بشير ع كرسي الاعتراف

[صفاء الايمان]

ايش يا قوم كيفكم
دور بشير ع الكرسي خلص دور ساندرا
فنادولو عشان نبلش تحقيق ق:(244):

انتشروووووووووووو

[صفاء الايمان]

اول شي كيفك ؟
شو اسمك ؟
كم تاريخ ميلادك ؟
بتحب تخصصك ؟ فته من رضا ولا اجبرت عليه ؟
شو نظرتك لكلية الحقوق
شو الوانك المفضلة
شو لبستك المفضلة ؟
عندك سيارة ؟ شو نوعها
اذا ما عندك شو بتحب يكون نوع سيارتك وشو لونها ؟
الي رجعة هاي نقرشة ^_^

[ahmad albadawi]

اول شي الان انا امام شخص يعطي الروح الى الكلية

بشير نافع كيف حاللك الان؟


انت انسان متعاون ولطيف جدا كيف تحصل اسلوبك الرائع في جذب الناس اللك؟


ما علاقة بشير

بالدين

النفس

الدخان


الشمس


القمر


صوت البحر


الاردن



فلسطين


طبربور


السماء


النجوم


ماذا يعني لك العلم بالحقوق ؟


ماذا تفعل اذا احد قدم الاساة الك؟

كيف مصادر الالتزام مع الدكتور اشرف؟

كيف السنة الاولى ؟

وكيف الجامعة ؟



ولنا رجعة باذن الله

[Essa Amawi]

بشير اسمعت انك بتلعب تنس ارضي .. شو الي حببك بهاي الرياضة ؟؟

[Basheer Nafe3]

اول شي كيفك ؟
تمام
شو اسمك ؟
بشير عبد الرازق بشير نافع
كم تاريخ ميلادك ؟
18\12\1990
بتحب تخصصك ؟ فته من رضا ولا اجبرت عليه ؟
طبعا...... فته عن رضا
شو نظرتك لكلية الحقوق
هي التي سوف تعلمني القانون....... وهي الي عرفتني على الاصدقاء الاكثر من رائعييين
شو الوانك المفضلة
ازرق
شو لبستك المفضلة ؟
اللبس السبورت
عندك سيارة ؟ شو نوعها
على الطريق ان شاء الله
اذا ما عندك شو بتحب يكون نوع سيارتك وشو لونها ؟
هندا سيفيك
الي رجعة هاي نقرشة ^_^

[Basheer Nafe3]

احمد اسئلتك برجعلهم بعديييين لانهم بدهم اجابات رهيبة

[Basheer Nafe3]

بشير اسمعت انك بتلعب تنس ارضي .. شو الي حببك بهاي الرياضة ؟؟

هاي اللعبة يا عيسى عبارة عن رياضتي المفضلة وبحبها كثيييييير والي خلاني احبها هو انو انا كنت اتابع مباريات التنس وحبيت اجربها انا والشباب فرحنا العبناها بالمدينة الرياضية ومن وقتها وانا بلعبها....... على فكرة يوم الاحد عندي مباراة بالجامعة تنس ارضي تابعة للبطولة الي عاملينها ادعووووووولي

[صفاء الايمان]

الله يوفقك
^_^
منزل صيفي ؟
شو شعورك وانت منزل ؟
بتحب الصيفي ولا الدوام العادي
كيف بتقيم حبك للدراسة ؟
شو مخططك لخمس سنين الجايات
هسا انت سنة ثانية شو رايك بسنة اولى كحالة السنفرة
شو مواقف محرجة او مقالب صارت فيك كسنفور
شو بتحب تشرب
شو اكتر اكلة بتحبها
هسا انت زي ما بتحكي عيونك خضر بتحس حالك مغرور
شو رايك بالاعضاء التاليين وشو بيعنولك وشو بتعطيهم القاب
بشير " انت يعني "
ابو زنط احمد
مومني يوسف
عيسى
احمد صويص <<<ذكرتوني بدي اسال عنو غاب كتير هوو وسالي
سالي
المدعي العام " اسامة "
فرح حلواني
احمد البدوي
حمزة
فيصل البدوي
حسام الحوامدة <<<هالمرة تذكرته ههههههه
حسونة محمد
ابو عابد
محمد حوامدة
مجد
عمر
هيثم
ساندرا الربضي
مريم الدلييمي
صفاء الايمان <<ع البيعة

