rodyna khliafat ع كرسي الاعتراف

[YoUSeF MoMaNI]

اها بتزكر لما كان عمري تقريبا 3 ونص او 4 سنين لما دعست ع صوص اخوي ع السطوح كنت كتير شيطانة

راجع بدي اقرأ شو باقه تعملي بحياتك ههههههههههههههههههههه
داعسه على صوص قال

انا دافنت بسه وهي عايشه هيك حكالي اخوي انا ما بعرف عنها شي ههههههههههههههه

[Essa Amawi]

1- متى بتنامي بالعاده ؟

2- متى بتصحي بالعاده ؟


3- شو اهميه النوم بحياتك ؟

4- بتاخذي قيلوله ؟

5- كم ساعه بتنامي ؟

6- صحبه مع النوم ؟

7- ايش في اشياء بتخليكي تنامي ؟

8- ايش في اشياء بتخليكي ما تنامي ؟

9- بتخافي من العتمه ؟

10 - بتحبي تنامي لحالك ولا يكون معك بالغرفه حد ؟

[YoUSeF MoMaNI]

جايك جايك
رح نعجب عليكي فوق ما همه معجبين عليكي
قال بتخاف من الصراصير هع هع هع هع

[rodyna khliafat]

راجع بدي اقرأ شو باقه تعملي بحياتك ههههههههههههههههههههه
داعسه على صوص قال

انا دافنت بسه وهي عايشه هيك حكالي اخوي انا ما بعرف عنها شي ههههههههههههههه

هههههههههههه الفرق انه انت ما بتعرف اشي انا لسه متزكرة

[rodyna khliafat]

ههههههههه شو هالاسئلة الي بتنعس شكلك كاتبهم وانت نايم

1- متى بتنامي بالعاده ؟

من لما كنت صغيرة لحد التوجيهي (ع اساس انه هلأ كبرت هههههه) وانا اقصى حد بسهر اله هو الساعة 8
حاليا ليلي نهار ونهاري ليل بأي وقت ممكن انام ما في موعد محدد

2- متى بتصحي بالعاده ؟

عادة ع 6 الصبح بكون صاحية

3- شو اهميه النوم بحياتك ؟

هو في احلى من النوم والراحة ((( النوم جزء لا يتجزأ من حياة كل انسان)))
بس اكتر اشي بقدر النوم ايام الامتحانات وتقريبا بس اعطل بنسى هالاشي

4- بتاخذي قيلوله ؟

لا للأسف ازا بحاول انام نومة قيلولة العصريات بسحبها لتاني يوم ما عندي مانع بس نفسي اجربها ما بتزبط معي

5- كم ساعه بتنامي ؟

يعني بحدود 8 ساعات

6- صحبه مع النوم ؟

مش كتير بس بقدره وبعزه وبحترمه ومفكرة اصاحبه واقوي علاقاتي معه بالعطلة بس بالاول لازم اقنع اهلي بالموضوع بخاف يرفضوا هالاشي ههههههههههههه

7- ايش في اشياء بتخليكي تنامي ؟

الدراسة مجرد ما افتح الكتاب او افكر انه علي دراسة بنام حتى لو كنت صاحية من النوم

8- ايش في اشياء بتخليكي ما تنامي ؟

الناموس ههههههههههه
ومرات ازا اتعديت الساعة 1 او 2 ما بعرف انام

9- بتخافي من العتمه ؟

لا طبعا بالعكس كتير صحبة انا والعتمة بتريحني كتير

10 - بتحبي تنامي لحالك ولا يكون معك بالغرفه حد ؟

-_- بحب انام لحالي هههههههههههه

[ALA'A ALHADIDI]

خدي راحتك هينا قاعدات ههههههههههه

هع هع هيني اجيت
رح اسأل كم سؤال بس ازا في اشي متكرر ما تجاوبي عليه , لاني ما لحقت اشوف كل الاسئلة

