المساعد الشخصي الرقمي

مشاهدة النسخة كاملة : بدنا شدة حيل ،،، صفاء الايمان على كرسي الاعتراف



الصفحات : [1] 2

Mohammed Hawamedh
12-03-2009, 01:59 AM
صفاء الايمان الملقبة بصفصف
عضو مشارك بالمنتدى منذ بداياته الاولى ، دائما تذهلنا بمواضيعها الجميلة والشيقة
الجميع يتفاعل معها و مع مواضيعها عضو مميز بحق
لا يسعني الا شكرها على جهدها المبذول في البحث عن المواضيع الشيقة و الممتعة و المفيدة
للجميع و هذا جهد نشكرها عليه
بالتالي الان بعد قيامها بوضع الكثير من الاعضاء تحت وابل من الاسئلة من قبل الاعضاء جميعا
اليوم صفاء الايمان على كرسي الاعتراف اي سؤال لاي عضو كان
اي استفسار لا تخافوا لا تستحوا يا جماعة صفاء صدرها رحب و تستوعب الجميع بكل دبلماسية
بدنا الجميع يشارك و يبدي ملاحظاته اماله و تطلعاته لصفاء
صف صف لا تحقدي علي بس لازم تعرفي انه يوم لك و يوم عليك و اسئلتك المعتادة لاي واحد على كرسي الاعتراف عرفينا عليكي

:(244)::(244)::(244)::(244)::(244)::(244)::(244):: (244)::(244)::(244)::(244):

============
شو اسمك
شو طموحك
كم تاريخ ميلادك و مكانها
شو لونك المفضل وشوو لبستك المفضلة ؟
شو جابك لل it و بالنتيجة لمنتدى الحقوق
دخلتي هالتخصص عن رغبة ؟؟
:(331)::(331)::(331)::(331)::(331)::(331)::(331):: (331):
:(217)::(217)::(217)::(217)::(217)::(217)::(217):: (217):

Mohammed Hawamedh
12-03-2009, 02:02 AM
هيا يا قوم على قولة صفاء و انا ما رح اسأل اول واحد خلينا شوية

صفاء الايمان
12-03-2009, 10:08 AM
مممممممممممممممممم
شكلو لازم يجي دورك
ما بنكر انو في من اجوبتي تغيرت من وقتها بس هالموضوع انطرح هوووووووووووون (http://www.lawjo.net/vb/showthread.php?t=2682)

زي ما بدكم اكمل او لا ^_^

هبة أبوطوق
12-03-2009, 10:46 PM
أنا من عندي لا تكملي .....
ما بعرف اذا الباقي عندهم أسئلة تانية
على كل حال أهلا و سهلا فيكي يا صفوء يا قمر

Mohammed Hawamedh
12-04-2009, 12:36 AM
كان بودي اني ...... ولا خلص
ما دام الشباب الطيبة مش مقصرين
معناته خلص خطي
قومي قومي عن الكرسي في ضيف اجا بركي قعدناه عليه هههههههه
اقعديلك على الكنباية لحتى ينتهي الزلمة

Essa Amawi
12-04-2009, 01:34 AM
صفاء حطي محمد على الكرسي
لسه ما شرف ^^

صفاء الايمان
12-04-2009, 11:48 AM
بدي اقعد ع الكرسي ^_^


شو اسمك
اسمي الحقيقي برضو صفاء


شو طموحك
كانت كتيرة بس حققت منها صارت اكتر
منها اني اتعلم اشيا جديدة بتخصصي وبرضو بتخصصات ثانية واني احقق ذاتي اكتر


كم تاريخ ميلادك و مكانها
1/7/1990
ماما بتحكيلي كان يوم عرفة الساعة 5 الصبح انولدت بالمستشفى الاسلامي بعمان الاردن


شو لونك المفضل وشوو لبستك المفضلة ؟
لوني المفضل الاحمر
ولبستي المفضلة مممممم كل اواعيي لونهم احمر الا اكم قطعة بس حتى بيجامات النوم كل شي احمر
لبستي المفضلة تنورة عندي ماما جابتلي اياها قبل نتائج التوجيهي ع انها هدية لنجاح لنها اسود وبلوزة برضو من ماما لونها احمر ع خمري اكتر ومخططة اسود وهاي نفسها كانت لبسة العيد هاد كتير بحبها لاني


شو جابك لل it و بالنتيجة لمنتدى الحقوق
مممممم بصراحة كنت بدي صحافة واعلام بصدق لسا ما بلشت بالتخصص منيح هيئته مش هوين وشخصيا بشكك من قدراتي بعد ما بلشت بالتخصص تعلقي كان بشي تاني مش بالتخصص كانه
اما شو جابني للحقوق كنت بمنتديات محجوب وكان عضو اسمو amawi شفت مشاركات لالو واطروحات عن هاتخصص وبرضو روابط بتوقيعه المهم اجيت وسجلت زيي زي الباقيين عشان اشارك المواضيع مخصوص بعد ما كان في حالة من الركود لانو كان مسكر لفترة شهر زي ما افهمت
بس برضو يلي فيه الفوني والفتهم وصرنا عيلة


دخلتي هالتخصص عن رغبة ؟؟
صدقا لا ادري بعد ما بلشنا
صحيح الكل بعيلتي بحكو انو في الي ميل لهالتخصص لكن كصفاء في لحظات جنون بفكر اني اغير لاي شي تاني ما بياخد وقت او تعب
بس هوو الو مستقبل بما انو بالحاسوب الله يختار الخير كلو رياضيات ووهاد التخصص الحقيقي يلي اهلي بدهم اياه

:(331)::(331)::(331)::(331)::(331)::(331)::(331):: (331):
:(217)::(217)::(217)::(217)::(217)::(217)::(217):: (217):[/QUOTE]
:(120): تفضلو يا قوم خدو راحتكم
ما شفت اي اجابة سابقة وما فتحت البوست انتو احرار تقارنو او لا ما بهمني
خدو راحتكم ^_^[/CENTER]