============
شو بيعنيلك
البحر
يوم الجمعة
الحب
الصوت
الكاميرا
التلفزيون
الرياضية
الكرة
الكوكب
الشمس
الوردة الحمرا
القلم
الدفتر
كتب الجامعة
تخصصك
عمرك
تاريخ ميلادك
مهنتك بالمستقبل
طموحك

الي رجعة هدول ع الماشي ^_^

[Essa Amawi]

بشير الله يعينك يما ^_^

[YoUSeF MoMaNI]

فتحت الطاقه صفاء
يعني رح تهل عليك الاسئله هل
هههههههههههههه
الله يعنيك

[صفاء الايمان]

نسيت اسم نور حوامدة ^_^ ضيفها لقائمة الاسامي
=========
انت وياه انا حكيت اعذر من انذر
حتى لو ما سالني بشير او اي حد حساله -_____- هذا قراري

[صفاء الايمان]

وضيف جبر العتيبي والله اسفة ^_^

[Basheer Nafe3]

يا اخوان شو هالاسئلة هاااااااااااااي

بدهم يوم علشان اجاوبهم

ما حدا يسالني شو علاقتك بالبحر والكوكب.... والشغلات هاي

اسئلوني اسئلة مباشرة مش زي هيك

[صفاء الايمان]

طيب جاوب رايك بالاعضاء
بعدين انا ما حكيت شو علاقتك بالبحر ووو
انا بسال شو رايك او شو بتحكي عنهم
-__________________-
هي كلنا انسالنا نفس السؤال

[Basheer Nafe3]

الله يوفقك
^_^
منزل صيفي ؟
اه
شو شعورك وانت منزل ؟
شووووووووووووووووووووووووب
بتحب الصيفي ولا الدوام العادي
ولا واحد
كيف بتقيم حبك للدراسة ؟
0%
شو مخططك لخمس سنين الجايات
ان شاء اكون تخرجت واخدت الماجستير
هسا انت سنة ثانية شو رايك بسنة اولى كحالة السنفرة
الكل بعرف انك سنفووور اول ما تفوووت من الرئيسي كيف بعرفو ما بعرف
شو مواقف محرجة او مقالب صارت فيك كسنفور
الحمد الله ولا اشي
شو بتحب تشرب
عصير منجا
شو اكتر اكلة بتحبها
فاصوليا خضراء
هسا انت زي ما بتحكي عيونك خضر بتحس حالك مغرور
طبعا طبعا لأ
شو رايك بالاعضاء التاليين وشو بيعنولك وشو بتعطيهم القاب
-------------------------
هلا بلشنا بالاسماء ........... انا بعرفش اكتب كل واحد كلمتين وعلا الداير
بشير " انت يعني "
السنفور المتألق
ابو زنط احمد
ابو زنط دائما متفائل ومبسوط ..... ينصر دينك
مومني يوسف
حبيب الشعب ابو المومني
عيسى
من اول الاصدقاء في الكلية وهو عبارة عن شخص رائع يحب العمل الجماعي ومساعدة الاخرين
احمد صويص <<<ذكرتوني بدي اسال عنو غاب كتير هوو وسالي
له مستقبل واعد ان شاء الله
سالي
الاستاذة المتميزة
المدعي العام " اسامة "
ابو السعيد لازم يعيش ..... المحامي الفايع.... على راسي اسامة
فرح حلواني
فرررررررررررح الطيوبة
احمد البدوي
الحلم الاسير....... شخص طيوب يحب الجميع وبرضو همو بحبو
حمزة
الشاعر الفريد من نوعة
فيصل البلوي
مرة وحدة شفتو بس ما شاء الله فعلا شخصية ..... بيطلعلك
حسام الحوامدة <<<هالمرة تذكرته ههههههه
حساااااااااااااااااااااام هو الشمعة التي لا تنطفئ طبعا نحن اخوان بالدخان .....هههه
حسونة محمد
حسونة من الاخوة الاعداء بس بحبو كثييييييير
--------------------
الباقي برجعلهم بعدين بس ارجع على المنتدى بكملهم
ابو عابد
محمد حوامدة
مجد
عمر
هيثم
ساندرا الربضي
مريم الدلييمي
صفاء الايمان <<ع البيعة

