كلام في الأسافين

[Hosam Hawamdeh]

كلام في الأسافين

مين فينا ما سمعش عن الأسافين ؟؟؟؟ مين فينا ما عمروش انطقع إسفين طلع من راسو؟؟؟؟ طيب عمرك فكّرت شو معنى الإسفين...الإسفين باختصار: هو ضحك بالوجه ومن وراك بيحكي عنك للمسؤول بكلام صحيح أو كذب وإنتا بتضحك وبتلعب ومش عارف شو بيصير ورا ظهرك....

وشو أنواع الأسافين؟؟؟؟

للأسافين أنواع عدة نذكر أشهرها، حاول تراجع الأسافين اللي أكلتها بحياتك واللي إنتا ضربتها وشوف بتنتمي لأي نوع















ومثل ما إحنا شايفين تختلف الأسافين بنوعها وتأثيرها، بس من خبرتي إنو راح ييجي يوم أسود عليك تنردلّك كل أسافينك ووقتها حتبكي دم على أسافينك القديمة ولو سألتني بحكم خبرتي البسيطة بالأردن وبشركاتها شو علاج الأسافين فالعلاج هو الآتي:



1. الإسفين الموجّه ويتكون هذا الإسفين من رأس أحادي يكون موجّه إليك مباشرة من عدوّ لك بالشغل متربص فيك ومستنّي الفرصة وإنتا من شطارتك أعطيته الفرصة ففقعك إسفين محترم 1

2. الإسفين الجماعي أو – ملتي إسفين (Multi Esfeen) – وهذا من أقوى الأسافين ويكون مفعوله شديداً وبكون مجموعة من الموظفين بيضربوا موظف واحد... إسفين من الآخر عند المدير... وطبعاً لإنهم جماعة المدير راح يعتبر إنهم صح وإنتا غلط..

3. إسفين متعدد الاتجاه أو – ملتي دايركت إسفين (Multi Direct Esfeen) – وهذا إسفين بتضربو عند مديرك وإنتا قاصد فيه- والنية بالقلب - شخص معين وإنو ما بحافظ على مصلحة الشغل وإنو ضد مبادئ الإدارة وبالجملة بتلطشلك خمس ست موظفين بالمعيّة مش عاجبينك وشايف إنهم ممكن يضرّوك، وهذا يعتبر من أذكى الأسافين لإنك ضربت عشر أسافين بحجر واحد...

4. إسفين الرحمة وهو إسفين نادر تطلقه بحالة تشوف صاحبك تعبان من الشغل ومش عاجبته الشركة والموظفين بيعطوه شغل كتيير فوق طاقته والأخ ممكن من الضغط يروح فيها...فبتروح حضرتك عند المدير وبتفقعه اسفين بالعظم لصاحبك وبتظلّك توزّ عليه حتى يقوم المدير ويقدم فيه عريضة ويكحشو وهيك بتكون إنتا أطلقت عليه رصاصة الرحمة وخليته يقعد بالبيت معزز مكرم...

5. إن دايركت إسفين (Indirect Esfeen) وهو من أقل الاسافين فاعليّة يصدر من واحد قرفان زهقان عندو مبدأ عليّ وعلى أعدائي وبروح على المدير وبدال صباح الخير بحكيلو: 'إنتا لو بتضبّ موظفينك بدل ما إنك قاعد ورا الكرسي، ولك شوف شو عم بصير…' وبتصير تسلخ شمال يمين وإنتا مو عارف ليش أو مين بس كل هدفك تفش غُلّك وطبعاً ما تتوقع الشباب حيسيبوك بعدها لإنك لكشت الكل وما إلك صاحب...


6. ريفيرس إسفين (Reverse Esfeen) وهو من أغبى الأسافين يصدر من إنسان غبي تافه معوّق طافي
رايح يدق صاحبه إسفين بلاقي حالو إنه دق بحاله إسفين!!! مثلاً بتحكي للمدير: 'ترى خالد طول نهارو بدخّن بالشركة (وطبعاً الدخان بالشركة ممنوع) والمشكلة إنّو دايماً بتسلبط عليّ وبدخن من بكيتي...'



