rodyna khliafat ع كرسي الاعتراف

[صفاء الايمان]

rodyna khliafat ع كرسي الاعتراف

الفاينل وما ادراك ما الفاينل


من بين اكوام الكتب والاوراق
ومن بين صفوف الدستوري والتجاري
من بين طيات الجزائي ومصادر الالتزام
وعلى اطراف عقوبات عام وخاص
ومن تحت جنبات ملكية فكرية
ومن مدخل الى علم القانون
وانطلاقا الى اصول محاكمات مدني

اجا عبالي اتفقد احوال الرعية الحلوين
المهم
الي كام يوم فاضية
بشوف مين حطيت ع الكرسي ومين ما ضيفتو
شفت ابو السعيد خلصنا طيب بتصويتنا دور محمد الحمود استنى استنى شو هاد
اكتشفت انو ردينا باشا ما حطيتها طيب مش عارفة احط مين انا
استخرت وقلبي الهمني احطك يا ردينا بعرفش هيك اجا عبالي
شكلو محمد الحمود قايم الليل او مصلي الفجر حاضر كمان هع هع
عموما محمد الحمود دورك ما فات انت بعدها بس السيدات اولا

هسا خلينا معك ردينا
تفضلي ردينا جهزتلك الكرسي وسخنتلك اياه




بمزح حجة تفضلي







""بطاقتكــ الشخصيهــ""



الاسمــ::


العمر::


الحالهــ الاجتماعيهــ::

كم تاريخ ميلادكــ ::


السكنــ::


مستواكــي الدراسيــ::


هواياتكــ::


بتامني بالابراج ولا لا ؟ وشو برجك ؟



كم عدد عيلتك ؟ وشو ترتيبك :::


كم لغة معك ؟؟


راجعتلك هدول نقرشة يختي
اجاكي يومك وما حد سمى عليكي
اجاك الموت يا تارك الصلاة
تفضلي يختي
ياويلك اذا بتتحججي مش مشكلتي دبري حالك

المواضيع المتشابهه:

• ترشيح كرسي الاعتراف 2
• hatemw3d على كرسي الاعتراف
• rodyna khliafat مبارك الترقية
• ترشيح كرسي الاعتراف 3

[سجا المومني]

نور نور نور الكرسي يا ام الرووووووووووووور
وقعتي واخيراااااا يلااااااااا اشوف جاوبي وبدون لف ودوراان
الصراحة راحة يا حلوة رح ارجع بكمشة اسئلة مش تهربي

[Emad Al-quraan]

هههههههههههههههههههههههههههههههههههههه
والله وقعتي يا ردينة وما حدا سما عليكي
هع هع هع هع
راااااااااحت عليكي هههههههه
بدي رشوة والا صدقي ما تخلص الاسئلة ppppp:
لا بمزح انا مبسوط انك هون عشان نعرف حجتنا ردينة اكتر
موفقة ^__^
وراجعلك بأسئلة من الاخر

[rodyna khliafat]

ههههههههههههههه يا ساتر يا ساتر

اوك يلا

الاسمــ::

ردينة خليفات

العمر::

20سنة و3 شهور

الحالهــ الاجتماعيهــ::

انسة

كم تاريخ ميلادكــ ::

10-2-1990

السكنــ::

طبعا المنتدى -_-

مستواكــي الدراسيــ::

طالبة سنة 2

هواياتكــ::

بحب انشف ورد بس كل ما اجمع مجموعة ماما بتكبهم للاسف هههههههههه

بتامني بالابراج ولا لا ؟ وشو برجك ؟

لا ما بآمن بالابراج بس بالعادة بحب اقرأهم من باب المعرفة و انه في علم بقوم ع الابراج ومرات اله علاقة بتحرك الانسان بشكل عام
برجي الدلو

كم عدد عيلتك ؟ وشو ترتيبك :::

اها عددنا 10 افراد انا ترتيبي رقم 5

كم لغة معك ؟؟

هههههههه ما في داعي للشكل ههههههه طبعا العربي والانجليزي بتوقع اني جيدة وبعرف شوي صيني وشوي فرنسي

راجعتلك هدول نقرشة يختي
اجاكي يومك وما حد سمى عليكي
اجاك الموت يا تارك الصلاة
تفضلي يختي
ياويلك اذا بتتحججي مش مشكلتي دبري حالك

هههههههههههههههههه ولك انتِ نهفة اطمني هاي المرة صامدون صامدون ما رح اتحجج

[rodyna khliafat]

