس الاشي ممكن نوضحه للقاضي لنثبت حق الموكل في التعويض ^_^

ولا شو رأيك ؟ :(109):

[Tommywarsong]

يا عماوي ..

والله انتا بتحكي عن شي و أنا عم بحكي عن شي تاني .. !!

انتا عم تحكي عن عقد البيع و عقد البيع من مواضيع القانون المدني .. و أنا عم بحكي عن مخالفة .. و المخالفات من مواضيع قانون العقوبات .. يعني جزا .. !!

خلينا نمسك الموضوع من اول ..

أنا اشتريت قزازة كولا و قبل ما أفتحها لقيت فيها (( حرثون )) ..
هل بهاي الحالة في اخلال بعقد البيع ؟؟

أنا برأيي لأ ..

أنا معك انه في شي بالقانون اسمه خيار العيب .. و رد المبيع لعيب فيه .. هاي الشغلات ..

لكن نحنا هون عم نحكي بموضوع تاني تماماً ..

هون في عندك مخالفة للقانون .. و المخالفة بتتكيف جزاء .. و ليس حقوق .. لأنه عقوبتها الغرامة أو الحبس .. أو عقوبة تكديرية .. و بدي أحطلك نص من قانون العقوبات بيثبت كلامي عشان تقتنع ..

سيدنا ..

بس لو تقرأ الفل التالت من الباب التاسع من قانون العقوبات .. من المادة 386 الى المادة 388

العقوبة على هاي الحالة يلي عم نحكي عنها هي الحبس من شهر الى سنة ((و)) الغرامة من 5 الى 50 دينار أو بأحدى هاتين العقوبتين ..

طبعاً ما تنسى انه في عندك مديرية الصحة .. و قانون الصحة العامة .. و كل منهم اله نظام و تعليمات خاصة فيه .. و أكيد رح نطبق العقوبة الأشد ..

يا ريت بس لو ألاقي نصوص قانونية متعلقة أكتر بهاد الموضوع . بس قلبت الانترنت .. و ما لقيت شي ..

[Essa Amawi]

بالعكس انا فاهمك تماما
انت تحاول تكيف هذه الواقعه على انها جزائيه

ولكن انا احاول ابعاد الجزاء لانه لن يفيد موكلي (يفيدني انا بالتالي)
ما اريده هو محاوله اقناع القاضي بان موكلي قد تضرر فعلا من هذه المخالفه الصحيه
وان هذه المخالفه الصحيه لم تكن سوى مخالفه خاضعه لجزاء فحسب
بل كانت اخلال بالتزام عقدي واضح


يعني انا معك 100% انه هاي القضيه اساسا جزائيه

لكن لمصلحتي ولمصلحه الموكل لازم يحصل الموكل على تعويض من شركه الببسي / الكولا

فاهمني ^_^ ؟؟

[Tommywarsong]

أيوة .. اجينا لمربط الفرس يا معلم ..

نحنا منحكي على التعويض .. و التعويض ممكن يكون بالمواد الجزائية و ممكن يكون بالمواد المدنية .. لكن بما انه لم يحصل ضرر و الضرر كان احتمالي .. يعني ممكن يقع و ممكن لأ .. هون نقطة الخلاف بيني و بينك ..

انتا بتحكي انه ممكن يحصل الواحد على تعويض عن الضرر الاحتمالي .. و أنا بحكي انه لأ ..

لا يحصل أي شخص على تعويض عن الضرر الاحتمالي الذي لم يقع فعلاً ..

هاي نقطة الخلاف بيني و بينك ..

تخيل معي انه جارك يلي ساكن فوقيك ركب برج لشركة فاست لينك .. طبعاً الكل عارف انه هاد البرج و الموجات يلي طالعة منه ممكن تسبب أضرار على صحة الانسان .. و ممكن تتلف الأجهزة الكهربائية يلي بالبيوت القريبة منه .. لكن هل انتا بتقدر تطالبه بالتعويض بمجرد قيامه بتركيب هاد البرج ... و بدون أن يقع أي ضرر (( لا قدر الله )) .. يا ريت تجاوبني على هاد السؤال . لأنه هاي الشغلة متل موضوع قزازة الكولا الملوثة .. يلي لسه ما حدا شربها ..

[Tommywarsong]