7.إسفين طويل المدى وهذا الإسفين لا يطلقه إلاّ الخبثاء وهو على دفعات وقليل الجرعة بتضلّك تزت أسافين صغيرة ومع الوقت بتتجمع عند مديرك إنو فلان الفلاني عليه مشاكل كثيرة ولازم نأدبو وهيك إنتا بتكون كإنك ما عملت إشي – تراكمات يعني – وهادا إسفين مضمون النجاح وقد أثبت فاعليته عند الشباب الطيبة



8. إسفين موجّه بالأقمار الصناعيّة وهذا الإسفين ما إلو علاج ولا مضاد حيوي لإنه إسفين من شخص واصل من فوق فالأفضل توخد حذرك من هيك أشخاص عشان تضمن حياة سعيدة هانئة بشركتك- عليك بتناول الكثير من فيتامين الوقاية 'فيتامين واو' (الواسطة) لإنها بتشكل جهاز ردع ضد المأسفنين 2- عليك بالإكثار من الحذر والخبث والتحفظ....ممكن ذلك يخفف فقط ولو إنو البعض يشكّك في ذلك ويقول: وداوِها بالتي هي الداء...يعني أسفن فيه الصبح قبل ما يأسفن فيك المساء 3- إمشي الحيط الحيط ودايماً إحكي حاضر ....ولا تحكي لأ....ومع ذلك برضه حتتأسفن مش بكيفك مكتوب عليك الأسفنة خاوا 4- كل يوم صبّح على مديرك وإسألو: آه شو الأخبار؟ إن شاء الله ما في أولاد حلال حكولك شو حكينا عنك مبارح؟؟؟


المواضيع المتشابهه:

• كلام كبير
• كلام للرجال فقط
• كلام جمييييييييييييييل
• كلام عام
• جد كلام منطقي!!!!!!!!!!!!

[hatemw3d]

تحياتي استاذي العزيز حسام الحوامده

التعريف الميكانيكي :- الاسفين عباره عن قطعه من الحديد مستطيلة الشكل توضع بين المسنن او البكره وعامود بحيث يتماسك العمود مع البكره او المسنن وفي حال ضرب هذا الاسفين وخروجه من بين البكره والعامود يستمر العامود بدوران وتتوقف البكره او العكس حسب ايهما مصدر الحركه .

ان الاوصاف التي ذكرتها تنطبف على الصواريخ وهي انواع فمن ناحية موقع الاطلاق يوجد ارض ارض او ارض جو او جو ارض او جو جو اما من ناحية التحكم صاروخ موجه وغير موجه اما من ناحيه مدى الصاروخ فيوجد قصير المدى وبعيد المدى وصاروخ عابر للقارات وصاروخ لسى ما اخترعوه صاروخ حرب النجوم اما بنسبه لستعمال الصواريخ فيوجد مضاد افراد مضاد دروع ومضاد جوي .

دمتم بخير وسعاده

[Tommywarsong]

والله يا معلم هاي سولافة الأسافين لسه منعاني منها لليوم ..

بس عادي ..

في ناس بدمهم السولافة .. و بيجبوا يأسفنوا بين الشباب .. و بيستخدموا كل الأنواع يلي حكيتها ..
بس أشطر واحد شفته بقدح الأسافين هو أبو غالب تبع باب الحارة .. هههههههههههههههههههههه

عادي يا زلمة .. اسفين يفوت ولا حد يموت ..


بس أنا بعرف انه كلمة اسفين معناها قطعة من الخشب أو البلاستيك .. بيحطوها بخزق بالحيط مثلاً عشان يدخلوا فيه برغي .. و نفسي أعرف شو علاقة كلمة اسفين بنكش الروس .. هههههههههههههههههههههههه

[Hosam Hawamdeh]

تحياتي استاذي العزيز حسام الحوامده

التعريف الميكانيكي :- الاسفين عباره عن قطعه من الحديد مستطيلة الشكل توضع بين المسنن او البكره وعامود بحيث يتماسك العمود مع البكره او المسنن وفي حال ضرب هذا الاسفين وخروجه من بين البكره والعامود يستمر العامود بدوران وتتوقف البكره او العكس حسب ايهما مصدر الحركه .

ان الاوصاف التي ذكرتها تنطبف على الصواريخ وهي انواع فمن ناحية موقع الاطلاق يوجد ارض ارض او ارض جو او جو ارض او جو جو اما من ناحية التحكم صاروخ موجه وغير موجه اما من ناحيه مدى الصاروخ فيوجد قصير المدى وبعيد المدى وصاروخ عابر للقارات وصاروخ لسى ما اخترعوه صاروخ حرب النجوم اما بنسبه لستعمال الصواريخ فيوجد مضاد افراد مضاد دروع ومضاد جوي .