Mohammed Hawamedh
12-04-2009, 02:10 PM
اجابات حلوة ، بس اكتر ما فاجئني عمرك انك مواليد 90
يالله العمر كله يا رب

Essa Amawi
12-04-2009, 02:39 PM
بما انك صرت على الكرسي اتلقي لعاد ^_^

1- محمد استغرب انك مواليد 90 ، هل تعتقد صفاء انها سابقه لعمرها ؟

2- لو سنحت لك فرصه دراسه الصحافه والاعلام الآن ، فهل ستتجهين اليها حقا ؟

3- طموحاتك الاكاديميه ما هي ؟ هل البكالوريوس هو النهايه ؟

4- هل صفاء تطمح في العمل ؟

5- هل تستفدين من تجارب الغير ام انك تفضلين التجربه بنفسك ؟

6- لو اختلف صفاء بنفسها لخمس دقائق وقررت ان تفكر في كل دقيقه بامر معين ، فما هي الامور الخمسه التي ستفكر بها ؟

7- هل انت مهتمه بمجال حقوق المرأه ؟

8- لو كانت امامك 3 ابواب (يمين ، وسط ، يسار) فمن اي باب ستدخلين ؟ لماذا ؟

9- هل صفاء مثاليه او تدعي المثاليه ؟

10- مضى على تواجدك فعليا معنا حوالي 6 اشهر تقريبا ، ما رأيك في كل مما يلي :
- الموقع بشكل عام :
- تخصص القانون :
- طلاب القانون :
- اعضاء هذا المنتدى عموما :
- فكره جعل الموقع اقرب لصوره الاسره :

Mohammed Hawamedh
12-04-2009, 11:38 PM
wallah ank sh6oor ya essa

صفاء الايمان
12-05-2009, 08:47 AM
اجابات حلوة ، بس اكتر ما فاجئني عمرك انك مواليد 90
يالله العمر كله يا رب

ليش مستغرب
؟؟؟

صفاء الايمان
12-05-2009, 08:57 AM
بما انك صرت على الكرسي اتلقي لعاد ^_^
:(120):


1- محمد استغرب انك مواليد 90 ، هل تعتقد صفاء انها سابقه لعمرها ؟
:(157):



2- لو سنحت لك فرصه دراسه الصحافه والاعلام الآن ، فهل ستتجهين اليها حقا ؟
يلي بحب شي حيبدع فيه
بس هالشي مستحيل عند اهلي


3- طموحاتك الاكاديميه ما هي ؟ هل البكالوريوس هو النهايه ؟
لا ادري بس لامشي بلتخصص بقرر
بس اكيد عندي طموح لاكون فريدة بتخصصي


4- هل صفاء تطمح في العمل ؟
كصفاء اي شي بنخرط فيه وبيريحني بطمح ابدغ فيه
تعلمت الطبخ بصف 6 وحاليا والحمد لله اتعلم المزيد اظن الاعمال حتكون اسهل واجمل


5- هل تستفدين من تجارب الغير ام انك تفضلين التجربه بنفسك ؟
في مقولة انو الدنيا ما بتعطينا وقت لنجرب كل شي
عكل برضو كصفاء بحب اجرب وكتير متهورة بعض الشيء


6- لو اختلف صفاء بنفسها لخمس دقائق وقررت ان تفكر في كل دقيقه بامر معين ، فما هي الامور الخمسه التي ستفكر بها ؟
ممممم هالاشيا حتكون خاصة اكتر مما عامة
بحب وقت الليل لانو بعطيني مجال لاكون مع نفسي



7- هل انت مهتمه بمجال حقوق المرأه ؟
قرات العديييييييييييييد من القصص في ظلم المراة وحقوقها اللي بتنهضم المهم اظن انني ابحث عن حقوقي اولى من حقوق النساء اجمع


8- لو كانت امامك 3 ابواب (يمين ، وسط ، يسار) فمن اي باب ستدخلين ؟ لماذا ؟
بيحكو خير الامور اوسطها
بس حختار اليمين :(202): حتى بس اصلي مع ماما جماعة بحب اكون ع يمين بحس بامان اكتر لا ادري


9- هل صفاء مثاليه او تدعي المثاليه ؟
صدقا من لا ارادة ضحكت
مثالية شو يا عمو :(1):


10- مضى على تواجدك فعليا معنا حوالي 6 اشهر تقريبا ، ما رأيك في كل مما يلي :
جد ؟؟
حاسة الي 6 سنين


- الموقع بشكل عام :
اظن انو مش تخصصي الحقوق بس قدر باعضاؤه جميعا انهم يحتووني


- تخصص القانون :
اختلفت نظرتي لالو كليا


- طلاب القانون :
هناك من يستحقون اكثر مما ياخذون
لكن وجدت شخصيات فذة هي رجال ونساء المستقبل


- اعضاء هذا المنتدى عموما :
تفاهم وعائلة


- فكره جعل الموقع اقرب لصوره الاسره :
رااااااااقية
اظن في الو مستقبل اكتر من موقع الكتروني

خدو راحتكم :(120):

صفاء الايمان
12-05-2009, 09:00 AM
wallah ank sh6oor ya essa

:(152):وين اسئلتك
هي اجيت ع الكرسي تفضل :(120):

محمد حسونة
12-05-2009, 10:43 AM
ها في مخفر وتحقيق هون وانا مش عاااااارف
خلص بس اشوف كم سوال برجع

صفاء الايمان
12-05-2009, 03:07 PM
ها في مخفر وتحقيق هون وانا مش عاااااارف
خلص بس اشوف كم سوال برجع
:(244)::(244)::(244):
بستنى انا

