suhaib dalaqmeh على كرسي الاعتراف

[صفاء الايمان]

وعد الحر دين



يلا نبلش
بس لا تنسو ام تقصرو
شو اسمك
كم تاريخ ميلادك
ووين
وكم عمرك
وشو طموحك
وشو بتدرس ؟
شو امنيتك لهالسنة
وشو تخصصك
وليش اخدت هالتخصص
وكم معدلك بالتوجيهي وباي فرع ؟


البقية بس اشوف الباقيين
انتشرووووووووو

صح كيفك ؟

[suhaib dalaqmeh]

اولاً انا منيح
2- صهيب
3- ) 13 /9/1991
4- انا مواليد النمسا فينا
5- ) 18 سنه
6- ) طموحي خدمة وطني من الخارج
7- ) بدرس القانون
8- ) امنيتي اشتري دراجه ناريه والف اوروبا وراح اعملها بس السنه القادمه ان شاء الله
9-) تخصصي الحقوق
10) بدايتاً اجبرت عليه لان طبيعة الشغل الموعود فيه بس اخلص بحاجة ادراسه باللغة العربية واكون بعرف ولو شوي بالقانون فكان انسب خيار بس جد لقيت تخصص رائع والشباب و الصبايا اروع
11-) 83.9 علمي قصرت بعرف

[صفاء الايمان]

ممممممممم حلو
طيب شو رايك بالسياسة وبرايك انو احلى سياسة العرب ام اوروبا
انو احلى الحياة هون ولا باوروبا
وين حابب تعيش
وين حابب تروح سياسة
كم عشت بالنمسا
ايش اللغات يلي معك بحكم انك نمساوي الولادة
شو اكتر مادة بتحبها
مين اكتر دكتور حبيته
وشو موقف صار معك حلو وموقف مو حلو بالسنفرة
كم معاك هسا
وشو نوع موبايلك
شو عطرك المفضل

[suhaib dalaqmeh]

1-) من ناحية ملك جلالة سيدنا عبدالله بن الحسين المعظم مش مقصر مع كل الاردنين دائماً كان الاب لكل الادرنين
من ناحية حكومة كل الحكومات خير وبركة بس في عدد من الملاحظات على الحكومتين في الاردن بسبب العشائر
و اوروبا بسبب الاحزاب
2-) لكل حياة طريقة وحلاوه معينه هون بشوف اهلي وناسي واصحابي وباروبا بشوف اهلي وناسي واصحابي
هون بعمل اشياء ما بقدر اعملها هناك والعكس
3-) سؤال صعب جداً بس انا جد ممكن اعيش اي مكان بس مع الي بحبو
4-) حاب اشوف العالم كامل واشوف كيف الحياة
5-) خمس سنين وبعد هيك كل سنه بروح شي 3 اشهر

[suhaib dalaqmeh]

اللغه الالمانية بس بعجبك بلغة العبيد السمران في امريكا

[صفاء الايمان]

يما حط السؤال هيك تلطيش

[suhaib dalaqmeh]

بحب الرياضيات
بحب الدكتور خلدون قطيشان
موقف حلو كنت داخل المكتبه سنفور اجا شب بحكيلي اشلح من اجرك فرفعت رجلي وحكيت شو عاجبك البوت والبنات هناك ماتو من الضحك عليه
موقف مش حلو ابن عمتي ضحك على على شان اشوفه وخلاني اجيه من الحقوق للطبيه

معي شو اذا كان نقود الحمدلله معي الي بكفيني اكمل دراستي بدون عازة حدى حتى ابوي

مبايلي G2 (HTC MY TOUCH ) ومشان الكزب معي كمان Blackberry 8900

صعب احدد بس بحب تقريباً كل منتجات boss

[YoUSeF MoMaNI]

شو بتسوي هون

من متى حاطينك هون

[Emad Al-quraan]

ههههههههههههههههههه
والله وقعت يا صهيب
هع هع هع هع

مممم
مين قدوتك بحياتك
شو حلم حياتك
اشي كان نفسك تعمله وما عملته
بتنقي صحابك؟؟؟
اكتر موقف زبالة صار معك
اشي نفسك تمحيه من حياتك
احلى تجربة
اسوأ تجربة
اشي خيب ظنك
اكتر شيء بدايقك
اكتر اشي ممكن يدخل الفرحة لقلبك
لو حكوا في لصهيب امنيتين وحدة اله ووحدة للي حواليه شو بتتمنى؟؟؟
اكتر اشي بتخاف منه
هل عمرك لجأت للبكاء لتفريغ الضغوط اللي عليك ؟؟؟

[Emad Al-quraan]

يا شباب اعطوها
علييييييييييييييه هع هع هع هع هع
الله يكون معك ع هيك وقعة هههههههههههه

[suhaib dalaqmeh]

ههههههههههههههههههه

مين قدوتك بحياتك ؟؟؟
اكيد اخوي الكبير
شو حلم حياتك ؟؟؟
الف العالم كامل
اشي كان نفسك تعمله وما عملته؟؟؟
اخطب خطبة جمعه
بتنقي صحابك؟؟؟
اشي اكيد
اكتر موقف زبالة صار معك ؟؟؟؟
كنت احط ايدي على راسي امسحو واذا شعري بكت وصلعت والى الان مش عارف ليش بس رجع طلع
اشي نفسك تمحيه من حياتك؟؟؟؟
الماضي الاسود
احلى تجربة ؟؟؟
اول مره اجيت اتعلم فيها التزلج على الثلج
اسوأ تجربة ؟؟؟
الكرفته من فوق جبل الثلج
اشي خيب ظنك ؟؟؟؟
مش عارف صراحة
اكتر شيء بدايقك ؟؟
الخيانه والكذب
اكتر اشي ممكن يدخل الفرحة لقلبك ؟؟
اكون بين صحابي
لو حكوا في لصهيب امنيتين وحدة اله ووحدة للي حواليه شو بتتمنى؟؟؟
الي : بتمنى تصير امنيتي 100 امنية (طماع) لا جد بتمنى اشتري دراجه
للحولي : بتمنى يعيشو سعيدين
اكتر اشي بتخاف منه ؟؟
اخسر الي بحبهم
هل عمرك لجأت للبكاء لتفريغ الضغوط اللي عليك ؟؟؟
طيعاً اكيد

[صفاء الايمان]

