ليش دخلت حقوق ؟ لشو بتطمح ؟ لوين رح توصل ؟ جاوبنا وعرفنا

[كايد]

نصيبي شو بدي اسوي قالولي ادخل دخلت وابصر اطلع ولا لأ ولو بصحلي اخلص ما بقصر
اما تخصصي ادبي
كنت بدي ادب انجليزي قلت بلكي بصير معلم لاني بحب التدريس بحب التدريس

[MALAK]

هون كلنا بدنا نحكي وكلنا بدنا نجاوب ..
رح نفهم بعض اكثر ورح نفهم حالنا كمان اكثر ..

الاسئلة بسيطة .. وكلنا رح نجاوب

1- شو كان تخصصك بالتوجيهي ( علمي ، ادبي ... الخ ) ؟
أدبي
2- ليش دخلت حقوق ؟
لأني كنت احبه من لما كنت زغيرة و لما الناس كانوا يحكولي بدك تصيري طبيبة متل ابوكِ احكيلهم لأ بدي اصير محامية اوقف قدام القاضي
3- شو كنت بدك قبل الحقوق ؟
بدي حقوق بس بابا بدو ادب انجليزي
4- شو بتطمح هلأ من الحقوق ؟
حققت اول طموح كنت بحلم فيه من زغري انه اوقف قدام القاضي و طموحي اوصل لمستوى استاذي الكبير يلي بدرب بمكتبه
5- لشو حاب توصل بهذا التخصص ( بكالويورس ، ماستر دكتوراه ، مدرس للحقوق .. الخ ) ؟
ممممممم كنت حابة ادرس بالجامعة و تحديداً قانوني دولي بفروعه
درست فصل ماستر و أجلت الفكرة حالياً لأخلص تدريب و الطموح موجود لأعلى المراتب ان شاء الله
6- هل انت مستمع الآن بالحقوق ؟
استمتعت فيه كتخصص و كمهنة لأني حبته
7- كيف شايف الكلية ؟
الا ليت الشباب يعود يوماً
كليتنا كانت حلوة كتير بنظري يمكن لأني حبيت تخصصي فبشوف كل شي بتعلق فيه رائع

:: كلنا بنستناك ::

موضوع حلو
يعطيك العافية عيسى

[صقر الجبال]

صراحة كنت حاب ادرس حقوق أو قانون ... وفي الخارج .. وقد طلعلي منحة ... ولكن ... تغير بي الحال إلى شيء آخر ... فالكثير من المحاميين على سبيل المثال ... ينسون الإنسانية امام فتات الحياة ...

[RAWAN.M]

- شو كان تخصصك بالتوجيهي؟ادبي

- شو كنت بدك قبل الحقوق ؟
من انا وصغيرة كان طموحي اصير قاضية او دكتورة بس لما كبرت شوي اكتشفت انو ميولي غير علمية واني ما بحب الدم فبطلت عن الطب وظليت ع القضاء وفعلا خلصت توجيهي وسجلت حقوق بس مشان اطلع قاضية بس ما صار نصيب والحمد لله وهيني هلء حقوق .

هل انت مستمع الآن بالحقوق ؟
والله كتير هلء بس اقرا جريدة وفيها شي عن قانون بفهم وبالانتخابات برضو .جد بحس كل شي بالدنيا برتبط بالقانون
بس المشكلة اللي عندي انو الحقوق جزء كبير منو فهم وبالامتحانات ما بفهم شو بدو الدكتور فبتروح العلامات هباء منثورا بس الحمدلله في مواد متل النظم سهلة وما بدها شي وفعلا بعد تجربة القانون احلى تخصص.

- شو بتطمح هلأ من الحقوق ؟
اكيد حابة اكمل انشالله قضاء مستقبلا وازا صار ما صار وما طلعت قاضية فاكيد هاكمل انشالله دكتوراة اما بالنسبة لمهنة المحاماة كمهنة لهسا ما فكرت اني امارسها.

- كيف شايف الكلية ؟
حلوة كتير واحلى شي فيها انو ما فيها غير تخصص واحد مو متل الكليات التانية ولو انها بحاجة الى كتير من التعديلات واحلى شي انو الجميع بالهلكية بحب المساعدة والتعاون والله يئدرني واصير قانونية منيحة .......