Essa Amawi
12-05-2009, 03:14 PM
مرحبا ^^

1- اخر فتره شفت انه صفاء صارت تحط روابط كتب وتطلب كتب ، هالاشي كان مفيد بالنسبه الك ؟ كيف ؟

2- شو سر هالمحبه المخيف للون الاحمر ؟ واي تدريج من الاحمر بتحبي ؟

صفاء الايمان
12-05-2009, 03:31 PM
مرحبا ^^
اهلا


1- اخر فتره شفت انه صفاء صارت تحط روابط كتب وتطلب كتب ، هالاشي كان مفيد بالنسبه الك ؟ كيف ؟
مممم في كتب عجبتني بس لسا ما كملتها في نساء من الزهرة ورجال من المريخ اعجبني
وفي كتب نفسي اقراها ممممم نوعا ما حسنت من بعض المواقف


2- شو سر هالمحبه المخيف للون الاحمر ؟ واي تدريج من الاحمر بتحبي ؟
:(157):
بعتبرو عادي لون وبرتاح فيه مممممم اظن هاد

بس للبس في خمري والقريب منوو
بس برضو في الزهري البارد برضو :(120):
مممممم يلي بعجبنيي باللوني الاحمر الورد الجوري اكتر من اللبس :(244):

Essa Amawi
12-05-2009, 05:55 PM
1- كيف تتعامل صفاء مع الغضب ؟ اسمعنا انك عصبيه ^^

2- كيف تفرغين غضبك بالعاده ؟

3- هل تبكين ؟ ام ان دموعك من الصعب ان تنزل ؟

4- الاسباب التي تقودك الى الغضب السريع والمفاجىء ما هي ؟

5- كيف بتروقي ؟

صفاء الايمان
12-05-2009, 08:55 PM
:(244):


1- كيف تتعامل صفاء مع الغضب ؟ اسمعنا انك عصبيه ^^
بصدق مرات مش كتير
اظن حالة وبتعدي بحسب ازمتها بسرعة ا وبطيئة


2- كيف تفرغين غضبك بالعاده ؟
بحسب شو ييلي مخليني اعصب
من الحالات ببكي
من الحالات بكتب
من الحالات بعمل طوشة ههههههه


3- هل تبكين ؟ ام ان دموعك من الصعب ان تنزل ؟
صدقا بحاول اكون قوية مرات بكون البكاء راحة


4- الاسباب التي تقودك الى الغضب السريع والمفاجىء ما هي ؟
حد يطنشني
يحكيلي كذابة
او يستفزني طبعا النوع يلي ما بنحل بتنطيشه
وكمان بس ما الاقي جزاء يلي بتوقعه


5- كيف بتروقي ؟

بحسب من شو عصبت
بالغالب حالة العصبية ما بدوم كتير
بفرغها وانا بشتغل لانها عبارة عن طاقة سلبية زي ما قرات بتتفرغ بالنشاطات
ممممم بحاول اقرا اي شي اعمل اي شي لافرغ هالطاقة :(244):


اين انتم يا قوم :(203):

Mohammed Hawamedh
12-06-2009, 12:08 AM
نحن هنا اختاه -_-
* شو طموحك للمستقبل \ الاهداف التي تاملين الوصول اليها مع الايام
* كيف تتعاملين مع زوجك عندما يقوم بعمل امر يغضبك - مثلا يطنشك ، او يكذبك -
* اذا طلب منك شخص طلب و انتي كنتي زعلانة او معصبه بتعمليه ولا لا
* هل بتأيدي مقولة الجيش "نفذ ثم ناقش" ام تناقشين ثم تنفيذين اي طلب
* اذا وقف شخص "من العائلة او الزوج" في طريق طموحك شو بيكون موقفك
* اذا بامكانك تحقيق امر يغير مجرى حياتك شو بيكون "اذا خاص معذورة من الاجابة "
* شو الدولة اللي بتطمحي انك تعيشي فيها او بتحبي تعيشي فيها
* شو الدولة يلي نفسك تزوريها
* مين الشخص الذي تعتقدين بان عدم وجوده احسن من وجوده
* انتي شخص يميني right handel >>>
* اذا حبيتي \ كرهتي شخص بتحبيه كل الحب\الكره ولا بتحبيه \ بتركيه بشكل تام
* شو عدد الاطفال الذي تحلمين الحصول عليه بشكل عام
* شو سبب حبك للمطالعة و القراءة بشكل عام
***** اسف على الاطالة و لكن حبيت احكيهم مرة وحدة

صفاء الايمان
12-06-2009, 09:22 AM
نحن هنا اختاه -_-
:(244)::(244)::(244):
هلالالالالالالالالالالالا
بدري :(262): ازهقت واانا بستنى :(163):


* شو طموحك للمستقبل \ الاهداف التي تاملين الوصول اليها مع الايام
انو اوصل لدرجة النجاح يلي بدي اياها
وامتياز بالدراسة
واني اكون بالاول طبعا راضية ربي واهلي ^_^


* كيف تتعاملين مع زوجك عندما يقوم بعمل امر يغضبك - مثلا يطنشك ، او يكذبك -
لحظة لحظة انا انسة لسا ممممم اكيد بحسب شخصية اللي حيكون النصيب معو بكل حالة تصرف
بس قصدك اتخيل اوك ماشي
هوو الغضب بحسب الحالة واذا هوو بفهمني حيجي يراضيني
مرات في مشاكل وهيك في منها تمرق عادي وفي منها بتكون اساسات بالحياة عشان هيك لازم نوقف عندها ونصلحها ما نعديها
ممم في حالة التطنيش بقعد مع حالي وبشوف وين غلطت وبصارحه انت هون ليه طنشتني وبفهم الحوار بالحياة المستقبلية والحياة كلها انجح حوار ^_^ مخصوص بين الزوجين
يكذبني هاي نقطة لا مو نقطة هاي محطة بحالها ليه يكذبني !!! يعني سبق وحكيت انو هالمسبة بالذات عندي زي خنجر وهيك في حال اني كنت بالفعل كذبت ببرر كذبي
وفي حال انو افتراء على لساني بفهم ليه ؟؟ وشو الهدف ومين يلي وصله هالكذبة ع لساني وقتها ما بخرب بيتي ابدا اذا اشيا ممكن اتغاظى عنها بس في اساسيات ما بعديها لا بكون لازم اوقفها وما اخليها تتراكم
بس بتفااااااااااااااهم لازم