1 شو الجمل الي بتحبي تسمعهيا ؟ جمل بتريحك وبتحبيها
2 الشوكولاة المفضلة الك ؟
3 اكتر اشي بتحبيه بحالك ؟
4 اكتر اشي بتكرهيه بحالك ؟ وليه ؟
5لو يرجع الزمن شوي شز بتغيري فيه ؟
6 بعد 10 سنين وين بتشوفي حالك ؟
7 شو طموحك ؟ اكتر اشي حابة توصليله ؟
8 اعز صاحبة الك ؟
9 ممكن تكوني بتكرهي حدا وتعامليه ع اساس انك بتحبيه ؟ ولا ما بتقدري ؟
10 اكتر مكان بتحبي تقعدي في بالبيت ؟
11 واكتر مكا بتحبيه بالجامعة؟
12 لو ما كنتي حقوق شو بتكوني ؟
13 بحياتك جرحتي انسان ؟
14 اكتر مرة بكيتي فيها ؟
15 بتبكي كتير بالعادة ؟
16 بتثقي بالناس , كتير ولا شوي ؟
17 شو رأيك بالاعضاء :
عماوي
حسام
محمد الحمود
مومني
سجا
هبة
عماد
محمد الحوامدة
عبد الرحمن
وليد
ساندرا
ابو السعيد
نانسي الامورة
هدى
صفاء
حديدي

راجعلك يا قلبي للأسئلة الصعبة والزنخة
هع هع هع
كم رودي عنا هع هع

[صفاء الايمان]

له له الواجب واجب
طيب حجة شو علاقتك بالمنسف ؟
شو اكتر طبخة بتحبيها
شو اكتر طبخة بتعرفي تعمليها
كيفك انتي والعزايم
بتحبي المناسبات .؟
من مين الهدية " الساعة " يليي بالنسبة لالك احلى هدية من مين ؟
ردينا شو علاقتها بالكتابة والخوواطر والشعر
ردينا كتومة ؟
ايش مواقف حسسك انك جريئة ؟
ردينا بتحب تقعد بالمحاضرة قدام ولا باخر القاعة ولا وين ؟
عند الشباك ولا عند الباب ولا قبال الدكتور؟
شو نظرتك لمهنة ابوكي
مين اقرب لالك من عيلتك
ردينا شو اقل علامة عندك وكم التراكمي حاليا
كيف سرعتك بالطباعة عالنت
وبتحسي حالك فضولية ؟
شو اسلوبك لتعرفي شي حابة تعرفيه
شو بتعنيلك " تفقد احوال الرعية "
ردينا لو اقترحو عليها تنزل لانتخابات يلي كانت اخر شي بترضى ؟
بعطيكي حيط ابيض والوان شو اللون يلي حتكتبي عليه وشو حتكتبي ع الحيط
اوصفيلي مغامرة من ايام التوجيهي
كم نسبة تذكرك للمواقف يعني ذاكرتك منيحة ولا لا ؟
شو اكتر كلمة بتحكيها ؟


راجعتلك يختي بس هدول تمشاية حال

[rodyna khliafat]

شو الجمل الي بتحبي تسمعهيا ؟ جمل بتريحك وبتحبيها

ما في اشي محدد المهم تكون جمل مفعمة بالتفاؤل والامل وما فيها تشاؤم

الشوكولا المفضلة الك ؟

جلاكسي كيك

5لو يرجع الزمن شوي شو بتغيري فيه ؟

ولا اشي الحمدلله راضية عن كل اشي صار معي بالفترة الماضية

بعد 10 سنين وين بتشوفي حالك ؟

يعني بكون عمري تقريبا 30 سنة بشوف حالي صار عندي بيت وولاد وبشغلي ومكملة دراستي -_-

اعز صاحبة الك ؟

والله مليان الي صاحبات عزيزات يعني احكيلك ما بينعدوا وبستاهلوا اني احكيلهم صديقات بس بما انك سألتي رح اسميلك منهم دعاء المجالي وروان عبيدات معي من الصف التاني