صهيب شو اشيا بحبها بالمنسا
شو الفروق يلي لقاها بينا وبين الاجانب
صهيب شو علاقته بعيلته
باهله
كم عدد عيلتك بنات وولا د ؟
احكيلنا شو بتعمل بايام العطل والدوام
مين الشخص يلي بتعتبره بير لاسرارك
لو برجع الزمن لمتى حابب ترجع وليه
ولو حابب يسرع كم وليه ؟
صهيب شو في مغامرة بحياته ؟
احكيلنا مواقف حلوة صارت معك
صهيب ليه اسمو هيك ومين سماه ؟
شو نظرتك للكذب والكذابين
ايش رايك بالموقع lawjo وشو رايك بالاعضاء والادارة

[سجا المومني]

نورت الكرسي يا صهيب
1.صهيب شخص طموح ولا لا ؟ ازا اه طموحك الو حدود
2.شو اكتر صفة غالبة عليك الطيبة ولا القوة ولا الصراحة ولا الدبلوماسية ولا الجرأة ...الخ
3.ين اقرب الناس لصهيب؟
4.شو السن المناسب للزواج للبنت والشاب بنظرك؟
5.بتأمن بالصداقة بين الشب والبنت؟
6.بتامن بالحب من النظرة الاولى؟
7.وانت مع الي بحكو انو القلب بحب مرة وحدة بس بالعمر؟
8.اي بلد بتحس انو وطنك؟
9. وشو رايك بلغربة
10.ازا بتأيد الغربة بتحب تتغرب لبلد عربي ولا اجنبي؟

[suhaib dalaqmeh]

صهيب شو اشيا بحبها بالمنسا
التزلج والحلويات
شو الفروق يلي لقاها بينا وبين الاجانب ؟؟
كتير ولكل فيهم خصائص ومميزات
صهيب شو علاقته بعيلته
باهله ؟؟
علاقة محبه وارتباط قوي
كم عدد عيلتك بنات وولا د ؟؟
احنا اربع اولاد وبنتين
احكيلنا شو بتعمل بايام العطل والدوام ؟؟
الدوام دوام العطله طشات ما بخلي شي بنفسي
مين الشخص يلي بتعتبره بير لاسرارك ؟؟
بعمري ما حكيت شي بعتبره سر لحدا (كتوم جداً)
لو برجع الزمن لمتى حابب ترجع وليه ؟؟
لقبل اسبوعين مشان امنع كارثه حصلت خلتني ادمر بجد
ولو حابب يسرع كم وليه ؟؟
نعم حاب الزمن يسرع بس اخلص بكلوريوس بسرعة
صهيب شو في مغامرة بحياته ؟؟
كتير لا تعدو وصلت اعتقالي من الشرطه بشيكاغو بسبب الاشتباه كنت لابس دشداش وداخل وسط البلد هناك فكروني ارهابي ههههههههههههه
احكيلنا مواقف حلوة صارت معك ؟؟
برضو كتير من اجمل المواقف كنت مروح من شيكاغو الى فرنسا وتعرفت بالطياره على بنت فرنسيه من اصول مغربيه عرفتني بزوجاها وخلتني ابات عندها شهر لانو هيك كانت الرحلو وما كان معي غير 10 الاف دولار ما بكفوني شهر بفرنسا ونبسطت كتير
صهيب ليه اسمو هيك ومين سماه ؟؟
ابوي اختاره مشان اكون مميز بين الاجانب اسم غريب مع العلم امي ما بتعرف تلفظو فجدي كان يناديني اندري
شو نظرتك للكذب والكذابين ؟؟؟
بحس في ابداع في بعض الكتب الصراحة وبعض الكتب لا تستحق القرائه وانا ناوي اكتب كتاب في المستقبل وراح اطبعو وانشرو
ايش رايك بالموقع lawjo وشو رايك بالاعضاء والادارة؟؟
بصراحة من غير لف ودوران هو موقع مبتكر فكره مبتكره بس ما زال بحاجه الى العمل من نا حية الترويج
اما بالنسبة للاداره رائعين جداً ومتفانين بعملهم
الاعضاء كتير مناح ومحترمين وما في متلهم وكل واحد عندو ابداع معين

[suhaib dalaqmeh]

[quote=سجا المومني;69972]نورت الكرسي يا صهيب
منور بوجودك
1.صهيب شخص طموح ولا لا ؟ ازا اه طموحك الو حدود ؟؟؟
صهيب طموح وطموحو لا حدود له
2.شو اكتر صفة غالبة عليك الطيبة ولا القوة ولا الصراحة ولا الدبلوماسية ولا الجرأة ...الخ ؟؟؟
انا شخص دبلمواسي مسايس درجه اولى القوة مش سلاح بس انا ما بخاف من شي الصراحة ما في شي يخليني اكذب الجرأة انا ممكن اوقف واحكي كلمه قدام الشعب الاردني كامل بس بحاجه لشخص يدعمني
3.ين اقرب الناس لصهيب؟؟؟
شخصين اخوي وبنت ما راح احكي مين هي اعذروني
4.شو السن المناسب للزواج للبنت والشاب بنظرك؟؟
ما في سن معين وما بتفرق السن لانو ستها لامي كانت اكبر من سيدها ب12 سنه وكانو مبسوطين بحياتهم
5.بتأمن بالصداقة بين الشب والبنت؟؟؟
نعم لانو اغلب اصدقائي بنات
6.بتامن بالحب من النظرة الاولى؟؟؟؟
ممكن بس بكون استثناء لانو الحب من النظرة الاولى اكيد بدو يكون اساسه اعجاب بشكل مش بشخصية
وعادةً ما بنصدم الشخص لما بتعرف على شخصيت الي حبو الا في حالات نادرة جداً
7.وانت مع الي بحكو انو القلب بحب مرة وحدة بس بالعمر؟؟؟
انا غلطان القلب بحب مرتين واكثر بس بشرط كل مره يجب ان يموت الشخص الي قبله نهائياً
ويخرج خارج القلب والعباره الاصح (القلب غرفة وحده بسكنها شخص واحد فقط ومتى ما خرج يمكن ان يختار شخص اخر ) يعني ما بصير احب تنين مع بعض
8.اي بلد بتحس انو وطنك؟؟؟؟
الاردن اكيد
9. وشو رايك بلغربة؟؟
الغربة اخ من الغربة في كتير شغلات حلوه بس ما بتحسي فيها بدون اهلك والله الاكل ما اتهنا فيه الا مع اهلي يعني زيتون مع اهلي و منسف بدونهم والنوم مش مريح بس الواحد مع الزمن بتعود
10.ازا بتأيد الغربة بتحب تتغرب لبلد عربي ولا اجنبي؟؟
اذا بدي اتغرب بروح على بلد اجنبي طبعاً لانو هناك فرص اكتر وبما اني متغرب ومتغرب
لا اخذ الفرص احسن

