حول سند الامانه

[محمد تيسير نجيب]

حول سند الامانه

السلام عليكم ورحمة الله وبركاته

اخواني انا كتبت على نفسي سند امانه بقيمة 3230 دينار وما اللي كاتبة شهر والرجال اللي كتب علي السند كل يوم ببعتلي انو بدو المصاري السؤال لو قدم سند الامانه هاذ شو الاجراء القانوني علي في حال قدمه للمحكمه ؟؟؟؟ وكيف بقدر احمي حالي في حال قام بتقديم هاذ السند للمحكمه ؟؟؟

الرجاء الرد علي في اسرع وقت لانو انا في وضع والله ما احسد عليه بالمره

شاكر لكم اخواني الافاضل

[Essa Amawi]

اهلا بك،

لطفا، ارفق لنا نسخه من سند الامانه هذا .

مع الاحترام

[محمد تيسير نجيب]

للاسف ما معي اي نسخة من هاذ السند مع العلم انو انا كتبتو بخط ايدي انا وما في اي نسخة ثانية معي

[Essa Amawi]

اهلا بك مجددا،

حسنا في هذه الحالة يرجى الاجابة عما يلي:
1- لماذا وقعت على سند الامانة؟ ما هو المقابل؟
2- هل صيغة الامانة كانت تتحدث عن "سداد" ام عن "ارجاع/اعادة" ؟
3- هل كان هنالك مده للسداد او الارجاع؟
4- اي معلومات اخرى مهما بدت لك صغيرة من الممكن ان تفيدنا.

مع الاحترام

[محمد تيسير نجيب]

انا كنت شغال عند هاذ الرجال ولما جيت اخلص من عنده كان علي سلف لا تتجاوز 400 دينار فقام بزياده مصاريف كان هو عاملها اللي مجانا مثل رحلة عمره انا ووالدتي وكان في هناك عملية تنظير في المستشفى زادها علي وحسبها ومع السلفة التي كانت علي وغير ذلك هددني انو انا اذا ما وقعت له على هذا السند سوف يقوم باتهامي بالسرقة وفعلا هاذ اللي صار انو تبلى علي بالسرقة واتصل في اصدقائة من البحث الجنائي والله لا يوريك اللي صار فيي طبعا تبلاني باخد 19.5 الف دينار وانت عارف اللي الو واسطه في هالبلد امورو ماشية لولا انو قال لي انو اذا رح تكتبلي السند انا رح اطلعك من المخفر وانا اشتريت حريتي بالتوقيع على هاذ المبلغ بشرط انو انا اكمل شغل معاه بس انا بعد ما وقعت على السند ما رجعت واشتغلت هاذ الكلام صار في 31/9/2012

والصيغة الي كتبت فيها سند الامانه انو في حال المطالبة علي الدفع له مباشرة وانو انا اخذت المصاري نقدا منه وانو انا في حال انو طلب المصاري لازم ادفعهم على طول وما كان في موعد لهذا السند متى السداد

والان هو قبل العيد بعثل لي مسج بطالبني في المصاري واليوم كمان نفس الشي بعتلي مسج بطالبني في المصاري وانا مش عارف شو اعمل وما بعرف كيف اتصرف وانا عندي اطفال ومش عارف كيف افكر لهيك لجأت لهذا الموقع من بعد رب العالمين لعلي اجد حل يريح بالي ولو بشي قليل

[Essa Amawi]

اهلا بك اخي الكريم

بداية الله يسامحك، المفروض بهيك امور ما تتسرع وتطلب رأي محامي.
على العموم الي صار صار مثل ما بنقول بلغتنا الدارجه ..


الآن اخي الكريم، سند الامانة مجددا كان مكتوب عليه عليك الدفع مباشرة .. العباره هكذا بالضبط؟ ولا كيف؟
وحينما اطلعك من المخفر انت كنت محتجز لكم يوم؟ وشو التهمة الي وجهوها الك؟
<< امامك فرصة جيده لرفع دعوى عليه !

وهل وقعت معه مخالصة من العمل؟
ايضا ومن باب اراحه بالك توقيعك على السند يعتبر اكراها يمكنك الاستفاده منه والدفع به.

لا تقلق .. فرصك جيده والباب امامك جيد.
المطلوب منك حاليا عدم الاستعجال والرجوع لنا في كل امر، وفي حال اقام عليك قضيه حينها يبدأ دورنا.


