هدى2009 على كرسي الاعتراف

[صفاء الايمان]

السلام عليكم يا قوم
اخ محمد غط وما بين جد وينه :(115):
المهم دور هدى بيدس
هدى2009 :(116):
بتعرفو شو المطلوب منكم
انتشرووووووووووووووو
بالاول
شو اسمك ؟
كم تاريخ ميلادك ؟ ووين ؟:(234):
كم عمرك ؟
ايش مستواكي بالجامعة ؟
فتي تخصصك عن رغبة ولا بالغصب :(21):
احكيلنا عن حالك :(209):
:(248): نسيت اسالك كيفك ؟ :(248):

قومو بالواجب يا قوم :(339):

[Hosam Hawamdeh]

اللي بسأل أكثر من سؤال وبتحكيلي هدى عنو ببنده هههههههههه
هدى لا تردي عليهم

========
صفاء محمد مفصول عنده النت

[ahmad albadawi]

ماذا سو ف تصبح هدى في يوم من الايام؟

ماذا يعنى لك الحلم ......او ما مدلول

الامل


اليأس


الامان


الوطن


العلم


الطير؟


نريد من هدى ان تكتب خاطرة هنا لو سمحت

http://www.lawjo.net/vb/showthread.php?t=6324


هل انت بالحياة سعيدة؟ في حال جوابك نعم او لا لماذا؟

[صفاء الايمان]

التعديل الأخير تم بواسطة Hosam Hawamdeh ; اليوم الساعة 01:33 PM.
ايش عمو حسام بلشنا -_____-
اهلا فيك بس واجب الكرسي
ناديها ناديها
تحمد الله انو علي امتحان ضل ولا كان هسا ولا مليون سؤال
والله عال

[Hosam Hawamdeh]

التعديل الأخير تم بواسطة hosam hawamdeh ; اليوم الساعة 01:33 pm.
ايش عمو حسام بلشنا -_____-
بس عدلت اسم العيلة عشان لا تتهمنا السلطات الرسمية بالتزوير بس ههههه
وبعدين هذا التعديل بمثابة تهديد ضمني هههههههههههههه

[Emad Al-quraan]

مممممممم طيب
شو رأيك بفكرة صفاء هاي و حبيتي هاي الفكرة والا لا بصرااااحة

[صفاء الايمان]

ايوا ايوا انا ما حطيت عيلتها قلت هاي من عيلتكم ماشي يا عمو افهمت
ناديها يلا خلي يجي دور غيرها ولا شكلها ناوية تلزق ع الكرسي ههههههههههههههه
=========
اي فكرة عماد ؟؟ وضح
خلي البني ادمة تجاوب صح ^_^
وينك هدوشة ؟

[Emad Al-quraan]

وينك هدوشة ؟

بالزبطططططططططط:(89)::(89)::(89)::(89)::(89)::(89) :
انا قصدي شو رايها انها تكون على كرسي الاعتراف :(205):
شو بيعنيلها :(205):
وشو حلم حياتك :(2):
مين اكتر عضو/عضوة تحترمه في المنتدى
وشكراً حجة صفاء واتمنى اني اكون وضحت
اتمنى ان لا تكون اسئلتي (زنخة) مزعجة
شكراً هدى

[صفاء الايمان]

ايوا ايوا طيب يما
بس تيجي خليها تجاوب
هدى وينك عفكرة في ضريبة ع التاخير ×__× بنصحكيش تتاخري

[hatemw3d]

اول مره بستفيد من هالكرسي
استاذه هدى حطيت طلب قرار تمييز صله اكثر من شهر وينه ؟

[صفاء الايمان]

ههههههههههههههههه
يما منك عمو حاتم
خلص خلص اسال اسئلة مش عامة حيجيي دورك بيوم عشان هيك استد هههههههه

[YoUSeF MoMaNI]

هدى
شو رأيك بالفلافل والبيبسي هههههههههههههههههههههههه

[rodyna khliafat]

هدهد شو رأيك بمجمع رغدان ؟؟؟
طيـــــــــــــب عمرك سمعتي بهالجملة (فطريها )؟؟؟؟
مممممم عمرك شفتي مجنون عاقل ؟؟؟؟ههههههههه
شو شعورك لما حدا يوكل شوكولا قدامك؟ ع فكرة هدى لما اعطيها شوكولا بعطيها بدون ما حدا ينتبه بتروح بتفرجي الحبة لكل الكلية يعني بالعربي فضيحة ههههههههههههه

[هدى2009]

اول شي ياااااااااااااا ميت هلا وغلا ........ انا ما كت اعرف اني على الكرسي الا لما حكولي قومي اجلي معنا .. عرفت اني قاعده على كرسي هههههههههههههههههه ........

صفصف ما لقيتي غيري مالو ضرتك عيسى ؟؟!! ههههههههه


يالله باسم الله نبدأ الاجابه ...... يا جماعه ما تستحو اللي عندو اي سؤال يتفضل ....... وانا رح اجاوب وكلي سرور




شو اسمك ؟

اسمي الحقيقي هدى هشام عزت بيدس .... بالمنتدى هدى 2009 ........


كم تاريخ ميلادك ؟ ووين ؟

مواليد الكويت - بتاريخ 14-5-1988- برج الثور


كم عمرك ؟
ايش مستواكي بالجامعة ؟

عمري 21 سنه وبشهر 5 بصير 22 سنه ..بعرف صرت عجوز ماحدا يحكي ههههههههههه .....

مستواي بالجامعه طالبه حقوق سنه رابعه ... وتخرجي ان شاء الله على الفصل التاني


فتي تخصصك عن رغبة ولا بالغصب

انا اكتر طالبة فاتت خصصها عن رغبه ...... لما خلصت توجيهي جبت معدل 90,3 وطلعلي بالجامعه لغات الماني انجليزي .. بس ما رضيت ادرسو ومن اول يومين رحت ارجعت حقوق .... اختياري الذي لم اندم عليه يوما وان شاء الله ما بندم


احكيلنا عن حالك
نسيت اسالك كيفك ؟

منيح اتزكرتي تسأليني كيفك .... انا خير اللهم اجعلو خير ما لقيت حالي الا على هالكرسي كيف ليش بعرفش .... المهم اما الحمدلله كتييير منيحه وفاضيه ... اسألو اللي بدكم اياه

ما رح احكي عن حالي رح تتعرفو على هدى بيدس من خلال الاسئله ... واي حدا بشوف هدى غامضه من ناحيه ممكن يسأل عنها وان شاء الله رح اجاوب بكل صراحه

[هدى2009]

للي بسأل أكثر من سؤال وبتحكيلي هدى عنو ببنده هههههههههه
هدى لا تردي عليهم


الله يسعدك يا حسام ..... والله انك اخ رائع ليش الحكي ... ويسترجي حدا يحكي غير هيك .... بس بنسمحلهم يسالو متل ما بدهم وازا حدا ما عجبنا سؤالو بنطنش هههههههههههههههههههه .... ما تردو علي ما رح اطنش ولا سؤال ... اسألو شوووووووووووو ما بدكم


صفاء محمد مفصول عنده النت

يعني هرب ؟؟؟؟؟؟؟؟؟؟؟؟؟؟؟؟؟؟؟؟؟؟

[هدى2009]