[جومانة العربية]

شو كان تخصصك بالتوجيهي
كان علمي
- شو كنت بدك قبل الحقوق
كنت بدي اتخصص في التغذية يعنى اطلع اخصائية تغذية .ما تتصورو اديش بحب العلوم الطبيعية والرياضيات .لكن للاسف لم اتحصل على المعدل الذي يؤهلني لهذا الاختصاص.فكرت جيدا وجدت اختصاص الحقوق لم اكن اعرف عليه شيئا سوى مانراه في المسلسلات ان خريج الحقوق يعمل محامي.
المهم نصحني ابي بالدخول الى هذا الاختصاص فلم اشا ان اكسر كلامه ودخلت الاختصاص.

هل انت مستمع الآن بالحقوق ؟
نعم والحمد لله .انا مستمتعة بدراستى للقانون .فقد كنت في عامي الاول اشعر ببعض الملل لكن حينما فهمت اصول القانون احببته جدا وقررت ان اكون الاولى على دفعتى وبفضل الله تحقق حلمي .
- شو بتطمح هلأ من الحقوق ؟
منذ دخولي الى عالم الجامعة وانا اطمح في الحصول على شهادة ادكتوراء.والان بعدما تخطيت مرحلة الماجستير لم يبقى لي سوى مرحلة الدكتوراء.اسال الله العظيم ان يوفقني في ذلك.
وبالنسبة للمهنة التي اريدها فهي استاذة جامعية.فشعاري في الحياة "نشر العلم ورفع الحهل "

- كيف شايف الكلية ؟
الكلية جميلة.فيها ايجابيات وسلبيات.واحلى شيء فيها انها علمنتى البحث العلمي والاعتماد على النفس.

[TASNEEM]

1- شو كان تخصصك بالتوجيهي ( علمي ، ادبي ... الخ ) ؟
علمي
2- ليش دخلت حقوق ؟
عشان بعثة قضاة المستقبل لانها كتيير منيحة وبتضمن مستقبل """" ان شا الله """ منيح

3- شو كنت بدك قبل الحقوق ؟
كان بدي هندسة عمارة ...*&عمارة ..عمارة *&
4- شو بتطمح هلأ من الحقوق ؟
انو الله يوفقني واقدر واكمل البعثة واتميز فيها

5- لشو حاب توصل بهذا التخصص ( بكالويورس ، ماستر دكتوراه ، مدرس للحقوق .. الخ ) ؟
والله مع ضغط المعهد ..... بكالوريوس ودراسات قضائية وبكفى .... هههههههه

6- هل انت مستمع الآن بالحقوق ؟
اطلاقا .... مش مستمتعة بالمرة ...

7- كيف شايف الكلية ؟
عادي احسن من غيرها .... الحمد لله مع انو فيها ناس داخلين الحقوق من قلة التخصصات و الا همه اصلاً دون مستوى الكلية وجودهم فيها اساءة الها

[dania asaad]

1- شو كان تخصصك بالتوجيهي ( علمي ، ادبي ... الخ ) ؟
علمي
2- ليش دخلت حقوق ؟
صدفة ,,,,واحلى صدفة توفقت فيه الحمدالله .
3- شو كنت بدك قبل الحقوق ؟
هندسة حاسوب .
4- شو بتطمح هلأ من الحقوق ؟
اني اوصل لاعلى المراتب باذن الله...واترك بصمة بعلم القانون.
5_ كيف شايف الكلية ؟
هو حتى يصير عنا كلية بالاول ههههه . . الله كريم

[نـارديـن]

1- شو كان تخصصك بالتوجيهي ( علمي ، ادبي ... الخ ) ؟

علمي .. بمعدل 96.9

2- ليش دخلت حقوق ؟
ممم..
لأني سجلت بوقت متأخر كتير وكانو الناس باديين دوام ..
ومنيح اني لقيتهم مش مسكرين هالتخصص

3- شو كنت بدك قبل الحقوق ؟
كنت بدي تصميم داخلي ..
او تمريض .. ولحد الان بدي واحد من هالتخصصيين

4- شو بتطمح هلأ من الحقوق ؟
صراحة عم بعمل اجراءات لحتى أغير تخصصي ..

5- لشو حاب توصل بهذا التخصص ( بكالويورس ، ماستر دكتوراه ، مدرس للحقوق .. الخ ) ؟
بكالوريوس وبس .
مع هيك رح اخد معاهد ودورات بمجالات مختلفة ..

