محتــارة !

**وَردْ** · 08-25-2009 07:45 PM

مســا الخيــر
بدي نصيحتكم بصراحة محتارة ومترددة

انا خلصت توجيهي بمعدل مش ولا بد يعني 74.2 الحمد لله .. قدمت موازي قانون بالاردنية وطلعلي الحمد لله.. قد ما كنت متشجعة ومقتنعة بالتخصص كل الي حوالي عم يخلوني اتردد .. على مبدأ انو شو بدك تشتغلي وانو المحاميات البنات ما حد بتعامل معهم ورح تضيعي 4 سنين باختصار حكي فاضي !!
والي بطلعلي بيحكيلي صعب ومارح تقدري تكملي .. والف كلمة وكلمة
انا هلأ سجلت .. بس يمكن يطلعلي اشي محرز بالتنافس

بدي اعرف كل اشي عن التخصص من اول سنة لــ رابع سنة ..وايش بقدر اعمل بشهادتي بعد هيك غير اني اكون محامية ..
ونصيحتكم يا اخوان

**rodyna khliafat** · 08-25-2009 08:19 PM

انا كانوا يحكولي نفس الحكي وطلعلي بالتنافس محاسبة وقانون تجاري بعدين حولت حقوق لاني حابه التخصص
و ازا كنتي بتحفظي منيح خلص اتوكلي على الله وان شاء الله بتكوني من المتفوقين كمان مش شرط تكوني محامية واضلي بالمحاكم ممكن تشتغلي بشركة مستشار قانوني وممكن وممكن وممكن بس لازم اتآمني بشغلة انه الرزق من عند الله والوظيفة كمان من عند الله يعني لو في مليون واحد قدامك بستنوا كلو بتوفيق من رب العالمين

**Essa Amawi** · 08-25-2009 08:54 PM

و ازا كنتي بتحفظي منيح خلص اتوكلي على الله

وازا كنتي بتفهمي منيح توكلي على الله لانه الحقوق فهم

================

مجال العمل كثير كثير واسع

استشارات قانونية
محماه
قضاء
المنظمات الحقوقيه المختلفه
النقابات العماليه
الوظائف الحكومية

... الخ

**هدى2009** · 08-25-2009 10:04 PM

انا هلا طالعه سنه رابعه ...... اول ما طلعلي بالجامعه طلعلي بالتنافس لغات الماني انجليزي بس انا ما حبيت التخصص لانو كنت حابه ادرس من اول حقوق ..

الحقوق كتييييييير حلو وممتع مو شرط الحفظ الفهم اهم وحب التخصص هوه اهم اشي .....ادرسيه وتوكلي على الله وما تخافي ولا تترددي لانه الناس ما بتركو حدا بحاله كل شي لازم يعلقو عليه

انشالله رح تكوني من الناس المتفوقين ...... بتمنالك التوفيق

**أحمد أبو زنط** · 08-25-2009 10:11 PM

راجعي هذا الرابط وراح تقتنعي لحالك ..
http://www.lawjo.net/vb/showthread.php?t=2337

أنا خريج حقوق من الاردنية وهلا محامي متدرب.. إحمدي الله إنو طلعلك حقوق بالاردنية .. بكفي تحكي خريج الاردنية حتى تكسبي إحترام الكل.. بالنسبة إلي إنت قدامك فرصه وترددك يكاد يقضي عليها .. توكلي على الله وشدي حيلك وادرسي منيح بتبدعي ..

أحسن شي عملته بحياتي إني درست حقوق.. إسألي مجرب

**noor hawamdeh** · 08-25-2009 10:51 PM

يمكن لو يجينا من ناحية و اقعية اكثر انه نوقف عندشكلة شو بدنا نشتغل!!!!!!!!!!!
لكن في كتير ناس بشتغلو من تاني يوم ميتخرجو لانه تخصصهم مطلوب بس معلوماتهم بتكون محصورة وديقة كتير
تخصص الحقوق مبني على مبدا انك بدك تتعلمي منطق الحياة فعلا بخليكي مجبرة تفهمي بكتير اشياع و هاد كفيل بانه شخصيتك تبنى بشكل قوي..
معرفة القانون شيء مميز تستحق العناع بكل معنى الكلمة :)
و انا انصحك اولا و اخيرا بان تستخيري عدة مرات و تتوكلي على الله :)

