الغش والعلامات في كلية الحقوق .. ارجو عدم الحذف

[قانوني صامت]

الغش والعلامات في كلية الحقوق .. ارجو عدم الحذف

بعد ما سمعنا انه كلية الحقوق الكريمة قاعده بتراجع العلامات وبتطور بطريقه التصحيح وبعد ما شفنا انه الكلية بلشت فعلا تحسن التعليم وطريقه رصد العلامات وراح الخوف الي كان بيحوم حول هالموضوع من زمان فانا حاب اعرض للكلية اذا انها جد بتابع وبتشوف الامور التالية:

1) بكل امتحان في طلاب بيغشوا بالسماعات وبمسجات الموبايل.

2) الدكاتره -مش الكل- عندهم واسطات وكثييير كثييير.

3) اذا الدكتور -مش الكل- زعل منك علاماتك راحوا حتى لو كنت الاول على الشعبة.

4) الدكاتره -مش كلهم- بيعاملوا الطلاب زي كانهم هم الوحيدين الي درسوا واتعلموا .. وانه الطالب ما بيفهم اشي.

5) اسلوب الدكاتره -مش الكل- بالاسئله اسلوب من العصر الحجري وبيعتمد على الحفظ بس !


فيا كلية اصلحي الحال بسرعه ..

انا طالب معدلي ممتاز وكل مره بينزل معدلي شوي من ورى الظلم والغش والواسطات. باجي دارس وغيري ما فتح الماده وبالاخير هو بجيب اكثر مني لانه الكتاب معاه.

المواضيع المتشابهه:

• أخبار كلية الحقوق
• اخبار كلية الحقوق
• دليل كلية الحقوق

[قانونية مشاغبة]

يعني انا معك 100% قانوني صامت جد مش عدل الي عم بصير بكليتنا وانا كتير بدرس وغيري بيعتمد ع الغش وين العدل الي عم ندرسو

[YoUSeF MoMaNI]

الاستاذ قانوني صامت
لن يتم حذف الموضوع ولكن سيتم حدف اي تعليق يسيء الى اي شخص وسيتم اتخاذ الاجراءات المتبعه في الموقع وفق قانون موقع شبكة قانوني الاردن

الرجاء الرد بأسلوب حضاري والتحاور بشكل يدل على ان طلاب القانون هم الاوعى والافضل

تحياتي

[قانوني صامت]

العدل الي بندرسه (مهنة المستقبل الرائعه على اساس) مخبية ورى تنكه زيت او اسم عشيرة او جرة قلم يمكن ....

[قانوني صامت]

استاذ يوسف هو احنا خلصنا من اغلاق الافواه الي كان بالكلية قبل العمادة الحالية ورجعتلنا اياه انت !

ما كتبنا اشي وكله قانوني. واذا لوجو بيهز ذنب للكلية فهو بطل لوجو الي عرفته وانا سنه اولى. وين ايامكم ؟؟ وين ايام ما كنت تصدموا بالكلية وما تسألو؟

[قانونية جديدة]

وانا بـأكد الي عم تتفضل فيه
هناك غش غير معتاد بالامتحانات من قبل طلاب وطالبات باستخدام سماعات والواتس اب وطرق لمختلفة ..
اسئلة دكاترة الي بحسسوك انك الة تفريغ لازم تنسخ 7او 8 ورقات وومكن تعجب دكتور وممكن لأ !!!!!!
طريقة معاملة دكاترة بتحسسك انك وسوري للكلمة -حشرة - ما بتفهم شي ولا في اي مجال لللابداع وبالعكس
ازا بتبين انك فاهم بتروح عليك ,,,

والاسلوب الجديد المتبع لتصحيح العلامات منشان تقل نسبة نجاح على فكرة في طلاب مو معهد ولا بدرس على اي حساب
اي مكرمة ,, بدرس على حساب ابوه !!!

ويمك يا كلية تصححي كل هل اخطاء بدل ما تقللي نسب نجاح طلاب وضيعي تعب طلاب !!!!!!