[Mohammed Hawamedh]

بصراحة اجابات اكثر من رائعة يا صهيب بالفعل
اجمل ما اثار انتباهي بالاجابات و بالاسئلة


6- ) طموحي خدمة وطني من الخارج

بصراحة امنية قليل من الناس تتمناها و لكن هناك العديد من المغازي بها ,,, و لكن لماذا من الخارج يا صهيب
= الاجابة الاخرى بان للقلب غرفة واحدة يتسع لشخص واحد لكنه اذا خرج يمكن ان يدخل غيره .... و لكن برايك تقريبا قديش ممكن بده الانسان لحتى يخرج من قلبه من احب ؟ و شو الاسباب اللي بتخلينا نخرج حبيب معين من القلب ؟ و معقول الانسان ما يتذكر الحبيب الذي خرج و ان يبقى يحن لتلك الايام !!!!!
= النمساااا اخ ع النمسا شو حلوة ...... سيدي شو زرت بالنمسا مثل البحيرات الثلاثة و جبال الشمال و هيك احكيلنا و اذا بتكتبهم بالانجليزي بركي رحنا عليهم و شو الاشياء الحلوة اللي فيهم .........
= صحيح اهلك هون ولا بالنمسا ما بعرف حسيتك بلحظة من اللحظات مشتاق لاهلك و كانهم مش هون ؟
= امريكا شيكاغو ... كيفها و كيف لقيت العيشة بامريكيا و كيف البحر و الشط اللي بشيكاغو ؟ و و لو خيرت بين امريكا و النمسا شو بتختار و ليش بغض النظر عن مكان وجود الاهل ؟
= صهيب شو ناوي تعمل بالدنيا بس تتخرج باذن الله ؟ و شو هية الشغلة اللي موعود فيها بركي سرقناها منك هههههه؟ هون كرسي اعتراف ممنوع تخباية اشي بدك تتحمل
= شو مواصفات البنت اللي بتحلم فيها فارسة احلامك اذا جاز التعبير ؟ قلبا و قالبا ........ ؟ و ماهي الامور التي تتمنى ان تجد بنت ليست بها ؟ و شو اسوء موقف صار معك مع بنت بتعرفها او لا بغض النظر ؟
= ما هي اكثر سيارة تتمن الحصول عليها ؟
= شو السبب انك ما درست بالنمسا او بامريكا ع الرغم انهم احسن من هون ؟
= شو رايك بالاعضاء التاليين
1. صفاء
2. عماد
3 عيسى
4 محمد الحوامدة = بدن مجاملة امانة
5 حسام
6 الاء
7 حمزة طربية
8 احمد ابوزنط
9 لينا الصبيحي
10 اسراء مقابلة
11 انت سدقت باخر ثنين ههههه
==============================
الله يعينك ، و بالمناسبة الله يعينك على اسئلة صفاء
رح تستغرب قديش رح تسالك و من وين بتخترع اسئلة هههههه
تحياتي صفاء

[suhaib dalaqmeh]

بصراحة اجابات اكثر من رائعة يا صهيب بالفعل
اجمل ما اثار انتباهي بالاجابات و بالاسئلة
الله يخليك يا رب
بصراحة امنية قليل من الناس تتمناها و لكن هناك العديد من المغازي بها ,,, و لكن لماذا من الخارج يا صهيب
لانني اشعر بان الفرصة لخدمة وطني غير متاحة من الداخل ولكن من الخارج ممكن ان احصل على دعم
للاردن اذا اصبحت شخص مهم هناك ان شاء الله

= الاجابة الاخرى بان للقلب غرفة واحدة يتسع لشخص واحد لكنه اذا خرج يمكن ان يدخل غيره .... و لكن برايك تقريبا قديش ممكن بده الانسان لحتى يخرج من قلبه من احب ؟ و شو الاسباب اللي بتخلينا نخرج حبيب معين من القلب ؟ و معقول الانسان ما يتذكر الحبيب الذي خرج و ان يبقى يحن لتلك الايام !!!!!
والله صعبه كتير يخرج وبده مده طويله والسبب موت الحبيب او اذا انجرحت منو والانسان بظل يتذكر الي حبهم اكيد

= النمساااا اخ ع النمسا شو حلوة ...... سيدي شو زرت بالنمسا مثل البحيرات الثلاثة و جبال الشمال و هيك احكيلنا و اذا بتكتبهم بالانجليزي بركي رحنا عليهم و شو الاشياء الحلوة اللي فيهم .........
يا سيدي مليون اهلاً وسهلاً وانا بوعدك اني راح اعمل موضوع كامل عن النمسا

= صحيح اهلك هون ولا بالنمسا ما بعرف حسيتك بلحظة من اللحظات مشتاق لاهلك و كانهم مش هون ؟
لا اهلي هون بس اخوي بشيكاغو وبحبو كتير

= امريكا شيكاغو ... كيفها و كيف لقيت العيشة بامريكيا و كيف البحر و الشط اللي بشيكاغو ؟ و و لو خيرت بين امريكا و النمسا شو بتختار و ليش بغض النظر عن مكان وجود الاهل ؟
طبعاً النمسا شيكاغو بتجنن بس كلها جرائم وهاد شي شفتو بعيني واحلى

= صهيب شو ناوي تعمل بالدنيا بس تتخرج باذن الله ؟ و شو هية الشغلة اللي موعود فيها بركي سرقناها منك هههههه؟ هون كرسي اعتراف ممنوع تخباية اشي بدك تتحمل
حاضر يا سيدي موعود بشغل بلحكومة النمساوية مترجم عربي

= شو مواصفات البنت اللي بتحلم فيها فارسة احلامك اذا جاز التعبير ؟ قلبا و قالبا ........ ؟ و ماهي
ما في مواصفات معينه المهم بحبها

الامور التي تتمنى ان تجد بنت ليست بها ؟ و شو اسوء موقف صار معك مع بنت بتعرفها او لا بغض النظر ؟
مش عارف احدد واسوء موقف صاحب الي رن علي حكالي انو بنت المانيه بتسب عليه بدو ياني اقطعاها على التلفون وانا ما خليت عليها وصارت تبكي فكان بدو مني احكي معها الماني مش ادمرها

= ما هي اكثر سيارة تتمن الحصول عليها ؟
ما بدي سياره بدي دراجه ناريه

= شو السبب انك ما درست بالنمسا او بامريكا ع الرغم انهم احسن من هون ؟
اسباب كتيره منها لازم تكون دراستي باللغه العربية

