بعدين مع المشاكل يعني !!!!

[hani al zoubi]

بعدين مع المشاكل يعني !!!!

اندلعت بعد ظهر اليوم مواجهات عنيفة بين عشيرتين في مبنى كلية الإقتصاد الجديدة جنوبي جامعة اليرموك ثم امتدت إلى مقابل كلية الشريعة والدراسات الإسلامية في حرم الجامعة القديم..

وذكر شهود عيان أن المتشاجرين قاموا بتحطيم ألواح زجاج في مبنى الإقتصاد الجديد وعدد من السيارات المتوقفة أمام كلية الشريعة دون أي تدخل من قبل أفراد الأمن الجامعي..

وفي التفاصيل أن مشاجرة اليوم امتداد لمشاجرة فردية حصلت أمس في كلية القانون بين طالبين ينتمي كل منها إلى عشيرة منفصلة وابتدأت المشاجرات منذ الساعة الثانية عشرة ظهرا في مبنى الإقتصاد الجديد ثم انتقلت إلى مقابل كلية الشريعة في حوالي الساعة الواحدة لتعود بعدها إلى المكان الذي انطلقت منه وسط تطويق أمني واضح جنوبي الحرم الجامعي..

وذكر أحد شهود العيان لـ آرابز أن الجهات الأمنية قامت بإعتقال أحد الطلبة للإشتباه بتصويره لأفراد الأمن العام وقامت بالتحقيق معه نحو ساعة ومن ثم قامت بحذف المقاطع التي يمتلكها وأخذ معلومات عنه وإطلاق سراحه..


وقد نتج عن المشاجرات التي شارك فيها العشرات من أبناء العشيرتين عدد من الإصابات بالإضافة لعشرات حالات الهلع..

المواضيع المتشابهه:

• المشاكل و الضغوط النفسية بين سن الأربعين و الخمسين
• دعوى بطلب تعيين مصفى على شركة -تضامن أو توصية
• المشاكل .. فرص للتقدّم
• طريقة حل المشاكل ممنوع دخول البنات نهائياً
• دعوى قضائية ضد تعيين صقر مفوضا للعقبة

[hani al zoubi]

آآآآآآآآآآآخ يا دكتور فاروق شايف طلاب القانون اللي اولا على خلق وثانيا على خلق وثالثا على خلق ......وعاشرا على خلق وحادي عشر العلم ......

[المشاغب]

بتلاقي نص المشاااااااااااااااااجره رمثاويه عليا ابو الزعبي كانه ما الك دخل ؟


وبدليل ما حكيت اسم العشيره هههههههههه احبك

[يارا النجادات]

هاني الطوشه بلشت الاثنين بعد المباراه و كبرت مع التكسير الثلاثاء
حسب علمي همه من العمري و العبيدات

[امون اليرموك]

ااه عمري وعبيدات بس عميد الاقتصاد حكى انها عشان بنت :(

[قانونية]

الفارغون أكثر ضجيجا

[hani al zoubi]

مشاااغب ههههههههههه على راسي بس والله الرماثنه اكلو 68 فصل وانذار ما رح يسترجو يعملو مشاكل
ومثل ما حكو الصبايا الشغله طلعت عمريه وعبيدات
والله ما النا دخل

[mohamad maabreh]

الله يلعن ابو الواسطات يلي بتخلي نوعيات تافهه تدخل الجامعات....كل واحد يمشي بحاله بلاش اتخذ معاكوا اجراء الله بعلم فيه

[Hosam Hawamdeh]

أنظمتنا التعليمية للأسف أنظمة فاشلة ومتخلفة سواء في المدارس او أكثر بلاءا في الجامعات ،من اليرموك وحتى أردنية العقبة ..نظام فاشل محبط مقزم متقزم بما تحويه الكلمات من معاني ..والكل يعرف ذلك والهدف تخريج طلبة يحملون شهادات ولكن لا يفقهون شيئا ..

باعتقادي فإن ما يحصل ممنهج ومدروس لا بل أتجرأ لأقول مقصود ..تحقيقا لمصالح كلنا يعلمها ..بغض النظر عن المشاكل الفردية في كل جامعة يا اخوان نحن نسير في طريقنا الى الهاوية اذا استمر النظام التعليمي الفاشل في فشله !

[ناظم شبول]

ااه عمري وعبيدات بس عميد الاقتصاد حكى انها عشان بنت :(

لا امونه المشكله ع كرة قدم ... وانا بعرف الي تهاوشو شخصيا ...
باختصار ...

واحد بده من التاني الكرة يلعب فيها بالجمنازيوم ... التاني حكى للواحد حاجز هويتي عليها ... الواحد سرق الكره من التاني و راح على مسؤول الملعب ... وحكالو انه الواحد سرقها من الملعب وانا جبتها منه ... اجا الواحد قال هويتي عندك .. وانحلت وطلعو ... بس طلعو دقو بزمامير ( كل واحد داق برقبة التاني ) بعض والتاني خربط وجه الواحد ... اجا الواحد ارسل استغاثة الى ابناء العمومة الاشاوس النشامى ... والتاني عمل خط دفاع من ابناء العمومه كمان الاشاوس الابطال ... وبلشت متل ما حكى عزيزي هاني ...

واحنا الرمثانه والله العظيم ما النا دخل بالله عليكو لا تجيبولنا الدور ... ما بكفينا 68 فصل ...

وبس ...

[rodyna khliafat]

لا حول ولا قوة الا بالله

[يارا النجادات]

هههههههههههههههههههههه
سردك للقصه بجنن
ناظم عجبني

[أحمد أبو زنط]

ولا بعدين ولا قبلين .. كل واحد يحط عقله براسه بعرف خلاصه !

[يارا النجادات]

والله صحيح احمد

[TASNEEM]

""ولا بعدين ولا قبلين .. كل واحد يحط عقله براسه بعرف خلاصه !""

هو هيك يعني بس الواحد بنزعج لما يشوف مشاكل خصوصا انها بتشوه سمعة الجامعات و سمعة البلد الاكاديمية
كمان مبارح صارت طوشة قدام الكلية بس حلوها سلمي ( ضمن الباب السادس )
يعني شو بدك تحكي
بمادبا هلأ في مشكله بين عيلتين وشكلها رح تكبر الله يستر ... انا عيلتي ما الها علاقة

[يارا النجادات]

الله يستر و الحمد لله عيلتك ما الها دخل

[ناظم شبول]

هههههههههههههههههههههه
سردك للقصه بجنن
ناظم عجبني

ولو يا يارا ...

لا تنسي انه الي بالي بالك تخصص عربي .... ههههههه

[هاجس]

الله يهديهم ماينفع معهم ال الدعاء

[يارا النجادات]

الله يهدينا اجمعين