مشوار العيلة 6 : مكة مول & سيتي مول

**أحمد أبو زنط** · 10-23-2009 09:02 PM

بسم الله الرحمن الرحيم

تعتبر الاسواق من اهم المعالم الحضارية في كل بلد, وكنا في تقارير سابقة تجولنا في اسواق عمان القديمة , ونتيجة النهضة العمرانية و التتطور الذي شهده الاردن والمنطقة بدات تتحول الاسواق الى نمط جديد اسمه المولات , وتنتشر في عاصمتنا الحبيبة عدد كبير من المولات
كاميرا مزاج رصدت اكبر هذه المولات

(( مكة مول & سيتي مول ))

مكة مول هو من اكبر مولات و هو مكون من 4 طوابق . وفيه عدد كبير من المحلات تجارية و المعارض , والطابق الثالث طابق للمطاعم و الرابع للسينما .

وهو يقع غرب عمان على شارع مكة

اما

سيتي مول

وهو كذلك من المجمعات الكبيرة وهو مكون من 4 طوابق واحد وعلى مسطح ارض يبلغ 160 الف متر , ويشغل ( الكارفور) مساحة كبيرة منه
ويوجد بداخله دار للسينما وعدد كبير من المطاعم .

ويقع السيتي مول على طريق المدينة الطبية .

اترك لكم المجال لمتابعة الصور
وادعوكم لزيارتهما

بعض أجزاء هذا المقال منقول عن حملة اعرف وطنك

المواضيع المتشابهه:

**المعتمد بن عباد** · 10-24-2009 09:16 AM

انا ما بفوتة اشتري لا سامح الله بس اتفرج ممكن احضر سينما

**أحمد أبو زنط** · 10-24-2009 10:04 AM

بس في اماكن عادية كتير .. ويعني أسعارها للملابس السبور كتير مناسبة !! .. ما بدي أحكي أسماء على شان ما تصير دعاية

بس في ماركات عالمية وأسعارها معروفة للجميع .. وفي سبورات بتتناسب مع أسعار السوق .. وبالمواسم بيكون في sale .. شو روعة تشتري بالــ sale هههههههههه

**Essa Amawi** · 10-24-2009 10:13 AM

زي ما حكى احمد فعلا في اشياء بنفس سعر السوق وبعضا ارخص

واذا بدنا نحكي عن Super Market تبع الكارفور فهو فعليا ارخص من الباقيين

**Farah A.Lawjo** · 10-24-2009 01:20 PM

بصراحة ما بعرف ليش بحب المختار مول
في علاقة غريبة بتربطني فيه
يعني ممكن مكة مول اروحها (طبعا ما بشتري) بس ما بكون حابة الجو هناك مع انها كبيرة وواسعة بس ما بعرف
بعدين بحسها للسياح اكتر من انها للمواطنين العاديين وبالنهاية هاد رايي

**أحمد أبو زنط** · 10-24-2009 02:27 PM

مممممممممممم المختار مول ما بحبه أبدا .. ديق وبغم البال ..

فش زي مكة مول .. او سيتي مول .. بنشرح قلبي بس أكون هناك .. الاواعي حلوة .. الناس حلوين .. المحلات بتجنن .. وكل شي مرتب .. ولا الكوفي شوبات !! .. اممممممممممممممممممــ .. جد حلو ..

ويا عيني على جو الشتاء وإنت هناك .. روعة .. ولا وإنت بتشتري للعيد ويكونوا حاطين الزينة والنجوم او الخرفان بعيد الاضحي .. روووووووووووووووعة

**Farah A.Lawjo** · 10-24-2009 04:59 PM

ما اختلفنا احمد بس والله اجواء مكة مول ما بحبها
خلص احكيلك تعال هيك يوم نجرب جرش مول(( لسه ما افتتحو)او ب الاحرى انا اللي طرحت الفكرة لاول مرة هلأ