ممكن تكوني بتكرهي حدا وتعامليه ع اساس انك بتحبيه ؟ ولا ما بتقدري ؟

يا ريت اقدر يعني مرات بخرب علي كتير شغلات لأني مش قادرة اجامل هههههههههه

10 اكتر مكان بتحبي تقعدي في بالبيت ؟

السطوح والمطبخ

11 واكتر مكان بتحبيه بالجامعة؟

بالساحة المزروعة ورا بارك السيارات مقابل حديقة الحقوق ههههههههه

12 لو ما كنتي حقوق شو بتكوني ؟

بصراحة وجدت نفسي بالحقوق يعني خلص ما بتخيل حالي بموقع تاني

13 بحياتك جرحتي انسان ؟

نعم للأسف ...وكان نتيجة صراحتي ورجعت الشغلة ع راسي انه ليه ما جاملت

اكتر مرة بكيتي فيها ؟

من سنتين تقريبا حسيت حالي وحيدة

بتبكي كتير بالعادة ؟

لا دمعتي عزيزة علي ونادر ما ابكي لاني بحكي ما في اشي بستاهل

بتثقي بالناس , كتير ولا شوي ؟

كتير بثق بالناس وثقتي فيهم ما الها حدود يمكن البعض بحكي غلط بس انا الي بشوفه انه دائما ثقتي بتكون محلها
الحمدلله

شو رأيك بالاعضاء :

عماوي :

عيسى شب طموح ومثقف بعيش كل يوم بيومه وهو من اكتر الاشخاص الي بنضم وقته عنده وقت للدراسة وقت للاصحاب ووقت للعيلة ووقت للنوم ...
بحب يساعد الكل ويخدم اي حدا بحتاج اله بعرفه ولا ما بعرفه المهم يساعد

في عنده تناقض بشغلة وحدة بحكيها بس ما بطبقها وهو الاحسن انه ما بطبقها ههههههه
خليها بنفسكم ما رح احكيها

المهم عيسى لبق بكل اشي ومحاور ممتاز عنده اسلوب بالحوار رائع

حسام

حسام يا حسام وقعت معي هههههههه
شب صريح لابعد الحدود وهاد اكتر اشي بخلي شخصيته مميزة مرح جدا عفوي جدا طيب جدا شاطر ومثقف بس للأسف بحسه ما بستغل هالاشي بالمكان المناسب الواحد بيرتاح معه لأبعد الحدود لأنه الي براسه ع لسانه وهيك شخصية ما حدا بيبعد عنها بس كتير بدخن ومن كتر ما بفكر بالدخان لو صحله يبطلع من المحاضرة يدخن ما بيحكي لأ هههههههه

محمد الحمود

شخص هادي كتير وطيب مزيح بس من تحت لتحت بحاول يحافظ ع صورته قدام الناس يعني بالعربي بهمه كتير رأي الناس فيه وهاد اشي حلو لأنه بمجتمعاتنا ما في حدا عايش لحاله وكل شخص بكمل الاخر
بحاول يجمع الاشياء القديمة ويكون على علم ومعرفة فيها هاي كمان شغلة حلوة

مومني

ع قولة حسام فغشي ههههههه
بحب الحياة والناس والعالم والاصدقاء ما بحب يتنكد دايما بتشوفه بضحك ومبسوط عنده اصالة وشهامة ما الها حدود الرابط المشترك بيناتنا حب المنسف ههههههههه شب ذكي وعنده افكار رائعة واختراعات عم بشتغل عليها يلا هيني بعملك دعاية
ويا ويله ازا حدا اجى فيه بيندم عاليوم الي فكر يإذيه لأنه مومني بعرف من اين تؤكل الكتف وبوخد حقه بطريقة مناسبة بحفظ فيها نفسه وكرامته

