سؤااال .. ناقش واعطي رأيك .. !!

[Gharam]

سؤااال .. ناقش واعطي رأيك .. !!

سؤالي هو : ماذا تفضلون الزواج التقليدي ام الزواج عن حب ولماذا ؟

اي الزواج تعتقدون انه سينجح و سيستمر هل الزواج عن حب ام الزواج التقليدي ؟

و ما هي سلبيات و إيجابيات كل من الزواج عن طريق حب و الزواج التقليدي ؟

شاركونا برأيكم

المواضيع المتشابهه:

• سؤااال .. ناقش واعطي رأيك .. !!
• ما رأيك في هدا الحب؟
• علكة المحاضرات ...شو رأيك ؟

[سجا المومني]

سؤالي هو : ماذا تفضلون الزواج التقليدي ام الزواج عن حب ولماذا ؟

الزواج التقليدي

اي الزواج تعتقدون انه سينجح و سيستمر هل الزواج عن حب ام الزواج التقليدي ؟

ما بئدر اعمم بس بنظرؤي التقليدي

و ما هي سلبيات و إيجابيات كل من الزواج عن طريق حب و الزواج التقليدي ؟

سلبية الزواج عن حب انو بنكوون في مغمضين ومش ئادرين نشوف عيوب الشخص الي اختارنا لانو متل ما بتعرفو الحب اعمى

شاركونا برأيكم

[قانونية]

وماذا تقصدين بالزواج التقليدي والزواج عن حب؟
الزواج رابطة مقدسة ينبغي احترام إرادة الطرفين فيها وهو مؤسسة راس مالها الحب ودستورها الأخلاق والدين وحسن العشرة ولا شيء أقوله بعد ذلك

[أسماء الوشاح]

ماذا تفضلون الزواج التقليدي ام الزواج عن حب ولماذا ؟

مش عارفه حسب الاشخاص .. بس يمكن التقليدي انجح

اي الزواج تعتقدون انه سينجح و سيستمر هل الزواج عن حب ام الزواج التقليدي ؟

حسب

ما هي سلبيات و إيجابيات كل من الزواج عن طريق الحب و الزواج التقليدي ؟

يا ما عندي جواب عأي سؤال ... لانه ما في اشي بقدر اعممه عاي نوع منهم ... ظروف الحياه بتلعب دور كبير

[ALA'A ALHADIDI]

سؤالي هو : ماذا تفضلون الزواج التقليدي ام الزواج عن حب ولماذا ؟
الزواج عن حب , لانه بهالطريقة رح يكونوا التنين عرفوا بعض اكتر وهم الي اختاروا بعض
وما حدا بتحمل نتيجة اختيارهم الا انفسهم
ويعني الزواج مش اشي سهل لحتى هيك عالعميان الواحد يتزوج من دون ما يعرف شريكه

اي الزواج تعتقدون انه سينجح و سيستمر هل الزواج عن حب ام الزواج التقليدي ؟
طبعا ما في تعميم بس انا بشوف انه الزواج عن حب هو الي بستمر اكتر وبنجح
وممكن الزواج التقليدي يستمر بس ما يكون ناجح كتير


و ما هي سلبيات و إيجابيات كل من الزواج عن طريق حب و الزواج التقليدي ؟
الزواج عن حب : ايجابياته : بعرفوا الزوجين بعض منيح وبكتشفوا سلبيات وايجابيات بعض
واذا بقدروا يعيشوا مع بعض ولا لأ وكمان هم الي بكونوا اختاروا بعض وممكن يعدلوا الاشياء الي ممكن تتعدل ببعض قبل ما يتورطوا ويتزوجوا

سلبياته : انداري ما بشوف اله سلبيات

الزواج التقليدي : ايجابياته : ما بشوف ايجابيات خطيرة
سلبياته : فترة الخطبة ما رح تكفي يتعرفوا على بعض وبالتالي ممكن يصير طلاق
او على اقل تقدير كتير مشاكل بينهم

[WALEED ALZAWAHREH]

ماذا تفضلون الزواج التقليدي ام الزواج عن حب ولماذا ؟

التقليدي، لإنه لما أمي تبحثلي عن زوجة رايحة تلاحظ أشياء المرأة بتلاحظها في المرأة ممكن أنا ما أنتبهلها " من جميع النواحي"

اي الزواج تعتقدون انه سينجح و سيستمر هل الزواج عن حب ام الزواج التقليدي ؟

الزواج التقليدي أكيد، لإنه الدراسات العلمية بتحكي إنه بس 1% من علاقات الحب بتوصل لزواج و أقل من هيك اللي بتستمر ، و بدي أكتفي بهاي النقطة

ما هي سلبيات و إيجابيات كل من الزواج عن طريق الحب و الزواج التقليدي ؟

الإيجابيات عن الزواج التقليدي : اسألوا جددكم كم حالة طلاق صارت أو ما كان في فشل بعلاقاتهم
سالبيات الزواج عن حب: ارجعوا للإحصائيات الدولية


احترامي و تقديري

[ALA'A ALHADIDI]

بالنسبة للاحصائيات مو ضروري تكون صح وما في تعميم بالمرة شو ما كان نوع الزواج
واحنا هلأ مو بزمن جدودنا احنا بزمن تاني

ومثلا انا بخلي الوالدة تنقيلي اشي البسه بس ما بخليها تزوجني على زوقها ! او زوق حدا تاني
لانه مو هي الي رح تتزوج البني ادم وتضل معه طول العمر

انداري برجع كل واحد حسب معتقداته وكيف بفكر وطبعا كل واحد ادرى بمصلحته

[Gharam]

اوكي احنا ما بنحكي انه الام رح بتختار البنت او الشب
بس بكونلها دور كبير بهالشغله لانها ادرى بمصلحة ابنها وبنتها

بعدين زي ما حكى وليد الام بتلاحظ اشياء ممكن انه البنت او الشب ما يلاحظوها
بعدين الزواج التقليدي ما بعني انه الطرفين ما بعرفوا بعض ولا رح يعرفوا بعض الا بعد الزواج
لا في شي اسمه النظرة الشرعية وهاي النظرة لما ربنا حللها ما حللها هيك لا لانه القلب إله
دور كبير هون يعني لما الشخص ما يرتاح للطرف التاني خلص كل شي بينتهي وفي فترة خطبة كمان

انا بأيد الزواج التقليدي

[Malak MJ]

الحب هو أجمل المشاعر و أرقاها.. لكنهم يقولون أنه أعمى، لذلك أعتقد ان الانسان عندما يقع في الحب يرى الأشياء التي يريد أن يراها، دون العيوب.. فعندما يتزوج الانسان عن حب سيسعد كثيراً في البداية، و لكن عند ظهور عيوب شريكه سيصيب الحب فتور و قد تتحول حياتهما الى جحيم..
و أكيد هذه الحالة لا تعمم،
أجد صعوبة في الاجابة عن أسئلتك آنسة غرام،
و لكني أريد أن أوضح بأن أنجح العلاقات هي التي تقوم على الاحترام المتبادل.. فلو تزوجا عن احترام قد يتحول ذلك الاحترام الى حب و رغبة في التمسك في الآخر و أعتقد بأنه سيدوم طالما بقي هناك احترام..


تقبلي مروري

[Gharam]

و لكني أريد أن أوضح بأن أنجح العلاقات هي التي تقوم على الاحترام المتبادل.. فلو تزوجا عن احترام قد يتحول ذلك الاحترام الى حب و رغبة في التمسك في الآخر و أعتقد بأنه سيدوم طالما بقي هناك احترام..




هاد هو الكلام الصح