دمتم بخير وسعاده

أهلا استاذنا الكبير حاتم ،
بالنسبة للتعريف الذي ذكرته فهو التعريف العلمي للأسفين المستخدم في الحياة العملية ..اما الأسفين الذي قصدته انا فهو مصطلح متعارف عليه بين فئة الشباب للتدليل على مفهوم " الطعن بالاخرين " ههههه

ابو السعيد لااااازم يعيش ، فعلا شو دخل الاسفين مش عارف بس هيك هم سموها صح ؟
والله كل يوم بتأسفن الواحد من حدا شكل ..زميلك بالدراسة بأسفنك عند الدكتور اذا غشيت ..أخوك بأسفنك أنك مبارح تأخرت لما رجعت ع البيت هههههههههه مش عارف من وين الواحد بدو يتلقى اسافين

[صفاء الايمان]

التعريف الميكانيكي :- الاسفين عباره عن قطعه من الحديد مستطيلة الشكل توضع بين المسنن او البكره وعامود بحيث يتماسك العمود مع البكره او المسنن وفي حال ضرب هذا الاسفين وخروجه من بين البكره والعامود يستمر العامود بدوران وتتوقف البكره او العكس حسب ايهما مصدر الحركه .

لا مش هاد الاسفين
انا بعرف الاسفين
هوو مل القطعة البلاستيك بتنحط في الفتحة يلي بدنا نحط فيها البرغي
!_________!
هيك معلوماتي انا انداري
عكل ابدعت حسام ^___^

[Essa Amawi]

وكمان الاسفين هو اداه (بتشبه المسمار) لكنها كبيره وتستخدم في النقش احيانا
يسميها البعض (ازميل)

[رينادا]

ههههههههههههه حسام اسأل ابو السعيد وابو عابد عن الاسافين يااااااااااااااااااحرام ابو عابد قد معملت معاه اسافين
حسااااااااامكو انا اسافيني من النوع الثاني

[Hosam Hawamdeh]

لا مش هاد الاسفين
انا بعرف الاسفين
هوو مل القطعة البلاستيك بتنحط في الفتحة يلي بدنا نحط فيها البرغي
!_________!
هيك معلوماتي انا انداري
عكل ابدعت حسام ^___^

اختلفت المادرس الفقهية في تعريفها للأسفين هههههه
وعكل الموضوع منقول مش أنا اللي ابدعته صفاء

وكمان الاسفين هو اداه (بتشبه المسمار) لكنها كبيره وتستخدم في النقش احيانا
يسميها البعض (ازميل)

هي أحد المدارس الفقهية ، المدرسة العماوية

ههههههههههههه حسام اسأل ابو السعيد وابو عابد عن الاسافين يااااااااااااااااااحرام ابو عابد قد معملت معاه اسافين
حسااااااااامكو انا اسافيني من النوع الثاني

يا حرامك من الله يا رينادا !! يعني بما انه هيك الموضوع بطلت أغش منك بالعمل بلاش تأسفنيني

[سجا المومني]

يا الله شو بكره هاد العادة المشكلة الواحد بعطيك اسفين عينك عينك وبرجع يضحك ويحكي معك وناسي شو عمل
ناااااس تعباانة

[rodyna khliafat]

والله كل يوم بتأسفن الواحد من حدا شكل ..زميلك بالدراسة بأسفنك عند الدكتور اذا غشيت

..أخوك بأسفنك أنك مبارح تأخرت لما رجعت ع البيت هههههههههه مش عارف من وين الواحد بدو يتلقى اسافين

هههههههه الحال من بعضه متل يوووم الخميس اخدت اسفين مرتب لما رجعت متأخرة بس رديته بسرعة

[hatemw3d]

ثبت من المعلومات القيمه عن الاسافين انها نوعين ولم نعرف سوى مدرسه واحده
1 - اسفين تثبيت مثل اسفين الحديد والخشب وابلاستك
2 - اسفين نقش او حفر او قلع ( ازميل ) وهو ينتمي الى المدرسه العماويه

سامحوني

[suhaib dalaqmeh]