[قانونية مشاغبة]

ههههههههههههههههههه قانوني بالاضافة الى السماعات لا تنساها والوتس اب

[YoUSeF MoMaNI]

استاذ قانوني صامت
شبكة قانوني الاردن ما الا منبر للطلاب منذ بداية لوجو عام 2008 وحتى اليوم لم نقم بحذف اي موضوع لا يوجد به اساءه لاي شخص سواء كان احد افراد الكادر التعليمي في كلية الحقوق او اي شخص اخر

شبكة قانوني الاردن منبركم ونحن لا نقوم بتكمم الافواه

[Essa Amawi]

مرحبا فيك استاذ،

اول اشي بحيي فيك طرحك الجريء. وبأكد على كلام زميلي يوسف.
احنا ما زلنا بصف الطالب وما رح نمحي اي رد الا اذا تعارض مع الاخلاق والنظام العام.

وحتى اثبت لك انه جديتنا عاليه اتجاه الطلبة .. فالموضوع الخاص بحضرتك رح ينزل على صفحه الفيس بوك الخاصة فينا لتوصل الفكره الي تفضلت فيها ويعقبوا مسؤولي الكلية على كلامك او ياخذوه بعين الاعتبار.

مع الاحترام

عيسى العماوي
شبكة قانوني الاردن

[قانونية مشاغبة]

يا جماعة اتو كلكم طلاب قانون هل من العدل انو امتحان فاينل يكون ع سؤال صح او غلط 10 علامات والاحلى انو الخمسين علامة مقسمة ع صح وغلط ههههههههه جد عدل مش طبيعي

[قانوني صامت]

هذا العشم فيكم اخ يوسف واخ عيسى

بس المطلوب من لوجو اكثر من هيك .. انتو صوت الطلاب وعلاقتكم بالكلية مفروض تكون لصالح الطلاب لتعرفوهم بمشاكلنا.

[قانوني صامت]

قانونية مشاغبة..

صح الي بتحكيه.. وبزيدك من الشعر بيت
انا بهذا الفصل قدمت امتحان فاينال وبدل ما تكون مده الامتحان ساعتين او ثلاث الدكتور سحب منا الورق خلال 45 دقيقه !

[قانونية جديدة]

ازا دكتور بالامتحان بحكيللك " انا جايبلكم دفتر 8 ورقات عشان تنسخوا " علما انو لمادة تعتمد على لفهم البحت !!!!!!!
عنجد في شي بحيرني بدكاترة لكلية بحسسك انو ما حدا درس الي هوا وما حدا بفهم الا هوا وانت ما رح تصير شي بالمستقبل !!!

دكاترة بدهم نكون طلاب علامة مو علم !!

وين لكلية وعمادة لكلية عن كل هاد !!!

[عاشقة القانون]

أنا مع الزميل قانوني صامت
و انا كمان طالبة بكلية الحقوق بالجامعة الام
ومن عاشقي القانون و داخلة عن رغبة , و بستمتع بكل كلمة بدرسها
و لكن تحصيلي العلمي ما بعجبني مع اني بدرس المادة و براجعها و ما بترك اي موضوع مش فاهمته او مش عارفة اكتب عنو
و تجميعي بكون بالمواد عالي جدا بأهلني لل ( أ) و أ-
و بكونو ناس مو فاتحين المادة و بحكو قدامنا انو الدكتور رح ينزللهم المادة عالية لأنهم عندهم واسطة !!
و بصراحة أنا من الناش الشاهدين على استخدام التكنولوجيا بالامتحان
الحل مش حجب ال أ ولا الحل رفع الافريج الحل لازم يكون في رقابة أكثر على وضع الاسئلة و على توزيع العلامات و على علامات المشاركة الي بتكون بيد الدكتور تقريبا 15 علامة !!! هاد منطق ؟؟
يا رب حكينا يوصل للجهات المسؤولة و يكون في مساعدة ب هاد الموضوع لأنو ما لازم يروح الصالح مع الطالح عنجد

[YoUSeF MoMaNI]

