التدريب اصعب من الدراسة بكتير والمشكلة مش عارفة شو اعمل بعد ما تخرجت

[فاطمة المصري]

التدريب اصعب من الدراسة بكتير والمشكلة مش عارفة شو اعمل بعد ما تخرجت

تخرجت الفصل الماضي ولقيت محامي اتدرب عندو وكل شي تمام بس المشكلة اني مو عارفة شو لازم اعمل هلا لحتى اسجل بالنقابة وخصوصا اني لما شفت الاوراق المطلوبة غيرت رأيي

المواضيع المتشابهه:

• اصعب شعووووور
• اصعب اللحظات
• مش عارفة يف اعملها بليز احكولي
• اصعب 12 دقيقه من عمر الانسان

[أحمد أبو زنط]

مو فاهم شو الصعب في الموضوع !

شوية وراق خلال يومين ممكن الواحد يأمنهم

شهادات الجامعة مصدقة
صورة الهوية
صورة جواز سفر
كتاب من الضمان الاجتماعي ومن ديوان الخدمة المدنية .. (كل كتاب ما باخد ربع ساعة)
شهادة لا مانع من المحامي إلي بدك تدربي عنده
شهادة عدم محكومية من المحكمة ..

يعني شغلة يومين إن طارت .. فليش العجز ؟

[YoUSeF MoMaNI]

واكيد لا تنسى الرسوم
410 دينانير للنقابه

[مصعب]

كلام أحمد مزبوط ،، الشغلة سهلة كثير
بعدين على العكس الواحد ممكن يحس وهو بحضر بالأوراق المطلوب إنه دخل الحياة العملية وتغيرت طبيعة حياته بالمجتمع ....
والتدريب أو المحاماة عموما حلوة كثير وبكل يوم ممكن تلاقي شي جديد تتعلمه وزميل جديد تتعرف عليه تتخاصم إنت واياه امام القاضي وتحاولوا توقفوا لبعض على الكلمة وبعد ما تطلعوا من عند القاضي أصحاب وحبايب
في أشياء كثير حلوة بالمهنة وأنا بشجعك تتدربي

واهلا بكِ في أسرة lawjo ويسعدنا أن تكوني عضوا دائما ونشيطا معنا

[المحامي وسام الحوامدة]

مزحة: صح انه فيه شوي غلبة و410 جي دي بس ليش الواحد بيطعمي الخروف لولا المصلحة انتي بتدفعي على شىء من جهة لابد منه ومن جهه اخرى حتى تبدأ خطوة جديدة وحلوة بحياتك الحقيقية كمحامية ؟؟

[فاطمة المصري]

وانا كمان سعيدة جدا بالانضمام معكم وانشالله بتواجد على طول
المشكلة مش في الدفع اللي دافع عدراسته مبلغ وقدره ما بيهمه 432 زيادة
المشكلة في الاوراق المطلوبة بدها لف بهالشوب عرفت انهم 14 طلب مش موضوع يومين بس والله تعب وغلبة
مش عارفة شو لازمة كل هاد
المفروض يكون التدريب اسهل من هيك
ضايل اقل من اسبوعين للتسجيل ولهلا ما سجلت

[مصعب]

المشكلة مش في الدفع اللي دافع عدراسته مبلغ وقدره ما بيهمه 432 زيادة

جواب منطقي للي أصلا دفع رسوم .....

مش عارفة شو لازمة كل هاد

في ظل اعداد المتدربين الهائلة إلها لازمة عشان ضبط المهنة ،،،،

ضايل اقل من اسبوعين للتسجيل ولهلا ما سجلت

بلشي فيهم وما بتشوفيهم إلا خلصو ،،،، الوراق هاي غلبتها بس في الوصول للدائرة المطلوب منها الورقة ،،،، يعني ما بدها وقت كثير

بالتوفيق

[مصعب]

المشكلة مش في الدفع اللي دافع عدراسته مبلغ وقدره ما بيهمه 432 زيادة

جواب منطقي للي أصلا دفع رسوم .....

مش عارفة شو لازمة كل هاد

في ظل اعداد المتدربين الهائلة إلها لازمة عشان ضبط المهنة ،،،،

ضايل اقل من اسبوعين للتسجيل ولهلا ما سجلت

بلشي فيهم وما بتشوفيهم إلا خلصو ،،،، الوراق هاي غلبتها بس في الوصول للدائرة المطلوب منها الورقة ،،،، يعني ما بدها وقت كثير

بالتوفيق

[أحمد أبو زنط]

معناتو ضايل معك أسبوعين يعني 14 يوم ضرب 24 ساعة .. يعني كما هائل من الوقت المهدور !!

بلشي وبشارطك إذا ما خلصتي خلال يومين أو 3 بالكتير

[Tommywarsong]

خطيتك برقبتي لا تسجلي ولا تتدربي ولا تغلبي حالك ،، شوفيلك أي شي تاني و ريحي حالك من قرف المحاكم و التدريب ،، غير عن فلسفة الموظفين ،، و نظريات بعض المحامين ،، و الشاطر يلي بده يقعد يتفلسف عليك لأنك متدرب و هو استاز ..