عفوا منك بس شكلك نسيت اسفين العيني عينك
مثل انو ايذكرك زميلك كلامك عن مديرك قدام مديرك على اساس انو نوع من الدعابة وانو عنجد عنجد يا حرام ما كان قصدو وما كان ملاحظ انو المدير موجود وانت المسكين بتوكلها وبتعذرو

[Hosam Hawamdeh]

اهلا فيكم استاذ حاتم واستاذ صهيب ..يتم اذافة ما تقدمتم به لاراء مدرستنا الاسفينية هههه
ردينا بعين الله انا كمان تأسفنت عند فوجيكا هههه
سجا ما في حدا بحب انه يتأسفن

[Essa Amawi]

عفوا منك بس شكلك نسيت اسفين العيني عينك
مثل انو ايذكرك زميلك كلامك عن مديرك قدام مديرك على اساس انو نوع من الدعابة وانو عنجد عنجد يا حرام ما كان قصدو وما كان ملاحظ انو المدير موجود وانت المسكين بتوكلها وبتعذرو

يا الله شو بكرهه هذا

قال بيعمل السبعه وذمتها
وبيشوه صورتك

واخر شو قال بيمزح -_-

[suhaib dalaqmeh]

بس ابتعرف بقول المثل
امشي سوي يحتار عدوك فيك
وهذا اهم مثل بحياتي على شان هيك الحمدلله ما عمري اكلت اسفين

[صفاء الايمان]

وكمان الاسفين هو اداه (بتشبه المسمار) لكنها كبيره وتستخدم في النقش احيانا
يسميها البعض (ازميل)

لالا اسمو ازميل هاد بعدين شو جاب الازميل للمسمار هداك صغيييييييييييييييييييييير مش الازميل !!!
ما علينا قولتك اختلفت لروايات

[Essa Amawi]

وبعض ناس بتسميه اسفين يا جده ^^

[Emad Al-quraan]

وبعض ناس بتسميه اسفين يا جده ^^

ههههههههههه حجة احسن من جده هههههههههههههه

[أحمد أبو زنط]

بدي أأسفن الموقع اسفين .. أخلي يسكر من وراه

[صفاء الايمان]

ههههههههههههههههههههههههههه
لحالك جد وجدة انا بعز شبابي لسا هع هع

[هدى2009]

حدا يكتبلنا شعر او خاطره بتتعلق بالاسافين هههههههههههههههههههه


حسام موضوع حلو ومأسفن حالو لحالو ..... اي انت ب هالموضوع اسفنت بين عيسى وصفاء ..... قال الازميل صار اسفين هههههههههههههههههههههههههههه ........

ابدعتو تابعو هههههههههههه

[Hosam Hawamdeh]

بدي أأسفن الموقع اسفين .. أخلي يسكر من وراه

ايش معلم بلشنا نأسفن بعض ؟ ههه

حدا يكتبلنا شعر او خاطره بتتعلق بالاسافين هههههههههههههههههههه

تحال لحمزة او صفاء

حسام موضوع حلو ومأسفن حالو لحالو ..... اي انت ب هالموضوع اسفنت بين عيسى وصفاء ..... قال الازميل صار اسفين هههههههههههههههههههههههههههه .....

...

يحلي أيامك وانا ما اسفنت بينهم لحالو الأسفين جاي عندهم built-in
واذا بضلهم يتناقروا على مواضيعي ودبنب وما أعبد بشطبلهم الردود ههههههههههههههههههههههههههههههه
الأزميل صار اسفين قال كمان شوي الزميل بصير اسفين

[هدى2009]

تحال لحمزة او صفاء

يالله حمزه او صفاء بدنا قصيده اسفينيه مرتبه .. تأسفن كل اللي بقرأها ههههههههههههههههههههههه

لأزميل صار اسفين قال كمان شوي الزميل بصير اسفين

مكان شوي !!!!!! ليش يا حسام ما احنا فيها ههههههههههههههههههههههه

[Hosam Hawamdeh]

يالله حمزه او صفاء بدنا قصيده اسفينيه مرتبه .. تأسفن كل اللي بقرأها ههههههههههههههههههههههه

اللهم لا أسفنة

مكان شوي !!!!!! ليش يا حسام ما احنا فيها ههههههههههههههههههههههه

مرة زميل صار اسفين

[صفاء الايمان]

ماشي بس كم حتدفعو لاعطيكو خاطرة ماسفنة تئسفن هع هع اول شي العربون 15000 دولار