============
شو بيعنيلك
البحر
الي بسبح فيه وبأرجل جمبو
يوم الجمعة
اهدى يووووووم في الاسبوع بعمل كل اشي وانا رايق
الحب
كان حياتي والأن هو .....
الصوت
مش عارف اجاوب
الكاميرا
الي منتصور فيها
التلفزيون
نصفي الثاني
الرياضة
الرياضة هي الي بتسلا فيها وخصوصا التنس الارضي
الكوكب
مش عارف اجاوب
الشمس
برضة مش عراف اجاوب
الوردة الحمرا
بتخليني انبسط
القلم
عمرة ما كان معي الا بس بالامتحانات
الدفتر
نفس القلم بس علشان اراجع المادة
كتب الجامعة
عمري ما حملتهم
تخصصك
عبارة عن مستقبلي


الي رجعة هدول ع الماشي ^_^

[أحمد أبو زنط]

يما يما ... ربي معاك والقلب داعيلك ..
انا ما بحب أسأل حدا .. -_-

يعني بكفيك إلي إنت فيه .. بكفي إني بحبك من دون ما أسألك إشي

[Essa Amawi]

بشير انطلب منه يحكي عن كلية الحقوق ليحطوا حكيه هذا بدعايه .. انت شو رح تحكي ؟؟

[صفاء الايمان]

^_^
بستنى اجاباتك عشان اسالك كمان ^_^
--------
تسلمي ساندرا ^_^

[فـيـصـل الـبـلـوي]

لا أملك إلا أن أرحــب أجمل ترحيب بالضيف صاحب الإطلاله الرائعـة دوما الأخ بشيـر


أهلا وسهلا بك ضيفا على كرسي الإعتـراف

ولي عـوده بإذن الله لطرح بعـض الأسئلة





تقبل خالـــص ودي وتــقديري

[Basheer Nafe3]

بشير كيف الحال؟
تمام
انت انسان طيب جدا جدا جدا ومحترم جدا جدا جدا الله يخليك لاهلك ( انت اكثر)
1. كم اخت واخ عندك؟
نحن 4 شباب و بنت وابوي وامي
2. شو هواياتك؟
السباحة ، التنس الارضي،
3. مين بتحب اكتر امك او ابوك؟
امي، بس ابوي برضة الو معزة عندي
4. شو اكتر اشي بالكليه؟
مش فاهم السؤال
5. بصير تجاوب شو رايك ببقية الاعضاء؟
مثل اخواني واخواتي
شكرا والله يعينك عاسئلة صفاء؟
الله بعييييييييين
هي جلطتني بالاسئله بس
صفاء على عيني وراسي وانت كمان

[Hosam Hawamdeh]

بشير سمعنا انك جاوبت انو شو بتوصف حسام الحوامدة قلت اخوان بالدخان
بحب اسئلك شو علاقتكم انتا وياه بالحشيش ؟

[Basheer Nafe3]

بشير سمعنا انك جاوبت انو شو بتوصف حسام الحوامدة قلت اخوان بالدخان
بحب اسئلك شو علاقتكم انتا وياه بالحشيش ؟

نحن ملناش علاقة بهيك شغلات .......... حسام حبيبي

لادة مهمومة ولا شبح مديوووووووووووووووونة

[YoUSeF MoMaNI]

هههههههههههههههههه
الله يعينك على هيك اسئله
اي شي بيوجع الراس قال كرسي الاعتراف قال

[صفاء الايمان]