اهلا اخ احمد والله بشرفني انك تسألني .. اسأل شو ما بدك وانا رح اجاوبك


ماذا سو ف تصبح هدى في يوم من الايام؟

هلأ انا لما درست الحقوق ما كنت احلم اني اصير اكتر من محاميه ..... والحمدلله بفضل ربنا وبالدراسه ولاني بحب تخصصي كتييير .. انا طلعت من الاوائل على دفعتي ... وطلعلي بالمعهد القضائي ........ كل هاي المقدمه عشان احكيلك انو هدى ان شاء الله رح تكون قاضي بالمستقبل ازا الله راد وتتملي على خيييير .... وازا ما زبطت معي ف ان مهنه المحاماه راااااااااائعه


ماذا يعنى لك الحلم
مممممممممممم الو اكتر من معنى

المعنى القريب وهوه الاحلام اللي بنشوفها بالمنام .... هاي انا ما الي دخل فيها لاني ما بحلم ابدا ..... ما بلاقي وقت لانام مو ل احلم هههههههه

اما المعنى البعيد ... وهوه انو يكون الانسان عندو حلم يسعى الى تحقيقه ...... الحلم هو طريق الانسان نحو المستقبل ... واذا توقف حلم الانسان اعرف انو قارب على الرحيل


الامل

هو الدافع ل اكمال ما بدأت ..... ولرؤية الحياه اجمل


اليأس

الحمدلله نادرا ما اشعر به ..... ولكن الياس طريق لهلاك الانسان او لبناءه من جديد .. حسب كيف تأثير هاد اليأس على الشخص .... بالنسبه الي هو غالبا طريقي الى الابداع


الامان

هو راحه واستقرار ..... واهم شي الامان النفسي الداخلي وليس الامان الخارجي


الوطن

هو هوية الانسان ... وهو عنوانه الاساسي .. وهوه مركز الراحه



العلم

كما يقال العلم سلاح المرأه ...... انا بحكي العلم مركز بناء الثقافه والوعي والتفاهم والعمل والثقه ...


الطير

التفائل .. والمثابره ... وحب الحياة



نريد من هدى ان تكتب خاطرة هنا لو سمحت

اخ احمد طلبك عزيز علي .... ولكن هالمره بدك تسامحني لانو جد ما الي على الخواطر والشعر .... الشعر ادب عريق وراقي وله اهله الذين يبدعون به .... اما انا سامحني ..اقرأ ما تكتبونه لكن ما بقدر اكتب ....... اسفه جدا



هل انت بالحياة سعيدة؟ في حال جوابك نعم او لا لماذا؟

الحمدلله .. نعم وكتييييير كمان ..... اول شي واهم شي عند اهل وعائله قد تكون اروع من رائعه .... وعند اصدقاء لم اعثر على مثلهم بالحياه ..... والحمدلله بحب تخصصي ومبدعه فيه ... وارخر شي وهوه اهم شي لما بتشعر انو كل الناس بتحترمك وبتحبك ف هاد لحالو منبع سعاده دائم بالنسبه الي

[هدى2009]

ايش عمو حسام بلشنا -_____-
اهلا فيك بس واجب الكرسي
ناديها ناديها
تحمد الله انو علي امتحان ضل ولا كان هسا ولا مليون سؤال
والله عال


ههههههههههههههههههههه صفصف مالك يا بنت خفي على حسام ..... هلا والله فيكم ... هيني عم بجاوب بس شو هالاسئله هاي ههههههههههههههههه .......

صفصف يالله كملي امتحانك ... وارجعيلي بكون خلصت اجوبه للاسئله السابقه .... وموفقه يا عمري ب امتحاناتك ... يلا عمو روحي على درستك


بس عدلت اسم العيلة عشان لا تتهمنا السلطات الرسمية بالتزوير بس ههههه
وبعدين هذا التعديل بمثابة تهديد ضمني هههههههههههههه

هههههههههههههههههههههه حسام .... شو تزوير ما تزوير .. احنا الحوامده ما بنخاف .... بعدين انت بس احكيلي مين مهددك وشوف شو رح اعملو ..... احكي ياخوي اللي بدك اياه ... هلا وغلا ب ال الحوامده كلهم

بعدين شو هالبصمه هاي ...... بطلت توقع ؟؟؟ هاد كلو تأثير ومن الجدير بالذكر يبدو انك لم تقرأ الكتاب ابدا ههههههههههههههههه

[هدى2009]

اهلا اهلا عماد بيك ........ بشرفني اني اشوفك هوووووووون على راي صفاء ههههههههههه



مممممممم طيب
شو رأيك بفكرة صفاء هاي و حبيتي هاي الفكرة والا لا بصرااااحة

انا كتيييييييييييييييير حبيت هاي الفكره بنتعرف فيها على بعض اكتر .... يعني اللي قبلي وانحطو مكاني متل صفاءحبيبة قلبي ومحمد حوامده ولد عمي .... انا كنت افوت اقرأ كل شي عنهم لانو بنتعرف عليهم اكتر .. يمكن في اشياء بتكون غامضه بالشخص اللي قبالك بتحب انك تسألو اياها ف هاي فرصه ومش اي فرصه حتى ما تخلي سؤال ببالك للعضو اللي تم اختارو ....

وبتعنيلي القعده هون انو المكان مرتفع والهويات بردو الروح ههههههههه .. لا جد حلو يكون في ناس عندها اسأله وحابه تتعرف عليك ........ يلا اي اشي حابب تسألو انا هون بالخدمه

وما تخاف الدور رح يوصلك بيوم من الايام قد تكون انت التالي الله اعلم هههههههههههههههههه


ايوا ايوا انا ما حطيت عيلتها قلت هاي من عيلتكم ماشي يا عمو افهمت
ناديها يلا خلي يجي دور غيرها ولا شكلها ناوية تلزق ع الكرسي ههههههههههههههه

ومين حكى غير هيك هههههههههههههههههه ........ والله الحوامده انهم نواره ... وهيني جيت صفصف الي ساعتين بجاوب على الاسئله كان ناديتوني من اول اه .... يالله خليني اكمل



اي فكرة عماد ؟؟ وضح
خلي البني ادمة تجاوب صح
وينك هدوشة ؟

ممممممممممممممممم كاني فهمت شو سؤال عماد .... وجاوبت وازا بدك اي اضافه على الاجابه انا جاهزه ....

صفصف هيني هووووووووووون انتشري .. روحي اعمليلي دعايه بلكي حدا حابب يسأل وما بعرف اني قعدت هوون والله بتروح عليهم ما بعيدها انا ههههههههههههههههههههه

[Essa Amawi]

والله ووقعتي الله يعينك ^_^

مرحبا ،

1- الاخت هدى ما شاء الله عليها دائمة الابتسام وتقطر علما ، ترى هل لديك حب للقراءه ؟

2- لنتسع اكثر بالسؤال .. هل تقرأين كتبا غير تلك الخاصه بالجامعه ؟ هل ترين ان من الضروري ان نقرأ ؟

3- كانسانة في هذا المجتمع ، هل ترين جيلا يتقدم عن سابقه ام انه في مرحله تراجع ؟ كيف حكمت ؟

4- اسماء 3 كتب قرأتها او سمعت عنها ورغبت في قراءتها ؟

5- بعد ان اصابك الملل من اسئلتي التي اهدف منها الحصول على مدخل لشخصية هدى .. هل ترى هدى في نفسها شخصا اخر ؟ ام ان هدى التي نراها هي نفس هدى الداخليه ؟

[هدى2009]

كمان مره برحب فيك ......


وشو حلم حياتك

. اني اعمل اشي يستفيد منو اكبر عدد من الناس .......