* اذا طلب منك شخص طلب و انتي كنتي زعلانة او معصبه بتعمليه ولا لا
بحسب مين الشخص وشو الطلب
بتعرف بس اكون زعلانة مرات بدور ع الشغل لحتى افرغ زعلي فيه ومرات اصلا بكون لازم اقعد مع حالي ببعض حالات الزعل بس برضو ممم ما بحب افشل حد


* هل بتأيدي مقولة الجيش "نفذ ثم ناقش" ام تناقشين ثم تنفيذين اي طلب
هههههههههههههههههههههههههه
بتعرف ليه ضحكت
بس بابا يطلب مني اشي بساله ليش بالاول هيك ما بعرف من انا صغيرة
بحب اعرف ليه حعمل هالشي بحب اعرف المبررات لاعرف النتائج
بابا بحكيلي مش حتكون هالتساؤل منيح بحياةمخصوص الانثى لانوالرجل بيعتبرها تشكيك لالو ومرات خرق لاوامره بس برضو بحكي بحسب الطرف يلي طلب والطلب شو هوو ^_^


* اذا وقف شخص "من العائلة او الزوج" في طريق طموحك شو بيكون موقفك
مرات الانسان بيضطر يضحي وكل انسان بيقدر يعمل دور الضحية بس برضو في طموحات عندي ممكن تكون منيحة بنظري بس هم يكون عندهم نظرة اكتر للحياة بحسب اذا اقنعوني انو مش حيكون لصالحي حتى لو مؤقت وبرضو ممكن انا اقنعهم بكيف انو هالطموح ممكن يغير حياتي وحياتهم اكيد معي ^_^


* اذا بامكانك تحقيق امر يغير مجرى حياتك شو بيكون "اذا خاص معذورة من الاجابة "
اشي يغير مجرى حياتي ممممم اني اعمل تاجيل لتخصصي وادرس تمريض وبنفس الوقت اخد دورة لتخصصي هالفكرة ببالي يمكن الفصل الجاي او السنة الجاي ابلش احققها :(203): هالاقتراح من اهلي لادرس بالاردن مع اخوي بس يروح يكمل ماستر :(241):


* شو الدولة اللي بتطمحي انك تعيشي فيها او بتحبي تعيشي فيها
مممممم انا انولدت بالاردن جيت لفلسطين عشت بالبلدين وحبيتهم وحبيت اهلهاكتييييييييير
بس الاردن فيها طفولتي وايام ما بنساها
ومن انا صغيرة بس بابا سافر ع امريكا والمانيا صار نفسي اروحلهم برضو اكيد السعودية بس نفسي اجرب حياة اهل الخليج مش بالرفاهية لا ابدا نفسي امتلك يلي معاهم واجي اعيش حياة عادية واعلمهم انو مبدا الاكتفاء انداري افكاري جنونية يمكن بس كلها خواطر
كصفاء نفسي ازور صح كل العالم بس اعيش اظن مكان يلي فيه احبتي واهلي حيكون اختياري
جنة بلا ناس ما بتنداس ^_^


* شو الدولة يلي نفسك تزوريها
كلللللللل الدنيا


* مين الشخص الذي تعتقدين بان عدم وجوده احسن من وجوده
الخائن


* انتي شخص يميني right handel >>>
:(287): اسمحلي بس عقليتي الصغيرة ما فهمت


* اذا حبيتي \ كرهتي شخص بتحبيه كل الحب\الكره ولا بتحبيه \ بتركيه بشكل تام
انداري !!!
اذا حبيت انسان انظر لاله حياتي كلها لانو بنظر للمستقبل معو
اذا كرهت انسان ممممم لا ادري شوف مش اني قلبي طيب وما بكره بس كتعبير واني انثى صعب اعبر عن كرهي لاي شخص او حتى حب بكون مكنون بداخلي صعب الانثى تعبر عنو الا اذا صار نصيب وقتها حتكون بتعبر عنو بطلاقة وهوو يكون يمتلك هالشي لالي ليكون متبادل



* شو عدد الاطفال الذي تحلمين الحصول عليه بشكل عام
:(287): كحواء نفسي يكون عندي دزينة :(287): بس شوف الشغلة مش بالكم الشغلة بالنوعية يعني اجيب 4 واربيهم واحققلهم حياتهم وكل امانيهم احسن من عشرين دزينة :(163): ابصر كيف تكون
واكيد الله اعلم ^_^


* شو سبب حبك للمطالعة و القراءة بشكل عام
مش حب لدرجة شغف
هوو حسب مهارة الكاتب واسلوبه في الكتابة هوو يلي بشجعك تمسك كتاب وتقرا
بحب الروايات يلي فيها اسلوب وعبرة ويلي فيها رومنسي مرات لا ادري اسلوب الكاتب هوو يلي بحكم برضو


***** اسف على الاطالة و لكن حبيت احكيهم مرة وحدة
:(202): بس هدول
طيب زي ما بدك اذا حابب كمان اهلا وسهلا ^_^
عادي تفضلو :(120):

₪ الـعـتـيـبـي ₪
12-06-2009, 12:45 PM
صفاء الايمان

ياالله سمي باالله وجاآوبي ^ ^

في حياة الكثير منّا تمر أوقات نلجأ فيها للصمت ..أنت ِ متى تلجئين له

ما هي مواهبك؟


هـــل تحبين المغــامرة ... إذا كانت إجابتكِ بنعم ..لما ..؟

ماذا تعني لكِ الحياه ..؟

/تعرفي تطبخي ؟ افضل اكله تطبخيهاا ؟؟

كم منتدى مشاركه فيه !!

