الغش والعلامات في كلية الحقوق .. ارجو عدم الحذف

[عاشقة القانون]

يعني استاذ يوسف الواحد بالكلية بمشي الحيط بالحيط لأنو لما تيجي تكي للدكتور هيك حكي يعني فكرك بتكمل المادة لأ تسقطها او تنزل مسخوطة العلامة ؟
المفروض يكون في تعليمات واضحة بهاد الموضوع بدون ما ينحط حدا بموقف مو عاجبه

[عاشقة القانون]

لوجو احنا كثيييييييييييييييييير عشمنا فيكم كبير لو سمحتو حاولو وصلو كلامنا هاد لعل و عسى يستجيب و ينسمع صوتنا كطلاب معانين بالكلية :(

[mrs]

سؤال : بما انه بعض الدكاتره مثل ما تفضلتم عندهم بعض السلوكيات الخاطئه ليش ما وجهتوهم او حكتوا او عبرتوا عن رأيكم بقاعة الامتحان او حتى بالمحاضره او المكتب الخاص بالدكتور او قدمتم شكوى رسمية للعمادة بذلك ؟

[قانونية مشاغبة]

اسناذ يوسف حتى لو حكينا ع الفاضي انا بشوف كيف لما حد يحتج والله ع الفاضي لانو مرة واحد طلب من الدكتور وحكالو "لو سمحت دكتور بدنا نركز "رد الدكتور وحكالو ع دوري صرت بدك تركز !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!

[قانوني صامت]

سؤال : بما انه بعض الدكاتره مثل ما تفضلتم عندهم بعض السلوكيات الخاطئه ليش ما وجهتوهم او حكتوا او عبرتوا عن رأيكم بقاعة الامتحان او حتى بالمحاضره او المكتب الخاص بالدكتور او قدمتم شكوى رسمية للعمادة بذلك ؟

والله يا استاذ يوسف اذا انت وبقية الزملاء من لوجو عندكم مناره اعلامية وقانونية تدافع عنكم
فانا طالب ابوي موظف بالدولة اخر مره تناقشت فيها مع دكتور حكالي اسقط الماده او ارسب !

ولو في عدل بهالكلية كان ما شفتني بكتب من اسم مستعار

[قانونية جديدة]

وغير مشكلة لامتحانات ولغش والواسطة !! ....مشكلة مصلى لبنات يعني دكتور طارق لعميد مشكور حيث كان حريص على تحسين من وضع مصلى لبنات الا انو لمشكلة انو لمصلى مغلق اغلب الاحيان وازا بدنا نصلي لازم نسعى وراء لحصول على لمفتاح !!!! وغير شبالك لمصلى لمفتوح من دون اي حماية ولا زجاج !!!

[قانوني صامت]

استاذه قانونية جديدة

المصليات امر ازلي مصاحب للكلية
من وانا سنه اولى بسمع بالمصلى واحكي برغم اهميته الا انه يبقى امرا بسيطا اذا ما قورن بهدم اسس العدالة داخل بيت العدالة !

خليني اكون صريح.. انا هالفصل كنت مجمع اعلى تجميع بالشعبة قبل الفاينال.. وفجأه نزلتلي العلامه (ج) !

الكل بحكولي روح اعترض .. بس على الفاضي جربتها من قبل وما استفدت غير انه الدكتور حقد علي بزياده ....

[قانونية مشاغبة]

لا وفي كمان موضوع ..... الشعب المغلقة يعني كل شعبة فيها 40 طالب وبعدها الشبعة تغلق طبعا اكيد هي بتفتح بس بنسبة 90% للواسطة و 10% تزبط معهم فتح الشعب بالطريقة الصحيحة احنا وين نروح نسجل؟؟؟؟؟؟؟؟؟؟؟؟؟؟؟!!!!!!!!!!!!

[قانوني صامت]

بلكي بناخذ مواد حره بالهندسه علشان يرضوا !

