-
رد: عيادة المنتدى النفسية
اقتباس:
المشاركة الأصلية كتبت بواسطة tommywarsong
انا عندي مشاكل خير الله ..
مزبوط بسولف و بمزح و بضحك .. لكن من جوا الواحد منتهي ..
ما في شي منيح بهالدنيا .. الحمد لله ..
خلص بيكفي 27 سنة .. و الله و كتير كمان على شكلي ..
قاعد بدخن 3 باكيتات كل يوم ... و بتحمم و بقعد تحت المروحة .. و مو راضي أموت و لا حتى امرض ..
بيعين الله ..
الحمد لله على كل شي .. عيشة بتخزي .. 27 سنة قال .. شو عملنا فيهم هدول غير اكل الهوا ... والله ما أنا عارف لشو الواحد بعده عايش .. حتى الواحد شكله يا الله مو حلو .. الحمد لله .. الحمد لله على كل شي .. المشكلة مو طالع بايدنا نغير كل شي .. تحملت 27 سنة .. لكن خلص .. بطلت أقدر .. و هيني رايح اتحمم و أفتح المروحة .. بلكي صابتني سكتة و خلصت .. تا أشوف عاد مين بده يحزن علي .. والله غير الكل يكيف ..
يي علينا
اسامة ليه هيك!!!!
اتفائل ما تضل هيك , وبعدين احكي شو الي مو عاجبك بحالك ؟؟ شو الي مو عاجبك بشكلك ؟؟
مش اتفقنا من قبل لما سألتك بس تشوف واحد بشع بشع مش بتصير تحكي الحمد لله !!؟
وبعدين احمد الله , منيح انه الواحد ما فيه اعاقة
صح ولا غلط ؟؟ يعني الله منعم علينا كتير ولو نضل نحمده لبكرة عالفاضي
الله معطينا نعمة العقل والصحة وشو بدنا احسن من هيك
وبعدين هاد الي بتحكيه بدل انه عندك انخفاض تقدير الذات _سوري_
وهيك غلط وغلط كتير , المفروض تثق بحالك وترضى عن حالك وتتصالح مع حالك
وبالنسبة ما حدا بحبك برجع بقولك غلط غلط لانه الكل هون بحبوك ما تضل تحكي ما حدا رح يحزن علي
والي ما بحبك بالناقص منه
واخر شي شو الي عامله بحياتك ؟؟ انت عامل وكتير
بكفي انك محامي يعني مخلص جامعة واحسن من غيرك
اتطلع على غيرك وعالناس الاسوء منك وانا متأكدة انك رح تغير نظرتك
اهم اشي ابتسم للحياة بتبتسملك
-
رد: عيادة المنتدى النفسية
اه صحيح عيسى بالنسبة للي قولته اخر اشي
الضحك عادي بس قصة انك من جواتك زعلان بس انت مو زعلان او مو عارف شو الي مزعلك
هاد بكون عبارة عن اشياء سيئة بتصير معك بالحياة بس انت بتطنشها وما بتعطيها اهمية
بتكون اشياء صغيرة وتافهه وعشان هيك انت بتهملها , وبعدين بتتراكم وبصير معك متل هلأ زعلان ومو عارف السبب
الحل لازم ترجع تقعد مع حالك تحاول تتذكر هاي الاشياء الصغيرة عشان تبطل زعلان
=====
ما في الا هاد التحليل وبس
احنا بعلم النفس بنستخدم طرق لحتى نخلي الانسان يتذكر الاشياء الي ناسيها
متل التنويم المغناطيسي وغيره
-
رد: عيادة المنتدى النفسية
اقتباس:
ممممممم الشخصية القهرية عبارة عن اضطراب من اضطرابات الشخصية
بتتميز بالدقة والنظام لحد مفرط وقاسي , وبتمسكوا بالمعايير الاخلاقية والاجتماعية ...وكله بسببلهم القلق.