في هذه الفترة حاول ان تتذكر لي بالضبط الصيغه الموجوده في الورقة فهذا الامر سيفيدنا جدا.


على الهامش ولغايات افادتك بشأن التعويضات المستحقة لك:
ما هو مجال اختصاصك؟ وما هي وظيفتك السابقة؟ وكم فترة العمل التي قضيتها لديه؟
وكم هو مقدار راتبك؟ وهل انت مشترك بالضمان الاجتماعي ام لأ؟

[محمد تيسير نجيب]

اولا اشكر لك اهتمامك استاذ عيسى

الجملة انو في حين المطالبة في المبلغ واجب علي السداد والدفع وفي عبارة كانت ( انو المبلغ غب الطب ) وفي المخفر ما قعدت الا من ساعتين الى ثلاث ساعات بس صار في ضرب في المخفر اللي للاعتراف بالمبلغ المبتلى علي فيه .... طبعا ما صار في مخالصة بيني وبينهم للان وانا كنت بشتغل محاسب في المؤسسة وكان راتبي 420 دينار ولي ضمان اجتماعي بس كنت بدفع على راتب 180 دينار بس في شغلة انو الراتب اللي كنت بتقاضاه امام الموظفين هو 270 وكنت كل اخر شهر اخذ 150 دينار من صاحب المؤسسة ولي عندهم سنتين ودخلت في الثالثة طبعا انا من بعد ما كتبت سند الامانه لم اتحدث معه سوى انو يرسل لي برسائل على التلفون يسألني عن المبلغ


تقريبا خليني اقلك كيف تم كتابة السند

انا الموقع ادناه اقر واعترف باني تقاضية مبلغ من المال وقدره ( 3230 ) ثلاثة الاف ومائتان وثلاثون دينار اردني نقدا وانه في حال المطالبة في المبلغ وجب علي السداد فورا وان المبلغ غب الطلب في حال المطالبة في المبلغ

تقريبا هيك 80 بالمئة من اللي تم كتابته

[محمد تيسير نجيب]

اولا اشكر لك اهتمامك استاذ عيسى

الجملة انو في حين المطالبة في المبلغ واجب علي السداد والدفع وفي عبارة كانت ( انو المبلغ غب الطب ) وفي المخفر ما قعدت الا من ساعتين الى ثلاث ساعات بس صار في ضرب في المخفر اللي للاعتراف بالمبلغ المبتلى علي فيه .... طبعا ما صار في مخالصة بيني وبينهم للان وانا كنت بشتغل محاسب في المؤسسة وكان راتبي 420 دينار ولي ضمان اجتماعي بس كنت بدفع على راتب 180 دينار بس في شغلة انو الراتب اللي كنت بتقاضاه امام الموظفين هو 270 وكنت كل اخر شهر اخذ 150 دينار من صاحب المؤسسة ولي عندهم سنتين ودخلت في الثالثة طبعا انا من بعد ما كتبت سند الامانه لم اتحدث معه سوى انو يرسل لي برسائل على التلفون يسألني عن المبلغ


تقريبا خليني اقلك كيف تم كتابة السند

انا الموقع ادناه اقر واعترف باني تقاضية مبلغ من المال وقدره ( 3230 ) ثلاثة الاف ومائتان وثلاثون دينار اردني نقدا وانه في حال المطالبة في المبلغ وجب علي السداد فورا وان المبلغ غب الطلب في حال المطالبة في المبلغ

تقريبا هيك 80 بالمئة من اللي تم كتابته

صحيح في حاجة كمان انو وانا في المخفر ما خلوني احكي تلفون ولا مع حد وما كانو سامحين لحد من اللي انا بعرفهم انو يدخلو ويحكو معاي لهيك انا ما كنت عارف شو اعمل بهاذ الموقف واتهموني باني مختلس 19.5 الف دينار والحقيقة انو انا ما كان في عندي اي دليل اثبت فيه انو انا ما عندي هاذ الاشي لانهم اجو واخذوني من المكتب وما خلوني اخذ معاي ولا اثبات على انو انا بريء من هاي التهمه

[Essa Amawi]

اهلا بك اخي الكريم،

حقيقه ما تعرضت اليه هو عملية تخويف من قبل اصدقاء لمديرك ولم يكن توقيفا، ويمكنك مقاضاتهم واتخاذ اجراء جزائي بحقهم فورا !!!
<< هل وقعت على اوراق حين دخولك او خروجك من المخفر؟ وهل اخذوا اي افادات خاصة منك وسجلوها على اوراق ؟ ايضا هل هناك اثار ضرب واضحه عليك؟ هل راجعت طبيبا؟

اما بخصوص سند الامانة، فهل انت متاكد من ان الصيغة كانت تتضمن كلمة "سداد" كما اسلفت لنا سابقا؟ اذا كان الامر كذلك اطمئن الامور جيده للغاية.