فكرتـي من قبل تنسحبي من المنتدى؟؟ وليش؟؟

على أي أساس تقومين بالرد على المواضيع ؟؟ وهل تحبين المجاملة بالرد على مواضيع الأعضـاء ..؟؟

أعطي لنفسك نسبة مئوية لكل مما يلي :

ذكائك

سعادتك

حزنك

ايجابياتك

سلبياتك

علاقتك بأصدقائك

علاقتك بالعائلة

خبرتك بالحياة

الصحة

التفاؤل

التشاؤم

الطيبة

العصبية

الوحده

اكتبي 3 من عيوبك؟؟

ما هو الشيء الذي على أساسه تقيمين الناس ؟؟

اتمنى اني ماآثقلت عليــــــكـ :(109):

باالتوفيق

صفاء الايمان
12-06-2009, 01:15 PM
صفاء الايمان

:(244):


ياالله سمي باالله وجاآوبي ^ ^
:(326): بسم الله :(326):



في حياة الكثير منّا تمر أوقات نلجأ فيها للصمت ..أنت ِ متى تلجئين له
بس اكون معصبة والمشكلة انو المشكلة بتزيد بس احكي بفضل اسكت
او بس يكون السكوت ابلغ من الحكي كمان


ما هي مواهبك؟
:(203): مواهب ممممم انداري
الحكي ، الكتابة الخربشة مرات الرسم مممم مرات اصنع اشي من ولا اشي
وكمان امسك الورق واطويه باشكال :(220):


هـــل تحبين المغــامرة ... إذا كانت إجابتكِ بنعم ..لما ..؟
:(244): مرات بتهور ومرات بحسب لشو
في مرات مغامرات بتحسسنا بالراحة والرضى عشان هيك بحب اعملها :(203):


ماذا تعني لكِ الحياه ..؟
متل السوق كل واحد بتبضع من يلي بهمه انا بحاول انمي قدراتي في الطريق يلي بتفيدني وبتفيد غيري :(244):


/تعرفي تطبخي ؟ افضل اكله تطبخيهاا ؟؟
الحمد لله من صف 6 واتقنته ع 7
مممممم بحب اطبخ مممم شو بحب اطبخ !!!! بكره اطبخ الدوالي اهم شي
بحب اعمل المنسف المقلوبة الاكلات يلي بستمتع فيها


كم منتدى مشاركه فيه !!
:(157): ما عديت
في منتديات مشاركة بس لاخد رابط او هيك شي وفي منتديات متابعتهم وفي نص نص يعني بحسب وبرضو في منتديات شاركت فيهم تعرفت ع اكم بنت وبس


فكرتـي من قبل تنسحبي من المنتدى؟؟ وليش؟؟
منتدى الحقوق !!!
مرات بس ما اقدرت كنت عشان انتبه لدراستي بس :(203):


على أي أساس تقومين بالرد على المواضيع ؟؟ وهل تحبين المجاملة بالرد على مواضيع الأعضـاء ..؟؟
بحسب العضو والموضوع
يعني في مواضيع بكون ما بدي ارد بشوف اكم رد بستفزوني برد عليهم
وفي كمان مرات لاعبر واحكي وجهة نظري ومرات لاوصل معلومة او فكرة ووجهة نظر للبعض او اطرح رايي
اجامل ما بنكر اه مرات بجامل :(202):


أعطي لنفسك نسبة مئوية لكل مما يلي :
:(244):بحاول :(244):


ذكائك
25%


سعادتك
75%


حزنك
10%


ايجابياتك
50%


سلبياتك
50%


علاقتك بأصدقائك
85%


علاقتك بالعائلة
95%


خبرتك بالحياة
75%


الصحة
65-75%


التفاؤل
78%


التشاؤم
23%


الطيبة
لا انا شريرة :(200):
45%


العصبية
35%واحيانا 55% بس بهدى بسرعة


الوحده
^_^


اكتبي 3 من عيوبك؟؟
متسرعة
عصبية مرات
مندفعة وعاطفية


ما هو الشيء الذي على أساسه تقيمين الناس ؟؟
شخصيتهم ومرات مواقف بتجبرنا نحكم على اشخاص منها :(203):



اتمنى اني ماآثقلت عليــــــكـ :(109):

باالتوفيق

:(244)::(244)::(244):شكرا لالك اهلا وسهلا فيك :(244)::(244)::(244):

rodyna khliafat
12-06-2009, 06:42 PM
يعطيكِ العافية
ما قصرتوا شباب اسم الله ما خليتوا اشي وما سألتوه هههههههههههههه

صفاء الايمان
12-06-2009, 06:45 PM
يعطيكِ العافية
ما قصرتوا شباب اسم الله ما خليتوا اشي وما سألتوه هههههههههههههه

:(203): رودي وين اسئلتك بستنى انا :(241):

rodyna khliafat
12-06-2009, 06:58 PM
والله يا safe بعرفك يعني ما عندي أسئلة
كمان الشباب ما خلوا اشي وما سألوه

صفاء الايمان
12-06-2009, 07:02 PM
^___^ رووووودي جبت صور جداد بس لاشوفك ع الماسنجر ماشي

Mohammed Hawamedh
12-06-2009, 07:04 PM
اسمحلي بس عقليتي الصغيرة ما فهمت
كان سؤالي انتي بتستخدمي ايدك اليمين "يمينية" و لاالشمال "شمالية"
بشكل عام / في الاستخدام الطبيعي - تناول الطعام - قوتك تكمن بايدك اليمين ولا الشمال ....

rodyna khliafat
12-06-2009, 07:08 PM
safe انا هلأ ع الماسنجر فرجيني اياهم يلاااااااااااااااااااااااااا

صفاء الايمان
12-06-2009, 07:21 PM
كان سؤالي انتي بتستخدمي ايدك اليمين "يمينية" و لاالشمال "شمالية"
بشكل عام / في الاستخدام الطبيعي - تناول الطعام - قوتك تكمن بايدك اليمين ولا الشمال ....