باختصار الي قولته عن حالك
حاولت الاقي عالنت عنها بس الحكي الي عالنت غلط لانهم كتير بخلطوا بينها وبين الوسواس القهري لانهم اغلب الاوقات بجتمعوا بنفس الشخص
مم اخر سؤال عشان اتاكد من هالشغلة : مثلا بس تكون ماشي عالرصيف ممكن انك تلتزم تمشي عالمربعات الموجودة بس يعني بتمنع حالك تدعس عالحد؟؟
مم من حكيك مبين انه القصة عم تعملك مشاكل يعني لازم تنحل
اهم اشي العلاج ,بعد ما تجاوب اخر سؤال ان شاء الله بقولك شو تعمل
طبعا رح انكش على اساليب
لاني بقدر اعطي تشخيص اما العلاج بدي شغل لسا
^_^
اسمعي أنا ظروف شغلي بتطلب يكون النظام كتير دقيق لأنه قانوني والغلطة في قاتلة وفيها مصايب بتنزل على روس العالم والناس..
وهذا الشي إلي بخلي واحد دائم القلق من الغلط وأحسن وسيلة جتى نتفادى هيك مطبات بتكون من خلال النظام الموضوع لضمان حسن سير العمل ..
بس لو تيجي على البيت مثلا .. ما بتلاقيني معقدها كتير ,, بس نوعا ما بحب النظام لكن بأريحية .. حتى اني بميل للبساطة والبعد عن العجقة .. وفي الرحلات بحب التنسيق وبحب كل شي يكون واضح قدامي وما بحب المفاجأت وكلمة أمور عرضية ...
وهلا بالنسبة لقساوة النظام .. للأسف هو قاسي علي لأني أنا المطالب بمتابعته بس هو بالنهاية ناجح ومريح بأداء الشغل والوصول للمعلومة .. ممكن تحكي عنو قاعدة بيانات عملاقة لشغل بضم مئات الجزئيات والقضايا..
من ناحية تانية بالنسبة للمشي على المربعات .. بصراحة بعملها من قبيل التسلاية وما بحس إنها فرض علي أو إني ملزم بعملها هذا طبعا إذا عملتها لأني ما بعملها كتير وأغلب الاحيان بعملها لما أكون ماشي لحالي وفي المنطقة القريبة من البيت متل الروحة على الدكانة .. بس جوا البيت أو بأماكن تانية ما بيجي على بالي أعمل هيك ..
وشوفي حتى اكون دقيق لما أنط على المربعات لو إني غلطت أو تجاوزت الحد ما بشكلي هاجس وبنسى الموضوع مباشرة وبكمل طريقي وبنسا موضوع المربعات من أساسه ..
-
رد: عيادة المنتدى النفسية
-
رد: عيادة المنتدى النفسية
إذا بتلتزم بكورس العلاج اللي رح تصرفلك ياه الدكتورة وبترد على ماما وبابا وبتنام بكير ،،،، بكون في أمل
طيب وأنا بدي أمرض نفسيا شو ممكن أعمل ؟؟؟
-
رد: عيادة المنتدى النفسية
تعال اشتغل معي .. بعطيك ضمان تمرض خلال 24 ساعة -__-
أنا بعرف شو بدي .. لازم أعطل عطلة طويلة واسافر سفرة محرزة لأنه أنا بصير جلدي يحكني من دون سفر
-
رد: عيادة المنتدى النفسية
في امل بتعيش ان شاء الله هع هع
يعني باختصار انت ما عندك وسواس قهري بس شخصيتك قهرية
مم مو عارفة بالزبط شو بدك تعمل بالنسبة للعلاج لاني ما بعرف بس ان شاء الله برجع
بس حاول انك تخفف شوي من التوتر الي بصيبك مثلا من خلال الاسترخاء
http://www.lawjo.net/vb/showthread.php?t=9596
وكمان حاول تخفف الضغوط عنك شوي
-
رد: عيادة المنتدى النفسية
اقتباس:
المشاركة الأصلية كتبت بواسطة مصعب
إذا بتلتزم بكورس العلاج اللي رح تصرفلك ياه الدكتورة وبترد على ماما وبابا وبتنام بكير ،،،، بكون في أمل
طيب وأنا بدي أمرض نفسيا شو ممكن أعمل ؟؟؟
هع هع مصعب
عادي بدك تمرض ما كلنا امراض احكي اي اشي معك بطلع مرض هع هع
-
رد: عيادة المنتدى النفسية
اقتباس:
احكي اي اشي معك بطلع مرض هع هع
هو ده ..