6- هل انت مستمع الآن بالحقوق ؟
لا
7- كيف شايف الكلية ؟
مش ولا بد

[ابتهال الجبالي]

انا كنت علمي وحصلت على معدل 93,4 دخلت تخصص الحقوق لانه طلعلي ببعثة قضاة المستقبل ولولا هيك كنت هلا بدرس هندسة كهربائية كان حلم حياتي ادخل هندسة عمارة اما بالنسبة للكلية هي مش هالتطور والحلاوة بس انا بحبها كتير وبطمح انشالله بعد التخرج اسافر على فرنسا لاكمل دراستي هناك وانشالله احظى بهذه الفرصة واصير قاضية جنايات كبرى مشهورة ما في شي بعيد بس انشالله خير

[yara Al-sabbah]

1) كان تخصصي أدبي في التوجيهي

2) دخلت حقوق عشان ابوي محامي و هو اللي شجعني على هذه المهنة الرائعة و انا من الصغر و انا بحب مهنة الوالد و مشيت على هذا الدرب الحمد لله .. و غير هيك حلو الواحد تكون دراسته من الواقع اللي عايش فيه .. و انا بقول لو يحطوا مادة مدخل الى علم القانون لجيمع طلاب الجامعة كمادة اختيارية مش غلط .. لانه دراسة القانون لازمة لكل شخص و مواطن في المملكة الاردنية ..

3) و بخصوص طموحي .. اطمح ان اصير موظفة في دائرة قانونية في احدى مراكز الامن العام .. او محامية جنائية و شرعية .. و الله ولي التوفيق ..

4) بالنسبة الي انا ما كنت بدي اشي بدل الحقوق .. سبقت الذكر انا بدي المهنة و الدراسة هذه من زمان ..

5) بإذن الله بس اخلص بكالوريوس يا بكمل ماستر بس احتمال ضعيف .. او اتدرب محاماة جنائية شرعية ..

6) و بصراحة انا جدا مستمتعة في دراستي للحقوق .. كونها دراسة واقعية بحتة .. و مهمة في كيفية التعامل مع بعض ..

7) و كيف شايفة الكلية بنظري .. حلوة و ماشي حالها بس كتير بعيدة عن المرافق الاخرى في الجامعة و ينقصها بعض اللوازم للطلبة .. اجمالا حلوة بس اللي فيها يخفوا علينا شوي .. ههه

و أشــــــــــــــــكــــــــــرـرـركــــم لأسئلتـــكم الـــــرائعـــــة

[قانونية]

4- شو بتطمح هلأ من الحقوق ؟

طموحي فيها كبير ، بدي أضع منظومة القانون لدولة الإسلام على هذه الأرض ،
طموحي أن اضع لمسات راقية و واعية على أي تشريع أصل لروحه ، أغار على القانون من الأخطاء والهفوات ، اتخيله ابنا لي - مع أني من أبنائه - ولكن حتى تتخيلوا معي كم أحب أن يكون هذا الأبن مميزا..........
أعشق المحاماة الرسالة ، واتمنى أن اؤدي فيها دورا مميزا حقا

5- لشو حاب توصل بهذا التخصص ( بكالويورس ، ماستر دكتوراه ، مدرس للحقوق .. الخ ) ؟

الماستر ظل فيها 6 ساعات ، والدكتوراة رح ابلّش فيها مباشرة إن شاء الله ، بس الفكرة إنو هدفي من هذه الدرجة العلمية هو أن أحصل على أكبر قدر من الوعي القانوني في أي مجال من مجالاته ، أن أوسع مداركي

6- هل انت مستمع الآن بالحقوق ؟

كما كنت اتوقع ، ممتعة

7- كيف شايف الكلية ؟

مع انها تكون خالية أحيانا من السكان ، لكن إلها رهبة كبيرة عندي وبحبها كثير ، مع اني لا أحب تصرفات الكثيرين من أبنائها وكذلك تصرفات بعض اساتذتها ، لكن بصراحة طلاب الماجستير بالنسبة إلي رائعين اكثر ، مع اننا كنا اكثر حركة ايام البكالوريس

[قانونية]

1- شو كان تخصصك بالتوجيهي ( علمي ، ادبي ... الخ ) ؟

آداب ولغات أجنبية

2- ليش دخلت حقوق ؟

حلم راودني منذ الطفولة أن أكون محامية أدافع عن الحق طالما عشقت الأفلام والمسلسلات المليئة بالقضايا والمحاكم والسلاسل التي تتضمن التحقيقات الجنائية
ولما بدأت أعي مايدور صار هاجسي العدل ثم العدل ولما تعرفت أكثر على الله عرفت أن من أهم صفاته الحق عز وجل

3- شو كنت بدك قبل الحقوق ؟

كان بدي أحقق رغبة والدي في أن أصير مترجمة

4- شو بتطمح هلأ من الحقوق ؟

أطمح إلى نشر ثقافة الحقوق في المجتمع وأن أكرس فكرة القانون في متناول الجميع وان القانون ليس حكرا على القانونيين فشعب يعرف حقوقه شعب لن يفكر أحد في استعباده