= شو رايك بالاعضاء التاليين
1. صفاء = اخ من صفاء وعمايلها واخر عمله الها هيني عم بحصد نتائجها ههههههههههههه
2. عماد = توائم هههههههههههههههههه شخص رائع جداً
3 عيسى = شخص متفائل دائماً مبتسم حتى في اصعب اللحظات
4 محمد الحوامدة = بدن مجاملة امانة (انسان صاحب فكر وراح يكون شخص مهم يوم ما )
5 حسام = انسان رائع جداً وصاحب نظرة قيادية
6 الاء = طيوبه كتير
7 حمزة طربية = احد الاشخاص الي عرفتهم بالكليه وكان شب رائع معي
8 احمد ابوزنط = متفاني في ابداعو
9 لينا الصبيحي = صراحة لا اعلم عنها شيء
10 اسراء مقابلة = لا اعلم عنها شيء
11 انت سدقت باخر ثنين ههههه
تحشيش
==============================
الله يعينك ، و بالمناسبة الله يعينك على اسئلة صفاء
رح تستغرب قديش رح تسالك و من وين بتخترع اسئلة هههههه
تحياتي صفاء

[Emad Al-quraan]

انا مسرور ^____^




صهيب راجعلك بكمشة اسئلة
توأمي اللدود ؛)

[Emad Al-quraan]

صهيب والله معزتك عندي زاااااادت للسما
المهم
شو هو السلوك اللي نفسك يختفي من السلوكيات
شو في افضل
5 افام بتحبها
5 اغاني بتحبها
5 مغنيين عرب بتحبهم
5 مغنيي انجليز بتحبهم
5 مغنيين نمساويين بتحبهم

ممثلك المفضل
ليش بتحب الدراجات
عندك مكان بتروح عليه بس تتدايق
وشو بتعمل بس تتدايق

تعريفك للزواج و السعادة و الابناء و الزوجة و الاصدقاء و الاعداء
ممم مين اكتر 5 بتحبهم وبتعزهم وبتشوفهم بالكلية
شو بالنسبة اللك احساس الابوة؟؟
شو اسم اخوك المسافر (اكيد حكيتلي وانا نسيت معلش)
كتابك المفضل وليش؟؟
وين دايماً بتقعد بالكلية؟؟؟
احلى مكان في عمان شو هو؟؟؟؟؟؟؟
رااااجعلك
والله انك كبرت بنظري كتيييير صهيب والله
صحيح وبصراحة انت برأييك احنا توأم ههههه ولا تنسى 13/9----13/11

[Mohammed Hawamedh]

مش عارف احدد واسوء موقف صاحب الي رن علي حكالي انو بنت المانيه بتسب عليه بدو ياني اقطعاها على التلفون وانا ما خليت عليها وصارت تبكي فكان بدو مني احكي معها الماني مش ادمرها فعلا موقف محرج جدا .....
==================
شكرا كتير لصراحتك .......
===========
= ما هو اكتر ما يثير غضبك ؟
= هل تعتبر نفسك من الاشخاص الذين يثارون بسهولة او بسرعه ؟
= كيف بتشوف احلى طريقة للتعبير عن الفرح \ الغضب ؟
= انت جاوبت انه مواصفات البنت انك تحبها و لكن مشان تحبها لازم تكون عاجبتك ابتداءا لذلك شو اللي بيعجبك بالبنت ؟
= صراحة بدنا اياك اكتر صراحة لاتخبي اشي ابن عمي دنيا فانية ههههه
تقلنا عليك بس هاد كرسي الاعتراف بدك تستحمل كتير منا قعد عليه هههههههه

[Essa Amawi]

صهيب هون هع هع هع

والله ويا بني قعدوك على الكرسي وما حد سمى عليك

ابتسم ^__^

==========

1- هذه عباره مقتبسه من اجاباتك :

مين الشخص يلي بتعتبره بير لاسرارك ؟؟
بعمري ما حكيت شي بعتبره سر لحدا (كتوم جداً)

هذا امر انا معه تماما .. هل يمكن ان تشرح للجميع لماذا ؟


2- قلت ان صهيب مكتف ٍ ماليا بما يمكنه حتى من التخلي عن مساعده والده ، هذا شيء رائع حقا .. كيف حققت ذلك ؟ ^_^


3- كما شاهدت فلصهيب تجارب عاطفيه .. هل كل هذه التجارب عربيه ؟ الحاليه على الاقل ؟ وما اسباب انتهاء البقيه ؟

4- بشيء من المزاح .. لو حصلت حرب بين النمسا والاردن وطلب منك البلدان الالتحاق بالخدمه العسكريه (على افتراض انك تحمل الجنسيه النمساويه) باي الجيشين ستلتحق ؟ (يجب ان تقرر)
<< لا سمح الله طبعا :)


5- ما هو سبب قرارك في السؤال السابق ؟

[rodyna khliafat]

يا عيني عيسى كمان دخل ع الخط الله يعينك يا صهيب
ههههههههههههه
ع فكرة حمدلله ع السلامة يا صهيب
امبارح كان تعبان وروح وما كمل محاضراته

[صفاء الايمان]

ييييييييييي سلامته سلامته
ما تشوف شر
مممممممممم اجوبتك انداري يما يما
حج محمد ممممممم ببطل اسال هسا
لا تخافش بكرة علي امتحان لافضى لابحبشلك واجيبلك تخافش بقصرش ولو الواجب واجب
طيب انتشرو كملو
والله كفو وووفو الشباب الطيبة
منورين
صهيب شو استخدامك للنت
ومن متى بتستخدمه
كم عشت هناك بالنمسا
وطفولتك وين كانت ؟
ايش ابعد موقف ذاكره ؟ من طفولتك او اي عمر فاكره ولسا ببالك
دخلت مدارس خاصة ولا حكومة
كيف تعاملك مع اخواتك ؟ وكم اعمار عيلتك ؟ الافراد
مين اقرب اشي منهم اي اخ فيهم ؟
صهيب شو اكتر ورد بحبه
وشو لونك المفضل
وشو لبستك المفضلة ؟
صهيب ما بحب اللبس الرسمي بس بيلي حكاه لبس دشداش شو نظرتك للي ببلسو هيك
كم التزامك الديني ؟
كنوع من التغيير صهيب حيغير بشكله باللوك شو حتغير ؟
شو رايك بسن المراهقة وشو اثره عليك وكيف مرت هالمرحلة
صهيب زي ما انتبهت زي محمد حوامدة ما بهتم للاخطاء المطبعية او الاملائية يا ترى هالشي انتبهت عليه ؟
كملاحظتي برضو انك بتكتب يلي بتحكيه وبتنطقه حرفيا يا ترى بتكتب يلي بتفكر فيه كمان ؟
صهيب الي رجعة لالك بس كمل هدول الله يعينك ع قولة حوامدة