يمين ^_^ ما عنا بالعيلة شمالي غيراخوي زيد ومع هيك عندو قدرة انو يستخدم الايدتين :(203):

صفاء الايمان
12-06-2009, 07:22 PM
safe انا هلأ ع الماسنجر فرجيني اياهم يلاااااااااااااااااااااااااا

بعرفش اذا حقدر اختي بتحكي معي ع ماسنجر اخوي :(203):

Essa Amawi
12-06-2009, 07:28 PM
ما شاء الله شغاله مزبوط هع هع هع

1- وين كيف ليش متى ؟


2- 10 طموحات او افكار تتمنى صفاء صنعها في حياتها ؟

3- عمرك عملتي طوشه مع بنات ضرب ؟ هع هع هع

4- شو كنت تعملي بالعابك وانت زغيره ؟

5- كان عندك باربي ؟

6- عمرك تعرضتي لحادث - لا سمح الله - ؟

7- عمرك دخلتي مستشفى - لا سمح الله - ؟

8- بتعملي عيد ميلاد ؟

9- متى بتنامي عاده ؟ وهل انت من الناس التي تفكر قبل النوم ام انك تنامين مباشره ؟

10- هل انت ملتزمه ؟

Mohammed Hawamedh
12-06-2009, 07:33 PM
3- عمرك عملتي طوشه مع بنات ضرب ؟ هع هع هع
الله لا يوطرزلك على هيك سؤال هههههههه جاوبي بامانة يا صفاء هههههههه

صفاء الايمان
12-06-2009, 07:39 PM
ما شاء الله شغاله مزبوط هع هع هع
:(1):


1- وين كيف ليش متى ؟
:(203):



2- 10 طموحات او افكار تتمنى صفاء صنعها في حياتها ؟
1. اخلص جامعةبامتياز
2. اخد دورات باي مجال الو فائدة
3. اتعلم اشيا جدديدة
4. اصنع شي مفيد
5. اصير مذيعة ملتزمة مميزة
6. اكون قدوة ومربية اجيال ناجحة
7. اصنع افكاري بمبدأ يفيد يوما ما
8. ادرس ابناء يلي بيدرسوني او درسوني
9. اكون اجتماعية
10 احقق نجااااااااااااااااااااااااااااااح بكل حياتي


3- عمرك عملتي طوشه مع بنات ضرب ؟ هع هع هع
هههههههههههههه
اووووووه كنت مشكلجية خير الله مع اختي يلي اكبر مني
واحنا صغار كنت متذكرة بس اضربها يغمى عليها
وبتذكر كنت انا وبنت صفي هيي اخر العنقود وانا اصغر بنت يعني تنيناتنادلوعات اهلنا
المهم كنا كتير نطاوش ع اسبباب تافه بالمدرسة



4- شو كنت تعملي بالعابك وانت زغيره ؟
كنت بستمتع وانا بعمللهم اواعي واسويلهم شعراتهم واصمملهم بيوت من اي شي حولي


5- كان عندك باربي ؟
ممممممممم اها ومتذكرة انو زيد قطع راسهاا بعد ما مشطتلها اياه وزتووو فوق الخزانة :(264):
ومتذكرة بس سمية صار معاها مرض السحايا بس طابت منوو الحمد لله وقتها جابولها العاب الدنيا بس انا خربتهم :(1): وكسرتهم


6- عمرك تعرضتي لحادث - لا سمح الله - ؟
لا والحمد لله بكل مرة الله بنجيني

7- عمرك دخلتي مستشفى - لا سمح الله - ؟
اها وانا عمري 5 سنين احرقت اجري كلها من ابريق الشاي من الركبة لاخر اجري بس بسرعة طبت وقتها كنا بزيارة لدار سيدي عشان ستو مرضت هون بفلسطين


8- بتعملي عيد ميلاد ؟
اذكر مرة او مررتين لانو انا واختي عيد ميلادنا مع بعض فجوز اختي بعمل لاختي وانامعاها ^_^


9- متى بتنامي عاده ؟ وهل انت من الناس التي تفكر قبل النوم ام انك تنامين مباشره ؟
^_^ بحسب الوضع اي ساعة
مرات بدري ومرات بحب اسهر
اها بحب افكر بس مرات ما بحس ع حالي الا وانا نايمة هههههه


10- هل انت ملتزمه ؟
من اي ناحية ؟؟ شرعي قصدك ؟؟

صفاء الايمان
12-06-2009, 07:40 PM
الله لا يوطرزلك على هيك سؤال هههههههه جاوبي بامانة يا صفاء هههههههه

:(2): اه ولا شو
كتييييييييييير كمان :(266):
غير غارات الثار مع ابراهيم بس اجا واخد الدلع
تخيل كنت 5 سنين بسخاء ورخاء واجا حضرتو:(329):

Essa Amawi
12-06-2009, 07:43 PM
من اي ناحية ؟؟ شرعي قصدك ؟؟

^^
يس

Mohammed Hawamedh
12-06-2009, 07:45 PM
عمرك عملتي طوشه مع بنات ضرب ؟ هع هع هع
??????????? mish ma3 braheem

صفاء الايمان
12-06-2009, 07:49 PM
??????????? Mish ma3 braheem

اها مع اخواتي :(2):
وكمان وانا بصف 7 وانزل مشكلجية لدرجة كنت
على ما اذكر
في بنت متذكرة اسمها الكامل ولساتي بدور عليها نفسي اعرف كيف عايشة هسا هههههههه هيي يلي متذكرة اكتر شي طوشها ههههههههههه