دكتورة أنا اليوم فلوزت وعطلت من الشغل .. خليهم يدبروا حالهم.. شو رأيك ؟؟؟ ههههههههههههه
-
رد: عيادة المنتدى النفسية
مشان الله بدي اناااااااااااااااااااااااااااااااااام
ما بعرف أنام .. لا بالليل ولا بالنهار .. بنامش بالمرة .. متت مشان الله .. نفسي أناااااااااااااااااااااااااااااااااااااااااااااااا ااااااام
-
رد: عيادة المنتدى النفسية
اقتباس:
المشاركة الأصلية كتبت بواسطة ahmad abu zant
هو ده ..
دكتورة أنا اليوم فلوزت وعطلت من الشغل .. خليهم يدبروا حالهم.. شو رأيك ؟؟؟ ههههههههههههه
هع هع هع ايوة يا عيني عليك
صح طنش شوي بكفي نظام وانضباط وتقيد هع هع ريح راسك شوي
-
رد: عيادة المنتدى النفسية
اقتباس:
المشاركة الأصلية كتبت بواسطة tommywarsong
مشان الله بدي اناااااااااااااااااااااااااااااااااام
ما بعرف أنام .. لا بالليل ولا بالنهار .. بنامش بالمرة .. متت مشان الله .. نفسي أناااااااااااااااااااااااااااااااااااااااااااااااا ااااااام
مم في اسباب كتير مثلا يمكن اسباب فسيولوجية , بالجسم نفسه
او ممكن هي عبارة عن اضطرابات سيكو سوماتيكية , يعني السبب نفسي
طبعا بدك تشوف السبب وعلى اساسه تعالجه
-
رد: عيادة المنتدى النفسية
أنا عارف انها اسباب سيكوستكوكنماتيكية ..
بس المشكلة مو ملاقيلها حل ..
ههههههههههه
شو يعني هاي الكلمة مشان الله ..
-
رد: عيادة المنتدى النفسية
اسامة هي هادا الموضوع بحكي متل ما حكيت وفيه اساليب بتساعد عالنوم
http://www.lawjo.net/vb/showthread.p...9186#post89186
-
رد: عيادة المنتدى النفسية
اسباب سيكوسوما تيكية =نفس جسدية
يعني نفسيتك بتأثر عل جسمك
وممكن الواحد يمرض وما يكون في خلل بالجسم بس بكون السبب نفسي هو الي بمرض
وكمان النوم لما ما يكون جسدي فبكون نفسي , النفسية هي الي بتسببه
حسن نفسيتك بتنام
اهلا
-
رد: عيادة المنتدى النفسية
اشرب حليب مع عسل ويانسون قبل النوم .. بتروح بسابع نومه ^_^
في طريقة قرأتها بكتاب بتساعد على النوم وهي قائمة على مبدأ الاسترخاء لتجنب الارق..
وهذه الطريقة كالتالي..
تمدد الجسم والنوم على الظهر بحيث يصبح كل الجسد متوازي..
الاسترخاء واراحة العضلات والاستغراق بالتفكير بعيون مغلقة..
التفكير يجب أن يكون بأمر واحد وهو ما سأقوله الان .. ولا تفكر بأي شئ آخر لأن هذا هو سبب الارق
فكر أو تخيل وجود سبورة (لوح) أسود .. ارسم عليه مربعا بطبشورة بيضاء .. ارسم داخل المربع دائرة .. ارسم داخل الدائرة مثلث..
الان .. اكتب رقم 99 داخل المثلث .. إمحيه بالممحاه التي بجانب اللوح .. الان اكتب 98 .. امحيه ثم اكتب 97 .. وهكذا حتى تنام ..
أحلاما سعيدة ^_^
-
رد: عيادة المنتدى النفسية
هلأ دوري خليني احكيلكم عن حالي عن مشاكلي النفسية هع هع
1 الشك
بصعوبة لحتى اثق بحدا وبدي فترة طويلة لحتى اثق بالشخص الي قدامي
2 الحساسية الزائدة والمشاعر المفرطة
يعني بتدايق من اي كلمة حتى لو الشخص الي حكاها عزيز وبعرف انه مو بقصده بس خلص بتدايق على طول.