مين اكتر عضو/عضوة تحترمه في المنتدى

كلهم والله الهم عندي الاحترام والتقدير ... هم اخوتي واخواتي ..... والله يحفضهم ويخليهم


ايوا ايوا طيب يما
بس تيجي خليها تجاوب
هدى وينك عفكرة في ضريبة ع التاخير ×__× بنصحكيش تتاخري

هيني عم بجاوب اقرأو وازا عندكم اشي على الحكي علقو ما تستحو ههههههههههههههههه

صفصف والله اني ما بعرف غير لما حكتلي رودينا ... كلهم بخبو عني عشان ادفع الضرائب وخصوصي حسام ... لانو تعلم كيف يحسب الضريبه بالماليه ههههههههههههههههههههههههههههههه

[هدى2009]

اهلاااااااااااااااااااااااااااااااااااا عمو حاتم ..... يالله شو مبسوطه لانك عم تسألني ... عمو بدي اشوفك زائر دائم هون .... نورة الغرفه اللي فيها الكرسي


اول مره بستفيد من هالكرسي
استاذه هدى حطيت طلب قرار تمييز صله اكثر من شهر وينه ؟

ههههههههههههههههههه...... طيب استفيد زي ما بدك ... عمو خلص الك مني احط القرار لما نبلش حمله 1000 قرار ولو انا دايما بالخدمه ...


خلص خلص اسال اسئلة مش عامة حيجيي دورك بيوم عشان هيك استد هههههههه

اسمعت عمو حيجي دورك بيوم ....... احسب حساب بكرا هههههههههههههه......... واتفضل اسأل اللي بدك اياه انا هووون تحت امركم

[Emad Al-quraan]

طيب ازا بتسمحيلي عندي كمشة اسئلة
شو بيعنيلك المطر
ما هو اكبر حلم في حياتك؟
ما هي الاشياء التي قد تسبب لكي الاحراج
هل تؤمنين انه يوجد ضمير؟
اذا نعم هل تصغي له ام لا
كيف علاقتك مع اخوانك و اهلك
اعذريني انا ما صارلي كتير هون بس حاسسكم عيلتي الثانية اذا سمحتي شو تخصصك؟واخذتيه عن رغبة والا لا ؟لو خيروكي تخصص تاني شو تختاري
شكراً على طول بالك معنا و على مجاوبتك لاسئلتي السابقة :)
^___________^

[صفاء الايمان]

هدى ضرتي عيسى قعدتو اول واحد ع الحق ههههههههه
بس ضرتك حسونة بعدك ههههههههههه

بس اخلص ^_____^ برجعلك باذن الله

[هدى2009]

ووووووووووين وصلت .... مبارح قطعت عنا الكهربا ما قدرت اكمل .... هلأ نعود

ابن صفي يوووووووسف .... يا ميت هلا ......


هدى
شو رأيك بالفلافل والبيبسي هههههههههههههههههههههههه

ازكى شي الفلافل وخصوصي لما تاكلو وهو سخن ولسا طالع من المقلى مممممممممممم..... كتييير بحبو

والببسي زاكي بس مع الاكل اما ازا بدي اشرب من المشروبات الغازيه بحب الميرندا ....

يوسف بعرف انو مش هاد الجواب اللي انت بدك اياه ههههههههههههههههههههههههه .... وانا بورجيها روان

[هدى2009]

ووووووووووين وصلت .... مبارح قطعت عنا الكهربا ما قدرت اكمل .... هلأ نعود

ابن صفي يوووووووسف .... يا ميت هلا ......


هدى
شو رأيك بالفلافل والبيبسي هههههههههههههههههههههههه

ازكى شي الفلافل وخصوصي لما تاكلو وهو سخن ولسا طالع من المقلى مممممممممممم..... كتييير بحبو

والببسي زاكي بس مع الاكل اما ازا بدي اشرب من المشروبات الغازيه بحب الميرندا ....

يوسف بعرف انو مش هاد الجواب اللي انت بدك اياه ههههههههههههههههههههههههه .... وانا بورجيها روان

[هدى2009]

رووووووووووووووودي ... انتي هون يا ميت هلا .... رح ابلش ب اسألتك


هدهد شو رأيك بمجمع رغدان ؟؟؟

رغدان هو المكان اللي بزوره كل يوم الا الجمعه والسبت لانو عطله ههههههههههه ... وهو حلقة وصل بين كتيييير مناطق ... وهو مكان بيجمع عدد كبيييير من الناس ومن مختلف الفئات العمريه واثقافيه والفكريه ..... بتقدري تلاقي فيه اللي بدك اياه .... ازا بدك باخدك يوم تزويه ههههههههههههههههههه


طيـــــــــــــب عمرك سمعتي بهالجملة (فطريها )؟؟؟؟

هههههههههههههههههه هاي الجمله انا سمعتها مبارح .... كنا مبارح بمقابله انا ورينادا ورائده ..... ركبنا بتكسي بدنا نروح ... طبعا جننت صاحب التكسي انا هههههههههه ... اخر شي بدنا ننزل اجت رائده تدفع اجرة التكسي كمان مره بعد ما دفعنا ... ولما حكيناها يا بنت انزلي وخلصينا كانت رح تكسر باب السياره وتضرب السياره اللي ماشيه جنبنا ... ف واحنا نازلين صاحب التكسي اطلع علي وحكالي حرام فطريها هههههههههههههه ... وطبعا فطرتها الفلافل والببسي اللي حكا عنهم يوسف



مممممم عمرك شفتي مجنون عاقل ؟؟؟؟ههههههههه

هههههههههههههههه روان مو مقصره بالحكي والله لو معها كميرة فيدو كانت نزلت التصوير هون هههههههههههههههههه

هاد العاقل المجنون .. هوه مجنون مو عاقل ابدا .... شفناه كمان بالمجمع وسلم علينا ههههههههههههههههههه


شو شعورك لما حدا يوكل شوكولا قدامك؟ ع فكرة هدى لما اعطيها شوكولا بعطيها بدون ما حدا ينتبه بتروح بتفرجي الحبة لكل الكلية يعني بالعربي فضيحة ههههههههههههه

هههههههههههههههههه بموت بالشوكلاته والله .. ولما حدا باكل قدامي اشوكلاته ازا معي بالشنته بطول باكل واا ما معي بروح اخد من اللي باكل ما دخلني هههههههههههههههههههه

رودينا كتيييير بحب شوكلاتك ... ولما تعطيني اياها بالسر بحب اجاكر البنات ... لانو صاحباتي متلي معفنات بموتو على الشوكلاته ... ف بجاكرهم وبعدين باكل وبطعميهم بس لما بنشف ريقيهم ههههههههههههههههههههههههههه


كيف بس ....... روان والله ل تشوف هههههههههههههههههههههههههه

[هدى2009]

رووووووووووووووودي ... انتي هون يا ميت هلا .... رح ابلش ب اسألتك


هدهد شو رأيك بمجمع رغدان ؟؟؟

رغدان هو المكان اللي بزوره كل يوم الا الجمعه والسبت لانو عطله ههههههههههه ... وهو حلقة وصل بين كتيييير مناطق ... وهو مكان بيجمع عدد كبيييير من الناس ومن مختلف الفئات العمريه واثقافيه والفكريه ..... بتقدري تلاقي فيه اللي بدك اياه .... ازا بدك باخدك يوم تزويه ههههههههههههههههههه


