المساعد الشخصي الرقمي

مشاهدة النسخة كاملة : مئات الالاف من المسلمين يقاطعون موقع الفيس بوك صباح يوم السبت 24/10/2009



Miss Law - Majali
10-23-2009, 08:02 AM
LawJO -عمون - لاقت النداءات الواسعة بمقاطعة الموقع الاجتماعي المشهور " فيس بوك " قبولا كبيرا لدى الرأي العام المسلم بعد رفض ادارة الموقع اغلاق احدى المجموعات "الجروبات" المسيئة للدين الاسلامي والقرآن الكريم والنبي محمد عليه الصلاة والسلام ، وما آثار حفيظة المسلمين مؤخرا انشاء شابة المانية تدعى دينا ميلانى "جروب" باسم "Koran toilet paper roll" ويعنى "القرآن على ورق تواليت" .

المقاطعة كان قد تبناها أحد أعضاء الفيس بوك حيث حدد السبت المقبل 24 اوكتوبر يوما لها ولاقت قبول مئات الآلاف والذين اصروا على وضع شعار المقاطعة كصور شخصية لهم مؤكدين على دعمهم للمقاطعة للضغط على ادارة الموقع بحذف " الجروب " المسيء ، وبين التجمع الواسع في العالم الاسلامي انه تواصل مع ادارة الموقع إلا أنها لم تستجب ما ادى الى الاعلان عن المقاطعة ليوم واحد سيؤدي الى الحاق خسارة مالية كبيرة بالموقع.

في الاردن لبى عشرات الالاف من المشتركين في الموقع النداء وعملوا على وضع شعار المقاطعة ونشرها على الشبكة العنكبوتية للتضامن ضد ما اسموه " الاعتداء السافر على الدين الاسلامي " .

وفي ذات السياق وصل عدد اكبر تجمع للمقاطعة على احدى " الجروبات " حوالي الـ 400 الف مقاطع
ويحمل اسم "نريد الفيس بوك أن يغلق مجموعة القرآن على ورق تواليت" ، فيما يتجاوز العدد الكلي لمجموعات المقاطعة المليون مشترك .

ويقول إنه تمت مراسلة دار الإفتاء لسؤالها "هل دعوة المسلمين للتبليغ عن هذه الجروبات المسيئة للإسلام حرام أم أنها محاولة جادة لمنع هذه الجروبات ؟ "، وجاء الرد "أنه أفضل طريقه لمواجهة مثل هذه الجروبات هو ذكرها ومحاولة تنفير الناس منها وفض الجموع من حولها والتبليغ عنها".

** الصورة : الغلاف الايمن : شعار مقاطعة 24 اوكتوبر ، والايسر شعار جروب "نريد الفيس بوك أن يغلق مجموعة القرآن على ورق تواليت"

Miss Law - Majali
10-23-2009, 08:04 AM
فلنقاطع الفيس بوك غداً لنصرة حبيبنا ... سيدنا محمد عليه الصلاة والسلام .............
وحسبنا الله ونعم الوكيل .......

Essa Amawi
10-23-2009, 10:09 AM
اول المقاطعين باذن الله ^_^

Farah A.Lawjo
10-23-2009, 10:22 AM
وانا كمان

Hosam Hawamdeh
10-23-2009, 10:26 AM
وأنا كمان .......بس بدي ألفت نظر لشغلة انه نهائيا اللي ناوي يقاطع بهاليوم ما يدخل ع الفيس بوك ولا يعمل أي نشاط عليه

محمد حسونة
10-23-2009, 11:00 AM
انا كمان

Tommywarsong
10-23-2009, 01:44 PM
والله أنا من ناحيتي لا بدي اقاطع ولا على بالي ...

شو بدي أستفيد كمسلم من هالشغلة يعني ؟؟؟

والله غير كل يوم أدخل عالفيس بوك و ألعب games وكل شي .. بس سبحان الله .. العرب ولا أشطر منهم بالشعارات ..

طول نهار .. قاطع البيبسي .. قاطع الدانمارك .. قاطع موزمبيق .. توكلوش جبنة بيضا .. قاطع البلوتوث ..

