المساعد الشخصي الرقمي

مشاهدة النسخة كاملة : بدي مساعة منكم لو سمحتو



هبة أبوطوق
09-11-2009, 12:05 AM
بدي مساعدة منكم لو سمحتو
بدي اعرف مين احسن الدكاترة الي بيعطوا هاي المواد و بحطوا علامات منيحة
مادة مصادر الالتزام
مادة قانون دولي عام
مادة قانون العقوبات القسم العام
مادة قانون اداري
مادة اصول الفقه
مادة مبادئ القانون التجاري

Essa Amawi
09-11-2009, 12:55 AM
اهلا هبه ؟

انت طالبه جديده بالكليه ولا سنه اولى وطالعة ثانيه ؟

عموما
كل دكاتره الكليه من افضل الدكاتره في الاردن
وانا رح اعطيكي اسماء الدكاتره الي درست عندهم هاي المواد اذا اني درستها

1- مصادر الالتزام - اخذتها عن الدكتور احمد الحياري .. وصراحه شيء اكثر من ممتاز

2- قانون الدولي - الماده شوي جامده وانا اخذتها عند الدكتور رشاد السيد .. حقيقه انت رح تدرسي الحياه قبل ما تدرسي القانون الدولي يمكن بعض طلاب بيستصعبوا نمط اسئلة الدكتور رشاد .. بس شخصيا حسيتها كثير حلوه خصوصا انه بيفتح لك المجال لتحكي وتعبري بالاجابه كما تريدين برغم انه يفضل ان تكون الاجابه دقيقه وقانونية .

3- العقوبات العام - اخذتها مع الدكتور رنا العطور .. يمكن الدكتوره رنا تتميز بانها تود ان يفهم طلابها تاريخ القانون الجنائي قبل القانون الجنائي نفسه

4- قانون اداري - انا منزلها ان شاء الله هذا الفصل مع الدكتوره لينا شبيب وكنت حابب انزلها مع الدكتوره عبير الدبابنه

5- اصول الفقه - لسه ما اخذتها

6- مبادىء القانون التجاري -انا اخذتها مع الدكتور الفاضل احمد الزيادات .. صراحه محاضرت الدكتور زيادات هي اكبر عصف ذهني طلابي من الممكن ان ترينه .. ايضا في الدكتور باسم ملحم مميز كما الدكتور زيادات في هذه الماده


اتمنى اكون افدتك ^_^

هدى2009
09-11-2009, 01:48 AM
مع اني على قدي بس انشالله بقدر اساعدك رح ابلش

مصادر الالتزام انا اخدتها مع الدكتور احمد العويدي ...... هاد الكتور رائع والدكتور الحياري اللي حكى عنو عماوي كمان رائع وممتع ومتميز بس وانا صغيره ما كنت ارضى اخد معو هههه

قانون دولي عام انا كمان اخدتها عند الدكتور رشاد السيد .............. متل عماوي

قانون العقوبات العام ... انا اخدتها عند الدكتور الراحل محمد نجم الله يرحمو ويغفرله كان قمه في الفهم وطريقة التعامل مع الطلاب

القانون الاداري .... طبعا وبكل فخر اخدتها مع الدكتور العزيز نوفان العجارمه ..... مهما كتبت لن اويه حقه .... على فكره اخدت عندو 4 مواد او 5 مش متذكره

مادة اصول فقه ..اخدتها مع الدكتور ييييييي نسيتو لما اتذكرورح احكيلك هوه عيلتو مقدادي على ما اذكر .... هوه عصبي بس كتييير منيح بالعلامات ممكن اتبهدلت كتيييير بمحاضرتو بس نزلتها أ

مبادئ التجاري .... اخدتها مع الدكتور باسم ملحم مادة سهله وممتعه .... انا بطبيعتي بحب التجاري

وانشالله موفقه هبوش

أحمد أبو زنط
09-11-2009, 01:53 AM
مادة مصادر الالتزام
والله مش عارف مين بدي أحكيلك !


مادة قانون دولي عام
أد . غسان الجندي .. إذا بتقدري على هذا النوع من الشرح لأنه سريالي بشكل محبب (بالنسبة لي على الاقل)

مادة قانون العقوبات القسم العام
دة: رنا العطور دكتورة فاضلة ، لكن يجب معرفة كيف تدرسين مادتها بشكل مثالي (الموضوع ليس معقد لكنه بحاجة إلى تكنيك)
على كل حال اعتقد انها في إجازة تفرغ علمي الان


مادة قانون اداري
أكيد دة. لينا شبيب ، امشي مستقيم بتنجح

مادة اصول الفقه
في دة فاضلة بتعطيها في كلية الشريعة (نسيت اسمها) أنا ما أخذت عندها لكن حضرت بعض من محاضراتها
وأيضا د منصور مقداد ، دكتور فاضل لكن سريع بالشرح (انا اخذت عنده أ)

