قضيه هامه للمناقشه وارجو المشاركه

في عام 2008 تم تعديل الخطه الدراسه لطلاب كليه القانون بحيث اصبحت 141 ساعه دراسيه لغايات التخرج بدلا من 132 ساعه وذلك بحجه ان عدد الساعات التي تم زيادتها تحتوي مواد تطبيقيه تساعد طال القانون في مجال التطبيق العملي بعد التخرج ومع العلم ان هناك سنتان لطالب بكالوريوس القانون حتى يحصل على اجازه المحاماة وسنتان في المعهد القضائي وذلك حتى يصبح قاضيا .

فلماذا تزداد عدد الساعات مادام ان سنوات التدريب في المعهد القضائي وفي اجازه المحاماة لم يطرأ عليها اي تعديل بحيث يحصل طالب البكالوريوس على اجازه المحاماة بعد سنه واحده تدريب ما دام ان هناك ساعات اضافيه في مجال التطبيق العملي.

فارجو من الجميع المشاركه ووضع الاقتراحات المناسبه فهذه قضيه تهم الجميع وخاصه طلاب كليات القانون في الاردن واولها جامعه اليرموك.

انا بالنسبة الي مع زيادة الخطة لانه في مواد كتير مهمة ولازم الطالب يكون عنده معرفة فيهم بس 132 ساعة ما بكفوا ع طالب قانون وخصوصا انه مش كل طلاب القانون بدربوا ومش كلهم بروحوا ع المعهد القضائي يعني بزيادة عدد الساعات فيها موازنة ع الاقل الي ما رح يدرب رح يستفيد شوي من القانون والي رح يكمل دراسات رح تكون عنده الاساسات الي رح تساعدة وتسهل عليه الدراسة
بالاضافه الى انه القانون بتطور وزمان في مواد ما كانوا يدرسوها هلأ صار الطلاب بتوجهوا الها مثل القانون البيئي وغيرها من المواد

يعني مو قصه كبيره واحد نام و حلك بانه الساعات زادو
بقام و اصدر قرار
هاي حال الدنيا

اقتباس:

---

وخصوصا انه مش كل طلاب القانون بدربوا ومش كلهم بروحوا ع المعهد القضائي

---

بالضبط هذا هو الجواب

=========


لسه انت لو تشوف عنا بالاردنيه
الخطة تبعتنا حاليا 141 ساعه
ورح تصير 165 ساعه !!!

هههههههه عيسى رح تصير اكتر من الهندسة
شو هاد بتصفي 5 سنين دراسة وبعدين سنتين تدريب وبعدين لحد ما الواحد يفتح مكتب شو هاد بتطلع روحك لحد ما يصير عندك راتب لا والله معلم صف (مع احترامي للتخصص) وخلصوا ب 3 سنين واشتغل وخد راتب هههههههههه

هههههههه عيسى رح تصير اكتر من الهندسة
شو هاد بتصفي 5 سنين دراسة وبعدين سنتين تدريب وبعدين لحد ما الواحد يفتح مكتب شو هاد بتطلع روحك لحد ما يصير عندك راتب لا والله معلم صف (مع احترامي للتخصص) وخلصوا ب 3 سنين واشتغل وخد راتب هههههههههه

طيب انس ليش طرحت الموضوع هون ؟
يعني إنت بس بدك رأي الفريق ولا الرأي العام ؟

فكره كويسه
يعني يا جماعه والله زاد الضغط علينا مع زيادة الساعات مش كل التخصصات الي 4 سنين عدد ساعاتهم 132 اما احنا 141 يعني الخريج بالتخصصات الثانيه بيتخرج اخر فصل معه 9 ساعات وبراحته اما احنا عدد الساعات الطبيعي 15 واذا بكون مسقط ماده بدي اعيدها على الفصل الاخير او بدي اعيد مواد وارفع معدلي يعني لو بيصير انزل 24 ساعه ما بوفر

وفوق كل هيك بيرجع بيقلك ادرب سنتين بعدين بدك تصير تدور على مكتب وتشتغل(اذا فلحت بالمحاماه بعد كل هالحكي )

أنا مش مع الزيادة
فعليا أعتقد إنه طالب القانون مثل السباح
يجب ايقاعه في الماء و تركه ليتعلم السباحة
أزعم أن ما نحتاجه هو 39 ساعة دراسية فعليا
60 ساعة تدريب
فقط لا غير

انه بدي رأي الفريق والرأي العام بس انتو البدايه وبدي كمان حل لهاي المشكله ؟

يسلم السانك ولييد ايوان هاد الحكي المزبوط

والله حاس فيك يا هاني .
على كل حال ان شاء الله رح تنحل والله يستر .

والله بصراحة انا مو مع الزيادة لانو في سنتين تدريب.... وبعدين بالنسبة للطلاب اكيد كل واحد عارف وين مصلحته وكيف يثبت حالو بين هالعدد الكبير من المحاميين ........وع اساس انو 141رح تكفي حتى الواحد يعرف كل اشي بالقانون!! .......... المفروض انهم يعطونا الاساسات واحنا نكمل وبأكد انو كل طالب عارف وين مصلحته

وبعدييييييين مع هالقوانين :(

انا ضد الزيادة بالساعات لأنه الجزء النظري يختلف تماما عن العملي و لو كان الواقع انو زيادة الساعات تكون زيادة في التطبيق العملي الواحد بحكي و بتقبل و لكن الزيادة هي زيادة في الدراسة النظرية و الاراء الفقهية , المهم الاساسات موجودة و المحامي الشاطر بيعتمد على القرأة و المطالعة الخارجية :)

اقتباس:

---

المشاركة الأصلية كتبت بواسطة Sabal Alnasser

انا ضد الزيادة بالساعات لأنه الجزء النظري يختلف تماما عن العملي و لو كان الواقع انو زيادة الساعات تكون زيادة في التطبيق العملي الواحد بحكي و بتقبل و لكن الزيادة هي زيادة في الدراسة النظرية و الاراء الفقهية , المهم الاساسات موجودة و المحامي الشاطر بيعتمد على القرأة و المطالعة الخارجية
:)

---

انا مع سبل في كلامها الزياده عباره عن حكي نظري يعني لو عملي انا بكون من اول المؤيدين لزيادة عدد الساعات الدراسيه :)

مع هذه الزيادة لكن مع الاختيار الصحيح للمواد
فهناك بعض المواد التي تكون نظرية وفلسفية ولا يوجد لها داعي مثل مادة علم الاجرام واعقاب وغيرها التي لا تفيد طالب اقانون الا من ناحية نظريات وفلسفات