**Essa Amawi** · 10-24-2009 05:03 PM

هههههههههههههه
عجبتني جرش مول
هههههههههههههههه

لولا شغل البورصه يمكن كان فتحوه هههههههههههههههههه

**جنون** · 10-24-2009 07:28 PM

أول كنت اخاف أدخل أي محل ويكون غالي بصراحة

بس مع التجربة إكتشفت انه في أشياء منيحة أسعارها

خاصة انه منتشر كتير الصيني والسوري نخب أول وأحيانا بكون أغلى من محلات موجودة بهيك مولات

يعني بتئدر تشتري شي حلو ماركة بسعر منيح خاصة وئت sale

**أحمد أبو زنط** · 10-25-2009 10:52 PM

يعني بتئدر تشتري شي حلو ماركة بسعر منيح خاصة وئت sale

بالزبط

**Mohammed Hawamedh** · 10-26-2009 12:01 AM

خلص احكيلك تعال هيك يوم نجرب جرش مول(( لسه ما افتتحو)او ب الاحرى انا اللي طرحت الفكرة لاول مرة هلأ

اكبر محل بجرش هوة" ضراغمة للكل"
يالله نروح كلنا على ضراغمة ههههههههههه ماله عاطل يعني والله حلو
انا فتت عليه مرتين بعدين في قباله مخبز بيعمل معجنات من الاخر زي تبعت البيت
لواحد اسمه محمد الحوامدة انا ما بعرفه و قبال المخبز في واحد ببيع لبن "مع المعجنات"
يا زلمة مافي بعد البساطة و حياة البساطة بلا مكة مول بلا هم
انا فتت عليهم بس صراحة عمري ما شريت لانهم بيبالغوا بالاسعار اما بوقت السيل الجارف
ما جربت برضه ، الا من كارفور كتير شريت
فتت على مطاعم و على السينما اما ملابس ما شريت
انسا كله لاخوتنا العراقيين و للناس المليانة زي اخونا ابوزنط هههههههههههه

**sirin .hawamdeh** · 10-26-2009 08:37 AM

مشوار العيله لسيتي مول ومكه مول
صراحه لمن الواحد منا بكون زهئان وحابب يروح لمكان بصير يفكر لوين بدو يروح لوين بدو يروح ما بلاقي مكان واخر شي بختار واحد من هالمولات وبس يروح ويخلص مشواره برجع عالبيت وكانه ما راح مكان ولات غير جو
لهذا بطلب من الجهات العنيه بزيادة الاماكن الترفيهيه بالردن وزيادة قدر من المتعه فيها لانه مشاكل الواحد فينا النفسيه والجتماعيه والاقتصاديه بتجبره انو لمن يطلع لمكان لازم يغير جو من شان العطاء يزيد والا بزيد الضغط وبتتمنى انك ما طلعت من البيت

**صفاء الايمان** · 10-26-2009 09:45 AM

حلووو
يسلمو انا رحت ع مختار موول بس
بعرفش اماكن بالاردن كتيرة
بس اجي بدي دليل سياحي مين يتبرع بس ع حسابو المواصلات هع هع وكل هالسواليف

**أحمد أبو زنط** · 10-26-2009 06:22 PM

انسا كله لاخوتنا العراقيين و للناس المليانة زي اخونا ابوزنط هههههههههههه

بدي أخدك ليوم نعمل (شوبنج) زي (الشوبنج) تبع هذاك اليوم ههههههههههههههه

**غنوجة** · 10-26-2009 07:55 PM

بدي أخدك ليوم نعمل (شوبنج) زي (الشوبنج) تبع هذاك اليوم

ياي انا بحب الشوبنج ,, بليز خدني معكن !!

كتير أنا مهدومة بالشوبنج ما بغلب حدا هههههههههه


ابحث في الموقع بكل سهوله وسرعة

أهلا وسهلا بك إلى شبكة قانوني الاردن.

شبكة قانوني الاردن

الموضوع: مشوار العيلة 6 : مكة مول & سيتي مول

أدوات الموضوع

بحث في الموضوع

عرض

بيانات اخرى