مادة مبادئ القانون التجاري
لا تعليق

هبة أبوطوق
09-11-2009, 05:21 PM
عماوي
شكرا كتير لمساعدتك الي:(125):
انا سنة اولى و طالعة تانية
بس انا سالت لانه انا لسا عم بحول حقوق و لازم انزل المواد المطلوبة مني و اجيب 5ز3 بهاي المواد
بس بدي اسالك الدكتورة عبير دبابنة بتعطي اداري؟؟؟؟
لانه اذا بتعطي رح انزل عندها لانها دكتورة رائعة اخدت عندها نظم سياسية و نزلتها أ

هبة أبوطوق
09-11-2009, 05:24 PM
هدى شكرا كتير الك :(125):
أكيد طبعا اقدرتي اتساعديني
انا اي معلومة باخدها منكم رح تساعدني كتير

هبة أبوطوق
09-11-2009, 05:28 PM
احمد شكرا كتير الك:(125):
على فكرة انت الوحيد الي حكتلي على اسم دكتور بعطي أصول الفقه و منيح و بحط علامات
اي حدا بسأله على هاي المادة بتنكد و ما بجاوبني

Essa Amawi
09-11-2009, 06:39 PM
عماوي
شكرا كتير لمساعدتك الي:(125):
انا سنة اولى و طالعة تانية
بس انا سالت لانه انا لسا عم بحول حقوق و لازم انزل المواد المطلوبة مني و اجيب 5ز3 بهاي المواد
بس بدي اسالك الدكتورة عبير دبابنة بتعطي اداري؟؟؟؟
لانه اذا بتعطي رح انزل عندها لانها دكتورة رائعة اخدت عندها نظم سياسية و نزلتها أ

ولو بالخدمه ^_^

بس ما فهمت يعني انت مو حقوق هلأ ؟

الدكتوره عبير بتعطيها للماده لكن هذا الفصل مو منزليتها للاسف -_-

بالتوفيق وشو ما بدك ان شاء الله الكل ما رح يقصر معك ^^

هبة أبوطوق
09-11-2009, 07:23 PM
عنجد شكرا كتير الك عماوي
و اكيد بعرف انكم مستحيل ما تساعدوني لو طلبت المساعدة ما بتقصروا والله
انا لسا ما تثبتت بالحقوق لاني عم بحول على نظام ال 24 ساعة ان شاء الله بتثبت على نهاية الفصل التاني
بس اجيب معدل 5ز3 بالمواد الي سألتكم عنها

هبة أبوطوق
09-11-2009, 08:04 PM
شكرا كتير لنصيحتك ساندرا
انا رح انزل العقوبات عند الدكتور سامي لانه هو الي منزلها هدا الفصل
و انا في كتير ناس حكولي انزلها عند الدكتور سامي
و ما نصحوني بالمرة بالدكتورة رنا لانها كتير بتركز عالتاريخ و انا مش ناقصني تاريخ

rodyna khliafat
09-12-2009, 05:09 PM
مبادئ قانون تجاري :د باسم ملحم
هبة هبة هبة ديري بالك اتنزلي عند د احمد حياري لاني جربته ونزلت عنده (مصادر وأحكام ) طبعا وانا عارفة انه
د احمد رح يشوف هالتعليق
بالتوفيــــــــــــــــــــــــــــــــــق

Farah A.Lawjo
09-12-2009, 07:55 PM
والله ياهبة بتخيل بهاد الموضوع بالزات الاراء متفاوتة..
عموما.. مصادر الالتزام=الدكتور اشرف العدوان..
قانون دولي=الدكتور رشاد السيد
تجاري=د.احمد الزيادات
العقوبات=تجربتي مش منيحة بهالمادة.. صح يا ساندرا وعماوي؟؟؟

هبة أبوطوق
09-12-2009, 09:37 PM
ردينا و فرح
شكرا كتير على نصيحتكم
بدي أسأل عن الدكتور سهيل حدادين لانه هو منزل مبادئ تجاري هدا الفصل؟؟؟؟؟؟؟؟؟؟؟؟؟؟؟
و ان شاء الله بالتوفيق الكم و الي

Farah A.Lawjo
09-13-2009, 12:20 AM
بصراحة ما اخدت عنده.
بس كل اللي اخده عنده بيشكروا فيه وباسلوبه وبيحكوا انه كتير بحب طلابه..