مومني خليك ساكت اجا دورك وسالناك
=========
مرحبا بشير كيفك اليوم ؟
عليك دوام ؟
مين اكثر دكتور بتحبه او بترتاح بمحاضرته
شو من عمايلك ايام المدرسة
عمرك هربت ؟
ليه كنت تهرب ؟
شو اكتر مادة بالمدرسة كنت تستمتع فيها
كم معدلك بالتوجيهي
كم اكبر مبلغ مصاري مسكته
الك حساب بالبنك ؟
شو بتعنيلك السيارة
شو علاقتك بالجوال ؟
بما انو الك اخت وحدة
اكبر منك ولا اصغر منك ؟ وكيف تعاملك معاها
بتحس بانانيتها معاكم ؟
لو بشير اعطوه مسدس مين حيطخ
لو اعطيتك 3 وردات مين بتعطيهم
بشير بحب الذكريات ؟
وشو بتعنيلك ؟
الظاهر انو تجربتك مع الدخان من تجربة قاسية مع الحب ؟ يا ترى شو رايك بالحب
ولو قلبك دق مرة ثانية حتلبي ؟ ولا حتخلي اختيارك لشريكة حياتك بزواج تقليدي ؟ امك تختارها ولا انت ؟
بشير مرح واظنه سكوتي يا ترى ليه ؟
بشير عصبي ؟
متى بشير بعصب ؟
وكيف بتهدى ؟

الي رجعة ^_^ باذن الله

[Basheer Nafe3]

مومني خليك ساكت اجا دورك وسالناك
=========
مرحبا بشير كيفك اليوم ؟
تمممممممام
عليك دوام ؟
اليوم لأ
مين اكثر دكتور بتحبه او بترتاح بمحاضرته
كل الدكاترة بحبهم وبحترهم بس اكثر محاضرة برتاح فيها كانت محاضرة المدخل
عمرك هربت ؟
طبعا
ليه كنت تهرب ؟
والله نحن الشباب ما منقدر انضلنا بالمدرسة يعني بعدة الفرصة كلها بتهرب وانا اولهم وايام من اول الدوام بس ياخدو الغياب
شو اكتر مادة بالمدرسة كنت تستمتع فيها؟
حصة الرياضة
كم معدلك بالتوجيهي؟
72
كم اكبر مبلغ مصاري مسكته؟
430 دينار
الك حساب بالبنك ؟
حاليا لأ
شو بتعنيلك السيارة؟
مواصلاتي وطشاتي
شو علاقتك بالجوال ؟
عادي ما بمهمني النوعية
بما انو الك اخت وحدة
اكبر منك ولا اصغر منك ؟ وكيف تعاملك معاها
اصغر مني ...... طبعا بعاملها منيح
بتحس بانانيتها معاكم ؟
لأ
لو بشير اعطوه مسدس مين حيطخ
حالو
لو اعطيتك 3 وردات مين بتعطيهم
امي .......، صديقتي ........، ولام صديقتي
بشير بحب الذكريات ؟
نعم
وشو بتعنيلك ؟
احلى شيئ الذكريات
الظاهر انو تجربتك مع الدخان من تجربة قاسية مع الحب ؟ يا ترى شو رايك بالحب
حاليا ......( طز) ...................... سابقا ( حياااااااتي)
ولو قلبك دق مرة ثانية حتلبي ؟ ولا حتخلي اختيارك لشريكة حياتك بزواج تقليدي ؟ امك تختارها ولا انت ؟
لسا مطول على الزواج لما يجي بفرجها الله
بشير مرح واظنه سكوتي يا ترى ليه ؟
حرام عليكي انا مش سكوتي
بشير عصبي ؟
يعني
متى بشير بعصب ؟
لما الواحد بعمل حالو مطنشني بكون نفسي انط علية وانطحو براسو
وكيف بتهدى ؟
عند الاعتذار
الي رجعة ^_^ باذن الله

[صفاء الايمان]