نور نور نور الكرسي يا ام الرووووووووووووور
وقعتي واخيراااااا يلااااااااا اشوف جاوبي وبدون لف ودوراان
الصراحة راحة يا حلوة رح ارجع بكمشة اسئلة مش تهربي

سجاوي يا البي منورة بوجودك
ما تشمتي جايك الدور
وخدي راحتك هههههههههههههه

[rodyna khliafat]

هههههههههههههههههههههههههههههههههههههه
والله وقعتي يا ردينة وما حدا سما عليكي
هع هع هع هع
راااااااااحت عليكي هههههههه
بدي رشوة والا صدقي ما تخلص الاسئلة ppppp:
لا بمزح انا مبسوط انك هون عشان نعرف حجتنا ردينة اكتر
موفقة ^__^
وراجعلك بأسئلة من الاخر

هلا هلا بابن الجنوب ع راسي والله -_-
بس من هلأ بلشنا بالرشوات انا ما ربيتك هيك دير بالك تفهمني صح
ههههههههه
تسلم يا عماد وبستنى بأسئلتك

[MoHammeD HmouD]

تتخيليش قديش ضحكت بس قرأت الموووووضوووووووووووووووووووع

بس راجعلك بكمشه اسئله من الاند

نووور الكرسي

[MoHammeD HmouD]

شكلو محمد الحمود قايم الليل او مصلي الفجر حاضر كمان هع هع

الحمد لله

[rodyna khliafat]

حمود عادي ما في مشكلة تعال كل يوم
هههههههههههه جايك الدور

[Mohammed Hawamedh]

جاااااااااااااااااااااااااااااااك الموت يا تارك الصلاة هههههههههههههههههههههههههههههههههه
بس خليني اروق شوي و بتشوفي

[Tommywarsong]

شو سمعنا بتعرفي صيني ؟

[صفاء الايمان]

رودي اجيتك
اجلو الامتحاان يلي ل 12 واحنا بندرس عليه هع هع ههههههههههههههههههههههه
عموما مممم
اجيت
بتعرفي تطبخي ؟
ايش اكتر شي بتزبطيه
بتعرفي تعملي حلويات ؟
شو دورك بالبيت ؟
رودي مين اقرب ناس لالها بالعيلة ؟
كم فرق العمر بينك وبين امك
رودي عمرك سافرتي ولوين
وين اكتر مكان حابة تسافري عليه وليه
رودي عمرها 20 سنة واشي مممممممم شو بيعنيلك هالعمر
شو مواقف حلوة صارت معك بهالسنة وشو بتعنيلك هالسنة
شو مواقف حلوة بتتذكريها وبتحبي تتذكريها او تنعاد
فتي تخصصك من رغبة ولا غصب عنك
رودي شو بتوصف التوجيهي واي فرع كنتي وكام معدلك
رودي ايش اسم الدلع المحبب لالك هؤهؤ
رودي كيف بتشرب قهوتها ؟
شو اكتر مشروب محبب لالك عصير او اشيا ساخنة
بتحبي البوظة ع اي نكهة
شو اكتر لبسة بتحبيها
رودي ايش ابعد موقف بتتذكريه من طفولتك

الي رجعة هدول هيك بس عشان الجولة التفقدية هع هع

[Emad Al-quraan]

ردينة شو قصتك مع الفيران؟
اكتر اشي بتخافي منه
اكتر مرة حسيتي فيها بالغضب
عمرك حقدتي على حدا وما سامحتيه لهلأ
احلى كتاب قرأتيه
انو بتحبي اكتر الصيف والا الشتا
كيف انتي والكمبيوتر
شو قصة الاشياء الزاكية اللي بشنطتك داااااائماً ؟؟
شو رأيك بوساءل النقل عندنا
جملة بتوصفي فيها الباصات
جملة بتوصفي فيها التكاسي
ايش احلى هدية اجتك

بدي اسألك سؤال عيسى الدائم
لو خيروك تصيري وزيرة اي وزارة بتختاريها؟؟
هدف حياتك
احلى رياضة برأيك شو هي
بتابعي كرة قدم؟؟
مين رح تشجعي بكأس العالم؟؟؟
هي بس تسااالي راااااجع
صحيح كيف عملتي بامتحاناتك ؟؟؟؟؟
موفقة حجة ^__^

[rodyna khliafat]

رودي اجيتك
اجلو الامتحاان يلي ل 12 واحنا بندرس عليه هع هع ههههههههههههههههههههههه
اهلا وسهلا هههههههههه يلا منيح نيالك