**AmmaR Qatawneh** · 08-26-2009 05:39 PM

والله يا اخت ورده .... انا سنه اولى و ما دخلت الحقوق عن رغبه .... بس فكرتي اتغيرت عن التخصص لما دخلنو ...... مع هيك الحقوق مو سهل ... وانا شايف في كثير تخصصات بمكن بكون مجال العمل فيها احسن ... بس الحلو في الحقوق انو بتحسي حالك فاهمه الدنبا بتوعيكي ع كل شي .... بالاخر بترجع الك .... موفقه يا رب

**محمد حسونة** · 08-27-2009 01:36 PM

انا ما بنصحك بالتخصص
لانه فعلا مجال شغل محصور لكم محامي كبار في البلد
انا لو بطلعلي احول راح احول

**Essa Amawi** · 08-27-2009 01:51 PM

طبعا مع احترامي لاراء زملائي بلا استثناء

ما زلت انصحك بالحقوق كتخصص

كل التخصصات الآن تعاني من الزيادة في اعدادها
ما في تخصص سهل فما تنغري بهاي الكلمة ابدا

بالنهاية الي بدي احكيه

سنويا بيتخرج طلاب حقوق من المملكه
وسنويا هالطلاب بيفتحوا مكاتب او بيتوظفوا وين ما كان

الي بيحكم مستقبلك هو انت

هل بدك تكوني زي البقيه ولا رح تكوني مميزه ؟

هون الخيار الك

مو بالحقوق بس لأ بكل التخصصات

**GLADIATOR 89** · 09-01-2009 04:06 PM

فوتي حقوق وتوكلي على الله لأنه دراسه القانون تعطيكي معلومات بكل المجالات وأقل ما فيها لما تشتغلي
تشتغلي بمكتب خاص مش موظفه عند شركه هاي لحالها تعطيك ميزه عن غيرك

**المعتمد بن عباد** · 09-01-2009 07:57 PM

ادخلي قانون يكفيانة يكون عندك ثقافة قانونية تحميك وتجعل الناس بيحترموك وفرص العمل للقانون اكثر من الهندسة 100مرة احيانن يكون الدخل مرتفع

**وَردْ** · 09-09-2009 01:03 AM

شكــراً الكم كلكم كلكم
الحمد لله خلص اعتمدت وصرت طالبة قانون سنة اولى ومتحمسة كمان

شكراً مرة تانية

**Essa Amawi** · 09-09-2009 01:07 AM

المشاركة الأصلية كتبت بواسطة وَردْ

شكــراً الكم كلكم كلكم
الحمد لله خلص اعتمدت وصرت طالبة قانون سنة اولى ومتحمسة كمان

شكراً مرة تانية

والله ويا ميت اهلا وسهلا

منذ اللحظه انت بين اسرتك ان شاء الله

اذا حابه روحي لمنتدى تلاخيص المواد وبلشي اقرأي

مواد السنة الاولى غالبا ستكون كما يلي :

1- مدخل الى علم القانون
2- نظم سياسية
3- قانون دولي عام
4- مادة اختياريه (تربيه وطنيه مثلا)
5- بامكانك اضافه مادة اخرى وانا انصحك بذلك (ثقافه اسلاميه مثلا)

اي مساعده كلنا هون جاهزين

واي مسأله خاصه
راسلينا على بريد الموقع من هنا

info@lawjo.net

**Essa Amawi** · 09-09-2009 01:08 AM

صحيح اي جامعة ؟؟

**وَردْ** · 09-09-2009 04:53 PM

المشاركة الأصلية كتبت بواسطة amawi

والله ويا ميت اهلا وسهلا

منذ اللحظه انت بين اسرتك ان شاء الله

اذا حابه روحي لمنتدى تلاخيص المواد وبلشي اقرأي

مواد السنة الاولى غالبا ستكون كما يلي :

1- مدخل الى علم القانون
2- نظم سياسية
3- قانون دولي عام
4- مادة اختياريه (تربيه وطنيه مثلا)
5- بامكانك اضافه مادة اخرى وانا انصحك بذلك (ثقافه اسلاميه مثلا)

اي مساعده كلنا هون جاهزين

واي مسأله خاصه
راسلينا على بريد الموقع من هنا

info@lawjo.net

اهلاً فيك ..