هبة أبوطوق
09-13-2009, 01:40 AM
والله فروحة شكرا الك لانك طمنتيني
لانه الدكتور سهيل ما حدا حكالي عنه و أنا كنت خايفة أنزل المادة عنده
بس الحمدلله انه الطلاب بيحكوا عنه انه منيح

Farah A.Lawjo
09-13-2009, 01:16 PM
ولو تكرمي

flower
09-14-2009, 05:01 PM
أنا كمان بدي مساعدة ازا سمحتو
انا بدي اعرف وين كلية العلوم و كذلك كيف بدي اندل على القاعة الي لازم اروح عليها والشعبة؟
انا حسيت انو لازم اضلني اسال الي بالجامعة لحتى اندل صح ولا بكون مبين يعني هل بكون مكتوب اسماء الشعب والقاعات؟ولا لأ؟؟؟:(331):

flower
09-14-2009, 05:11 PM
الرجاء الرد علي بسرعة...........

أحمد أبو زنط
09-14-2009, 05:14 PM
نوعا ما لازم تسألي ... وديري بالك من الطلاب القدام بس يشوفو سنفور بحبوا يضيعوا ..

حاولي تسألي البنات في طريقك بكون أحسن .. الشباب شوي كتيرين غلبه هههههههه

بس في هذا الرابط ببين خريطة الجامعة الاردنية
http://www.lawjo.net/university_map.htm

حاولي تشوفي .. وبنصحك تروحي قبل بوقت حتى تعرفي مكان محاضراتك وكليتك .. وطبعا كلية العلوم تكون بالجزء الايمن من الجامعة .. يعني من برج الساعة وعلى اليمين .. بتمري بطريقك عن الملعب .. كلية الزراعة .. كلية التمريض .. وهنالك ستجدين العلوم والهندسة والصيدلة وقريب منهم الطب ..

طبعا أرقام القاعات موجودة ..

ومعنى ح ث خ .. يعني محاضرة احد ثلاثاء خميس
و معنى ن ر .. يعني محاضرة اثنين أربعاء

وبس يحطولك على الجدول .. م ع .. يعني بمبنى مجمع الكليات العلمية الموجود خلف كلية IT

وأي شي شباب الموقع جاهزين ^_^

HAMZEH_TARBIEH
09-14-2009, 05:28 PM
[quote=هبة;28101]بدي مساعدة منكم لو سمحتو
بدي اعرف مين احسن الدكاترة الي بيعطوا هاي المواد و بحطوا علامات منيحة
مادة مصادر الالتزام
مع الدكتور عبد الناصر (تدريس المادة عبر الكود )
مادة قانون دولي عام
أكيد مع الدكتور غسان الجندي ( نوارة)
طبعا مادة المد لحال ولكوز لحال والفاينل لحال
لا أحد يحمل عنده المابدة
يحبب الطالب بالحضور حتى ولو لم يأخذ الغياب
مادة قانون العقوبات القسم العام
هاي مع الدكتور سامي الرواشدة
أكثر من رائع
مادة قانون اداري
هاي مع الدكتور أسامة نعيمات
المحاضرة مابتجاوز 35 دقيقة على الأكثر
مادة اصول الفقه
هاي المادة مع الدكتور محمد أبو الليل
طلعا علامة المشاركة كاملة 20 من 20
مادة مبادئ القانون التجاري
هاي المادة مع الدكتور قيس محافظة

هبة أبوطوق
09-14-2009, 09:33 PM
حمزة شكرا كتير لمساعدتك

هبة أبوطوق
09-14-2009, 09:39 PM
أنا كمان بدي مساعدة ازا سمحتو
انا بدي اعرف وين كلية العلوم و كذلك كيف بدي اندل على القاعة الي لازم اروح عليها والشعبة؟
انا حسيت انو لازم اضلني اسال الي بالجامعة لحتى اندل صح ولا بكون مبين يعني هل بكون مكتوب اسماء الشعب والقاعات؟ولا لأ؟؟؟:(331):

أهلا
حاولي انك تروحي قبل موعد المحاضرات و انزلي عند بوابة العلوم بتصير كلية العلوم أقرب بدل ما تنزلي
عالبوابة الرئيسية
و كل قاعة مكتوب رقمها لا تخافي
بس حاولي انك ما تسألي الطلاب كتير لانه رح يعجبوا عليكي لانك سنفورة و يمكن يدلوكي غلط

HAMZEH_TARBIEH
09-14-2009, 09:40 PM
حمزة شكرا كتير لمساعدتك

لا شكر على واجب
نحن بالخدامة وأي مساعدة تحتاجينها نحن جاهزون لذلك من المساعدة في طريقة دراسة المادة وأسئلة السنوات السابقة والكتب والأبحاث وغيرها
أتمنى أن أكون قد أفدتكي