صفاء الايمان
12-06-2009, 07:50 PM
^^
يس

الحمد لله
بلبس منديل وجلباب
اسمع شوف االالتزام مو بس حجاب وبس
في اشيا وخطوط بحددها الانسان لحاله
كصفاء الحمد لله ^_^

صفاء الايمان
12-06-2009, 09:26 PM
عمووو وين اسئلتكم ؟

ahmad albadawi
12-07-2009, 11:06 AM
ماذا تعني لك كلمة( انثى)

صفاء الايمان
12-07-2009, 11:45 AM
ماذا تعني لك كلمة( انثى)

بالاول وين حضرتك بتغط وبتبطل تبين :(200):
-------
ممممم انثى
هي نصف الرجل
وهي كل شي بحمل عاطفة وامومة
برايي انو بتضيع اذا الانثى ما حافظت عليها برضو هي دائرة مرسومة بلون احمر وزهري بتحمل عواطف ومسؤولية واراء وهيي كوكب الزهرة
بظن رايي اشمل بس ترجع كتاب نساء من الزهرة ورجال من المريخ
:(120):

Essa Amawi
12-07-2009, 02:29 PM
عدنا

1- كيف دراستك ؟ كم ساعه بتدرسي ؟ وهل انت شاطره بكتابك فقط ؟

2- ايهم اهم بنظرك شطاره الكتاب ولا شطاره الحياه ؟ ما رأيك بالاثنين مجتمعين ؟

3- هل تفضلين الكتب الدراسيه ام الكتب الاخرى ؟

4- اكثر ماده حبيتيها بالجامعه ونفسك تردي تاخذيها كمان مره ؟

5- كم يشتغرق مشوار الجامعه بالعاده ؟

صفاء الايمان
12-07-2009, 02:50 PM
عدنا
هلالالالالالا
:(244)::(244)::(244):



1- كيف دراستك ؟ كم ساعه بتدرسي ؟ وهل انت شاطره بكتابك فقط ؟
دراستي هالفصل بدرس بس طبيعة هالمواد صعبة اصلا
بدرس بحسب المزاج بس الدراسة الجد قبل الامتحان
كيف يعني شاطرة بكتابك فقط @@؟؟


2- ايهم اهم بنظرك شطاره الكتاب ولا شطاره الحياه ؟ ما رأيك بالاثنين مجتمعين ؟
كنز اذا مجتمعين
بس اظن شطارة الحياة يلي بكتسبوها قلة وبكونو مميزين


3- هل تفضلين الكتب الدراسيه ام الكتب الاخرى ؟
بالغالب الكتب التانية
لانو طريقة السرد مش منهجية
بس عجبتني طريقة عرض مادة عربي 1 بالجامعة


4- اكثر ماده حبيتيها بالجامعه ونفسك تردي تاخذيها كمان مره ؟
لو كل المواد حاسوب :(294):" مبادئ حاسوب "


5- كم يشتغرق مشوار الجامعه بالعاده ؟
بحسب السواق
مع عيسى بتاخد بالكتيييييييييييييير نص ساعة
مع ابو انس ساعتين
مع منير هاد جديد بتاخد ساعة الا :(203):
:(244)::(244)::(244):
اذا توافرت مواصلات عادية :(104):

Essa Amawi
12-07-2009, 04:51 PM
1- مين سحر ؟ (3 اسطر على الاقل)

2- مين مس خوله ؟ (3 اسطر على الاقل)

3- مين اريج ؟ (3 اسطر على الاقل)

4- مين لينا ؟ (3 اسطر على الاقل)

5- هل صفاء تتمتع بالحاسه السادسه ؟ كيف ؟

صفاء الايمان
12-07-2009, 05:13 PM
1- مين سحر ؟ (3 اسطر على الاقل)
:(244): هاي بئر اسراري وانا بالتوجيهي اول وحدة ورجيتها النظريات "يلي سميتها بنظري " كانت مستمعة رائعة صديقة واكتر تنيناتنا احتوينا بعض كتير كانت تسمع لكتاباتي قبل لامزعهم وكانت تصر اني اخبي نسخة من كتاباتي عندها وكان لالها هالشي وكنت اعطيها نسخة منهم :(203): ما بعرف حاليا بتدرس هيي حقوق ببيرزيت منحة الله يحفظها اشتقتلها عفكرة سحر بنت صفي في 11 كانت علمي وحولت ع التوجيهي


2- مين مس خوله ؟ (3 اسطر على الاقل)
اه فتحتلي مواجعي مممم هاي معلمة رياضيات اكتر من اخت تعرفت عليها صح من النت بس صار اكم لقاء ع الواقع بالجامعة وكانت تساعدني بالتوجيهي برضو مستمعة راااقية وام بنفس الوقت وام جواد برضو رااااااااااااااااااااااااااااااااااااااااااااااااق ية وغالية والله


3- مين اريج ؟ (3 اسطر على الاقل)
صديقة رائعة كانت مميزة جدا توقعتلها معدلها بالتوجيهي وجابته بالعشر مممم حاليا بتدرس رياضيات :(292): ذكييييييييييييييييييييييييييية ومستمعة رااااااااقية كانت تسميني شخصية الحالات الطارئة لسا كل رسائلها مخبييتها وكلما اشتاقلها وسحر برضو وكل صاحباتي اقراهم صحيح كانت الاولى ع المدرسة بس ما كانت متكبرة :(203): اعترفتلي انها وانا ب 9 و 10 كانت تكرهنييييييييييييييي وتغار مني بس ع 11 بس صرنا بصف واحد اخوات واعز :(244):


4- مين لينا ؟ (3 اسطر على الاقل)
:(203): صاحبتي تعرفت عليها بالنت من الاردن اصغر مني بسنة ذكية ومستمعة راقية نفسي التقيها :(244):