الآن الكره في ملعبك انت .. كخطوه اولى وكمساعدة منا، يمكنك الذهاب الى اقرب مخفر وتقديم بلاغ ضد من اعتقلك.
<< يفضل ان تذهب الى مخفر بعيد بعض الشيء عن ذاك الذي جرى به اعتقالك.

مع الاحترام

[محمد تيسير نجيب]

شكرا لكرمك معي استاذ عيسى

بعد الانتهاء من موضوع انو صاحب المؤسسة وقف رفع الدعوة علي قامو باخد هويتي وكتابة ورقتين واحد لي وواحده له وقمنا كل منا بالتوقيع على ورقة كل واحد منا انا وصاحب المؤسسة ولما كنت اريد ان اقرأ الورقة قال لي رجل البحث الجنائي انو هس وقت قراءة وقع وخلصنا منيح منو اللي رضي يسامحك وما يكمل الشكوى عليك ووقعت طبعا الحكي هاذ من شهر لما طلعت من المخفر كان في اثار على ظهري وكانت يداي من الكلبشات زرق لانهم قامو بتعليقي من الكلبشات طبعا انا ما رحت لدكتور واصلا لما طلعت من المخفر متل الطير اللي كان في قفص وطلع منو وما كنت بحالة بتسمح الي اعرف شو اعمل مع العلم انو انا اول مره في حياتي كلها ادخل مخفر ويصير معاي اللي صار في هالحادثة

والله استاذ عيسى مش متذكر بالزبط عن كلمه سداد لانو انا الان صار تقفيل في مخي بس من باب العلم الفرق في السداد او اعاده ؟؟؟؟ والله مو متذكر
بس من باب كل الي انا قلته لك اعرف شو الوضع ولو تم تقديم الورقة للمحكمة شو اللي بيصير علي يعني انا حيرتي في هالموضوع لا علم لها الا عند الله بجد مخنوق لاني اول مره بحياتي اصير بهاذ الموقف الصعب


شاكر الك جزيل الشكر

[Essa Amawi]

ابدا اخي .. نحن ملتزومن هنا في شبكة قانوني الاردن باحياء الغاية الحقيقة لمهنة المحاماه (احقاق الحق) ونمضي بذلك بعدة طرق احداها هذه الطريقة.
لست وحدي .. نحن مكتب محاماه كامل مؤمن بهذه الرسالة.
ويمكنك ان تقول ان هذا هو الجانب التطوعي من عملنا (المركب الي ما فيها لله بتغرق).

على اي حال .. قد يكون -للاسف- الوقت قد فات بعض الشيء على تقيدم شكوى ضدهم (يمكن تقديم شكوى من حيث المبدأ، لكن قوتها ستكون ضعيفه لعدم وجود ادله حسيه الا اذا كانت هنالك اثار للندبات ما تزال ظاهره على جسدك).

وللحقيقة كلمة سداد تختلف اختلافا بينا عن كلمة ارجاع او اعادة .. لكن في ضوء المعطيات اعلاه فالامر يسير باتجاه جيد.
اخبرني، هل كان هنالك احد في المخفر لحظة قدومك اليه؟ ام شعرت انه شبه خال؟


نصيحتنا القانونية لك الآن كما يلي:
1- لا تقدم على اي اجراء فيما يخص سند الامانة حتى يقوم هو باجراء قضائي.
2- فكر مليا بفكرة رفع دعوى لاستلام ما تبقى لك من حقوق -في حال وجودها- لدى صاحب العمل.



على الهامش:
لم ساءت العلاقه فجأة بينك وبين رب العمل؟
اذا اتجهت القضيه نحو القضاء الجزائي سنحتاج الى الاطلاع على اصل العلاقة كاملة وما خالجها من تطورات.


امنياتي
وليله طيبة

[Essa Amawi]

تغلق وتنقل الى قسم العيادة القانونية بعد حذف البيانات الخاصة -ايما وجدت-.