رايحة ركاض

تمام .. احنا بس نخلص من الفصل الاول .:)

بالاردنية انا

شكــراً الكم .. رح تزهؤني قد ما بسأل

**Essa Amawi** · 09-09-2009 05:41 PM

كمان مره اهلا فيكي معنا

اسألي زي ما بدك وابدا ما تستحي

الله يوفقك وبنتشرف بمعرفتك ^^

**هبة أبوطوق** · 09-10-2009 11:52 PM

تخصص الحقوق رائع ادخليه و انتي مغمضة
انا طلعلي تارخ بالاردنية و حولت حقوق و مستحيل اني اندم لانه تخصص الحقوق بجنن

**وَردْ** · 09-28-2009 09:31 PM

المشاركة الأصلية كتبت بواسطة amawi

كمان مره اهلا فيكي معنا

اسألي زي ما بدك وابدا ما تستحي

الله يوفقك وبنتشرف بمعرفتك ^^

الشرف الي اكيد :)

نزلولي هدول المواد ..12 ساعة
1- مدخل الى علم القانون
2-النظم السياسية والقانون الدستوري
3-تربية وطنية
4-القانون الدولي العام

**وَردْ** · 09-28-2009 09:34 PM

المشاركة الأصلية كتبت بواسطة هبة

تخصص الحقوق رائع ادخليه و انتي مغمضة
انا طلعلي تارخ بالاردنية و حولت حقوق و مستحيل اني اندم لانه تخصص الحقوق بجنن

وانا كمان مارح اندم ان شاء الله :)

**Essa Amawi** · 09-28-2009 09:35 PM

هو نفس الجدول الي كان نازل الي باول سنة

ممكن اسماء الدكاتره الي نازله عندهم المواد ؟

**وَردْ** · 09-28-2009 09:52 PM

المشاركة الأصلية كتبت بواسطة amawi

هو نفس الجدول الي كان نازل الي باول سنة

ممكن اسماء الدكاتره الي نازله عندهم المواد ؟

اول يوم ما اجى حدا من الدكاترة واليوم ما حفظت اسماؤهم

بكرا عندي تربية وقانون الدولي العام

**Essa Amawi** · 09-28-2009 10:20 PM

بسيطه

عموما كل دكاتره الكليه رائعين
وانا بدي اعرف اساميهم علشان بلكي اقدر افيدك بطريقه تعامل كل واحد منهم

وارشدك لتشوفي اسئلتهم السابقه ان وجدت

كيف شفتي الكليه ؟

**وَردْ** · 09-29-2009 01:19 PM

المشاركة الأصلية كتبت بواسطة amawi

بسيطه

عموما كل دكاتره الكليه رائعين
وانا بدي اعرف اساميهم علشان بلكي اقدر افيدك بطريقه تعامل كل واحد منهم

وارشدك لتشوفي اسئلتهم السابقه ان وجدت

كيف شفتي الكليه ؟

اليوم اخدت قانون دولي عام مع د.عبير خريشة .. كتير مريحة ولطيفة

وتربية وطنية مع د.محمد زبون

وبكرا عندي مدخل ونظم السياسية

ولاحظت انو في نسبة بنات كبيرة سنة اولى .. حلوة الكلية بس انا ما تعودت كتير

**Essa Amawi** · 09-29-2009 01:32 PM

محاضرتكم بنفس الكليه ولا بكليات ثانيه ؟؟

نسبة البنات بين صفوف السنة الاولى هي اقل من السنة الماضية ولكن على اي حال هي ما زالت مرتفعه

باذن الله مع بداية الشهر القادم رح تبلش نشاطات الموقع داخل الكليه .. وان شاء الله نقدر نفيدكم

خالص الاحترام ..
وعلى اتم الاستعداد للمساعده بما يمكننا ^^

**Farah A.Lawjo** · 09-29-2009 06:41 PM

منيح الحقوق يا ورد
بس
ديري بالك منيح لما تسجلي مواد

,,,,انا تعقدت خلص خاصة صرت اقعد لحالي واطلع ع السقف (356):

لانه برنامجي بشبه كل شي الا البرنامج...

عموما موفقة والحقوق حلو وع سلامة كل الدكاترة واكيد متل ما حكا العماوي انه الاسلوب بيختلف


ابحث في الموقع بكل سهوله وسرعة

أهلا وسهلا بك إلى شبكة قانوني الاردن.

شبكة قانوني الاردن

الموضوع: محتــارة !

أدوات الموضوع

بحث في الموضوع

عرض

بيانات اخرى