طيـــــــــــــب عمرك سمعتي بهالجملة (فطريها )؟؟؟؟

هههههههههههههههههه هاي الجمله انا سمعتها مبارح .... كنا مبارح بمقابله انا ورينادا ورائده ..... ركبنا بتكسي بدنا نروح ... طبعا جننت صاحب التكسي انا هههههههههه ... اخر شي بدنا ننزل اجت رائده تدفع اجرة التكسي كمان مره بعد ما دفعنا ... ولما حكيناها يا بنت انزلي وخلصينا كانت رح تكسر باب السياره وتضرب السياره اللي ماشيه جنبنا ... ف واحنا نازلين صاحب التكسي اطلع علي وحكالي حرام فطريها هههههههههههههه ... وطبعا فطرتها الفلافل والببسي اللي حكا عنهم يوسف



مممممم عمرك شفتي مجنون عاقل ؟؟؟؟ههههههههه

هههههههههههههههه روان مو مقصره بالحكي والله لو معها كميرة فيدو كانت نزلت التصوير هون هههههههههههههههههه

هاد العاقل المجنون .. هوه مجنون مو عاقل ابدا .... شفناه كمان بالمجمع وسلم علينا ههههههههههههههههههه


شو شعورك لما حدا يوكل شوكولا قدامك؟ ع فكرة هدى لما اعطيها شوكولا بعطيها بدون ما حدا ينتبه بتروح بتفرجي الحبة لكل الكلية يعني بالعربي فضيحة ههههههههههههه

هههههههههههههههههه بموت بالشوكلاته والله .. ولما حدا باكل قدامي اشوكلاته ازا معي بالشنته بطول باكل واا ما معي بروح اخد من اللي باكل ما دخلني هههههههههههههههههههه

رودينا كتيييير بحب شوكلاتك ... ولما تعطيني اياها بالسر بحب اجاكر البنات ... لانو صاحباتي متلي معفنات بموتو على الشوكلاته ... ف بجاكرهم وبعدين باكل وبطعميهم بس لما بنشف ريقيهم ههههههههههههههههههههههههههه


كيف بس ....... روان والله ل تشوف هههههههههههههههههههههههههه

[هدى2009]

والله ووقعتي الله يعينك

هههههههههه اهلا اهلا ... عيسى بيك رئيس محكمة التميز هووون يا ميت هلا وغلا .... هوه جد الله يعيني هههههههههههه


مرحبا

مراحب .... بعد هالترحيب اكيييييد في مصيبه ههههههههههههههههههههه



1- الاخت هدى ما شاء الله عليها دائمة الابتسام وتقطر علما ، ترى هل لديك حب للقراءه ؟

شو هالرسميات والاخت وما الاخت .... يلا ما علينا ... امر

عيسى انا دائمة الابتسامحه والحمدلله اما تقطر علم من وين جبت هالحكي ؟؟..... بالنسبه للقراءه صراحه انا مش كتييير بحب القراءه لانو ما عندي خلق اني اظل قاعده اقراء او ادرس حتى المواضيع الطويله بمل كتييير وانا اقرأها واحيانا بقراءها على فترات ..... بديق خلقي بسرعه



2- لنتسع اكثر بالسؤال .. هل تقرأين كتبا غير تلك الخاصه بالجامعه ؟ هل ترين ان من الضروري ان نقرأ ؟


اتسع ياخوي شو وراك .....هلا ابلش من التاني بعدين الاول .... طبعا من الضروري والمهم انك تقرا الكتب وبكل الجوانب من الحياه لتبني ثقافتك وتصقل شخصيتك ..... بس يا حسره انا كتب الجامعه يادوب بقرأها ... وما بلحق اقرأ اي اشي تاني ممممممممممم بجوز ازا بدي اقرأ بقرأ هون عن طريق النت وبحب مواضيع مختلفه اما كتب ف لأ



3- كانسانة في هذا المجتمع ، هل ترين جيلا يتقدم عن سابقه ام انه في مرحله تراجع ؟ كيف حكمت ؟

على عكس ما يحكم اباءنا بجهل جينا وتخلفه انا احكم بتطور جيلنا وتقدمه ... نحن في عصرنا الحالي قد توصلنا الى ما كان يحلم اباءنا الوصول الى نصفه ... نحن في عصر التكنلوجيا والتطور والمعلومات ... بعيدا عن تراجع بعض الفئات الا انه في الغالب الاعم نحن في تقدم.... ولكن قد يكون تطبيق او استغلال هاد التقدم هو اللي مو صح

ومن بعض مضاهر التقدم .... اصبح الطفل الصغير الذي لم يتجاوز السابعه من عمره يفهم في الكمبيوتر واستخدامه



4- اسماء 3 كتب قرأتها او سمعت عنها ورغبت في قراءتها ؟

كتب القانون كامله ..... بكفي ؟؟؟



5- بعد ان اصابك الملل من اسئلتي التي اهدف منها الحصول على مدخل لشخصية هدى .. هل ترى هدى في نفسها شخصا اخر ؟ ام ان هدى التي نراها هي نفس هدى الداخليه ؟

شو ملل ما ملل يا ابني كمل كمل .... لا اجد فرق بين هدى التي يراها الناس وبين هدى بعيده عن الناس

[Essa Amawi]

ههههههههههههههههه عجبني انه كل ردك الك بيصير نسختين

وعجبتني الفصحى تبعتك ^______^

طيب من جديد


1- الدنيا برى شتا .. شو شوعرك اتجاه هالفصل ؟ اتجاه بقيه الفصول ؟

2- هدى في البيت .. شو موقعها من الاعراب ؟ بشو مشهوره بالبيت ؟ وشو الشغل الذي دائما يوكل لك ؟

3- وصلك طرد كبير عبر البريد السريع الى باب المنزل .. ماذا تتمنيين ان يكون بداخله ؟

4- انت الآن تتلقين اتصالا من الجهات الحكومية تخبرك فيه بانك ستكونيين ضمن التشكيلة الوزاريه الجديده .. ما هي الحقيبة التي تحلمين بنيلها ؟ لماذا ؟

5- بكلمات سريعه ماذا يعني لك هذا الموقع ؟ الفريق ؟ هل قدم لك شيئا ؟

[هدى2009]

طيب ازا بتسمحيلي عندي كمشة اسئلة

اهلا اهلا بعماد بيك ... اسأل متل ما بدك


شو بيعنيلك المطر

اكتر شي بحبو بالحياه المطر..بحب امشي تحت المطر واسمع لفيروز واشرب نسكافيه ... بحب افضفض للمطر بحكي مع حالي كتييير وانا ماشيه تحت الشتا ..... المطر بعني الخير والرزق والدفا والراحه ووووو كتييير اشياء....


ما هو اكبر حلم في حياتك؟
ابني مستشفى


ما هي الاشياء التي قد تسبب لكي الاحراج

ماما لما تعلق قدام الناس وتحكيلي ليش عملتي هيك وتكون هيه اللي حاكيتلي اعملو هههههههههههههههههههه


هل تؤمنين انه يوجد ضمير؟

طبعا

اذا نعم هل تصغي له ام لا

نعم اصغي له كثيييير ..هو صديقي الدائم ليلا ... بحبو وبحزن ازا ما عاتبت حالي بالليل وما اشتغل ضميري بحس انو في اشي غلط ...



كيف علاقتك مع اخوانك و اهلك
الحمدلله علاقتنا كتييييير منيحه .. واللي بعرف هدى عن قرب بعرف قديش احنا علاقنا مش علاقت اخوه عاديه نحنا علاقتنا علاقه صداقه وحب وخوف على بعضنا .... حتى اهلي ماما وبابا بعتبرهم متل اخواني الصغار ههههههههه .... وبتعامل معهم ب اريحيه



اعذريني انا ما صارلي كتير هون بس حاسسكم عيلتي الثانية اذا سمحتي شو تخصصك؟واخذتيه عن رغبة والا لا ؟لو خيروكي تخصص تاني شو تختاري

بالعكس انا كتييير مبسوطه انك معنا وعم تسألني ... وما تحكي هيك مره تانيه انت اصبحت جزء من هذه العائله ما بنستغني عنو اهلا وسهلا فيك واسال شوووووو ما بدك

انا تخصصي حقوق حكيت فوق ... وانا لو رجعو خيروني شو بتحبي تدرسي رح ارجع احكي حقوق .... هاد التخصص كتيييير بحبو وكان اختياري ...