وكمان بحزن كتير على اي حدا حتى لو ما بعرفه , مثلا بتأثر بالمسلسلات كتير وبصير بدي ابكي هع هع
والله زيادة
3 بحسب كتير وبنفس الوقت متهورة
بفكر كتير وبحكي شو ممكن يكون اخد هادا الشخص فكرة عني وشو قصده بلي حكاه
وكمان متهورة يعني ممكن اعمل اشياء ما حدا بتوقع تطلع مني وانا اصلا ما بتوقع انها تطلع مني بس بتكون لحظات انفعالية هستيرية ههههههههههههه
4 الانهيار والضعف
بنهار بسرعة , يعني بكون شايفة حالي احسن وافضل بنت على وجه الارض وبلحظة بحس حالي ولا اشي بس افشل بشغلة , بس الحلو اني برجع بوقف بسرعة
5 بكره الاجتماعات
انا اجتماعية يعني بقعد مثلا مع 4 اشخاص ما في مشكلة حتى لو ما كنت بعرفهم بقدر اتفاعل معهم بس اكتر من 4 اشخاص صعب , وعشان هيك بكره الاجتماعات
هدول الي هلأ اجوا على بالي بس ما اتوقع ضل علل تانية هع هع
-
رد: عيادة المنتدى النفسية
أنا دايماً بحس حالي معيش مصاري .. حتى لو كان معي مصاري ..
أبصر ليش .. صح شعور غريب و زنخ ؟؟؟
-
رد: عيادة المنتدى النفسية
دائما فرحان حتى لو في مشاكل
-
رد: عيادة المنتدى النفسية
اقتباس:
المشاركة الأصلية كتبت بواسطة tommywarsong
أنا دايماً بحس حالي معيش مصاري .. حتى لو كان معي مصاري ..
أبصر ليش .. صح شعور غريب و زنخ ؟؟؟
!!!!
مم مو عارفة
طيب عندك حرمان وانت صغير؟؟ ههههههههههههههههههههههههه
-
رد: عيادة المنتدى النفسية
اقتباس:
المشاركة الأصلية كتبت بواسطة ahmad albadawi
دائما فرحان حتى لو في مشاكل
طيب تمام هادا المطلوب
-
رد: عيادة المنتدى النفسية
لماذا الزعل اصلا ؟؟؟؟؟؟؟؟؟؟
ما فيه شي بيستاهل:(326):
-
رد: عيادة المنتدى النفسية
مرحبا دكتورة,
أنا حسّاس جداً جداً
و شخصية تجنبيّة جداً جداً
و كسول جداً جداً
من زمان جداً جداً و أنا هييك
كنت بدي أنتحر بس بطلت و أقنعت حالي إني مصيووب بالعين و إنّه الناس بتغار مني جداً جداً
سو ذات بعدني عايش
شو رأيك أنتحر و إلّا لأ
و شكراً جداً جداً
و يا ريت تلاقيلي حل ل "جداً جداً" هاي
-
رد: عيادة المنتدى النفسية
مشكلتك عويصة جدا جدا انتحر وتوكل على الله هع هع
بنشوفلك حل للحساسية والشخصية التجنبية الي رجعة لمشاكلك
لوقتها ان شاء الله ما تكون انتحرت هع هع
رح ابعتلك الروابط الي بتفيدك ان شاء الله
-
رد: عيادة المنتدى النفسية
بالمرة بالله مدامني مغلبك و مغلبك يعني,,
عندي رهاب إجتماعي قوي جداً جداً
و يمكن هو سبب الشخصية التجنبية إلي مظايقيتني جداً جداً
ترى خلص هاي مشاكل زمان جداً جداً حلّيتها و هيني عايش عراس الجبل
بعيد عن أي بشري مسافة بعيدة جداً جداً
فلازم تعالجي المجتمع حتّى يتوائم معي و هو أسهل من علاجي لأني تنح جداً جداً
و ثقيل دم جداً جداً و ميئوس مني جداً جداً
ترى ميرسي جداً جداً, المشكلة بالبشر مش فيه أو إذا المشكلة فيه فأني عايش مع بشر مش ملائكة طيوبين جداً جداً