استفسار..

[Israa.J.T]

[COLOR="SandyBrown"]أنا طالبة سنة أولى ودخلت كلية الحقوق وأنا متحمسة ومعدلي في التسعين وحابة أوصل للامتياز بس في ناس بيحبطو فشو رأيكم..؟أطنشهم وأكمل مشواري ولا آخذ بكلامهم؟:(157)::(157):

[Essa Amawi]

بداية سماعك لكلام الناس هو بدايه نزول معدلك ^_^

ما تردي على حد
الحقوق كثير حلوه وسهله وبتجنن ^^

[أنس الطحان]

اسراء : لا تردي عكل الي بيحكولك هذا الحكي , ولي بيحكي هيك بيكون معلق سوء معدله عهده الحجة فلا تردي عليهم ولا تسمعيلهم. وانت بنت شاطره ومعدلك كتير عالي ما شاء الله فلا تسمعي لهدا الحكي .
بس لازم تكوني بتحب الحقوق عشان تبدعي فيه هذا أهم شي , واذا لقيت أي صعوبة أو مشاكل في الحقوق من ناحية المواد أو الدكاتره فهدا اشي عادي وبكل مكان الا يكون اشي صعب ويوقف بوجهنا بس احنا مش لازم نستسلم زي مانت بدك تعملي ولازم توقفي بهاي المشكلة وتتجاوزها . وهذه نصيحة مني لالك . وان شاء الله بالتوفيق .

[Tommywarsong]

خطيتك برقبتي ما تكملي بهاد التخصص .. لانك رح تعوفي حالك .. و المواد كلها بتخربط .. و الدكاترة بيحاسبوا على الفاصلة .. و الكل بيرسب أول سنة .. يعني بدل ما هو معدلك بالتسعين رح ينزل للستين .. و لو تدرسي ليل نهار ما حتجيبي الا هالخمسين .. القانون صعب كتير . ديري بالك .. و ما اله مستقبل .. و خريجين القانون هيهم قاعدين و مصفطين .. لا شغلة ولا عملة .. شو بدك بهالتخصص .. ادرسي أي شي تاني .. الا القانون .. .





لأ لأ لأ ... أنا بمزح ... القانون كتير حلو .. و ازا الناس عم يتفلسفوا ... ما تعملي غير يلي براسك .. و ما تسمعي كلام حدا .. و اعملي متلي .. يلي ببالك ساويه .. م ا تسألي عن بني آدم .. و نشاله بتتوفقي .. و الله يجيب يلي فيه الخير ..

[Mohammed Hawamedh]

هلكتني بردك يا مدعي عام مش مخليني اعرف من وين ابدا ههههههه
اختي و بقلك اختي لاني بنصحك كاخت
التخثث كتير حلو بس صراحة انا كنت ولا زلت بحب الحقوق من زمان كتير
بس واجهتني مشكلة الناس اللي كرهانة حالها و بدهاش ناس تدرس اي اشي
و لعلمك رح تواجهي نفس الاشي باي كلية تانية كل الناس رح تقلك غيري تخصصك
لذلك اذا بتحبي الحقوق ضلك فيها و خليكي بخطى ثابتة و يا جبل ما يهزك ريح
بصراحة اول فصل زنخ شوي بالكلية الله يسامحهم اللي حاطين الخطة حاطين ازنخ الواد باول فصل
يعني انا خلصت حقوق و لسا بكه هاي المواد
ما علينا اهم اشي الله يوفقك و لا تخافي الحقوق كتير حلوة و فيها كتير شغلات بتساعد بالحياة العملية
و طبعا كل الاشياء اللي حكاها المدعي العام باول رده هي موجودة بالحقوق و لكن عكسيا
شوفي نصائح الكل بالمنتدى

[YoUSeF MoMaNI]

خطيتك برقبتي ما تكملي بهاد التخصص .. لانك رح تعوفي حالك .. و المواد كلها بتخربط .. و الدكاترة بيحاسبوا على الفاصلة .. و الكل بيرسب أول سنة .. يعني بدل ما هو معدلك بالتسعين رح ينزل للستين .. و لو تدرسي ليل نهار ما حتجيبي الا هالخمسين .. القانون صعب كتير . ديري بالك .. و ما اله مستقبل .. و خريجين القانون هيهم قاعدين و مصفطين .. لا شغلة ولا عملة .. شو بدك بهالتخصص .. ادرسي أي شي تاني .. الا القانون .. .





لأ لأ لأ ... أنا بمزح ... القانون كتير حلو .. و ازا الناس عم يتفلسفوا ... ما تعملي غير يلي براسك .. و ما تسمعي كلام حدا .. و اعملي متلي .. يلي ببالك ساويه .. م ا تسألي عن بني آدم .. و نشاله بتتوفقي .. و الله يجيب يلي فيه الخير ..

ههههههههههههههههههههههههه

[محمد حسونة]

والله الكلام الي حكى المدعي بالاول هو الصح
انسيكي من كل التخصص ولا تغلطي غلط العمر متلي اني انا دخلت حقوق
تخصص على فاضي لا في حقوقو ولا شي انسيييييييييييي احسن
اول اذا بدك شهاده تخرجي مقبول وبكفي
المتميز متل المقبول بالحقوق

[رينادا]

اذا عندك هدف بتوصليلوا انت حابة توصلي للامتياز بتقدري اكيد بارادتك وجهدك ما تخلي كلام الناس حاجز بينك وبين هدفك كلام الناس مجرد رأي انا بسأل كثير طلاب عن المواد بيحبطوني بس اجرب المادة عكس ما بقولوا النتيجة انتي اللي بتقرري المادة سهلة او صعبة بعدين نظرة الناس السلبية لتخصص الحقوق هو اللي بيجيب الاحباط انا وحدة من الناس حلمي الحقوق كثير ناس علقوا ليش دخلت حقوق اتحديتهم وحققت هدفي وناوي احقق كثير اهداف التخصص حلو وبجنن ومفيد بس بده دراسه .......... بتمنى تكون الفكرة وصلت

[Mohammed Hawamedh]

والله الكلام الي حكى المدعي بالاول هو الصح
انسيكي من كل التخصص ولا تغلطي غلط العمر متلي اني انا دخلت حقوق
تخصص على فاضي لا في حقوقو ولا شي انسيييييييييييي احسن
اول اذا بدك شهاده تخرجي مقبول وبكفي
المتميز متل المقبول بالحقوق

لا تردي عليه هاد البني"محمد حسونة": ادم من اوائل الكلية ما شاء الله و هلا هوة بالمعهد القضائي و قريبا رح يصير قاضي و بس
و الباقي عندك
سوري ابوحميد بس انت بركتنا