شكراً على طول بالك معنا و على مجاوبتك لاسئلتي السابقة :)
^___________^

عفوا ولو اهلا وسهلا تعال كل يوم

[صفاء الايمان]

هههههههههههههههههه
نهفة انتي
المهم
كم عدد افراد عيلتك ؟
وشو ترتيبك
شو اكتر مواد بلجامعة حبيتيهم
مين اقرب الناس لالك ؟
شو شعورك يوم نتائج التوجييهي
بتحضري تلفزيون ؟ ع اي قناة اكتر شي
اوصفيلي يوم الجمعة لالك وشو بتعملي فيه وشو اشيا مميزة بتعملوها ؟

الي رجعة هسا انا رايقتلك ^_______^

[هدى2009]

ههههههههههههههههه عجبني انه كل ردك الك بيصير نسختين

شو اعمل ؟؟؟ انا انقهرت كل رد عم بطلع مرتين قلت خلص انتو بتدبرو حالكم هههههههههههههههههه


وعجبتني الفصحى تبعتك ^______^

اه اللي بسألني بالفصحى بجاوبو بالفصحى .... بس كيف زابطه معي ولا لأ .... ما بعرف احكي بالفصحى ههههههههههههههه




طيب من جديد

وبرحب فيك من جديد يا بيك



1- الدنيا برى شتا .. شو شوعرك اتجاه هالفصل ؟ اتجاه بقيه الفصول ؟

اكتر فصل بحبو بالدنيا الشتا .. وما بصدق متى يرجع مره تانيه وبحزن لما يخلص هاد الفصل .. وبحب الدنيا تشتي علي وانا عم بتمشى .......

باقي الفصول ... ما بحب الصيف ابدا ... عجقا وتعب وشوب وميت اشي ... صح فيه رحلات وسهرات واشياء حلو بس دايما انا بكون معجوقه بالصيف ..... الربيع والخريف ما بعرف بكونو بين الفصول مش كتييير بنتبه لوجودهم .. انا عندي يا صيف يا شتا ههههههههههههههههههههههه



2- هدى في البيت .. شو موقعها من الاعراب ؟ بشو مشهوره بالبيت ؟ وشو الشغل الذي دائما يوكل لك ؟

هدى البنت التانيه بين خمس بنات هاد بالنسبه للترتيب بين البنات والي اخ شب اكبر مني واخ اصغر واحد ....

اما شو موقعها من الاعراب ... هيه فاعل العجايب دائم المشاكل .... بالاحرى سوسه بالبيت هههههههههههههههه

مشهوره بالبيت بالاكل والنوم ... وازا في شغل بالبيت بتحجج انو عندي امتحان عشان يعفوني من الشغل هههههههههه .. بعرف اطبخ منيح .... واعمل حلويات كمان صح مرات ما بزبطو بس مو مشكله ههههههههههه .... والشغل اللي دايما فوق راسي هوه الجلي ازا حكيت اني فاضيه هههههههههههههههه



3- وصلك طرد كبير عبر البريد السريع الى باب المنزل .. ماذا تتمنيين ان يكون بداخله ؟

ههههههههههههههه طرد وكبير كمان ياسلاااام .... ما بهمني يكون الطرد كبير او صغير اللي بهمني مين اللي بعت الطرد هههههه ...



4- انت الآن تتلقين اتصالا من الجهات الحكومية تخبرك فيه بانك ستكونيين ضمن التشكيلة الوزاريه الجديده .. ما هي الحقيبة التي تحلمين بنيلها ؟ لماذا ؟

لا عمو ما بحب هاي المناصب انا يا دوووووووووووب شقفة قاضي وكتيير كمان علي ههههههههه



5- بكلمات سريعه ماذا يعني لك هذا الموقع ؟ الفريق ؟ هل قدم لك شيئا ؟

يمكن ما اقدر احكي عن المنتدى بكلمات سريعه ... بس اللي بدي احكيه انو انا لقيت هون اهلي التانين واصحابي وابابي ... ما بقدر يمر يوم وما ازور المنتدى .. واشارك الاعضاء ب افراحهم واحزانهم ومواضيعهم وكتاباتهم ...

بالنسبه للفريق ... اكبر من رررررررررائع .... متماسك متعاون .... يحب ان يقدم افضل ما عنده ليخدم اكبر عدد من الاشخاص

قدم لي المنتدى الشيء الكثير .... وساعدني في بناء اشياء كثيره .... لكم مني خالص الشكر واتمنى ان ابقى عند حسن ضنكم

[سجا المومني]

هااااااااااي هدى
شوفي انتي عكسي انا بكره الشتاااا كتيير بس بحب المطر وبمووت بالصيف
\\\\\\\\\\\\\\
شو اكتر لون مفضل عندك؟
شو اكتر اكلة بتحبيها وبتعرفي تعمليها ولا لا؟
شو اكتر شي بتحبي تعملي وانتي فاضية وما عندك شي
شو رايك بالغربة
بتعتبري حالك محظوظة ولا عادي
هدى الاشياااء الي بتخليكي تكوني مبسوطة وفي قمة السعادة هية نفسها ولا كل سنةبتتغير عندك؟

[هدى2009]

هههههههههههههههههه
نهفة انتي

اضحكي اضحكي انت ههههههههههههه ... هلا والله صفصف


المهم

ايوه هاتي المهم خلينا نشوف .



كم عدد افراد عيلتك ؟
5 بنات 2 ولاد وماما وبابا ..كم بنصير ممممممممم = 9 ازا انا مو غلطانه ههههههههههههههه



وشو ترتيبك

انا البنت التانيه بين البنات وفي الي اخ اكبر منا .... انا التالته



شو اكتر مواد بلجامعة حبيتيهم

بما اني بدرس قانون رح احكيلك من مواد القانون .. اكتر مواد بحبهم همه التجاري والاداري



مين اقرب الناس لالك ؟

جارتنا هههههههههههههه .... لا ماما طبعا وبابا دايما بحكيلهم كل اشي بصير معي وبرتاح لما يعرفو كل شي ... ومن بين صاحباتي اقرب شي ميس وندى بعرفو عني كل شي


شو شعورك يوم نتائج التوجييهي

يييييييييييييي ..... شعور مخيف كتييير ... كنت يومها عند دار سيدو وخوالي كلهم موجودين بستنو وانا لو تأخرت النتيجه كمان شوي كان غيبت ههههههههههه .. بس الحمدلله مر هداك النهار على خير

والله التوجيهي حلو


بتحضري تلفزيون ؟ ع اي قناة اكتر شي

انا مو من المتابعين كتيير للتلفزيون .. ازا كان مفتوح بحضر وشو ما اهلي بيحضرو بحضر .... ...ازا انا بدي اختار قناه بحب افلام الاجنبي والرعب كمان... mbc2 .. العربي بحب افلام الفكاهيه