[صفاء الايمان]

1. صفاء = اخ من صفاء وعمايلها واخر عمله الها هيني عم بحصد نتائجها ههههههههههههه
:(103): هاد يلي طلع معك
امشي احكي رايك كله
والله ولاد اخر زمن
طيب وشو رايك بس احكيلك يما ؟
وشو رايك جد جد بصفاء
وشو رايك بكتاباتي ^_^ بستناك يما تطولش

[suhaib dalaqmeh]

فعلا موقف محرج جدا .....
==================
شكرا كتير لصراحتك .......
===========
= ما هو اكتر ما يثير غضبك ؟
جاوبت من قبل الخيانة والكذب

= هل تعتبر نفسك من الاشخاص الذين يثارون بسهولة او بسرعه ؟
لا انا امتلك اعصاب بارده جداً لدرجت دائماً بحكولي انت اعصابك بثلاجه بس اذا عصبت توقع شيء
ولا كل شياطين العالم بتفكر فيه ههههههههه

= كيف بتشوف احلى طريقة للتعبير عن الفرح \ الغضب ؟
عن الفرح اسعاد الي حولي
الغضب الانعزال

= انت جاوبت انه مواصفات البنت انك تحبها و لكن مشان تحبها لازم تكون عاجبتك ابتداءا لذلك شو اللي بيعجبك بالبنت ؟
اكيد شخصيتها

= صراحة بدنا اياك اكتر صراحة لاتخبي اشي ابن عمي دنيا فانية ههههه
تقلنا عليك بس هاد كرسي الاعتراف بدك تستحمل كتير منا قعد عليه هههههههه
ولا يهمك اسئل الي بدك اياه

[suhaib dalaqmeh]

صهيب هون هع هع هع

والله ويا بني قعدوك على الكرسي وما حد سمى عليك

ابتسم ^__^

==========

1- هذه عباره مقتبسه من اجاباتك :


هذا امر انا معه تماما .. هل يمكن ان تشرح للجميع لماذا ؟
بسبب انه انا بحب اكون حر طيار ما في حدا بلكون بقدر يسيطر علي والاسرار مثل حبل المشنقه الي بتحط رقبتك فيه وبتسلم الطرف الاخر لشخص متى ما بدو بعدمك والرجال صناديق مسكره ههههه

2- قلت ان صهيب مكتف ٍ ماليا بما يمكنه حتى من التخلي عن مساعده والده ، هذا شيء رائع حقا .. كيف حققت ذلك ؟ ^_^
قبل ما اداوم رحت فترت العطله على شيكاغو بس مش سياحة شغل جمعت مبلغ وروحت مشان ادرس
وبشتغل بلعطل وبكتفي ذاتياً

3- كما شاهدت فلصهيب تجارب عاطفيه .. هل كل هذه التجارب عربيه ؟ الحاليه على الاقل ؟ وما اسباب انتهاء البقيه ؟
لصهيب تجربتين بلحب فقط لا غير نعم هذه التجارب عربيه سبب انتهاء الاولى هاد السؤال بالذت هو
احد اهم اسراري وقد ما اكون صريح ما راح اجاوبه اعذرني


4- بشيء من المزاح .. لو حصلت حرب بين النمسا والاردن وطلب منك البلدان الالتحاق بالخدمه العسكريه (على افتراض انك تحمل الجنسيه النمساويه) باي الجيشين ستلتحق ؟ (يجب ان تقرر)
<< لا سمح الله طبعا :)
شوف اولاً ليش الافتراض انا بالفعل احمل الجنسية النمساوية وطبعاً راح التحق بالجيش الاردني
النمسا قد ما قدمت الي ما بتوصل قد خمس الي قدمه الاردن الي وقد ما انا منتي للنمسا ما بتوصل
لدرجة خيانة قائد الوطن جلالة سيدنا الملك عبدالله بن الحسين المعظم لانو مثل ما ذكرت هو الاب لكل الاردنين
5- ما هو سبب قرارك في السؤال السابق ؟
مجاوب بالسؤال السابق

[suhaib dalaqmeh]

يا عيني عيسى كمان دخل ع الخط الله يعينك يا صهيب
ههههههههههههه
ع فكرة حمدلله ع السلامة يا صهيب
امبارح كان تعبان وروح وما كمل محاضراته

الله يسلمك يا رب

[suhaib dalaqmeh]

[QUOTE=Emad Al-quraan;70050]صهيب والله معزتك عندي زاااااادت للسما
الله يعزك يا رب
المهم
شو هو السلوك اللي نفسك يختفي من السلوكيات ؟؟؟؟
الحب الزايد لانو انا اذا حبيت بحب زياده

شو في افضل
5 افام بتحبها
5 اغاني بتحبها
5 مغنيين عرب بتحبهم
5 مغنيي انجليز بتحبهم
5 مغنيين نمساويين بتحبهم
كتار يا عماد وصعب احدد خمسة بس برجع لهاد السؤال وعد

ممثلك المفضل؟؟؟
Martin Lawrence

ليش بتحب الدراجات.؟؟؟
بحس فيها اثاره وانا كتير حبيتها لما كنت في النمسا كان خالي يسمحلي اجرب دراجتو بتجنن وكتير سريعة

عندك مكان بتروح عليه بس تتدايق؟؟؟
اي مكان منعزل تماماً واغلب الاحيان بروح على المقبره وفعلاً مره نمت عند قبر جدي باليل

وشو بتعمل بس تتدايق؟؟؟
جاوبت عليه قبل بس اكيد بكسر الدنيا وبعمل شي ما حدا بفكر فيه

تعريفك للزواج و السعادة و الابناء و الزوجة و الاصدقاء و الاعداء؟؟؟؟
الزواج = استقرار :(89):
السعاده = راحه بال :(166):
الابناء = مسؤوليه :(163):
الزوجه = روحي :(284):
الاصدقاء = سندي وانا كمان بسندهم :(215):
الاعداء = وسيلة لتبذل جهد اكبر لتصبح الافضل

ممم مين اكتر 5 بتحبهم وبتعزهم وبتشوفهم بالكلية ؟؟؟
اخ يا عماد ليش خمسة دائماً خمسه
بس لا تخاف انت اكيد على راس القائمه