دخيلكم يعني .. شو استفدنا ؟؟؟؟

هيني رايح عالفيس بوك .. والله ما بقاطع ..

Essa Amawi
10-23-2009, 01:46 PM
ابو السعيد الي بتحكي فيه منطقيا صح وانا معك

بس الحلو بالموضوع هو الشعور بانك بتعمل اشي اتفقت عليه انت والباقي بدون ما يكون للسياسه اثر فيه ^^

Tommywarsong
10-23-2009, 01:51 PM
والله يا عماوي أنا ما بحب هاي القصص ..

و بتدايق خير الله ..لما نكون بس شغل حكي ..

المشكلة ما حد سائل فينا كعرب .. والله يا رجل والله ما حد داري عنا ازا بالقرية ولا بالــــ ......

و مع هيك .. طول نهار نطعطع .. و نفضح بحالنا بزيادة ..

Essa Amawi
10-23-2009, 01:57 PM
والله يا ابو السعيد اني فعلا معك ما بجامل

بس هالمره غير شكل ^_^

هالمره هذا تصرف سلبي بدون طعطعة وكثره حكي

بغض النظر رح يكون اله اثر او لأ

بس على الاقل بيخلي الناس الي شافت الحمله .. تحكي هالجماعة اذا بدهم اشي فعلا بيعملوه ^_^

Tommywarsong
10-23-2009, 02:02 PM
يا سيدي ..

بالنسبة الي بس يحكولي قاطع البيبسي .. بروح أشتري بيبسي .. حتى لو ما كان جاي على بالي .. و هيك على كل سولافة بتصير .. مو مجبور أرد على فلان و علان ... أو على واحد بعتلي ايميل بيترجاني بنهايته اني أنشرله اياه ..

أنا عندي قناعات .. ولا كل العالم بيقيمها من راسي ..

و سوري يا معلم .. أنا ما بقصد حد معين بكلامي ... مجرد وجهة نظر بعبر عنها ..

Essa Amawi
10-23-2009, 02:04 PM
ابو السعيد المصيبه اني وانا بناقشك بناقض بحالي اصلا
لانه الي بتحكيه انت هو حكي انا

ويمكن هاي اول مره بحياتي كلها بشارك بهيك مقاطعة ^_^

Tommywarsong
10-23-2009, 02:10 PM
معناها أنا وياك متفقين أنه كل هاد حكي عالفاضي ... و ما في من وراه الا الفضايح ..

Essa Amawi
10-23-2009, 02:29 PM
صراحه اه متفقين لانه عملنا قيمه لناس ما الها قيمه

بس مع هيك حلو تجرب تغير ولو لمره بالعمر .. بلكي تلاقي شعور جديد

المعتمد بن عباد
10-23-2009, 02:53 PM
مدعي خلي عندك شوية غيرة لدينك وكتاب نبيك وحاربهم في تجارتهم وهاذ اضعف الايمان

أحمد أبو زنط
10-23-2009, 03:10 PM
يا جماعه الخير .. يعني المقاطعه أضعف الايمان .. ومين حكى إنها زوبعة فنجان .. بكفي هذا الحراك لوحده ليعلم القاسي والداني مدى الاساءة التي طالتنا من شتم النبي والمس بحرمة القرأن الكريم

YoUSeF MoMaNI
10-23-2009, 05:37 PM
وانا كمان رح اكون من المقاطعين
ان شاء الله

azza alabady
10-23-2009, 09:12 PM
w ana kman
ya syadt almd3e al3am b7trm r2yk
bs 7awl ank tje 3la nfsk krmal rasolna m7md
3alyh alsala w alsalam

Tommywarsong
10-23-2009, 09:58 PM
ان شاء الله خير ..

سجا المومني
10-23-2009, 11:33 PM
والله يا عماوي أنا ما بحب هاي القصص ..

و بتدايق خير الله ..لما نكون بس شغل حكي ..

المشكلة ما حد سائل فينا كعرب .. والله يا رجل والله ما حد داري عنا ازا بالقرية ولا بالــــ ......

و مع هيك .. طول نهار نطعطع .. و نفضح بحالنا بزيادة ..