رائع
يعني انت مش سكوتي ؟
طيب متى بشير بعتبر هالشخص صديق لالو
شو مواصفات اصدقائك
مين بير اسرارك
شو هدف بشير ؟ بحياتو
بتحب الشوكولاته ؟
شو اي نوع ؟
والحلويات ؟ اي نوع ؟
بشير اوصفلنا يوم نتائج التوجيهي
وكيف اخدت النتيجة
بشير بكره اسلوب التطنيش حلو ^_^ طيب كيف بتتصرف اذا حد طنشك ؟
بشير مش سكوتي بحسب ما بحكي طيب شو المواضيع يلي ببحب يحكي فيها ؟
اكبر مبلغ حملته 430 دينار لشو كان ؟
لو اعطيك هسا 500 دينار شو حتعمل ؟
ايش امنيتك بالحياة ؟
لو رجع الزمن ببشير سنة لورا شو شي حتعمله
وشو الشي يلي ما كنت حتعمله ؟
شو هوو يلي بشير نفسو يغيره بحاله
شو هوو يلي بشير نفسو يغيره بيلي حواليه
بشير شو ترتيبه بعيلته ؟
بتتمنى تكون اكبر ولا اصغر واحد بالعيلة ؟
شو اقدم ذكرى بذاكرة بشير " من طفولتك او ابعد ذكرى بتتذكرها "
عمرك سافرت ؟
ولوين ؟
عمرك رحت حج او عمرة
بتحب العزايم ؟
مين اكتر بتحب عمامك وعماتك ولا خالاتك وخوالك ؟
بشير صبور ولا لا ؟


الي رجعة ^_^

[Basheer Nafe3]

رائع
يعني انت مش سكوتي ؟
لأ
طيب متى بشير بعتبر هالشخص صديق لالو
اذا كان محترم ومتواضع
شو مواصفات اصدقائك
التواضع المساعدة حين تحتاجها ......االخ
شو هدف بشير ؟ بحياتو
حاليا آخد الرخصة
بتحب الشوكولاته ؟
اكييييييييييييد
شو اي نوع ؟
كادبوري
والحلويات ؟ اي نوع ؟
برضة اكييييد .......... الكنافة
بشير اوصفلنا يوم نتائج التوجيهي
بالفصل الاول عبارة عن حالة من الشؤم والهم والنكد اما بالفصل الثاني عبارة عن انبساط وطخ لتقولي بس من كثر الفرحة( اكيد هلأ رح تسأليني عنو هاليوم)
وكيف اخدت النتيجة
عن طريق الانترنت
بشير بكره اسلوب التطنيش حلو ^_^ طيب كيف بتتصرف اذا حد طنشك ؟
ما بعمل اشي ....... بس بتضلها بالبال
بشير مش سكوتي بحسب ما بحكي طيب شو المواضيع يلي ببحب يحكي فيها ؟
الرياضة بشكل عام ....... ، السيارات ....، عن الذكريات
اكبر مبلغ حملته 430 دينار لشو كان ؟
من شغلي
لو اعطيك هسا 500 دينار شو حتعمل ؟
والله يار ريت .... رح اروح على سوريا وافييييييع هناااااااااااك
ايش امنيتك بالحياة ؟
زي قبل شوي ( الرخصة )
لو رجع الزمن ببشير سنة لورا شو شي حتعمله
بدرس منيح بالتوجيهي
وشو الشي يلي ما كنت حتعمله ؟
لازم احكي يعني ..... ما رح اعمل المشكلة الكبيرة الي صارت معي الي بس بعرفها عيسى وما تخافي ما رح احكيها
شو هوو يلي بشير نفسو يغيره بحاله
طريقة دراستي
شو هوو يلي بشير نفسو يغيره بيلي حواليه
ولا اشي
بشير شو ترتيبه بعيلته ؟
الكبيييييير
بتتمنى تكون اكبر ولا اصغر واحد بالعيلة ؟
اكيد الكبييير
عمرك سافرت ؟
اه
ولوين ؟
سوريا
عمرك رحت حج او عمرة
عمرة.....انا وصغيييييير كثييييير ما كنت اعرف اشي
بتحب العزايم ؟
هو في حدا ما بحبها
مين اكتر بتحب عمامك وعماتك ولا خالاتك وخوالك ؟
اكيييييد خوالي وخالاتي بس ما حدا يحكيلي ليش
بشير صبور ولا لا ؟
صبووووووووووووووور


الي رجعة ^_^

[صفاء الايمان]

