المساعد الشخصي الرقمي

مشاهدة النسخة كاملة : مشوار العيلة 1 : شارع الرينبو



أحمد أبو زنط
07-14-2009, 02:54 AM
رجع الصيف وصيفنا .. وعيلة lawjo صار لازم تصيف كمان

في هذا الموضوع راح نسجل مشاوير عيلتنا .. وين رحنا ووين إجينا

:(262)::(262)::(262):

بدنا ننشر أحلى صورة .. ونطلع أحلى مشوار .. ونكون مع أحلى رفقة

كل فرد من عيلتنا راح يخبرنا وين راح .. أو وين بدو يروح .. أو شو بيعرف اماكن للمشاوير وشمات الهوا ... حتى تستفيد باقي العيلة من المشوار .. وحتي نعرف وين راح يكون مشوار العيلة الجاي

:(244)::(244)::(244):

شاركنا اسم المكان .. العنوان .. الاسعار.. ووصف مختصر عن طبيعة المشوار.. وإذا في أي صور للمكان يرجى تضمينها في المشاركة ..

شاركنا معلومات مشوارك ... وخلي الصيف كيف !!


lawjo ... خلي صيفك علينا


http://www.ammonnews.net/ammoneNewsImage/200979big41518.jpeg

Tommywarsong
07-14-2009, 06:23 AM
والله يا معلم أنا ما بقعد بالبيت بالمرة ..

الله وكيلك كل يوم بمكان .. طبعاً هاد الحكي بالصيف بس ..

بس بدك الصحيح ما بحب أطلع من اربد .. و ما بطلع أصلاً من اربد ..

و أي مكان فيه بنات لازم أكون موجود فيه ..

صفاء الايمان
07-14-2009, 11:57 AM
ضحكتني اسامة
الله يعين حوا عليك -_-
=============
ابو زنط انا بالبيت 24 ساعة عشان بتعرف شركات وشغل يعني هع هع
لا بس بجد بابا مريض بالمستشفى احتمال الجمعة الجاي اروح ع دار سيدي ببيت لحم الله اعلم بس اول مبارح رحت لعند بابا ع المستشفى الله يعينه يارب
حاليا مشاويري بالبلد يعني لدار القران وبس -_-
ياريتني شب كان ما بضل بالبيت ^_^
خبروني انتو وين بتروحو ^_^ حلوة هالفكرة

Essa Amawi
07-14-2009, 02:35 PM
انداري انا بدي اكمن يوم راحه بس -_-

بس اليوم -ان شاء الله- طالع على السيتي مول انا وصديقي بده يدور على لابتوب كويس وابن عالم وناس

السيتي مول على طريق المدينه الطبيه مقابل حدائق الحسين
كثير حلوه وكبيره واسعارها مميزه للغايه ^_^

اذا اطلعت اليوم بجيب لكم صور ^_^

أحمد أبو زنط
07-15-2009, 12:20 AM
مشوارنا اليوم على شارع الرينبو .. بس أنا بنصحكم تروحوا يوم الجمعة..

المكان: يقع الشارع في جبل عمان من منطقة الدوار الأول ويتجه شرقا حتى يصل إلى شارع مانجو.

الوصف: شارع الرينبو أحد شوارع عمّان القديمة، وقد تم تحديثه وأعتبرت المنطقة الواقعة حوله منطقة محمية كونها جزء من تاريخ وتراث الأردن. من أشهر المعالم فيه مبنى السفارة السعودية و المركز الثقافي البريطاني والمقر الرئيسي لشركة مصفاة البترول الأردنية ومسرحا كان دارا للسينما. كما يحد الشارع من طرفيه أهم بيوت التاريخ الحديث في الأردن مثل بيت الملك طلال وبيت الشريف زيد بن شاكر وبيت سعيد المفتي. كما يشمل معرض مؤسسة نهر الأردن. وتجري حوله الكثير من النشاطات الثقافية مثل سوق جارا. وتقع فيه عدة مراكز ثقافية وترفيهية ومقاه على الرصيف