سجا

سجاااااااا انسانة غامضة ما بتعطي ثقتها لأي حدا بتفكر كتير بعواقب هالاشي بس زيادة عن اللزوم بتوقع مستقبلا رح نصير اصدقاء وهاد الاشي بشرفني -_-

هبة

هبوش بتزكر اتعرفت عليها قبل ما تيجينا ع الحقوق واول لقاء النا كنت بحكي عن المواد اعطيتها دفعة تشاؤم مرتبة بتعيشها سنة لقدام هههههههه ما كنت بعرف انها بدها تحول بس ع كل حال بنت طيوبة وحبابة وشاطرة ازا عندها هدف بضلها وراه لحد ما توصل اله وبتقدر اشي اسمه صداقة وصحبة بس فيها شغلة مو منيحة بتمل بسرعة وما بطور المهارات الي عندها مع انه المجال والفرص مفتوحة قدامها بتمنالها التوفيق

عماد

عماد قرابتي ابن الجنوب -_- انسان هادي وحليوة ومؤدب وخلوق جدا لبق بالتعامل دايما بضحك خجول و نشمي بأي مكان بتحتاجه بتلاقيه شب يعتمد عليه مثقف وبحب القراءة حاسه انه رح يصير اشي مهم بالمستقبل ان شاء الله -_-

محمد الحوامدة

مين هاد ما بعرفه هههههههههه
ولووووو ابو حوامدة بتوقع اول مرة اتعرفت عليه كان بمشروع الاذاعة ومثلنا نص حلو كتير كان عن الذم والقدح والتحقير واول اشي بلشت فيه مسبات عشت الدور ههههههههه ع كل حال محمد انسان رائع محترم لأبعد الحدود بيعطي لكل انسان قيمته وزيادة كل الناس بالنسبة اله اخوان .. اجتماعي كتير ولبق بالتعامل ذكي وطموح وكريم ومزيح كتير (خيف دم اله مصطلحات خاصة فيه) وازا غلطت معه ممكن يسامحك بس ما تحاول اتكرر الغلط لأنك بتخسره وخسارة شخص متل محمد فعلا خسارة ما بتتعوض فديروا بالكم يا جماعة

ولك شو هاد تعبت اسم الله شو كتار

عبد الرحمن

اتعرفت عليه من المنتدى وطبعا بما انه ما اله اخوات فأنا بقوم بهالمهمة وبتشرف فيها
شب شاطر وبقدر الصداقة والصحبة وصاحب ضحكة قلما تفارقه فهو من الناس الي برتاح الهم

وليد

وليد الزواهرة عضو بالمنتدى وانا شخصيا ما بعرفه لكن بما انه صديق عطية المقرب فأكيد رح يكون متل عطية ((( الصاحب ساحب))) هههههههه

ساندرا

فارسة الموقع والي بتاخدلنا حقنا دايما صبية نشمية اصيلة محبوبة لأبعد الحدود عفوية ومرحة اجتماعية بشكل كبير شخصيتها رائعة وست بيت معدلة يعتمد عليها ساندرا من اكتر الناس الي بتقدر العيلة والاهل .. بتشرف بصحبتها ومعرفتها -_-

ابو السعيد

ابو السعيد لازم يعيش
من اول ما شفت الاسم حكيت انه هاد الشب مو سعيد وفي اشي بنكد عليه هههههههههه
مع انه مرات بتظاهر بالسعادة بس بتحسه من جوا عكس هيك تماما لكن هو حباب وطيب ما بحب النكد صريح جدا شخصيته واضحة ما بحب اللف والدوران بس لو يركز شوي بحياته ومستقبله رح يوصل للي بده اياه

نانسي الامورة

العتوم ملكة اللباقة واللسان الحلو بتغلب الكل بطريقتها ومعاملتها واسلوبها هادية كتير وبتحب الضحك وبتحب التميز بس مرات بتشتغل ع حالها ومرات بتنسى الموضوع حساسة كتير وما بتتحب تإذي حدا او تنجرح من حدا بتمنالها التوفيق وتحقق كل الي ببالها يا رب