استاذ قانوني صامت
نشكر لك مباردتك واختيار لوجو ليكون المكان المناسب لموضوع يخص طلبة كلية الحقوق كافة من طلاب السنة الاولى حتى الخريجين



على ما اتذكر بأن تم اضافة موضوع عام 2009 وكان له صدى واسع بين طلاب الكلية وتم استدعاء بعض افراد الشبكة من قبل ادارة الكلية ولكن الموضوع لقي تجاوب من الكلية بعد التحاور معهم الا ان كلية الحقوق في كل سنة تغير من سياستها وليس لها كلمة ثابته

[قانونية جديدة]

واستاز قانوني صامت نفس لمشكلة الي عانينا منها بامتحانات لمد ولكوز الامتحان ساعة ونص ودكاترة الي برتاقب وبتجبرك تسلم لورقة قبل لوقت لمخصص بنصف ساعة غير لفوضى بالقاعات وتقسيم لقاعات وطريقة لمراقبة بتحسسك انك بسجن مو بقاعة امتحان ورغم هيك ما في اكتر من لغش !!!!!!!!!!!

[قانونية مشاغبة]

قانونية مشاغبة..

صح الي بتحكيه.. وبزيدك من الشعر بيت
انا بهذا الفصل قدمت امتحان فاينال وبدل ما تكون مده الامتحان ساعتين او ثلاث الدكتور سحب منا الورق خلال 45 دقيقه !

اها معك حق وبالاضافة انو كل الامتحان وهالدكتور بيحكي ويا ويلك لو بتحكي معلش بدي اركز هههههه بصير يحكي ع دوري صرتو اذكياء والله هالكلمة مابنساها من احدى الدكاترة

[قانوني صامت]

اها معك حق وبالاضافة انو كل الامتحان وهالدكتور بيحكي ويا ويلك لو بتحكي معلش بدي اركز هههههه بصير يحكي ع دوري صرتو اذكياء والله هالكلمة مابنساها من احدى الدكاترة

هذا كوم والدكتور الي بيصير يدخن فوق راس الطالب كوم ثاني !

[قانوني صامت]

وبعدين مدامها صارت وصارت ..

يعني نفسي افهم .. مدام ورق الامتحانات ما بتسكروه ليش عاملين فيها زي الي عنجد ومخصصين مكان للاسم وانه على اساس ما بينفتح !

[ALIAH Y ALTARAWNEH]

الحال من بعضو

[YoUSeF MoMaNI]

سؤال : بما انه بعض الدكاتره مثل ما تفضلتم عندهم بعض السلوكيات الخاطئه ليش ما وجهتوهم او حكتوا او عبرتوا عن رأيكم بقاعة الامتحان او حتى بالمحاضره او المكتب الخاص بالدكتور او قدمتم شكوى رسمية للعمادة بذلك ؟

[Essa Amawi]

هذا كوم والدكتور الي بيصير يدخن فوق راس الطالب كوم ثاني !

شوف
احنا بالشبكة عنا سياسه انه المشرفين عادة ما بيصير يعبروا عن اراء شخصية على صفحات الموقع حتى ما نعكس بذلك رأي و/أو توجه الشبكة العام.

لكن انا هيني بحكي باسمي الشخصي وبس..

فعلا هالتصرف بالذات (تدخين الدكاتره بالامتحانات جنب الطلاب) امر مزعج للغايه وعانيت منه جدا.

[قانونية جديدة]

استاز يوسف يعني لوضع ميبن من دون ما نحكي !! للأسف وبصراحة ازا حكينا فأعرف انك رح تسقط لمادة او رح ترسب او تنجح ب d- !!! للاسف

[قانونية مشاغبة]

ههههههههههههه والله فعلا طول هالامتحان وهما بيدخنو :(

[قانونية مشاغبة]

وانا الي بيزعجني هالدكاترة وهما بيحكو طول الامتحان طيب احنا بيكون قدامنا قضية وعم بنفكر فيها يعني بينسو انو لما هما بيكونو يشرحو ما بيعرفو يكملو شرح اذا كان في صوت