احدهم دهس شخصاً بسيارتي - شهادة الزور - مسؤولية صاحب المركبة - مسؤولية السائق

[eid]

احدهم دهس شخصاً بسيارتي - شهادة الزور - مسؤولية صاحب المركبة - مسؤولية السائق

بسم الله الرحمن الرحيم

اخواني انا في يوم السبت صارت مشكلة الي والمشكلة بأختصار
واحد من صحابي كان يسوق سيارتي وانا جنبو والشب كان شارب ( بيرة ) طبعا انا كنت صاحي ومش شارب اي اشي ( الله يبعدنا )
الشب صدم سيارة واستمر يعني ما وقف كمان 10 متر وقف للزلمة الي صدمو نزل صاحبي من السيارة وانا ضليت بالسيارة والسيارة الثانية كانت ورانا
طبعا انا متوقع انو صاحبي نازل يتفاهم رجع الشب عالسيارة وهرب طبعا صديقي انا شفتو بالمراي انو ضرب الزلمة بأِيدو لما ركب السيارة لاحظت انو صديقي على راسو في شوي دم
نزلت السب من السيارة بعد كم متر ورحت عالمركز الامني وحكيتلهم الي صار طبعا انا توقعت انو الدم الي ع راس صاحبي مش الزلمة الي متسبب في

نزلنا عالمحكمة اليوم القاضي حولها ع محكمة الصلح لانو صاحبي اشتكى عالزلمة انو ضربو بسكين طبعا انا نازل عالمحكمة ك مشتكي ع صاحبي انو الحق الضرر بسيارتي وتنازلت عن حقي ...

طبعا انا كل هالحكي ما شفتو يعني ما شفت انو صاحبي انضرب من الزلمة انا شفت انو صاحبي الي ضرب الزلمة ... انا شاكك انو صاحبي كذاب و كل هاد زور انو الزلمة ما ضرب صاحبي

سألتني قاضية محكمة الصلح شفت دم ع راس صاحبك حكتلها اه .... حكتلي شفت الزلمة بس ضرب صاحبك حكتلها لا ما شفت هاد الاشي

اعطت صاحبي سجن اسبوع لموعد الجلسة الجاي لانو الزلمة بالمستشفى وما طلبت مني احضر الجلسة لانو انا مش شاهد ولا مشتكي حد علي وطلعت بدون اي كفالة بس طبعا سألتني عن مكان بيتي

استفساري ارجووكم تجاوبوني علي بأسرع وقت

لو اثبتو انو الزلمة ما ضرب صاحبي انا بنزل علي شهادة زور ؟ وهل من الممكن يطلبوني ثاني مرة ؟

مع العلم انو انا نازل شاكي مش شاهد وانا ما حكيت اني شفت الزلمة بس ضرب صاحبي انا بس حكيت شفت دم وطبعا والله ما كذبت بأشي ومستحيل احلف كذب ع كتاب الله

ارجوكم تجاوبوني بأسرع وقت

المواضيع المتشابهه:

• مسؤولية المؤمن له و السائق عن تعويض الضرر
• [حكم تمييز حقوق] : مسؤولية مالك السيارة مسؤولية تقصيرية ومسؤولية شركة التأمين مسؤولية عقدية
• [حكم تمييز حقوق] : مسؤولية شركة التأمين اتجاه طالب التأمين مسؤولية عقدية واتجاه الغير مسؤولية تقصيرية
• [حكم تمييز حقوق] : مسؤولية الناقل مسؤولية عقدية ومسؤولية مالك السفينة مسؤولية تقصيرية
• مسؤولية شركة التامين ومالك السيارة و السائق بالتضامن

[Essa Amawi]

اهلا بك،

بداية الحمدلله على السلامة.