انت ما بتعرف الخسارة الي بتصيبهم لما نقاطع هاد الاشياء
وبعدين شو دخل العرب انت بتعملل اشي لدينك لربك لنبيك هاد الاشياء لا الها دخل لا بلعرب ولا بسياسة
مع كل النعم الي اعطانا اياها ربنا مش المفروض نستتئل انو نعمل اشي صغير عشانو... القران كلام ربنا
انت بتعرف بلمقاطعة هاااي انهم بخسرو ملايين
واقل شي نعملو لانو اسمنا مسلمين انا ما نسكت ونصير متل الحيطان لانو الساكت عن الحق شيطان اخرس انا بعرف انو ما بطلع بئيدنا اكتر من هيك بس عالاقل انو لما نوقف بين ايدين ربنا نقدر نطلع بوجه ونحكيلوا انو حاولنا نعمل اشي

Tommywarsong
10-23-2009, 11:38 PM
هلأ أنا يلي أفكاري خطأ ؟؟

أحمد أبو زنط
10-23-2009, 11:41 PM
ان شاء الله خير ..

خلص أبو السعيد.. هذا وعد ؟؟؟؟ ^_^

Tommywarsong
10-23-2009, 11:45 PM
يعني هي واقفة علي قضية المسلمين و العرب ؟؟ أنا يلي بدي أحلها .. خلص بقاطع الفيس بوك .. أصلاً ما بفوته كتير لأنه بطيئ عندي و بيعلق الجهاز منه ..

أحمد أبو زنط
10-23-2009, 11:52 PM
ينصر دينك أبو السعيد ما أحلاك ... والله كل الاحترام لموقفك

Tommywarsong
10-23-2009, 11:55 PM
والله يا جماعة والله اني ما بحب أزعل حد مني ..

بس احياناً في تصرفات بتدايق الواحد .. و لازم يحكي عنها .. بس مشكلتي آرائي غريبة كتير .. و ما حد بيفهم شو يلي بدي أحكيه .. و أنا كمان ما بعرف أشرح وجهة نظري ..

أحمد أبو زنط
10-24-2009, 12:02 AM
بس احياناً في تصرفات بتدايق الواحد .. و لازم يحكي عنها .. بس مشكلتي آرائي غريبة كتير .. و ما حد بيفهم شو يلي بدي أحكيه .. و أنا كمان ما بعرف أشرح وجهة نظري

بكفي قلبك الابيض وطيبة معدنك .. وإنو إلي في قلبك على راس لسانك .. وإنت مش مضطر للاعتذار لأنك عبرت عن وجهة نظرك .. وإذا ما حدا فهم عليك .. معلش بتصير ... (إلي ما بيعرفك بيجهلك)

حبيبنا أبو السعيد ^_^

سجا المومني
10-24-2009, 12:19 AM
[quote=المدعي العام;34146]والله يا جماعة والله اني ما بحب أزعل حد مني ..

بس احياناً في تصرفات بتدايق الواحد .. و لازم يحكي عنها .. بس مشكلتي آرائي غريبة كتير .. و ما حد بيفهم شو يلي بدي أحكيه .. و أنا كمان ما بعرف أشرح وجهة نظري ..[/quo

انا بعتزر عن الي صار مني بس بصراحة رايك كان مستفززز
بس بالنهاية هاد رايك وانت حر في
وعنجد انا اسفة

Tommywarsong
10-24-2009, 12:24 AM
مو مشكلة ..
حصل خير .. بس أنا هاد رايي و ما بتخلى عنه ...على كل حال الموضوع مو مستاهل .. و أنا يلي آسف .. بس انا بحب احكي يلي بقلبي .. و بحكي للأعور أعور بوجهه ..

أحمد أبو زنط
10-24-2009, 02:36 PM
يعني الموضوع بشكل عام ليس أكثر من لفت نظر .. وطريقة لممارسة الاحتجاج.. وبالنهاية للانسان الحق بالتعبير عن احتجاجه ورفضه لهذه الممارسات .. وهذا ما تم .. ان استفدنا ام لم نستفد .. ليس مهم .. لكننا بالنهاية عبرنا عن وجهة نظرنا