بشير يا بشير
ارجعتلك
^_^
كيفك اليوم
---------------
بتسمع اغاني ؟
شو اكتر اغنية ولمين ؟
بتحب الحزين ولا اي نوع من الاغاني
بس تكون لحالك بالبيت شو بتعمل
بشير بحب الحفلات ؟
شو اكتر شي بحبها فيها ؟
بشير شو اكتر نوع فيلم بحبه اكشن رومنسي تاريخي ... ؟
بشير كم بكيت دخان بدخن
من وين بتجيب حقه ؟
شو هوو شغلك يلي حصلت ع راتب 430 دينار منو
كيف كانت تجربتك الاولى بالشغل وبشو ؟
بشير عمره كذب ؟
متى بتستخدم الكذب ؟
بشير بطلب منك نصيحة لالي شو بتنصحني ؟
بشير لو وصلته رسالة مسج من مين نفسو تكون ؟
بشير لو وديته ع مدينة الالعاب شو اللعبة يلي بنفسك تلعبها اكتر من مرة وليه ؟
بشير بالمنتدى مواضيعه مميزة ومنتقاه صحيح ما فيها استخدام للتنسيق بالخط كتير بس انتبهت انها راقية بالمضمون كيف بتنتقي مواضيعك ؟

الي رجعة باذن الله ^_^

[Basheer Nafe3]

بشير يا بشير
ارجعتلك
^_^
كيفك اليوم
ماشي حالي
---------------
بتسمع اغاني ؟
اه
شو اكتر اغنية ولمين ؟
جورج وسوف ....... عمرو دياب
بتحب الحزين ولا اي نوع من الاغاني
عادي اي اغنية المهم تكون حلوة
بس تكون لحالك بالبيت شو بتعمل
على الانترنت او بلعب على الكمبيوتر
بشير بحب الحفلات ؟
اكييييييييد
شو اكتر شي بحبها فيها ؟
الاكل ........ الرقص
بشير شو اكتر نوع فيلم بحبه اكشن رومنسي تاريخي ... ؟
الخيال والاكشن
بشير كم بكيت دخان بدخن
بكيت ونص
من وين بتجيب حقه ؟
من مصروفي
شو هوو شغلك يلي حصلت ع راتب 430 دينار منو
تركيب وصيانة الكمبيوتر وتركيب الانترنت في العمارات
كيف كانت تجربتك الاولى بالشغل وبشو ؟
كنت بشتغل مع ابوي بمحل الازهار وهلأ بشتغل مع خالي برضة بمحل الازهار والشغل الي حكيتلك عنو
بشير عمره كذب ؟
نعم
متى بتستخدم الكذب ؟
لما بكون زهقان ببلش عرط
بشير بطلب منك نصيحة لالي شو بتنصحني ؟
بكفي تسأليني............... (بمزح اسألي قد ما بدك) ...... النصيحة هي انو خليكي على مشاركاتك الرائعة والمواضيع المتميزة
بشير لو وصلته رسالة مسج من مين نفسو تكون ؟
من الحبايب

بشير لو وديته ع مدينة الالعاب شو اللعبة يلي بنفسك تلعبها اكتر من مرة وليه ؟
السفينة
بشير بالمنتدى مواضيعه مميزة ومنتقاه صحيح ما فيها استخدام للتنسيق بالخط كتير بس انتبهت انها راقية بالمضمون كيف بتنتقي مواضيعك ؟
والله انا بختار المواضيع الي بتكووون مهمة وبختارها لما بكون قرأتها مرتين علشان افهما واذا عجبتني بنزلها على المنتدى
الي رجعة باذن الله ^_^

[صفاء الايمان]

حلو كنت تشتغل بالازهار ورد يعني
ممممم شو اكتر نوع بتحبه واي لون
بتعرف تنسق ورد ؟
من خبرة ولا ع اللطشة ولا دورات اخدها
شو بتعنيلك الوردة
لو خيروك تشتغل بشركة كمبيوترات بالشغل اللي حكيته وانك تشتغل بالورد بنفس الاجر شو بتختار
بشير شو عمل اول ما مسك راتبه ؟
اوصفلي حالتك ؟ وقتها
بشير ليه سموه بشير
شو الالعاب يلي بتلعبهم ع الكمبيوتر؟
بتحب الصور ؟
بتحب تتصور؟
بتحب الطبيعة ؟
بتحب الشروق ولا الغروب ؟؟
الي رجعة

[Basheer Nafe3]