5- لشو حاب توصل بهذا التخصص ( بكالويورس ، ماستر دكتوراه ، مدرس للحقوق .. الخ ) ؟

قربت أخلص ماجستير وبإذن الله رح أصير مدرسة بالجامعة وحسب الظروف يمكن أخلص دكتوراه بعدين

6- هل انت مستمع الآن بالحقوق ؟

إلى حد كبير

7- كيف شايف الكلية ؟

آخر فصلين الي استمتعت بشكل غير طبيعي لانها كلها مواد قانون عام
مرحلة الماجستير مافيها حركة كتير زي الليسانس بحس بخمول نوعا ما
أما الكلية ككادر علمي ماشاء الله عليها لن أنسى الدكاترة الذين درسوني وسأحمل لهم الشكر دوما وأضل أفتخر قدام الطلاب والناس بالجزائر بأني درست عند أساتذة بهذا المستوى الراقي

[شوقي محمد]

شو كان تخصصي _ كان علمي

دخلت الحقوق لانها الكليه الي شفت حالي راح ابدع فيها ان شاء الله تعالى طبعا ذا صار بعد ان صليت الاستخاره فحسيت ان ربي وفقني لهذه الكليه

هلا بدي اتخرج ان شاء الله من الحقوق بدكتوراه عشان اصير دكتور بالجامعه ربنا يسهل



طبعا دكتوراه ان شاء الله تعالى



طبعا لله الحمد انا مستمتع بهااااااي الكليه الان بس بدي اكسر حاجز لخوف من الدكاتره والطلبه والصبايا


الكليه منيحه ) بدنا كشك قريب منها هيك عشان الواحد يشرب له كاست شاي او نسكافيه لما يكون زهقااااااااان

[المحامي محمد النصر]

مساء الخير أبنائي الكرام أنا مسرور جدا بتعليقاتكم وأتمنى لكم التوفيق والنجاح
أبنائي الكرام إن مهنة المحاماة محترمه وجميلة لكل من يحترمها ويصونها بما يرضي الكرام بكل الأحوال أبنائي الكرام من يحتاجني فأنا في الخدمة تواصلوا معي عبر المعلومات أدناه وأنا بإذن الله لن أقصر

[ALIAH Y ALTARAWNEH]

- شو كان تخصصك بالتوجيهي؟
ادبي(94.4)

- شو كنت بدك قبل الحقوق ؟
من انا وصغيره والكل بحكيلي انتي محاميه هيك مبين بس كنت حابه ادرس اي شي بتعلق بالطيران وبعدها حبيت الحقوق

هل انت مستمع الآن بالحقوق ؟
اكيد والحمدلله

- شو بتطمح هلأ من الحقوق ؟
حابه قضاة المستقبل وازا ما صار نصيب رح اكمل ماستر ودكتوراه ان شاء الله
- كيف شايف الكلية ؟
في الوضع الحالي مو كثير بس هينا بلشنا نعدل فيها بمجهود الطلبه المميزين

[tuqa _ nawaiseh]

السلام عليكم ..انا طالبة حقوق بجامعه مؤته وجدت الاسئله رائعه لذلك سأوجيب عنها بالنسبه لجامعتي -

شو كان تخصصك بالتوجيهي ( علمي ، ادبي ... الخ ) ؟
6اداره معلوماتيه بمعدل 92.4

2- ليش دخلت حقوق ؟
شدني باب معرفه القانون والغوص في اعماقه

3- شو كنت بدك قبل الحقوق ؟
مافي قبل لانه الحقوق الاختيار الاول

4- شو بتطمح هلأ من الحقوق ؟
محاميه او دكتوره اذا شاء الكريم

5- لشو حاب توصل بهذا التخصص ( بكالويورس ، ماستر دكتوراه ، مدرس للحقوق .. الخ ) ؟
ماستر وبعدها ان شاء الله دكتوراه

- هل انت مستمع الآن بالحقوق ؟
نعم استمتع والحمد لله

7- كيف شايف الكلية ؟
بالنسبه لجامعه مؤته اجد كل جزء من الكليه جزء كبير في حياتي ولم اشعر ابدا في الحزن فيها لذلك لكي من كليتي وللجميع الهيئه التدرسيه كل الاحترام
((اللهم اني اسالك فهم النبيين والمرسلين والملائكه المقربين ...اللهم اجعل الستنا عامره بذكرك واسررانا بطاعتك انك على كل شي قدير ...))