سوق جارا: يوم الجمعة إنت على موعد مع سوق جارا .. من الساعة 10 صباحا حتى 10 مساء .. هذا السوق ذو طابع تراثي وكرنفالي بذات الوقت.. حتى تتمشى وتعيش أيام البساطة .. وفي نهاية السوق يوجد الدرج الذي تقام بجانبه الاحتفالات والليالي المليئة بالفرح


http://upload.wikimedia.org/wikipedia/commons/thumb/e/ee/Rainbow_Street_4_Jul_2008_%285%29.JPG/800px-Rainbow_Street_4_Jul_2008_%285%29.JPG


http://upload.wikimedia.org/wikipedia/commons/thumb/f/f9/Jordan_River_Foundation_Showroom.jpg/800px-Jordan_River_Foundation_Showroom.jpg

http://upload.wikimedia.org/wikipedia/commons/thumb/b/bb/Jabel_Qalaa.JPG/800px-Jabel_Qalaa.JPG
جبل القلعة كما يظهر من شارع الرينبو

http://www.alkhaleej.ae/uploads/images/2008/10/06/68678_2.jpg

http://www.jordanpost.net/images/stories/P10004130.jpg

http://www.aleqt.com/a/243271_40869.jpg

http://www.alarabalyawm.net/uploads/200906/111.jpg

Essa Amawi
07-15-2009, 08:43 AM
روعه والله يا احمد

مشيته كذا مره وبيجنن ^_^

<< طبعا هذا الشارع ما بيندخل الا بالليل قبل هيك هأ ^_^

ahmad albadawi
07-15-2009, 09:36 AM
عنجد جميلة الفكرة ويوجد فيها ابداع

صفاء الايمان
07-15-2009, 10:04 AM
ابو زنط في هيك شي بالاردن -__-
حاسيته زي اوروبا الممهم
حاسة حالي بطلت اعرف اشي -___- بالاردن يلا بس اجي بدي جولة سياحية انا ^_^
شكرا يلا الشوفة ببلاش ^_^

أحمد أبو زنط
07-15-2009, 01:45 PM
روعه والله يا احمد

مشيته كذا مره وبيجنن ^_^

<< طبعا هذا الشارع ما بيندخل الا بالليل قبل هيك هأ ^_^

بالعكس انا بحبو بالنهار .. تروح نقعد بواحد من الكوفي شوبات يلي على الرصيف وفوقيك شمسية ( يا سلام على المنظر والعالم رايحة جاي )

اما بالليل بتقدر تروح على شارع الرينبو وتقعد بكوفي شوب جارا .. وقبل لا تنزل على الكوفي شوب بتوقف تتأمل بانوراما عمان من الحديقة الصغيرة إلي فوق الكوفي شوب:(294):

Essa Amawi
07-15-2009, 05:15 PM
انا امبارح كنت اقزدر بالجاردنز

الشارع اول مره بمشيه على الاقدام وجد بيجنن

بنصح الكل يجرب يمشيه ^_^

Essa Amawi
07-15-2009, 10:58 PM
من احلى شوارع عمان
برأي هو احلى من الريمبوا احيانا ^_^

روعه يا احمد والله روعه ^_^

===================

جسر عبدون المعلق .. معجزة الاردن الجديده وجالب السياحه الداخليه الحديث
صراحه الى الآن نفسي امشي عليه مشي ^_^

المشاغب
07-16-2009, 01:00 AM
فكره جميله جدا:(219):
بس شو رايكم بمشوار على جبال عجلون
اجمل مناطق الاردن:(219):

أحمد أبو زنط
07-16-2009, 03:25 AM
طيب يلا مشورنا !!

روح فينا على عجلون وجديتا وعين جنة وقلعة الربض ومن مرة خدنا على دبين .. ونحنا بانتظار المشوار

صفاء الايمان
07-16-2009, 09:02 AM
http://www.mahjoob.com/ar/forums/images/smilies/cry2.gif
جاي عبالي اطلع مشوار
يلا بستنى مشاويركم ^_^

ahmad albadawi
07-16-2009, 09:24 AM
يا سلام .......عنجد تحفة

Essa Amawi
07-16-2009, 09:46 PM
شكلي بدي اجيب لكم تقرير مرتب عن مدينة الملاهي (الجبيهة) جهة ابو نصير ^_^

أحمد أبو زنط
07-17-2009, 12:51 AM
بانتظار تقريرك !