[YoUSeF MoMaNI]

اخ قانوني صامت
خطة الحقوق حسب ما اذكر ما فيها مواد حره
يعني باقي في كلية الحقوق وما رح تطلع توخذ بكلية غيرها

[قانونية مشاغبة]

ييييييييييي الهندسة بعيدة شو رأيكم بالعلوم السياسية اقرب ههههههههههههههههههههههههههه

[قانوني صامت]

استاذ يوسف
ما بعرف .. بس اعذرني حاسك ما عمرك دخلت كلية الحقوق بالجامعة الأردنية !

يا استاذنا هالكلية عباره عن تجمع فساد من واسطات ومحسوبيات وتلفونات
والشاطر بيعمل حاله الشريف بينهم
وطبعا ما بعمم والله في دكاتره بينحطوا على العين والراس

[عاشقة القانون]

طبعا يااااااااااااااا سلااااااااااااااااام على الجدول :) كلو كوم و الجدول كوم تاني إحنا خرجين و عنا مواد لازم غصب عنا انزلهم عشان ما في خيارات
طبعا مادتين بنفس الوقت احد ثلاثا خميس على ال 8
و المادة الثنية برضو اثنين اربعا 8-9.30
يا رب هل يعقل أداوم كل يوم لمدة 4 أشهر 8 الصبح !!
طب و قبلنا موضوع الوقت قلنا يلى بنرجع لأيام المدرسة فصل مش مشكلة

بس وين مبدأ سلطان الارادة باختيار الدكتور الي بعجبك اسلوبو كيييف بتنزل فقط شعبتين لنفس المادة عند نفس الدكتور !!!

[عاشقة القانون]

و 6 ساعات بريك اقعدهم فاضية و عندي مشروع بحث والله لازم يشعرو فينا
يحطو حالهم محلنا عنجد

[Essa Amawi]

بس وين مبدأ سلطان الارادة باختيار الدكتور الي بعجبك اسلوبو كيييف بتنزل فقط شعبتين لنفس المادة عند نفس الدكتور !!!

طيب وشو رأيك بالماده الي بدون اسم؟

[قانونية مشاغبة]

طبعا يااااااااااااااا سلااااااااااااااااام على الجدول :) كلو كوم و الجدول كوم تاني إحنا خرجين و عنا مواد لازم غصب عنا انزلهم عشان ما في خيارات
طبعا مادتين بنفس الوقت احد ثلاثا خميس على ال 8
و المادة الثنية برضو اثنين اربعا 8-9.30
يا رب هل يعقل أداوم كل يوم لمدة 4 أشهر 8 الصبح !!
طب و قبلنا موضوع الوقت قلنا يلى بنرجع لأيام المدرسة فصل مش مشكلة

بس وين مبدأ سلطان الارادة باختيار الدكتور الي بعجبك اسلوبو كيييف بتنزل فقط شعبتين لنفس المادة عند نفس الدكتور !!!

وازيدك من الشعر بيت بتكوني منزلة مادة عند دكتور وبس يخلص السحب والاضافة بيتحول لدكتور تاني والاحلى انو هالدكتور ممكن تكون راسب من عندو او مسقط المادة من عندو

[قانوني صامت]

وازيدك من الشعر بيت بتكوني منزلة مادة عند دكتور وبس يخلص السحب والاضافة بيتحول لدكتور تاني والاحلى انو هالدكتور ممكن تكون راسب من عندو او مسقط المادة من عندو

وطبعا بكون خلص السحب والاضافه
وبكل برود اعصاب بيحكيلك .. مش عاجبك اسقط

[قانونية مشاغبة]

اها والله بفكرو مصاري اهلنا مرمية بالشارع نظل ندفع من ورا الاسقاط

[ALA'A ALHADIDI]

طبعا الظلم بالعلامات موجود بكل الجامعة ، وانا من كليتي شفت العجب من الدكاترة الرائعين .....
لازم الدكتور تضل تمدح فيه وتجامله واذا تنفست بتاكل هوا ..

اما بالنسبة لكلية الحقوق الي شفته ما رح احكي كل الدكاترة بس اغلبهم ماشيين عالواسطة !!! اغلب الي بعرفهم ما بياخدو علامة منيحة الا اذا جابو للدكتور واسطة وطبعا كل طالب بياخد علامته حسب علو واسطته
هادا غير حقد الدكاترة وسخطهم لما ينزل عالطالب ... انا ما بعتب كتير على كليتي ( الآداب ) بس بعتب على الكلية الي المفروض تكون فيها سمة العدل والمساواة موجودة ،، واذا مو موجود فيها عدل ومساواة وين بدنا نلاقي العدل والمساواة ؟؟؟؟!!!!!!!!!!!