سيدنا اقرا هاد القرار لمحكمة التمييز رقم 2584/1998


1- لمحكمة الموضوع ان تكيف الدعوى حسب الوقائع والبينات المقدمة فيها وان تزن البينات وترجح احداها على الاخرى عملا بالصلاحية المخولة لها بالمادتين (33 و 34 ) من قانون البينات ، وحيث اقتنعت المحكمة من شهادات الشهود وتقرير الخبرة ان الضرر المدعى به ليس محققا وانما هو ضرر احتمالي ، وحيث انه لا رقابة لمحكمة التمييز على محكمة الموضوع في هذه المسألة الموضوعية طالما ان النتيجة المستخلصة سائغة ومقبولة من البينات المقدمة ، ويكون رد الدعوى في محله وموافقا للقانون. 2- اذا توصلت محكمة الاستئناف الى رد الدعوى لعدم ثبوت وقوع الضرر للمدعين فان ردها المجمل على جميع اسباب الاستئناف لا يشكل مطعنا قانونيا على قرارها. 3- ان امر اعتماد تقرير الخيرة من عدمه من صلاحيات محكمة الموضوع وفقا لاحكام المادة (83) من قانون اصول المحاكمات المدنية لان الخبرة من وسائل الاثبات ، فاذا قررت محكمة الاستئناف اعتماد الخبرة التي اجرتها محكمة البداية بعد ان وجدتها تفي بالغاية التي اجريت من اجلها فلا رقابة لمحكمة التمييز عليها في ذلك طالما انه لم يرد سبب قانوني يجرح الخبرة او ينال منها. 4- اذا خسر المدعي دعواه فان الحكم عليه بالرسوم والمصاريف واتعاب المحاماة يتفق واحكام المادتين (163 و 166) من قانون اصول المحاكمات المدنية.

[Essa Amawi]

روعه يا اسامه
<< ما استخدمت استاذ لانك بتكرهها ههههههههه

بس انا ما جبت سيره الضرر الاحتمالي
لانه القانون لا يعترف به الا في حالات معينه تحت مسمى (الفرصه الضائعه)

انا اتلكم عن اخلال في محل العقد
اخلال ناتج عن اهمال من الطرف الاخر

وليس ضرر احتمالي ^_^


===============

سؤالي لك .. اذا اجاك واحد بده يطالب بتعويض من الببسي ولديه نفس القضيه التي نتناقش حولها .. هل سترده ؟؟

[Tommywarsong]

أيوة هيك بدي اياك .. ما تحكيلي أستاز .. قلي أبو السعيد متل ما الكل بيحكولي ..

يا سيدي الظاهر انه ما حنوصل لنتيجة ..

انا مصر على رايي انه لا يوجد عقد تلتزم الشركة بموجبه انها تسلم بضاعتها نظيفة .. و لا يحق لاي شخص المطالبة بالتعويض من الشركة حتى لو لقى مسامير داخل العلبة .. لأنه لسه ما تضرر .. !!

و انتا كمان مصر على رأيك ..

فالحل الوحيد انه نحتكم لحد من أهل الخبرة و الاختصاص بناء على رأي خبير أترك امر انتخابه لالكم .. !!
ههههههههه

[Mohammed Hawamedh]

انا اطلعت على نقاشكم و فعلا انه لنقاشش يثري العقل و المعلومات
لكي اجعل من النقاش اكثر قانونية كلاكما على صواب و كما تفضلتما ان هناك جزاء و تعويض
و بالتالي فان الحل الامثل في هذه الحالة يتم رفم دعوى جزائية مع الادعاء بالحق الشخصي و هي بان هناك مخالفة ما حصلت و انا بصفتي متضرر نتيجة هذه المخالفة قمت بالمطالبة بالتعويض و هنا تنظر بالدعوى المحكمة الجزائية و بالتالي اذا ما ثبت وقوع الجرم او المخالفة المذكورة فانها و بذات الوقت تحكم بالتعويض للمدعي اذا ما ثبت تضرره جراء حصول تلك المخالفة او الجريمة
اما الان فان اعود للسؤال الاصلي الذي قامت بطرحه كاتبه الموضوع
فانني ارى انها تريد ان تصل لنقطة معينة ماهو حقي قانونية لدى حصول تلك الحادثة معي و ما هو التعويض الذي استحق من صاحب تلك البضاعه " اي البائع "
اولا اريد ان انوه انك ما تريدين الوصول اليه اختي العزيزة هو ما يحصل في الدول الغربية من حصول المستهلك على تعويض هائل لما كان من المحتمل ان يسببه ذلك المنتج من ضرر و هذا امر غير مطبق قعليا لدينا بالاردن للاسف حيث ان المشرع اخذ بالضرر الفعلي فقط
اما بالاجابة على سؤالك فان جل ما تستطيعين المطالبة به من قبل البائع " المخبز او الكوكاكولا" هو ان يقوم بتنفيذ التزامه بتسليمك كولا او رغيف خبز موافق للمواصفات و القوانين الصادر بموجبها يعني في حال الخبز بتقدري تطالبي فقط برغيف خبز اخر بدلا عن التالف الذي سلم لك و الحالة ذاتها بالنسبة للكولا
** ملاحظة اخرى ان التعويض الذي تريدين الحصول عليه يكون بشكل استفزازي فقط " في حال كانت الشركة لها سمعة مروموقة تخاف عليها " هنا يقومون بتعويضك مبلغ جيد على ان لا يتم انتشار هذا الخبر بين الزبائن بان الشركة س منتجاتها غير مضمونة ...
غير هيك ما الك و هذا الراي باذن الله 100% قانوني و انا مسؤول عنه لانه حصلت بقضية فعليه لدينا بالمكتب