بتعرفي تطبخي ؟

الحمدلله عم بتعلم -_-

ايش اكتر شي بتزبطيه

الكبسة بس بتعرفي من زمان ما عملتها خايفة اكون ناسيتها هههههههههه

بتعرفي تعملي حلويات ؟

اها بس مو كتير

شو دورك بالبيت؟

ممم ازا متل ما فهمت بحس حالي من اول ما دخلت الجامعة ما الي دخل بالبيت
بس عنا نظام بالبيت اخدم نفسك بنفسك -_-

رودي مين اقرب ناس لالها بالعيلة ؟

ما في حدا معين كلهم قراب مني

كم فرق العمر بينك وبين امك

26 سنة

رودي عمرك سافرتي ولوين

اه سافرت للبحرين -_-

وين اكتر مكان حابة تسافري عليه وليه

حابة اسافر ع تايوان لأني ضيعت هالسفرة من ايدي وحابة اعوضها بالاضافة الى انها بلد رايقة وحلوة كتير

رودي عمرها 20 سنة واشي مممممممم شو بيعنيلك هالعمر

اه اجيتي ع الوجع واخيرا خلصت من الطعش ههههههه
عمري بعنيلي كتير طبعا من زمان كان نفسي اوصل لهالعمر وع فكرة هاد احلى سن واحلى عمر بس مرات بتنكد اني وصلت لهالمرحلة وبعدني ما عملت اشي مفيد بالنسبة الي

شو مواقف حلوة بتتذكريها وبتحبي تتذكريها او تنعاد

هاد بس سافرت لأختي بالبحرين كنت زي الهبلة بمطار الاردن وكمان كملت هبلي بالطيارة لحد ما وصلت مطار البحرين وصلت هناك ع الساعة 3 الصبح ولما شفت اختي من كتر العجقة عملت حالي ما بعرفها ههههههههه وهي يا حرام بتأشر وانا شو ولا كأني شايفيتها
وهاد اليوم بتمنى ينعاد بس يكون معي حدا مو لحالي...

فتي تخصصك من رغبة ولا غصب عنك

بصراحة ما كنت مفكرة بالحقوق نهائيا ومن زمان بحكي اني بدي ادرس لغات فلما نجحت وبلشت احط تخصصات ما حطيت لا لغات ولا حقوق اخترت اول خيار محاسبة وقانون تجاري وكنت عارفة انه رح يطلعلي وفعلا سجلت بالجامعة الهاشمية ودفعت بس كنت كتير متنكدة ما عجبتني الجامعة بنفس اليوم الي دفعت فيه رحت عند دكتوري الاسنان وبلش يبهدلني ليه ما اخترت حقوق وحكى لبابا طبعا انا حبيت الشغلة شو فيها جامعة اردنيةهههههههه وعطول تاني يوم بابا حولني وزبطت الشغلة بس هاي احلى خطوة بحياتي .

رودي شو بتوصف التوجيهي واي فرع كنتي وكام معدلك

المرحلة الي اتحديت فيها الكل وعشت بهاي السنة لحالي وغيرت فيها المدرسة والصاحبات وكل اشي
كنت فرع ادبي وجبت 91.1

رودي ايش اسم الدلع المحبب لالك هؤهؤ

هههههههه رودي

رودي كيف بتشرب قهوتها ؟

ممممم مو دايما بشرب قهوة بس ازا كنت بدي ادرس بالليل وعادة بشربها وسط

شو اكتر مشروب محبب لالك عصير او اشيا ساخنة

عصير المانجا والنسكافيه

بتحبي البوظة ع اي نكهة

اه طبعا بحبها ع شوكولا

شو اكتر لبسة بتحبيها

ما في لبسة معينة وبالعادة بشتري اللبسة اليوم بكون مكيفة مشوارين بالكتير ببطل احبها

رودي ايش ابعد موقف بتتذكريه من طفولتك

اها بتزكر لما كان عمري تقريبا 3 ونص او 4 سنين لما دعست ع صوص اخوي ع السطوح كنت كتير شيطانة

الي رجعة هدول هيك بس عشان الجولة التفقدية هع هع

هههههههه اوك يا بطة بستناكِ

[Essa Amawi]

هع هع هع

يعني اول مره صفاء بتزبط بشغله هع هع
<< بمزح


ردينا يا ردينا

كيف حالك ؟


1- شو الله عترك وجابك على الحقوق ؟

2- اكثر مواد بتحبيها بالكليه ؟ (تجاريه ، مدني ، جزائي ، دستوري ، شرعي .. الخ)