[قانوني صامت]

ممتاز وهي صيتنا واصل للآداب

[عاشقة القانون]

شهادتك يا اتاذة الاء بتزيد من معاناتنا !!
للأسف مفهوم العدالة و المساواة مفهوم بشكل خاطئ جدا
المساواة و العدالة بالوسطات فكل واسطة بتاخذ حقها أكيييييييييييد :(

[Essa Amawi]

دكتورة الاء

شكلها زياراتك لكلية الحقوق فرجتك اسرارنا؟
بس برأيك الي تفضلت فيه على امتداد واسع ولا انت بس سمعت من الناس سمع؟

[ALA'A ALHADIDI]

استاذنا .. للاسف هاي مو اسرار هاي فضيحة ومأساة !!
انا على مدى معرفتي للكلية من 4 سنين لهلأ ،من اول سنة ولحد الآن الوضع ما بتحسن ، بالعكس الوضع كل ما بصير اسوء
وكمان بتصير الواسطة بشكل علني اكتر ،، الدكاترة بصراحة مو سائلين عن اشي لانه ما في رقابة عليهم
ماخدين راحتهم وبحطو العلامات على مزاجهم ، ومزاجهم بتحكم فيه : الواسطة او يضرب صحبة مع ال... ولا خليني ساكته !!!!!

من كل قلبي بحكي الله يعينكم يا طلاب كلية العدل والمساواة ، من هلأ عم تتعلمو العدل ...

[قانوني صامت]

اخت الاء احكيها !
ما الكل عارفين .. هو الواحد لولا شوية الاخلاق الي تربى عليهم ولا والله بيحكي اكثر واكثر.

لسه ما الها الشغله كثير لما انطرد دكتورين من كلية الحقوق. وما الها الشغله اكثر لما دكتور اخذ انذار.
وكلها لاسباب .....قية

[nadeen alatyat]

مرحبا انا طالبة بالكلية العظيمة
وسجلت هون بالوجو علشان هالموضوع .. من زمان نفسي احكي.
اما عن اسمي فهو نص صح ونص غلط لانه زي ما قانوني صامت جرب وعانى فانا كمان جربت.
انا حابه بس احكي عن شغله مهمة وضرورية.
انه بكليتنا العزيزه لازم يحطوا (بلاك ليست للدكاتره)


دكاترة كليتي الي بترفع الراس :( و.ق ) : هوايته الترسيب والتصعب وليش الكزب انا وصاحبيتي مره غشينا من بعض وكوبي بيست انا جبت 20 وهي جابت 15 مع انه الورقتين نفس الاشي ..


اما حبيبتنا الراحلة ( ل.ش ) فهاي حكايتها حكايه لحالها .. بكفي سير عيلتها وابنها الي كانت تجلطنا فيهم طول المحاضره وبالاخير الامتحان ولا اله علاقه لا بابنها ولا بالماده .

اما الفاضل ( غ.ا ) الي خلاني افقد الثقه بانه دكتور اصلا من شده قدم معلوماته وتصليحه للاسئله بدون ما يقرأ الورقه .


ولا ( ع.ز ) الي العلامه عنده مش مقياس انما المقياس الوحيد عنده هو الواسطه اوالمركز الاجتماعي للشخص واحيانا مكان الولاده .. فاذا انت مثلا من الرمثا يا مرحبابا


اما ( ر.س ) فاذا انت منبتك غير منبته ما تقرب عليه لانه راحت عليك



واذا بدنا نحكي عن( أ.ه ) فالحمدلله الي تزوج وخفت روحاته ورى البن... جهة الساعة وغيرها


والقائمه لسه طويله بلكي بنكمل اذا ما محيتولناالرد

بالنهاية بحب اشكر كاتب الموضوع " قانوني صامت " على طرح الموضوع .. وحابة اشكر اللوجو لانهم منبر للطلاب وبعطونا مساحة من الحرية لحتى نقدر نعبر شوي عن رأينا