ومن ثم اتمنى اجابتي على ما يلي:
1) هل قدمت شكوى ضد صديقك بصورة أصولية؟ لدى من؟ وهل تم قيدها؟
2) هل كانت شهادتكم كما رويت لنا في الموضوع أعلاه؟ ام انك تطرقت الى أمور أخرى؟ الم تسألك المحكمة عن تفاصيل الحادث؟ او عن كونك مالكا للسيارة؟
3) هل عرفت ما هي التهمة المنسوبة لصديقك؟

مع الاحترام

[eid]

اهلا فيك اخوي عيسى

الله يسلمك ويعافيك

1) هل قدمت شكوى ضد صديقك بصورة أصولية؟ لدى من؟ وهل تم قيدها؟

- اكيد نعم لانو لما وصلت القضية عند محكمة الصلح انا كان نازل اسمي مشتكي على صديقي لانو الحق الضرر بمركبتي بس انا اسقطت حقي

2) هل كانت شهادتكم كما رويت لنا في الموضوع أعلاه؟ ام انك تطرقت الى أمور أخرى؟ الم تسألك المحكمة عن تفاصيل الحادث؟ او عن كونك مالكا للسيارة؟

- كبداية عند القاضي قبل ما تتحول القضية عند محكمة الصلح سألني القاضي عن الي صار حكيتلو انو صديقي كان يقود سيارتي وصدم سيارة الزلمة وتم مكمل وبعديها انا طلبت منو يوقف نتفاهم مع الزلمة ... سألني شو الي شفتو بعدها حكيتلو انو صاحبي ضرب الزلمة ب اِيدو هاد كل الي سألني اياه ... بعدها تحولت ع محكمة الصلح لانو مثل ما ذكرت اعلاه انو صديقي حكا للقاضي انو الزلمة طعنو طبعا انا ما حكيت انو الزلمة تعدى على صديقي لانو انا ما شفت هيك ... بعدها تحولت القضية لمحكمة الصلح سألتني القاضية 1- شفت دم عراس صديقك ... جاوبتها نعم شفت بس ركب السيارة ... 2- شفت الزلمة بس ضرب صديقك ... انا جاوبت لا ما شفت هالاشي .... 3- سألتني بدك اشي من صديقك لانو صدملك السيارة حكيت لا ما بدي ... وهاد كل الي صار مع العلم انا مش شاهد بالقضية انا بس مشتكي

3) هل عرفت ما هي التهمة المنسوبة لصديقك؟
التهم كالتالي : 1- الحاق الاذى بأموال الغير
2- تحت تأثير المشروب
3- الحاق الاذى بالشخص الي هوي مالك المركبة الثانية
4- الفرار من مكان الحادث



استشارتي اخوي عيسى لو اثبت ان الزلمة ما تعدى على صديقي انا بكون علي اشي زي شهاده زور ؟ مع العلم انا حكيت انو ما شفت الزلمة بس ضرب صديقي بس شفت دم عراس صديقي وانا ما كنت شاهد

وهل من الممكن يتصلو علي ويجيبوني كمان مرة ؟ مع العلم اني طلعت بدون كفالة وسيارتي رجعتلي بدون مخالفة او حجز وانا ما كان منسوبلي اي تهمة

[Essa Amawi]

اهلا بك
لا شهادة زور فيما شهدت كما نرى من ما ذكرته
وقد يطلب منك القدوم ثانيه لاعادة شهادتك اذا لم يكن الخصم او وكيله حاضرين
وننصحك بعدم القلق وعدم محاولة التغاضي في حال وصلك تبليغ من المحكمة فالامور روتينية تقريبا يالاخص ان المتضرر لم يصب من الحادث كما فهمت منك بل اصيب من ضرب صديقك











* (تم اضافة هذا الرد/الموضوع من خلال جهاز متنقل)

[eid]

شكرا لك جزيل الشكر اخوي عيسى ما قصرت كفيت ووفيت

[Essa Amawi]

على الرحب والسعة أخي الكريم.

لا تتردد في طرح أي اسفسار مستقبلا.

تغلق الاستشارة

[Essa Amawi]

تنقل الى قسم العيادة القانونية.