اوصفيلي يوم الجمعة لالك وشو بتعملي فيه وشو اشيا مميزة بتعملوها ؟

يوم الجمعه اسرع ايام الاسبوع ما بتلحقي تصحي الا هوه خالص ..... اول ما نصحى بتكون ماما مجهزه الفطور واحيانا بكون مناقيش زعتر يمممممممم كتير بحبها ... بعدها صلاه الظهر ... وبعدها بنضل نشم ريحت الطبيخ اللي ماما بتطبخو على نار هاديه ل العصر .... احنا وقتها بنكون نتشهون على الاكل واللي عندو دراسه بدرس شوي واللي ما عندو يا على النت يا على التلفزيون يا بلعب العاب كمبيوتر .... بعدها بنتغدا ... وفي الصيف بنسر برا ببلكونت البيت اما بالشتا بنضل بالبيت ... بابا غالبا بعمل ارجيله واحنا كل حدا بروح يشوفلو شغله يعملها ... وطبعا كل جمعه عنا دار خالي بسهرو عنا صيف وشتا هههههههههه

حلو يوم الجمعه بس انا ما بحبو بالامتحانات لانو ما بلحق ادرس فيه اشي ... يا دوب اضل اتشهون على الاكل هههههههههههه


الي رجعة هسا انا رايقتلك ^_______^

اهلا وسهلا بستناكي صفصف .....

[هدى2009]

هااااااااااي هدى

ياااااااااااااااااااااا مييييييييييت هلااااااااااااا وغلااااااااا ب احلى سجا بالدنيا


شوفي انتي عكسي انا بكره الشتاااا كتيير بس بحب المطر وبمووت بالصيف

الصيف حلو بس معجوق كتير هههههههههه ... خلص رح اصير اتحمل الصيف عشانك
\\\\\\\\\\\\\\

شو اكتر لون مفضل عندك؟

الازرق بموت فيه ....


شو اكتر اكلة بتحبيها وبتعرفي تعمليها ولا لا؟

هههههههه عرفتي مين تسألي .. انا بموت على الاكل ... وبحب كل الاكل .. بساكتر شي بحبو الكبسه والفاصوليه هههههه في فرق بين الطبختين صح ..... وبعرف اعملهم لانو بضل فوق راس ماما وهيه بتطبخ فيهم عشان اعمل حالي بدوقلها هههههههههههههههههههه



شو اكتر شي بتحبي تعملي وانتي فاضية وما عندك شي

اعمل شات مع صاحباتي ... او اللعب العاب كمبيوتر .. هوايه عندي


شو رايك بالغربة

صعبه ومأساه .... بس بنفس الوقت حلوه ومغامره .... انا بحب الغربهرغم كل التعب اللي فيها والوحده ... بس فيها بقدر الانسان يتعلم الاعتماد على النفس

حلوه


بتعتبري حالك محظوظة ولا عادي

محظوظه كتييير


هدى الاشياااء الي بتخليكي تكوني مبسوطة وفي قمة السعادة هية نفسها ولا كل سنةبتتغير عندك؟

في اشياء بتكون باقيه ... متل وجود بعض الاشخاص بحياتك وحبهم الك ..... وفي اشياء بتصير بدون ما تكني متوقعه بتخليكي تنبسطي كتيير وتحكي يمكن هاي السنه احلى سنه بحياتي .... وتقريبا كل سنه الا يصير معك اشي حلو بيختلف عن السنه اللي قبلها


سجا نورتي

[YoUSeF MoMaNI]

شو مال الدنيا عتمت عندي
شكلي سطلت ههههههههههههههههه

ما حدا يسأل كثير ههههههههههههههههههههههه

[Hosam Hawamdeh]

هدى شو قصة المنسف ؟
هدى لو وقعت قدامها بتعمل فيي زي عمر وحسونة وعمار قطاونة ؟ ولا بتساعدني ههههههههههه عملولي عقدة
هههههههههههههههههههههههه

[Emad Al-quraan]

مرحباً مرة اخرى :(355):
انتي حكيتي انه من هواياتك اللعب على الكمبيوتر شو هي هاي الالعاب بعد اذنك اصلي زهقان بلكي اندليتلي ع كم لعبة :(326):
طيب ازا اعطوكي مليون دينار وقالولك اعملي فيهم شغلة وحدة شو بتعملي؟؟؟؟ :(266): :(353):
شو رأيك بالعاقين بوالديهم؟؟وشو بتحكيلهم؟؟:(331):
شو احلى افلام الرعب اللي حضرتيها و احلى 5 افلام بشكل عام :(228):
بتسمعي اغاني؟؟؟ ازا نعم شو نوعها ولمين ومين اكتر 5 مغنيين بتحبيهم وليش :(356): :(44):
بتعرفي تسوقي ولا لأ؟؟؟:(10):
بكفي هلأ بنستنى اجوبتك وشكراً لطول بالك معنا
^____________^

[سجا المومني]

[quote=هدى2009;49786]ياااااااااااااااااااااا مييييييييييت هلااااااااااااا وغلااااااااا ب احلى سجا بالدنيا

احم احم احم عيونك الحلوة

الصيف حلو بس معجوق كتير هههههههههه ... خلص رح اصير اتحمل الصيف عشانك
\\\\\\\
يسلمولي المزوئين
\\\\\\\\\\\\\\\\\\\\\\\\\\\\\\\\\\\\\\
عدنااا يا هدهد
هدهد شو رأيك بالمقولة(الباب الي بجيك منو الريح سدو واستريح)
هدهد بتهتم لكلااام الناس ولا اخرر همها
ازا سمعتي عنك اشاعة بدايئ شو بكون ردة فعلك:(277):
بتوخدي رأي حد بالاموورك الخاصة
ازا لقيتي الفانوس السحري شو بتطلبي من المارد يحققلك طلب واحد بس
هدهد عندها هوس موبايلاات ازا اه شو الموبايل الي بتحبي
هدهد منضبطة بمواعيدك ولا لعععع:(89):
شو رأيك بلاسخاص الي عندهم لا مبالاة؟ وبتعتبري حالك منهم؟
هدهد بتساامح الناس الي غلطو بحئها ولا لا:(294):
انتي بتحبي توخدي حئك بئيدك ولا بتخلي غيرك يوخدلك حئك ؟:(136):
هدى بتصلي ولا لا؟
بكفوووووو صح:(136)::(136)::(136):

[هدى2009]

شو مال الدنيا عتمت عندي
شكلي سطلت ههههههههههههههههه

روح نام عمو .... بعدين اللي بقرأ هون ممنوع ينعس .... هدى 2009 مش حتقدر تغمض عينيك هههههههههههههههههههههه


ما حدا يسأل كثير ههههههههههههههههههههههه

الله يرضى عليك يا ابن صفي ...... طيب وين اسألتك انت ؟؟؟ اسأل ما تستحي زي بنت صفك انا

[هدى2009]

هدى شو قصة المنسف ؟

وووووووووووووو .... قصه طويله حسام احكيها انا ولا انت ؟؟؟؟

خلص رح احكيها خلي الشعب يضحك ... هاد مره يا ساده يا كرام الدكتوره حكت لحسام السكر من الكماليات ولا من الضروريات ..هههههههههههههههههههههه ..... راح السيد حسام بحكيلها والله بتفرق وصار يحكي بالمقادير ...