حلو كنت تشتغل بالازهار ورد يعني
اه
ممممم شو اكتر نوع بتحبه واي لون
البينك مع الابيض
بتعرف تنسق ورد ؟
طبعا
من خبرة ولا ع اللطشة ولا دورات اخدها
لأ عن خبرة
شو بتعنيلك الوردة
هي الي بنبيعها بالمحل علشان يجينا مصاري
لو خيروك تشتغل بشركة كمبيوترات بالشغل اللي حكيته وانك تشتغل بالورد بنفس الاجر شو بتختار
اكييييد رح اوافق
بشير شو عمل اول ما مسك راتبه ؟
لسا ضايل مبلغ منيح بس الي صرفتو صرفتو على الاواعي والدخان والاكل و شريتة هدية ل...
اوصفلي حالتك ؟ وقتها
طبعا مبسوووووووووووووووووط :(125):
بشير ليه سموه بشير
على اسم جدي الله يرحمو
شو الالعاب يلي بتلعبهم ع الكمبيوتر؟
warcraft ---dota .......woarld of warcraft
بتحب الصور ؟
اه
بتحب تتصور؟
احيانا
بتحب الطبيعة ؟
اكيييييييييييييييييييييييييييييييييييد
بتحب الشروق ولا الغروب ؟؟
الغرووووووووووووب مع ارجيييلة واشي بجنن
الي رجعة

[صفاء الايمان]

حلو حلو حلو
طيب لو طلبت منك تجيب هدية لانسان بعزك شو حتجيب ؟
معي اشياءات بدي تختار اشي منهم
ساعة ايد ذهب رجالية
عطر
قميص + غرافة مرت


هسا الاشيا الجاية اختار من كل نوع اشي
بنطلون مرتب جينز
بنطلون مرتب قماش
تي شيرت احمر
تي شيرت ابيض
تي شيرت اصغر
-------------------------------
بشير من حكيه شخصيته حلوة يا ترى مين قدوته ؟؟
بشير بيستعمل الفيس بوك
بشو استخدمت النت لاول مرة وكم كان عمرك ؟
بشير شو علاقته بالنت ؟
بشير بتهمه شخصيته بالنت ولا بخليها ع التساهيل
بشير بالحقوق هون بس تفوت شو بتعمل ؟
وع مين بدور
ومواضيع مين بتحب ؟
وباي قسم بتفضله عن غيره
الي رجعة ان شاءا لله

[Basheer Nafe3]

حلو حلو حلو
طيب لو طلبت منك تجيب هدية لانسان بعزك شو حتجيب ؟
معي اشياءات بدي تختار اشي منهم
ساعة ايد ذهب رجالية
عطر
قميص + غرافة مرت

( عطر)

هسا الاشيا الجاية اختار من كل نوع اشي
بنطلون مرتب جينز
بنطلون مرتب قماش
تي شيرت احمر
تي شيرت ابيض
تي شيرت اصغر

مش فاهم شو بدي اختار
-------------------------------
بشير من حكيه شخصيته حلوة يا ترى مين قدوته ؟؟
امي ثم نفسي
بشير بيستعمل الفيس بوك
اه
بشو استخدمت النت لاول مرة وكم كان عمرك ؟
بعرفش بالعمر بس كنت صف عاشر
بشير شو علاقته بالنت ؟
عادي
بشير بتهمه شخصيته بالنت ولا بخليها ع التساهيل
اكيد بتهمني
بشير بالحقوق هون بس تفوت شو بتعمل ؟
بشوف آخر 20 مشاركة
وع مين بدور
والله بحب الكل يكون موجود بالموقع
ومواضيع مين بتحب ؟
برضة الكل ما عندي شيئ محدد
وباي قسم بتفضله عن غيره
اكيد قسم الرياضة
الي رجعة ان شاءا لله

[صفاء الايمان]

بشير بامن بالابراج .؟
بعرف اي برج هوو
بشير بحب المواد العلمية ولا الادبية ؟ كان علمي ولا ادبي
بشير كيف بتعامل مع ناس استفزازيين
بشير متى بلش يدخن ؟
هسا حكيت بتدخن بكيت ونص باليوم ؟؟
اي نوع وكم سعره ؟
مين علمك الدخان ومتى وكيف اول تجربة كانت
بشير لو اعطيته حيط ابيض ودهان ( احمر واصفر واخضر ) اي لون حتختار لتكتب فيه وشو حتكتب