[روزانا العياش]

تقى بالتوفيق ان شاء الله

[tuqa _ nawaiseh]

شكرا روزانا العياش ....بالتوفيق للجميع ان شاء الله

[asrar]

هون كلنا بدنا نحكي وكلنا بدنا نجاوب ..
رح نفهم بعض اكثر ورح نفهم حالنا كمان اكثر ..

الاسئلة بسيطة .. وكلنا رح نجاوب

1- شو كان تخصصك بالتوجيهي ( علمي ، ادبي ... الخ ) ؟
2- ليش دخلت حقوق ؟
3- شو كنت بدك قبل الحقوق ؟
4- شو بتطمح هلأ من الحقوق ؟
5- لشو حاب توصل بهذا التخصص ( بكالويورس ، ماستر دكتوراه ، مدرس للحقوق .. الخ ) ؟
6- هل انت مستمع الآن بالحقوق ؟
7- كيف شايف الكلية ؟

:: كلنا بنستناك ::

[asrar]

1- شو كان تخصصك بالتوجيهي ( علمي ، ادبي ... الخ ) ؟ ادارة معلوماتية

2- ليش دخلت حقوق ؟ بألبداية ما عمري فكرت بألحقوق ابدا وما كنت اساسا بعرف شو يعني قانون بس بعد ما خلصت توجيهي بلش والدي يحكيلي عن القانون وهيك امور يعني بيزرع براسي فكرة دراسة القانون وبعديها لما فكرت بألموضوع صرت شوف انه الحقوق هو التخصص الوحيد يلي راح اققدر امشي في وبألاخص اني تخصصت ادارة بأتوجيهي .... على الرغم انه والدي ليس برجل حقوقي وانما يرى ان الحقوق تساوي الطب في اهميتها ...

3- شو كنت بدك قبل الحقوق ؟ كتير كنت حابه ادرس اللغة الفرنسية ولحتى هذا الوقت ما زلت متعلقه بألفرنسي بس ما ببديها على الحقوق

4- شو بتطمح هلأ من الحقوق ؟ اكمل البكالوريس والماستر وبعديها الدكتوراه ودرس بألجامعة يلي عم ادرس هلأ انا فيها " الجامعة الاردنية " لأن انا ومن وجهة نظري الخاصة بشوف انو مزاولة المهنة كمحامية مو كتير زابطة وبألاخص بألنسبة للبنت ....

5- لشو حاب توصل بهذا التخصص ( بكالويورس ، ماستر دكتوراه ، مدرس للحقوق .. الخ ) ؟ ماستر دكتوراه

6- هل انت مستمع الآن بالحقوق ؟كتير من ناحية الدكاترة والمواد ومواعيد المحاضرات


7- كيف شايف الكلية ؟ بتجنن كتير حبيتها

[lawyer dania]

دخلت حقوق ..... لاني من صغري وانا بحكي انا رح ادرس حقوق وبعدين قضاء لحتى احاول ارجع الحقوق لناس وانصر المظلوم واذل الظالم
بطمح اوصل لاعلى المستويات بلدراسة واحقق الهدف من الدراسة
وكان تخصصي بلتوجيهي ادارة والكلية حاليا جيدا جدا

[Emad Al-quraan]

معناته استاذة كملي طريقك وان شاء الله بتحققي احلامك
انا كنت زمان مثل هيك والحمد لله صرت محامي متدرب
بتمشي الايام بسرعة فاستغلوها !

[suliman]

السلام عليكم ... احبتنا القانونيين جميعا ☺



1- تخصصي ادبي ... وبمجموع 90.1%

2- لم اتخيل في حياتي ان ادخل كلية االحقوق ... لانه بيني وبين الحفظ عدواة :)
"لكن قدر الله و ما شاء فعل "

3- Engineering IT

4- على الاقل دكتور في القانون الدولى أو الجنائي

5- professor of law

6- هناك مقولة " تقول أحب ما تعمل وأعمل ما تحب "
وانا في هذا السياق > > > احب ما ادرس ♥

7- كلية رائعة بإمتياز ... ولو لم أكن في هذه الكلية لتمنيت أن اكون بها :)

[شفا هاني محمد رواجبه]

مرحباااااااااااااااااااا
توجيهي ادبي
اخترت القانون لانو اخي اخترلي التخصص وما رفضت لانو كنت حاببتو
لو ما درست قانون كنت بتمنى اكون شرطيه
بتمنى هلا اتوزف بالسفارات
الحمد لله لحد معين راضيه بمهنتي
انا حاليا امارس المهنه

[أحمد أبو زنط]

بالتوفيق ان شاء الله للجميع :)