شو بالنسبة اللك احساس الابوة؟؟؟؟؟
مش عارف ما جربتو بس اكيد فيه مسؤوليه وغلبه بس مثل المزارع شو ما بزرع بحصد

شو اسم اخوك المسافر (اكيد حكيتلي وانا نسيت معلش) ؟؟؟
سفيان

كتابك المفضل وليش؟؟
ما في كتاب معين انا عندي مكتبه كامله كلها كتب بحدود 500 كتاب بس في رواية حب كتير عجبتني بجبلك اسمها او الكتاب

وين دايماً بتقعد بالكلية؟؟؟
بكل مكان على الدرج او في القاعات او خلف الكليه او بالحديقه او عند مصف السيارات لما ادرس

احلى مكان في عمان شو هو؟؟؟؟؟؟؟
انا ما بعرف كتير بعمان لحتى اجاوب هاد السؤال

رااااجعلك
والله انك كبرت بنظري كتيييير صهيب والله
صحيح وبصراحة انت برأييك احنا توأم ههههه ولا تنسى

13/9----13/11[
والله انت اكبر يا سيدي وزي ما بحكي دائماً الي ما بعرف راح عليه اكتير /QUOTE]

[suhaib dalaqmeh]

ييييييييييي سلامته سلامته
ما تشوف شر
الله يسلمك وان شاء الله دوام الصحة على الجميع

مممممممممم اجوبتك انداري يما يما
حج محمد ممممممم ببطل اسال هسا
لا تخافش بكرة علي امتحان لافضى لابحبشلك واجيبلك تخافش بقصرش ولو الواجب واجب
طيب انتشرو كملو
والله كفو وووفو الشباب الطيبة
منورين
صهيب شو استخدامك للنت ؟؟
انا الي اصدقاء كتير برى البلد فبقضيها معهم غير اخوي واهلي من جهت امي

ومن متى بتستخدمه ؟؟؟
زمان مش ذاكر بازبط بس من زمان كتير

كم عشت هناك بالنمسا ؟؟؟
نفس السؤال مكرر حكيت انا عشت بداية عمري هناك خمس سنين وصرت اروح واجي كل سنة

وطفولتك وين كانت ؟؟؟
هون وهناك بس حتى هون كن اقضيها مع اصدقائي الامركان لان ابوي بشتغل بالمستشفى الامريكي -مصح النور للامراض الصدرية - وكله اجانب

ايش ابعد موقف ذاكره ؟ من طفولتك او اي عمر فاكره ولسا ببالك ؟؟؟
ابعد موقف ذاكره بالنمسا لما كان اخوي يطلع على الشجره بيت جدي ويلقط كرز على اساس انا بجمع وكنت اكلهم اول باول بس متى بالضبط مش ذاكر

دخلت مدارس خاصة ولا حكومة ؟؟
لا مدارس حكومه طبعاً

كيف تعاملك مع اخواتك ؟ وكم اعمار عيلتك ؟ الافراد
هادي دائماً رايق اذا عصبت من واحد بضرب الحيط يعني انا معصب ولهون وحدها
اعمار عيلتي اخواني اخوي 6 اخوي الكبير 20 وبعدين بننزل سنتين بين كل واحد وترتيبنا وولدين بنتين ولدين (تنظيم اسره ليش الحكي ههههههههههه)

مين اقرب اشي منهم اي اخ فيهم ؟
طبعاً اخوي الكبير بس بحب اخوي الصغير لانو مشاكس بذكرني بطفولتي

صهيب شو اكتر ورد بحبه ؟؟؟
الجوري

وشو لونك المفضل ؟؟؟
الازرق الفاتح يعني لو واحد حاط نقطه على اصبعو بتلفت نظري

وشو لبستك المفضلة ؟
بحب البس لون اسود

صهيب ما بحب اللبس الرسمي بس بيلي حكاه لبس دشداش شو نظرتك للي ببلسو هيك ؟؟؟
نظرة احترام لانو تقيدو بسنة الرسول الكريم سيدنا محمد صلى الله عليه وسلم وكنت البس دشداش لانو كان
يوم جمعة يعني صلاه فحتجت اشي من وسط البلد في شكاغو فضطريت اروح بالدشداش ومره رحت انا واخوي واصحابو بالدشداش على وسط البلد صياعة يعني

كم التزامك الديني ؟؟؟
التزامي بصراحة مقصر صلاتي الفجر والعشاء بالمسجد الظهر والعصر والمغرب بالبيت ومرات بالجامعه

كنوع من التغيير صهيب حيغير بشكله باللوك شو حتغير ؟؟؟
اذا بدي اكون احلى يعني بس بلبس فواتح لذلك ما بلبسهم

شو رايك بسن المراهقة وشو اثره عليك وكيف مرت هالمرحلة ؟؟؟
والله صعبه وصلت اني تركت اهلي فيها على اثر مشكله مع ابوي بس انتهت على خير

صهيب زي ما انتبهت زي محمد حوامدة ما بهتم للاخطاء المطبعية او الاملائية يا ترى هالشي انتبهت عليه ؟؟؟؟
الاخطأ المطبعيه وغيرها امر ثانوي بالنسبة الي

كملاحظتي برضو انك بتكتب يلي بتحكيه وبتنطقه حرفيا يا ترى بتكتب يلي بتفكر فيه كمان ؟؟؟؟
شوفي علي انا بكتب الحقيقة واذا في سؤال ما بدي اجابه بحكي ما بدي اجاوب عادي عندي بس

صهيب الي رجعة لالك بس كمل هدول الله يعينك ع قولة حوامدة

[suhaib dalaqmeh]

:(103): هاد يلي طلع معك
امشي احكي رايك كله
والله ولاد اخر زمن
طيب وشو رايك بس احكيلك يما ؟
وشو رايك جد جد بصفاء
وشو رايك بكتاباتي ^_^ بستناك يما تطولش

كيف ممكن اوصف صفاء طيب بحاول
صفاء انا ما بعرفك شخصياً بس عرفتك من خلال كتاباتك
لما تحكيلي يما بستغرف لانو مش اكبر مني كتير وكمان مش فاهم شو المقصد منها :(8): ههههههههه
صفاء جد شعلة من الحماس وكتاباتها الشعر رائع ومواضيعها اغلبها جديد ورائع وبحس انو عندها نوع من الالتزام الديني والخلقي وهاد شيء رائع

[suhaib dalaqmeh]

شو بتسوي هون

من متى حاطينك هون

بعترف والمحقيقين حولي

حاطيني هون من امبارح

[rodyna khliafat]