هلأ سر المنسف بدو كاستين شاي .... مو حافظه المقادير خلي حسام يحكيهم ..... يا حسام احكي القادير هههههههههههههههههههههههههههههههههه



هدى لو وقعت قدامها بتعمل فيي زي عمر وحسونة وعمار قطاونة ؟ ولا بتساعدني ههههههههههه عملولي عقدة
هههههههههههههههههههههههه

هههههههههههههههههههههههههههههههههههههههههههههههههه هه ...... يمكن اكتر ..... حسام احكي شو اللي صار معك ؟؟؟؟ هههههههههههههههههههههههههههههههههههههه

[Mohammed Hawamedh]

هدى اهلا و سهلا بك على كرسي الاعتراف و الله يعينك
=================================
بتمنى ان الاسئلة اللي بدي اسألها ما يكون حد سالها .....

= هدى اكتر المواصفات اللي بتهمك بالرجل و مش ممكن تتخلي عن احدها ريد لاين يعني
= اذا شخص اثار غضبك بتردي عليه مباشرة ولا بتتمالكي اعصابك ؟
= اذا كنتي زعلانة من شخص معين و طلب منك طلب بتلبيله طلبه بالاول ولا بتفهميه غلطه ؟
= شو رايك بالتدخين بشكل عام و خصوصا للبنات ؟
= بتعرفي او بتحبي تطبخي و شو هية الاكلات اللي بتستمعي او بتتفنني بعملها ؟
= شو رايك بالرجال اللذين يعارضون عمل المراة ؟
= لو عرض عليكي عمل بتطمحيله طول حياتك بس ممكن يبعدك عن اهلك او ناس بتحبيه شو بتختاري ؟
= بتعتبري نفسك شخص اجتماعي و ما هو عدد صديقاتك المقربين جدا
= خلص عيب بكفي اسالة هههههههههه

[₪ الـعـتـيـبـي ₪]

هــدى

الله يعطيك العافية

راح أغلبك بس أتحمليني :(356):


. ماذا ستكتبن لنا لتعبري عن حياتك التي عشتها الى الان في كلمات قليله ؟

. اذا اردت ان تبكي الان , فعلى من تبكي


.ماهو تقييمك لهذا المنتدى بصراحه ؟


.هل تعتقدين ان حظك سيئ؟

.هل هزمك حزنك في يوما من الايام؟

.((مستحيل انساك)) لمن تقوليها ؟

.(( اللي راح راح وماتفيد كلمة ياريت ))

إذا أردت ان توجهي هذه العباره لنفسك, فماذا تقصد بها ؟

اي الدول تتمني ان تزوريها ؟


هل انت راضيه عن نفسك ؟


.هل انت مدمنه تفكير؟


.هل تكره شخص بشده في حياتك ؟

.ما هو اقتراحك الذي تتمنى ان يحدث في هذا المنتدى ولم يحدث الى الان ؟


.حكمة تؤمنين بها جدا؟؟

.عاده تفعلينها دائما تتمني ان تتركها ؟

ماهو اجمل اسم لولد واجمل اسم لبنت من وجهة نظرك؟

.هل انت ممن لديهم رغبة حب التملك واذا تملك الشيء اصابه الملل منه ؟

.اعتذار تريدين ان تقدميه لمن؟

يارب ما اكون طولت عليك

تحياتي

[هدى2009]

مرحباً مرة اخرى

مرااااااااااااااااحب .... اهلا وسهلا


انتي حكيتي انه من هواياتك اللعب على الكمبيوتر شو هي هاي الالعاب بعد اذنك اصلي زهقان بلكي اندليتلي ع كم لعبة

ما تسألني شو الاسماء لانو بلعب مع اخوي الصغير .... اكيد مو كره مع اني مره لعبتها ههههههههه ... بس في كريزي تكسي ... وجتا a.... هدول بسمع اسمائهم منو .... بس انا بلعب ودايما بفوز حريفه يعني ههههههههههههههههههه

خلص بجيبلك اسماء اللعب بس يصحو اما هلأ صعب لانو الساعه 2 بالليل هههههههههههههه


طيب ازا اعطوكي مليون دينار وقالولك اعملي فيهم شغلة وحدة شو بتعملي؟؟؟؟

اكيد ما رح اوزعهم عليكم هههههههههههههههههههه ..... ما بعرف كتير اشياء ....


شو رأيك بالعاقين بوالديهم؟؟وشو بتحكيلهم؟؟

اووووو .... سؤال كبير ومهم ... هدول اشخاص ما حسو بالنعمه اللي ربنا اعطاهم اياها ... واللي يمكن غيرهم بتمنا لو يكون الو اهل بس ليوم ...... اللي بحكيه الهم انو ديرو بالكم على اهلكم همه نعمه ازا عرفت تستغلوها رح يكون احسن شي عملتو بحياتكم .. .. والله يهديهم



شو احلى افلام الرعب اللي حضرتيها و احلى 5 افلام بشكل عام

هههههههههههههه عرفت مين تسأل انا عمو ما بحفظ اسماء يمكن عشان الفلم اتزكرو منيح احضرو 2 او 3 مرات .... فبدك اسماء الافلام احفضها!!!؟؟ .... شوف كل يوم تلاتا وجمعه في فلم على mbc2 رعب ومرتب بتمنالك سهره ممتعه هناك



بتسمعي اغاني؟؟؟ ازا نعم شو نوعها ولمين ومين اكتر 5 مغنيين بتحبيهم وليش

شو قصتك مع الرقم 5 اه ؟؟... على فكره هاد رقم المفضل الي .... هلا الجواب اه بسمع اغاني ... بحب الاغاني الهاديه ومو اي مغني بحب اني اسمعلو .... ومرات ما بسمع للمغني قد ما بسمع الاغنيه نفسها ... يعني ممكن تعجني اغنيه اسمعها حتى لو ما كنت اخب المغني اللي بغنيها

من المغنين اللي بسمعلهم ... عمرو دياب - كاضم الساهر - فضل شاكر - شرين احمد - احلام - وكتييير - اه اصاله بحبها - ديانا حداد كانت زمان .. ووو خلص بكفي انت طلبت 5


بتعرفي تسوقي ولا لأ؟؟؟

شوي بس ما معي رخصه .... بس اخد الرخصه رح احكيلك اه بقوه هههههههههه


بكفي هلأ بنستنى اجوبتك وشكراً لطول بالك معنا
^____________^


يا ميت هلا وغلا ..... بستنا عودتك

[Tommywarsong]

هدى في سؤال محيرني كتير ..
بس خايف ازا سألتك اياه تغيري فكرتك عني .. و تاخدي عني فكرة خطأ ..
بس عنجد كتير محيرني هاد السؤال و حاب كتير أسمع جوابه منك ..

فا يا ريت تاخدي الموضوع بأريحية .. و ما تفهمي قصدي خطأ ..

سؤالي : شو يعني بقصمات ؟؟؟

[هدى2009]

عدنااا يا هدهد

يااااااااااااااااا مييييت هلا وغلا .... ميت ورده والله


هدهد شو رأيك بالمقولة(الباب الي بجيك منو الريح سدو واستريح)

مطبقه بالنسبه الي ما بحب اعمل مشاكل مع حدا بس ازا وصلت اخر درجه ..... بفتح الباب وبخليها زوابع مو رياح


هدهد بتهتم لكلااام الناس ولا اخرر همها

ومين منا ما بهتم ل كلام الناس ... صح على رأي المتل كلام الناس لابيقدم ولا يأخر هههههههههه هاد صار متل ههههههههه ..... بس مع هيد اكيد كل حدا فينا بهتم لكلام الناس ... ممكن النسبه بتختلف من شخص للتاني بس بالنهايه كلنا بنهتم ......