3- اكثر ماده حبيتيها ؟

4- ماده حسيتي حالك انظلمتي فيها ؟

5- ماده حسيتي حالك نفسك تلغيها من الخطه الدراسيه ؟

6- دكتور نفسك تاخذي كل المواد عنده ؟ وليش ؟

7- بتروحي على كليات ثانيه ؟ اي كليات ؟ ليش ؟

8- بتروحي على جامعات ثانيه ؟ اي جامعات ؟ ليش ؟

9- في مكان لسه ما وصلتيه بالجامعه ؟ شو هو ؟

10- اكثر مكان بتروحي عليه بالجامعه بعد الكليه ؟ وين ؟ وليش ؟


<< انا هيك دائما كل رد بخصص الاسئله لموضوع معين علشان اشيب الي على الكرسي ، فتلقي هع هع

[rodyna khliafat]

جاااااااااااااااااااااااااااااااك الموت يا تارك الصلاة هههههههههههههههههههههههههههههههههه
بس خليني اروق شوي و بتشوفي

والله بصلي هههههههههههه
يلا يلا الله بعين شو بدي اعمل بدي اتحملكم

[rodyna khliafat]

شو سمعنا بتعرفي صيني ؟

ابو السعيد انت ما سمعت انت شفت هههههههههههههههه

[rodyna khliafat]

ردينة شو قصتك مع الفيران؟

هههههههه هاد الاسبوع الماضي تقريبا شفت فار بالبيت وعملت طوارئ وجبت الجيران بس للأسف يوميتها ما لقيناه
وضل يسرح ويمرح يومين لحدا ما مسكناه ول عليه شو فار ههههههههههههه

اكتر اشي بتخافي منه

الموت مع انه ما بصير اخاف من الموت بس مو جاهزة لهاليوم وان شاء الله خير
والصراصير

اكتر مرة حسيتي فيها بالغضب

ههههههههه هو بتصير مواقف بايخة الواحد بعصب منها بس غضب بمعناه مو متزكرة

عمرك حقدتي على حدا وما سامحتيه لهلأ

شوف ما بحقد بزعل بس ما في حدا حاليا زعلانه منه او ما سامحته اصلا بنسى الموضوع بيومه

احلى كتاب قرأتيه

في 2 الاول كتابthe secret الي اعطيتني اياه
والتاني كتاب الهدوء ل بول ويلسون

انو بتحبي اكتر الصيف والا الشتا

الشتا طبعا

كيف انتي والكمبيوتر

بدون نت ما بيسوا اشي ههههههههههههه

شو قصة الاشياء الزاكية اللي بشنطتك داااااائماً ؟؟

هههههههههه الاحتياط واجب واااااااال شو هالسؤال هههههههههههه

شو رأيك بوساءل النقل عندنا

هيك وهيك مرات بحب اطلع مواصلات لأنه الواحد بعيش بالجو بشوف العالم بصير يعرف كيف بفكروا الناس . بالعربي بندعك بالحياة وانا من النوع الي بحب اجرب كل اشي بس المشكلة مو بوسائل النقل المشكلة بصحابها
بس مرات بتمنى ما اشوف ولا سيارة ولا باص ولا اشي بالشارع -_-

جملة بتوصفي فيها الباصات

قرية صغيرة هههههههههههههه

جملة بتوصفي فيها التكاسي

ممممممم يا بتصيب يا بتخيب

ايش احلى هدية اجتك

ساعة

بدي اسألك سؤال عيسى الدائم
لو خيروك تصيري وزيرة اي وزارة بتختاريها؟؟

وزارة الزراعة ((( نفسي اخلي الاردن خضراء)))

هدف حياتك

اكون مبسوطة واحقق اشي يفيد بلدي وحتى لو ما صرت اشي مهم مستقبلا وما حققت الي بطمحله فبكفي اني اعرف كيف أربي ولادي ...

احلى رياضة برأيك شو هي

السباحة والمشي

بتابعي كرة قدم؟؟

لا ما الي مصلحة برتفع ضغطي بسرعة وبتحمس وثق تماما المبارة الي بحضرها الفريق الي بشجعه بخسر هههههههههههه فما الكم مصلحة احضر مباريات

مين رح تشجعي بكأس العالم؟؟؟

ازا حضرت هاي المباريات... فلوقتها فرج

هي بس تسااالي راااااجع
صحيح كيف عملتي بامتحاناتك ؟؟؟؟؟
موفقة حجة ^__^

ازا هدول تسالي ؟؟؟!!!! لوين ناوي توصل ههههههههه
ما تسأل عن الامتحانات بس ينزلوا العلامات بخبرك
تسلم يا رب-_-

[rodyna khliafat]

ردينا يا ردينا

كيف حالك ؟

تمام الحمدلله .....