ول عليكوا شوي شوي ع الشب طبعا انا اسألتي بتكون وجها لوجه حتى اشوف ردة الفعل هههههههههه
شايفين ما احسني

[suhaib dalaqmeh]

يسلمو يا ردينا على الدعم

[Essa Amawi]

1- اختر عدد من 1 - 100 ؟ لم اخترته ؟


2- احلى ايام الاسبوع عندك ؟ ليش ؟

3- تاريخ لن ينساه صهيب ؟

4- عمل يتقنه صهيب افضل من غيره ؟

5- عمل يكرهه صهيب ؟

[ALA'A ALHADIDI]

يا حرااااااااااااااام يا صهيب , شو هالوقعة الي وقعتها !!!!
قال بحكوا عني اني بحقق !!!
انا ازا خطر ببالي سؤال صغير رح اسألك بس ما شاء الله عنهم ما بتركوا ولا سؤال اسألك ياه

[suhaib dalaqmeh]

1- اختر عدد من 1 - 100 ؟ لم اخترته ؟
13 طبعاً لانو بتفائل فيه كتير


2- احلى ايام الاسبوع عندك ؟ ليش ؟
الاحد \ اغلب الاشياء الحلوه بعملها فيه

3- تاريخ لن ينساه صهيب ؟
هو تاريخين
16\5 \ 2006
20\3\2010

4- عمل يتقنه صهيب افضل من غيره ؟
ما في عمل معين لانو ماظل شي الا جربت الشغل فيه فماخذ من كل عمل جزء

5- عمل يكرهه صهيب ؟
بصراحة بكره الفراغ يعني بكره الراحة الطويلة

[suhaib dalaqmeh]

يا حرااااااااااااااام يا صهيب , شو هالوقعة الي وقعتها !!!!
قال بحكوا عني اني بحقق !!!
انا ازا خطر ببالي سؤال صغير رح اسألك بس ما شاء الله عنهم ما بتركوا ولا سؤال اسألك ياه

اهلين ولا يهمك بتلاقي سؤال هههههههههههههههههه

[Emad Al-quraan]

صهيب لخصلنا حياتك بجملة
ووينك انت دورت عليك اليوم ومش ملاقيييييك ؟؟؟!!!

[suhaib dalaqmeh]

صهيب لخصلنا حياتك بجملة
ووينك انت دورت عليك اليوم ومش ملاقيييييك ؟؟؟!!!

حياتي بجمله
تعلمت وما زلت اتعلم وسابقى اتعلم

انا كنت بلمحاضرات يا اخي انت بس رنلي وانا بجيك مش بينا

[Emad Al-quraan]

لقد عدت
بدي اسألك عن رأيك ب
الافلام العربية
نشرة الاخبار
القهوة
فيروز الصبح
قعدة في مكان مطل او على بلكونة
الشتاء
البرد

شو بتعنيلك الساعة؟؟؟ انت بتلبس ساعة ؟؟
شو رأيك ب
احمد حلمي
محمد صبحي
will smith
George cloony

بتحب تحضر برامج وثائقية
شو بيعنيلك حب انسانة انت ما بتحبها
وشو بيعنيلك حبك لإنسانة هي ما بحبك
هل انت خجول ؟؟؟ هل عانيت من هذا في الماضي ؟؟؟؟
بيكفي هدول لهلأ رااااجعلك ^_____^
ع قولة ساندرا استمررررررواااااااااااااااااااا

[Essa Amawi]

صهيب ما شاء الله عنك شب وواعي ومثقف ومثال رائع لجيل جديد ينبض بكل خير ..

1- على سيره الجيل ، شو رأيك بالجيل الحالي ؟ هل تمانع لو قلت لك انني اراه جيلا مميزا ؟

2- جربت العيش في عده بلدان .. بم يمتاز الشاب العربي عن غيره ؟ وبما يمتاز الشاب الغربي عنا ؟

3- يضع البعض عقبات امام الجيل بانه جيل لا يقرأ .. هل هو كذلك واقعيا ؟

4- لو قدر لك ان تكون وزيرا للشباب وطلب منك تقديم 5 مقترحات للنهوض بالجيل الحالي فما هي مقترحاتك ؟

[Emad Al-quraan]

حياتي بجمله
تعلمت وما زلت اتعلم وسابقى اتعلم

انا كنت بلمحاضرات يا اخي انت بس رنلي وانا بجيك مش بينا

مسسسسسسسسسسسسسسسسسستحيل
انا اخليك تضيع محاضرة !!!!!!!!!

[suhaib dalaqmeh]

لقد عدت
بدي اسألك عن رأيك ب
الافلام العربية = افلام مصريه تحشيش
نشرة الاخبار = وجع راس ههههههههههههه
القهوة = الله على القهوة وخاصه الصبح بحب اتفنن بشربها
فيروز الصبح = ضروره اكيده بحب صوتها على الصبح
قعدة في مكان مطل او على بلكونة = تصفيت الدماغ من الهموم
الشتاء = شي رائع انا اصلاً بحب بس اتفرج عليه واتأمل
البرد = بذكرني بانو لازم ادفي حالي وانام هههههههههههههه

شو بتعنيلك الساعة؟؟؟ انت بتلبس ساعة ؟؟
الوقت عندي كتير مهم جد وبلبس ساعه بس مش غاليه بحب الساعة تكون عمليه اكتر

شو رأيك ب
احمد حلمي = رائع عندو نوع من الاحساس بالتمثيل كتير حلو
محمد صبحي = مين هاااااااااااااااد
will smith = بجنن وبحبه كثيرررررررررررر
George cloony = جيد بس مش من النوع الي انا بحبو

بتحب تحضر برامج وثائقية؟؟
لا بحب اقرأ

شو بيعنيلك حب انسانة انت ما بتحبها ؟؟؟
بقدرها كتير بس بحاول اقنعها من دون ما اجرحها بلانسحاب وبظل صديق لا واكثير الها كمان

وشو بيعنيلك حبك لإنسانة هي ما بحبك ؟؟؟
المشكله هوووووووووون انا اذا حبيت سلامتك ولا يمكن اكره لو ذبحتني

هل انت خجول ؟؟؟ هل عانيت من هذا في الماضي ؟؟؟؟
خجول ها متأكد انت اني خجول

بيكفي هدول لهلأ رااااجعلك ^_____^
ع قولة ساندرا استمررررررواااااااااااااااااااا

[suhaib dalaqmeh]

[QUOTE=Essa Amawi;70502]صهيب ما شاء الله عنك شب وواعي ومثقف ومثال رائع لجيل جديد ينبض بكل خير ..
تسلم يا رب وانت احسن والله