يعني شغلة بتقرف ،،، و نفسيات محمضة ،، و شخصيات متل العما ،،

في ناس مناح و محترمين .. لكن السواد الأعظم ،، رايحين يعوفوكي اليوم يلي تخرجتي فيه من الجامعة ..

و هاي مجرد نصيحة لا أكتر ولا أقل ،،

[أحمد أبو زنط]

أبو السعيد كنت متوقع تيجي تحكي نفس الحكي ههههههههههههه

يلا استاذة فاطمة صار عندك الرأي والرأي الاخر .. نقي إلي بعجبك !

[مصعب]

نفسيتك نار ابو السعيد ....

كويس ما حكيتلي هالنصيحة قبل ما ابلش تدريب ،،،، كان راحت عليّ

لكل شيء وجهين يا صديقي ،،، واذا استطعت ان تحب اي شيء فسوف تبدع فيه حتما

[فاطمة المصري]

ههههههه
انا حابة اجرب واذا ما عجبني الشغل ما في مشكلة بتركه ما بكون خسرانة شي غير اني جربت شي جديد مع اني موافقة شوي معك ابو السعيد هاي شغلة بتقرف ومتعبة ومضطرين نتحمل الكل
بس الحلو فيها انو بنعرف ناس جديدة وبنتواجد بمواقف جديدة نتعلم منها وبنشوف الدنيا صح لانو لهلأ ما شفنا غير مجتمع المدرسة والجامعة وما شافنا الدنيا صح من وجها التاني الجدي ولازم نتحمل فيه المسؤلية

[فاطمة المصري]

والله يا استاذ احمد كلامك مزبوط ضايل 336 ساعة بس
انا شايفة انو الغلبة بالروحة والجية وخصوصا اني ما بعرف وين مكان هاي الدوائر

[Essa Amawi]

طيب انت سكان اي محافظه ؟
والكل بيدلك وين اماكنهم :)

[رامي الزعمط]

استاذة فاطمة اهلا وسهلا فيكي خليني اساعدك اشوي ب مكان الدوائر الحكومية
1= صورة مصدقة عن لشهادة الجامعية - ابتعملي صوره او اكثر عن الشهادة وتخديهم معاكي ع التعليم العالي ابتوصي ع الجامعة الاردنية الباب الشمالي واخذي تكسي ل التعليم العالي بخمسة وسبعين قرش رسوم تصديق النسخة الوحدة من الشهادة دينار واحد عن كل نسخة
2=شهادة عدم محكومية - ابتطلعي ع المحكمة اذا انتي من سكان عمان بتروحي ع قصر العدل وابتسالي اي واحد اهناك من وين بجيبو عدم المحكومية بدلوكي بعدين بتقدمي طلب لاتنسي الصوره الشخصية للطلب ابتاخذي لطلب وبتعبي وبتسلمي بعدين ع المحاسبة ابتدفعي خمس دنانير رسوم وتاخذي الوصل مع الطلب وبتروحي تبصمي عند العسكري وبعدي بتستني عبين م اينادو عاسمك
3=كتاب بالموافقة من محامي استاذللتدرب لدية موقع منة ومرؤوس بعنوان مكتبة
4=جواز سفر ساري المفعول
5=صورة عن دفتر العائلة
6=صورة عن شهادة الميلاد مصدقة من الاحوال المدنية
7=صورة عن الهوية الشخصية مصدقة من الاحوال المدنية
8=خمس صور شخصية
9=احضار كتاب صادر عن ديوان الخدمة المدني - الموقع بالشميساني لايوجد رسوم لازم تحكي للموظف ان الكتاب امشان التسجيل بالنقابة
10=احضار كتاب من الضمان الاجتماعي =الموقع بالشميساني مافي رسوم
احضار كتاب من وزارة الصناعة والتجارة مراقب الشركات = الرسوم عشرة دنانير الموقع شارع الملكة نور الشميساني
وهاد كل اشي ان شاء اللة ابيوم او يومين بالكثير ابيخلصو اللة بعينك

[فاطمة المصري]

شكرا كتير استاذ رامي هيك ريحتني واعطيتني كل شي انا بحاجته
صحيح انا ساكنة قريب من عمان بس ما بعرف فيها شي كويس اني بعرف طريق بيتنا

[Essa Amawi]

على خير استاذه ^__^
واي مساعده -مدامها باستطاعتنا- فاكيد كلنا بالخدمه

[فاطمة المصري]

تسلم يا رب هاد من لطفك

[عمر الحسيني]

وأضيف للي حكيته تحرش جنسي ومعاكسات ومساومات وتقديم قهوة ورشاوى وقلة دين واذى للناس

[rodyna khliafat]

الله يبشركم بالخير ههههههههههههههههههههه
بالتوفيق استاذة فاطمة
ابو السعيد جلس هههههههههههههه