1- شو الله عترك وجابك على الحقوق ؟

هههههه نصيبي والله واحلى اشي بس بكفي تعرفت عهالوجوه الطيبة -_-

2- اكثر مواد بتحبيها بالكليه ؟ (تجاريه ، مدني ، جزائي ، دستوري ، شرعي .. الخ)

بصراحة ولا اشي انا المادة الي بجيب فيها علامة عالية هي الي بحبها بس

3- اكثر ماده حبيتيها ؟

ملكية فكرية وهلأ ازا كملت معي صف جنبها اوراق تجارية هههههههه

4- ماده حسيتي حالك انظلمتي فيها ؟

خاص 1
ومصادر التزام
واحكام التزام

5- ماده حسيتي حالك نفسك تلغيها من الخطه الدراسيه ؟

مصادر التزام مع انها اهم مادة ول عليها بس وكمان في مادة ما الها داعي اصول فقه

6- دكتور نفسك تاخذي كل المواد عنده ؟ وليش ؟

د بشار ملكاوي بيعطي كل واحد حقه وبخليك تدرس غصبن عنك وعنده ما بتحس حالك مظلوم
كمان د باسم ملحم بتحسه بيعطي الاشي الي بفيدك بالحياة العملية بس وهاد الي احنا بدنا اياه

7- بتروحي على كليات ثانيه ؟ اي كليات ؟ ليش ؟

هاي ايام السنفرة كنت دايما بالطب لأنه صاحباتي كلهم هناك بس هلأ غير الحقوق ما بروح ع اي كلية تانية

8- بتروحي على جامعات ثانيه ؟ اي جامعات ؟ ليش ؟

اه بروح ودايما الهاشمية والبلقاء بالسلط وبالزرقاء وجامعة الحسين بن طلال بمعان
هناك بشوف صاحباتي

- اكثر مكان بتروحي عليه بالجامعه بعد الكليه ؟ وين ؟ وليش ؟

ممممم ما في مكان تاني يا اما الكلية او بروح ع البيت

اشيب الي على الكرسي ، فتلقي هع هع

هههههههههه ولوووووووووووووووو

[Essa Amawi]

عدنا ^^


1- ردينا حكيتي كثير انه الك طموح .. بس ما عمرنا عرفنا شو هالطموح ؟ خبرينا عنه ؟

2- بتتوقعي انه هالطموح بتعارض مع حياتك المستقبليه (اولادك مثلا) ؟

3- بتضحي بطموحك لصالح بيتك ولا بتحاولي توازني ؟ كيف ؟

4- بتحسي الطموح بالنسبه للمرأه مجد ِ ؟ ام انه اختصاص ذكوري فحسب ؟

5- هل تحبين الظهور امام المسرح (اظهار نجاحك) ام يكفيكي انك انجزت بغض النظر عن الشهره ؟

[rodyna khliafat]

1- ردينا حكيتي كثير انه الك طموح .. بس ما عمرنا عرفنا شو هالطموح ؟ خبرينا عنه ؟

طموحي احتفظ به لنفسي فإذا حققته سوف ترون نتائجه واذا لم أحققه يكفيني شرف المحاولة

2- بتتوقعي انه هالطموح بتعارض مع حياتك المستقبليه (اولادك مثلا) ؟

طبعا لأ لأنه طموحي جزء من حياتي المستقبلية كله بكمل بعضه

3- بتضحي بطموحك لصالح بيتك ولا بتحاولي توازني ؟ كيف ؟

عيسى المنيح فيك انك بتكمل بحل وسط
بتعرف لو ما كملت السؤال كنت رح اجاوبك ممكن ازا كنت سعيدة ببيتي ومع ولادي ممكن اضحي
بس بتوقع المرأة الناجحة هي الي بتعطي لكل اشي بالحياة حقه بيت وولاد وعمل وزوج وأهل وعلاقات اجتماعية

