يا شينها لو صار قلبك مع إنسان
ما هو معك .. قلبه مع إنسان ثاني
***
وأنت تناظر فيه في جو حرمان
تبيه .. لكن .. ما تفيد الاماني
***
ودك تصيح بعاليَ الصوت يا فلان
صرخة صدى صوتك تلجّ المحاني
***
والناس تفزع لك محبه وشفقان
وكلٍ يجي من كل صوب قاصي وداني
***
وعندك كلام .. ما يقدر بالاثمان
ودك تعَبر له .. وخان اللساني
***
وقفت تنظر فيه .. والدمع حيران
حتى من النظرة تبين المعاني
***
ثم صد عنك وصدته عنك من شان
يجني عليك وصرت مجني وجاني
***
وترجع كسير وهَمك أشكالِ وألوان
وذكرى اللقاء يعكس مرور الثواني
***
وتعيش بالحسره ذليلٍ وندمان
أتشيل هَمٍ .. ما تشيله مواني
***
ومن وين ما وجهت بالصدر نيران
والناس ما يدرون .. عن ما تعاني
____________________
المصدر غير معروف
المفضلات