HAMZEH_TARBIEH
09-14-2009, 09:46 PM
أنا كمان بدي مساعدة ازا سمحتو
انا بدي اعرف وين كلية العلوم و كذلك كيف بدي اندل على القاعة الي لازم اروح عليها والشعبة؟
انا حسيت انو لازم اضلني اسال الي بالجامعة لحتى اندل صح ولا بكون مبين يعني هل بكون مكتوب اسماء الشعب والقاعات؟ولا لأ؟؟؟:(331):

ولو بتكرمي نحنا بالخدامة أنا درست بكلية العلوم سنة كاملة وبعرفها شبر شبر وأي مساعدة من ناحية معرفة الدكاترة والمواد وشرحها وأسئلة سنوات سابقة نحن جاهزون لذلك وسوف أدل على مجموعة من الفتياتيات ليساعدنكي بذلك وإذا أردتي

وإنشاء الله نكون قد فدناكي

Farah A.Lawjo
09-14-2009, 11:17 PM
كلية العلوم في مبنى سمير شما اللي بالزبط داخل مبنى عمادة شؤون الطلبة:(266)::(149)::(217):

موفقة ان شاء الله

أحمد أبو زنط
09-14-2009, 11:29 PM
كلية العلوم في مبنى سمير شما اللي بالزبط داخل مبنى عمادة شؤون الطلبة:(266)::(149)::(217):

موفقة ان شاء الله

حرام عليكي راح ضيعي البنت -_-

-------------------------

لا تردي عليها .. عم تمزح :(331):

Farah A.Lawjo
09-15-2009, 07:04 AM
اه صح صح بمزح:(82)::(241):

HAMZEH_TARBIEH
09-15-2009, 09:38 AM
كما أككد لو أردتي المساعدة نحن جاهزون لذلك وللتواصل معي إزا أردتي ذلك hamzeh_nour@hotmail.com وأتمنى أن أستطيع إفادتك

flower
09-15-2009, 04:05 PM
شكرا كتير لإلكم .........

flower
09-23-2009, 10:48 AM
سلام..........
بدي استفسر عن مكان القاعات هاي...1_222علوم حياتية و ك51 (علوم)الكيمياء و ق 6 مجمع علمية ....
مع جزيل الشكر

HAMZEH_TARBIEH
09-23-2009, 02:43 PM
مرحبا يا أختتي إذا أردتي سأقبلك عند بوابة العلوم وسا أعرفك بجميع كليات العلوم وخدماتها والأمور المهمة فيها وطريقة التعامل مع المدرسين والبيئة المحيطة .
وأتمنى أن نسطتيع إفادتك لأنه ربما لو شرحت لك أماكن القاعات ربما يصبح لديك تشويش

محمد نجم ابراهيم
09-24-2009, 03:20 PM
انا طالب ماستر جديد
ما بعرف عن الدكاتره
بس حسب ما منسمع عن الدكاترة في الجامعة الاردنية انهم اصحاب خبرة وكفاءة عالية جدا وكلهم مشهود
عنهم بالخلق اولا والتعاطي الجيد مع الطلاب وتوصيل المعلومة بشكل جيد ..... ومن رموز كلية الحقوق الدكتور كامل السعيد الذي قراة كتابه في القانون الجنائي وكذلك الدكتور جورج حزبون

أحمد أبو زنط
09-24-2009, 07:19 PM
طبعا flower لا تخافي .. لانه حمزة من لجنة الاشراف للطلاب الجدد

وهذا واجبه .. مش مجرد تبرع لغاية في نفس يعقوب لا سمح الله ^_^

flower
09-26-2009, 02:29 PM
شكرا لالكم بس انا يوم الخميس تعرفت عالجامعة وعرفت وين محاضراتي الحمد لله...........

أحمد أبو زنط
09-26-2009, 02:43 PM
ألف مبروك ,, وموفقة دائما وابدا

طبعا منتمنى لا تقطيعنا بعد ما صرتي بالجامعة ههههههههههههه

دايما زوري موقعنا .. هذا الموقع مش للقانون بس .. في عندنا كتير ناس مش قانونين ^_^

flower
10-03-2009, 03:26 PM
انا محتاجة اسئلة احياء سنوات سابقة و شكرا كتير الكو

Hosam Hawamdeh
10-03-2009, 03:29 PM
انا محتاجة اسئلة احياء سنوات سابقة و شكرا كتير الكو
بعتقد بتقدري تحصلي عليها من مكتبات اللي مقابل كلية بوابة العلوم او الزراعة أكيد موجودة بهاي المكتبات

HAMZEH_TARBIEH
10-03-2009, 04:05 PM
انا محتاجة اسئلة احياء سنوات سابقة و شكرا كتير الكو

أهلا أختي إن شاء الله بخير ، هدول أسئلة الأحياء والرياضيات وغيرها كتير بينجابو من مكتبة الرائد أو الرواد مقابل جسر الزراعة وأي مساعدة أخرى نحن جاهزين.