ازا سمعتي عنك اشاعة بدايئ شو بكون ردة فعلك

مهو حسب صاحب او مصدر الاشاعه ...... او نوع الاشاعه ... بس غالبا بحاول افهم ليش صار هيك وشو السبب .... وبعدين بتصرف ... ازا عندي قدره دافع بدافع وبحكي ... اما ازا حكي رح يجيبلي الحكي ووجع الراس بنسا وما بهتم


بتوخدي رأي حد بالاموورك الخاصة

اه غالبا


ازا لقيتي الفانوس السحري شو بتطلبي من المارد يحققلك طلب واحد بس
ازور المسجد الاقصى ... واصلي فيه ركعتين


هدهد عندها هوس موبايلاات ازا اه شو الموبايل الي بتحبي
لا ما بحب الموبايلات ولا عندي هوس فيهم ... المهم تلفون والسلام .... انا موبايلي نوعه nokia6210 حلو مو انا اللي اخترتو هاد هديه من بابا ... في حدا بدو يشتري ؟؟؟هههههههههههه


هدهد منضبطة بمواعيدك ولا لعععع

يعننننننننني مو كتير .... بحاول انضبط بس دايما الا ما تخرب معي ..... الا ب اجتماعات الوزاره قبل بنص ساعه من الموعد بكون ههههههههههههههههههههههههههه



شو رأيك بلاسخاص الي عندهم لا مبالاة؟ وبتعتبري حالك منهم؟
ما بحب هاي الفئه من الناس .... هدول جد مستفزين .... وبدهم حدا يفهمهم الدنيا صح ... مممممممممم انا مو منهم ولا ما كان حكيت عليهم ههههههههههههههههه




هدهد بتساامح الناس الي غلطو بحئها ولا لا

كتييييييييييييييييير ..... اصلا هدهد نادرا ما تزعل من حدا .... وما بتزعل الا ازا كان الاشي كتييييييييييير قوي وجرحها .. والحمدلله مش كتير بتصير معي



انتي بتحبي توخدي حئك بئيدك ولا بتخلي غيرك يوخدلك حئك ؟

مممممممممممم .... بحب اخد حقي ب ايدي وما بعتمد على حدا ابدا والحمدلله ... وازا اشي كان اكبر من قدرتي برجع لحدا كبير وبطلب المساعده ... بس لما اتأكد اني مو قادره اواجه الامر لحالي واخد حقي ب ايدي


هدى بتصلي ولا لا؟
اااااااااه والحمدلله


بكفوووووو صح

لا حبيبتي ضلي طلطلي كل شوي واسفه على التأخير

[صفاء الايمان]

هدى بتعرف تطبخ ؟ شو الاشيا يلي بتعرفي تعمليها
وطيب الحلويات
شو الاكلات يلي بتحبيهم
هدى شو اكتر لبسة بتحبيها
شو الالوان يلي بتحبيها
بتحبي الاكسسوارات والعطور ؟
احكيلنا شو اكتر اشيا بتحبيهم فيهم
هدى شو رايها بالحجاب ؟ ومتى لبستي الحجاب ؟
كم ترتيبك بالعيلة
شو بتفكري وانتي بتجلي ؟
وكل كم بيجي دورك ع الجلي هههههه
الي عودة خيتو ^_^

[صفاء الايمان]

ازا لقيتي الفانوس السحري شو بتطلبي من المارد يحققلك طلب واحد بس

ازور المسجد الاقصى ... واصلي فيه ركعتين
بسيطة ^__^
اتتي عدي الجسر والباقي علينا ^_^

[صفاء الايمان]

صحيح اذا معك جواز اردني بتمري عادي ^____^ اسالي حسونة ^_^

[هدى2009]

هدى اهلا و سهلا بك على كرسي الاعتراف و الله يعينك

يااااااا ميت هلا وغلا فيك يا محمد .... شايف بعد ما ضحكت عليك اجى دوري ههههههه .... هلأ خد راحتك وانتقم هههه
=================================

بتمنى ان الاسئلة اللي بدي اسألها ما يكون حد سالها .....

ولو حدا سألها يا محمد برجع اجاوبها كمان مره خد راحتك واسأل .... بس لا ما حدا سأل اسألتك


= هدى اكتر المواصفات اللي بتهمك بالرجل و مش ممكن تتخلي عن احدها ريد لاين يعني

عجبتني الرد لاين يعني ههههه .... صفات الرجل اللي ما بتخلى عنها انو يكون متدين هاد اهم اشي عندي يعنننني يكون بصلي وبصوم وبخااااااف ربنا اهم اشي .... لانو اللي بخاف ربو ما بتخاف منو ... وبحب يكون دارس معاه شهاده ... ويوافق اني اشتغل لانو انا بحب الشغل ... اما الشكل والحاله الماديه وهاي التفاصيل ما بتهمني كتير بشوفها بشكل ثانوي ..... وبس


= اذا شخص اثار غضبك بتردي عليه مباشرة ولا بتتمالكي اعصابك ؟

لا بتمالك اعصابس كتيير ... وبفكر شوي قبل ما احكي او ارد على حدا ...



= اذا كنتي زعلانة من شخص معين و طلب منك طلب بتلبيله طلبه بالاول ولا بتفهميه غلطه ؟

لا انا بحب افهم الواحد غلطو وبعدين بعمل اللي بدو اياه ...



= شو رايك بالتدخين بشكل عام و خصوصا للبنات ؟

ما بعرف بس ما بحس فيه اشي غلط بالنسبه للشباب .. بعيدا عن انو مضر بالصحه بس هوه كفكره تدخين مو مرفوضه عندي ... يعني عادي اشوف الشب بدخن .... اما البنات ما بحب انهم يدخنو وخصوصا انهم بكونو متل الحرميه وهمه بدخنو .... يعني مو حلو شكل البنت وهيه متخبيه وبتدخن ..... انا عارفه الله يهديهن



= بتعرفي او بتحبي تطبخي و شو هية الاكلات اللي بتستمعي او بتتفنني بعملها ؟

بعرف وبحب اطبخ .. بس غالبا ما بلاقي وقت للطبي لانو دايما مداومه ..... اللي بستمتع بطبخها الكبسه



= شو رايك بالرجال اللذين يعارضون عمل المراة ؟

هلأ انا مع فكره عمل المرأه .... بجوز لانو انا بحب الشغل ... بالنسبه للاشخاص اللي بعارضو متل اخوي مثلا يمكن فكرتهم صح انو المراه عملها في بيتها وانو شو جابرها تطلع من بيتها ل تشتغل واتعب حالها وبعدها رح ترجع على البيت طبيخ وولاد ومسؤليات وكل شي فوق راسها .... هاد الحكي صح وفكرتهم مو غلط بس كمان البنات بحبو الشغل ف لازم يعطوهم فرصه يجربو بعدين يحكمو



= لو عرض عليكي عمل بتطمحيله طول حياتك بس ممكن يبعدك عن اهلك او ناس بتحبيه شو بتختاري ؟
بروح للعمل ..... واهلي بقبلي وبعيوني ...


= بتعتبري نفسك شخص اجتماعي و ما هو عدد صديقاتك المقربين جدا

الحمدلله كتييييييير هيك انا بعتقد .... عدد صديقاتي المقربات كتيير يمكن 5 هدول مقربااااااات ... اما الصحبه ف الحمدلله الي صاحبات كتييييييييييييييييييير ...


= خلص عيب بكفي اسالة هههههههههه

لا محمد مو عيب ولو .... اسفه اتاخرت بالاجابه ... يالله ارجع وكمل اسأله بسررررررعه ههههههههه

كيف النسكافيه مبارح ليش ما شريتلي اه ؟؟؟.... رودينا حكتلي انك عازمهم هههههههههههههههههههه