4- بتحسي الطموح بالنسبه للمرأه مجد ِ ؟ ام انه اختصاص ذكوري فحسب ؟

الطموح غير مقتصر للرجل دون المرأة او للكبير دون الصغير الخ....
كل انسان له الحق في ان يخطط لحياته ومستقبله بالطريقة التي يريد
بالنسبة الي المجد هو النهاية وطموحي لا حدود له

5- هل تحبين الظهور امام المسرح (اظهار نجاحك) ام يكفيكي انك انجزت بغض النظر عن الشهره ؟

الانسان دائما يحب ان يحصد ثمرة نجاحه وبالنسبة لي الانجاز الحقيقي والثمرة التي اطمح اليها هي السعادة التي سوف اشعر بها والرضا فلا يهمني غير ذلك كالشهرة والظهور

[سجا المومني]

100 مرحباا يا رودي
1.شو رأيك بلغربة؟
2بتفضلي تتغربي دول عربية ولا غربية؟
3.بتحبي اسمك\؟ وشو كنتي تحبي يكون اسمك لو مش ردينا
4.بتحضري تلفزيون وشو اكتر شي بتابعي
5 شو رايك بلمسلسلات التركية
6.شو اكتر شي بتكرهي بردينا واكتر شي بتحبي فيها؟
7.اكتر سن مناسب للزواج للبنت والشاب بنظرك؟
8.شو مواصفات فارس احلامك؟
9.ازا التقيتي بشخص في كل المواصفات الي بتتمنيها شخص رائع بالنسبة الك وكان من جنسية تانية بس عربي بتقبلي تتزوجي ولا لا؟
10.مين اقرب شخص عردينا؟
يلاا بكفوكي والي رجعة

[rodyna khliafat]

100 مرحباا يا رودي

هلا سجاوي -_-
[quote]

1.شو رأيك بلغربة؟بتفضلي تتغربي دول عربية ولا غربية؟

الغربة وسيلة لتعذيب النفس وانقاص العمر ، ما بحب اتغرب بالمرة بس بحب السفر كتير ونفسي الف العالم لأنه الدنيا مرة وحدة بنعيشها فلازم انعيشها صح وانحاول نستغل اي اشي حوالينا وانسخره لمصلحتنا مو ضدنا

3.بتحبي اسمك\؟ وشو كنتي تحبي يكون اسمك لو مش ردينا

اه الحمدلله بحب اسمي وازا ما كان ردينة فبختار راما

4.بتحضري تلفزيون وشو اكتر شي بتابعي

لا ما بتابع تلفزيون ونادر افتحه

5 شو رايك بلمسلسلات التركية

تعلم كيف تضيع وقتك دون ان تشعر -_-
بس عفكرة ازا شفت مسلسل تركي فبكون بطلع ع الاواعي بس وشو في موديلات هههههههههههه يعني اكيد ما بكون مركزة بالمسلسل

6.شو اكتر شي بتكرهي بردينا واكتر شي بتحبي فيها؟

بكره بحالي الاسراف ازا ما كان في هدف من المصاري الي معي ان شاء الله اتغير
واكتر اشي بحبه الاستقلالية ال حد ما

7.اكتر سن مناسب للزواج للبنت والشاب بنظرك؟

البنت : 22-24
والشب:25-28

8.شو مواصفات فارس احلامك؟

ههههههههههه في كتير مواصفات هاد سؤال صعب بدك احكي كل اشي ؟؟؟!!!
ع كل حال متعلم ،مثقف،اجتماعي لاحظي هاي الصفة بتشمل كتير اشياء منها(كريم ،وطيب، ومحبوب،..)
الشكل طبعا بلعب دور كبير ما بحكي انه يكون بعيون الناس وسيم المهم انا شو بشوفه...

9.ازا التقيتي بشخص في كل المواصفات الي بتتمنيها شخص رائع بالنسبة الك وكان من جنسية تانية بس عربي بتقبلي تتزوجي ولا لا؟

جنسية تانية !!!! ازا ما بحمل الجنسية الاردنية ما باخده . شو ما كان هاد الشخص

10.مين اقرب شخص عردينا؟

اسرة lawjo

يلاا بكفوكي والي رجعة

ههههههههه كتر خيرك

[ALA'A ALHADIDI]

يا اهلا يا اهلا
روووووودي يا قلبي اول ما اخلص الامتحانات ان شاء الله بستلمك
استنيني

[rodyna khliafat]

يا اهلا يا اهلا
روووووودي يا قلبي اول ما اخلص الامتحانات ان شاء الله بستلمك
استنيني

خدي راحتك هينا قاعدات ههههههههههه