الي رجعة باذن الله ^_^
بي اس : بشير شخصيتك رائعة بحييك ^_^

[Basheer Nafe3]

بشير بامن بالابراج .؟
صراحة لأ ....... حتى كمان ما بقرأها
بعرف اي برج هوو
برج القووووووووس
بشير بحب المواد العلمية ولا الادبية ؟ كان علمي ولا ادبي
العلمية ......كنت علمي
بشير كيف بتعامل مع ناس استفزازيين
بحاول اتحمل بس اذا خلص ولعت ...... بنسحب من النقاش
بشير متى بلش يدخن ؟
على الصف العاشر
هسا حكيت بتدخن بكيت ونص باليوم ؟؟
اه
اي نوع وكم سعره ؟
مالبورو احمر .......... سعرة دينار ونص
مين علمك الدخان ومتى وكيف اول تجربة كانت
لحالي ..... والله حبيت اجربة بعدين عجبني ...... وصراحة انا ما بعمل الشغلة الى لما اقتنع فيها
بشير لو اعطيته حيط ابيض ودهان ( احمر واصفر واخضر ) اي لون حتختار لتكتب فيه وشو حتكتب
صراحة انا ما بختار من هاي الالوان بس علشان السؤال رح اختار الاصفر ورح اكتب (S!R-B )
رجعة باذن الله ^_^
بي اس : بشير شخصيتك رائعة بحييك ^_^

[صفاء الايمان]

اها طيب شو اللون يلي بتحبه ؟
بشير لو كان ماشي بالشارع وشاف وردة ع الارض شو بيعمل بيتركها ولا بيروح بيحملها ولا شو بعمل ؟
بشير خطط لمستقبله ؟
شو مشيت من خطتك ؟
بشير بخاف من العتمة ؟
بشير بحب اسمه ؟
بشير بحب السكريات ولا الموالح ؟
بشير بهتم بمظهره ؟؟
مين بيكويلك ملابسك ولا انت بتكويهم
بتعرف اشيا بشغل البيت طبخ غسيل كوي .. الخ
بتعرف تطبخ ؟ وشو ؟
بشير متعاون بالبيت وشغله ؟

[صفاء الايمان]

الباقي برجعلهم بعدين بس ارجع على المنتدى بكملهم
ابو عابد
محمد حوامدة
مجد
عمر
هيثم
ساندرا الربضي
مريم الدلييمي
صفاء الايمان <<ع البيعة

---------------------
هاد السؤال ما جاوبته ^_^
=======================
بشير بيكتب خواطر ؟؟
ورجينا من تجاربك اذا في
بتحب تقرا شعر رومنسي ؟
بتحب تلبس بنطلون قماش ولا جينز اكتر

بكفيك بس جاوب هدول بالاول ^_^

[Basheer Nafe3]

اها طيب شو اللون يلي بتحبه ؟
بشير لو كان ماشي بالشارع وشاف وردة ع الارض شو بيعمل بيتركها ولا بيروح بيحملها ولا شو بعمل ؟
بزيحها عن الطريق وا رح آخدها
بشير خطط لمستقبله ؟
اكمل ماجستير
شو مشيت من خطتك ؟
36 ساعة
بشير بخاف من العتمة ؟
لأ
بشير بحب اسمه ؟
اه
بشير بحب السكريات ولا الموالح ؟
الاثنين
بشير بهتم بمظهره ؟؟
اكييييد
مين بيكويلك ملابسك ولا انت بتكويهم
ايام انا وايام امي
بتعرف اشيا بشغل البيت طبخ غسيل كوي .. الخ
شوية طبخ والكوي وبس
بتعرف تطبخ ؟ وشو ؟
مش كثير
بشير متعاون بالبيت وشغله ؟
متعاون بالبيت مش كثييير ... بالشغل لازم اكون متعاون

[Hosam Hawamdeh]

مش عارف أسألك ولا لأ !!
أحكيلك السؤال لغير الله مذلة مش رح اسألك اليوم لوووول

[ahmad albadawi]

وينك يا بشير ...................