1- على سيره الجيل ، شو رأيك بالجيل الحالي ؟ هل تمانع لو قلت لك انني اراه جيلا مميزا ؟
لا ما بمانع والي بنشوفو من العاهات ما هي الا شواذ على القاعده العامه (الجيل مميز)

2- جربت العيش في عده بلدان .. بم يمتاز الشاب العربي عن غيره ؟ وبما يمتاز الشاب الغربي عنا ؟
الشب العربي بالمسايسه وتعلقه باصدقائه و زملائه
الشب الغربي يهتم بمصلحته اولاً واخيراً ويتميز بتخطيط سليم للمستقبل

3- يضع البعض عقبات امام الجيل بانه جيل لا يقرأ .. هل هو كذلك واقعيا ؟
صراحةً نعم في البعض بقرأ ولكن ليس الاغلبيه وهون المشكله والمشكله الاكبر القرائه من دون معنى
يعني على مستوى قصة حب بقرأها اثنين شخص عربي وشخص اجنبي اسأل العربي كيف بحكي حلوه كثير بتجنن احكيلو شو عجبك فيها الاجابه كلها حلوه يعني بتجنن وبس
جرب اسأل شخص اجنبي بقلك رائعه بتجنن احكيلو شو اكثر شي عجبك بحكيلك اجمل الجمل والعبارات الموجوده .


4- لو قدر لك ان تكون وزيرا للشباب وطلب منك تقديم 5 مقترحات للنهوض بالجيل الحالي فما هي مقترحاتك ؟
1- محاولت ادخال مواد الزاميه تعرف الطلاب بالقانون مشان يعرفو حقوقهم وواجباتهم
2- تحقيق التوعية الحقيقيه للشباب مشان يكونو قادة في المستقبل
3- تنظيم مباريات كرت القدم واكون انا هداف الفريق ليش لا وزير بحب كرت القدم
4- اصدار الاوامر لبناء مراكز لتعليم مهن مختلف وتوفير فرص العمل لهم
5- بدعيلهم لانو جد الله يعينهم هههههههههههههه

[صفاء الايمان]

رائع رائع
انا اليوم فضيت زي العنجد
الحمد لله
شو رايك بالامتحانات ؟
شو اردى واقل علامة اخدتها
شو منشد او مغني او ممثل بتحبه
شو انشودة او اغنية بتحبها ؟
بتحب العلكة ؟
شو اكلتك المفضلة
بتحب الاكل الاجنبي ولا العربي
بتحب اكل المطاعم ولا البيت
كصهيب مستقبلا نظرته بارتباطه بعربية ولا اجنبية ؟
صهيب بعرف يطبخ ؟
وشو الاشيا يلي بعرف يطبخها
بتحب رحل صحابك ولا رحل عيلتك ؟
كم الفرق بالعمر بينك وبين ابوك ؟
مين اقربلك امك ولا ابوك
كلغة تخاطب بتتعامل بالاشارات ولا فقط بتكتفي بالحكي
صهيب بس يلتقي بشخص شو اهم شي بالنسبة لاله
ممكن صهيب يحكم ع واحد من مظهره ؟
صهيب خبرنا عن ايام التوجيهي وكيف قضيتها ؟
صهيب يما

كيف ممكن اوصف صفاء طيب بحاول
صفاء انا ما بعرفك شخصياً بس عرفتك من خلال كتاباتك
لما تحكيلي يما بستغرف لانو مش اكبر مني كتير وكمان مش فاهم شو المقصد منها ههههههههه
صفاء جد شعلة من الحماس وكتاباتها الشعر رائع ومواضيعها اغلبها جديد ورائع وبحس انو عندها نوع من الالتزام الديني والخلقي وهاد شيء رائع
ممممممممممممم يمكن بالنسبة لالي اني احكي لحد يما كنوع من التقارب لانكم زي ولادي ههههههههههههه
مممممم اما كقصد فانتم فعلا عيلتي والحمد لله ^_________^
ونوع من المزاح احيانا
شكرا لالك ^_________^ على الصيف ان شااءالله بشوفكم كلكم ^____^ هانت قولو يارب
الي رجعة ^_^ ان شاءالله لاشوف اجوبتك

[Essa Amawi]

صهيب صار عليك كوام اسئله شكله


1- يوم الجمعه شو بتعمل فيه ؟ شو شعورك فيه ؟

2- كيف علاقتك بالكومبيوتر ؟ لاي حد تجيده ؟

3- انت الآن رئيس وزراء تريد تشكيل حكومتك ، فمن تضع لكل من الوزارات التاليه (اختر شخص من الاعضاء ومقابل له من غير الاعضاء او معارفك )

مثال : وزاره الزراعه : من الاعضاء سجا ومن غير الاعضاء صالح وهكذا


الوزرارات هي :

- الشباب :

- التربيه والتعليم :

- التعليم العالي :

- الماليه :

- الداخليه :

- العدل :

- الصناعه والتجاره :

- السياحه :

[ALA'A ALHADIDI]

طيب شو رأيك بالاعضاء
المدعي العام
هدى
هبة ابو طوق
ساندرا
سجا المومني
نانسي العتوم

[Emad Al-quraan]

صهيب انت قلت قبل هيك انك نفسك تخطب خطبة جمعة ليش وشو المواضيع اللي ممكن تحكي عنها بخطبة الجمعة؟؟
شو بتعنيلك الصور
ممم صحيح وكام كانت اطول مدة نوم الك؟؟
اي عمر ناوي تفرحنا فيك وتستقر وتتجوز وليش؟؟
بعرف انك بتحب الدراجات بس هاتلك سيارة بحبها
وجاوب ع اسئلة ال 5 اللي ورا

[سجا المومني]

عدناااااااااااااا
1.صهيب انت شخص بيتوتي ولا لا؟
2.اكتر مكان بتحب تروحلوو؟
3.زيارات الاقارب من الزيارات المحببة الك ولا بس واجب
4.شو بتعمل بوقت فراغك؟
5.شو رأيك ببرنامج ستار اكاديمي
6.بتحي تربي حيوانات؟
7.شو اكتر اكلة بتعرف تعملهاا
8.بتحب من الاكل الطبايخ ولا السناك ؟
9.انتي بتفضل الجمال العربي ولا الغربي؟
خلص بكفووووووووووووو

[MoHammeD HmouD]

الله يعينك ع هيك وقعه

والله الشباب و الصبايا ما قصرو معك
وبصراحه هلا صرت حبب اعرفك شخصي بعد الاشياء اللي قرأتها عنك فعلا انك انسان رائع