5- هل صفاء تتمتع بالحاسه السادسه ؟ كيف ؟
اظن
اذا كانت الحاسة السادسة هيي تتوقع اشيا فكتير صارت واذا احلام " رؤى " بتتحقق برضو كتير :(203):

Essa Amawi
12-07-2009, 08:02 PM
1- حكيتي انه احلامك بتتحقق ، هاتيلنا امثله خلينا نفهم ؟

2- بتأمني بالسحر ؟ ليش ؟

3- بتأمني بالعين والحسد ؟ كيف ؟

4- شخصيا كونت بعض علاقات الصداقه التي اعتز بها من خلال النت ، وبكل مره كنت التقيهم وادخلهم بيتي وادخل بيوتهم .. هل هذه التجربه كانت ناجحه معك كفتاه ؟

صفاء الايمان
12-07-2009, 08:19 PM
1- حكيتي انه احلامك بتتحقق ، هاتيلنا امثله خلينا نفهم ؟
ممممممممممم
احلمت انو ابن خالتي معاه شب وجاي ياخدنا انا واختي من جسرالاردن وبحكيلنا هاد الشب اسمو ااسامة من العيلة وجهو كان نووووووووووووووور كلوو تاني يوم صحيت بحكي لماما هيك هيك حلمت الا بعدها يساعة تقريبا اتصلو علينا دار خالتي وحكولنا انو في شب اسمو اسامة اجا يخطب البنت والبنت هي اخت الشب يلي اجا ياخدنا من الجسر المهم واعرفت انو حافظ للقران ^_^
برضو احلمت انو صاحبيتي قاعدة جنب بنت صاحبيتي وكمان بنت ومديرتنا اجت معاها كيس رز واجت ع الترتيب اخدت البنت الاولى والتانية وبعدها صحيت من الحلم المهم فسرتهاطلعت انها تجوزت كل بنت اخدت من الكيس بالترتيب :(244):
وكمان احلاااااااااااام كتيرة



2- بتأمني بالسحر ؟ ليش ؟
ممممممم مرات وبخوف ستي حكتلي قصص بتموووووووووووت خوف اللهم عافنا يارب


3- بتأمني بالعين والحسد ؟ كيف ؟
يعني مش كتير
اختي صار معاها السحايا من الحسد :(163):


4- شخصيا كونت بعض علاقات الصداقه التي اعتز بها من خلال النت ، وبكل مره كنت التقيهم وادخلهم بيتي وادخل بيوتهم .. هل هذه التجربه كانت ناجحه معك كفتاه ؟
شوف مش اي حد بتامنله
كصفاء برضو بنات كتااااااااااااااااااار تعرفت عليهم بس موالكل بامنله
حتى كصور بكون لبسي مستوووووووووووور وقبلها بتاكد انها بنت بسمع صوتها وبتورجيني صورتها
بالغالب ما بحط صورتي ع الماسنجر اصلا الواحد بياخد الحذر
بس كصفاء ام جواد ومس خولة معلمات ومعروفات هم يلي امنتلهم ^_^ بالاكتر

أحمد أبو زنط
12-07-2009, 09:43 PM
مرحبا ..

صفصف كيفك ؟؟

بدي أسألك ..

شو كتابك المفضل
وقتك المفضل
فلمك المفضل
أغنيتك و/أو موسيقاك المفضلة
مشروبك المفضل

وأي أنواع السياسات تتبعين .. وهل صفاء منظمة من ناحية سياسية .. وإن كانت كذلك فما هو الحزب الذي تعارضينه

بس.. لما أتزكر شي تاني باجي أسألك

صفاء الايمان
12-08-2009, 08:35 AM
مرحبا ..

هلا :(244):



صفصف كيفك ؟؟
تمام نشكر الله الحمد لله


بدي أسألك ..
اه ولوو تفضل ولا ليه انا هون :(203):


شو كتابك المفضل
هوو مش كتاب واحد كتب يلي فيها اسلوب راقي ومرات اسلوب التشويق زي الروايات :(244):وبرضو يلي فيها خيال علمي وبتحرك المخ :(202):

وقتك المفضل
بحسب المزاج والله
ممممم مرات الغروب بحب اطلع عليه ومرات الصيف مع نسمات هوا باردة شوي ومرات المطر كلوو المزاج بحكمه
بس كوقت بحب الليل بكون خلصت شغلي غالبا :(202):


فلمك المفضل
مزاج بحكم
مرات بحب الكوميدي
بس اكتر شي بحب الاشيا يلي فيها خيال علمي واكشن :(326):
وكمان اطفالات ديزني


أغنيتك و/أو موسيقاك المفضلة
الهادئة واذا كان فيها كلمات لمعاني
بركز بالكلمات حتى لو اللحن غلط بكون مش زابط بحاول كمان مرات اوجد لحن بيتسق وذوقي


مشروبك المفضل
كنت مدمنه نسكافيه ومدمنه شاي اخضر
بس حاليا ما في شي محدد عصائر غالبا وعصير التفاح :(203):يمييييي بشهي وعصير الاناناس :(241):

وأي أنواع السياسات تتبعين .. وهل صفاء منظمة من ناحية سياسية .. وإن كانت كذلك فما هو الحزب الذي تعارضينه
وااااااااااااال
عموو انا بكره السياسة :(326):
:(354):
لا تنسى وجع راسها مخصوص بفلسطين لا ينتهي :(257):
ابعد عنها وغنيلها
كصفاء ما بتبع اي سياسةسوى رايي الشخصي بالموقف ما بهمني مين ما يكون
اللي بشوفو بنظري
ومن كل مكان منطقي لازم يكون وجهات النظر لتقنع يلي حواليها


بس.. لما أتزكر شي تاني باجي أسألك
:(244): اهلين عمو :(82):