هدى

هدى شهادتي فيكِ مجروحة
بنت طيوبة وحبابة بتساعد الكل قد ما تقدر واذا ما قدرت بتوصي عليك ههههههههههه شاطرة بدراستها
مع انها سنة رابعة بس احنا صحبة كتير وعنجد مو عارفة كيف بدي اداوم بدون ما تكون هي موجودة بالعادة وجبة الغداء ايام الدوام بتكون مع هدى يعني (بيناتنا خبز وملح) من هون ورايح فش غدا هههههههه
يا رب يا هدى انشوفك قاضية كبيرة وترفعي راسنا وراس اهلك

صفاء

صفاء اللقب المحطوط تحت اسمها (شعلة متقدة وحماس دائم) قليل عليها بس الكلمات والجمل صعب توصف هيك انسانة صفاء مثال الأنثى بمعنى الكلمة رائعة شخصيتها بتجمع كل اشي صارلي زمان بعرفها وبنحكي دايما مع هيك كل يوم بكتشف فيها شغلة جديدة سبحان الله من وين بطلعوا هدول الاشياء شكلها بتتناوب هي وعيلتها بالحكي معي
مممم (ستها ) اخدت منها الحكمة والصبر والايمان مشان هيك مرات بحسها ختيارة
( امها) اخدث مثال ست البيت المعدلة والي انجزت وربت وعلمت وكبرت
(ابوها) أخدت منه العلم والثقافة والقوة والاخلاق والتدين
الخلاصة نيال الي بده يوخدك لانه رح يكون متهني بتمنالك التوفيق والحياة السعيدة

الاء الحديدي

رح اموتك شو هالسؤال هاد بتعب كتير
انتِ انسانة طيبة و هادية كنت بتمنى انك تكوني قانونية بما انك جزء وعضو من اسرة lawjo
للاسف الايام الي بشوفك فيها بالجامعة بكون كتير مضغوطة يعني بعدني ما اكتشفتك مزبوط ولما اجي اسألك اسئلتي المعتادة بتتهربي ع كل حال الايام جاية هههههههه

[Essa Amawi]

هلا بالحجه


1- شو علاقتك بالمستقبل ؟

2- بعنيلك اشي بكرى ؟

3- بالعاده بترسمي يومك ؟

4- اهدافك بتقسميها لاولويات ولا لأ ؟

5- كيف علاقتك بالوقت ؟

6- بتحسي حالك منظمه ؟

7- انو اهم عندك بكرى ولا بعد بكرى ؟ ليش ؟

8- بتحاسبي حالك بالعاده ؟ متى ؟ (قبل ما انام انا مثلا بحاسب حالي مرات)

9- كيف بتوصلي لاهدافك ؟ (شخصيا المهم اوصل للهدف بغض النظر عن الطريقه)

10 - ردينا كيف مادة الاوراق ؟ هع هع

[ALA'A ALHADIDI]

[b][color=darkgreen]

رح اموتك شو هالسؤال هاد بتعب كتير
انتِ انسانة طيبة و هادية كنت بتمنى انك تكوني قانونية بما انك جزء وعضو من اسرة lawjo
للاسف الايام الي بشوفك فيها بالجامعة بكون كتير مضغوطة يعني بعدني ما اكتشفتك مزبوط ولما اجي اسألك اسئلتي المعتادة بتتهربي ع كل حال الايام جاية هههههههه

يا حرام تعبتي هع هع

يمكن هيك احسن ما اكون حقوق عشان نفيد يعض
رودي يا قلبي اسألتك انتي عارفيتها , يمكن اصلا مرة الي سألتني هداك السؤال الحلو ( يعني بس سؤال )
وهداك السؤال ما بجاوبه الا لصاحب العلاقة مم ... صفررررررررر هع هع

راجعلك حياتي

[rodyna khliafat]

له له الواجب واجب

يختي موجبة من يوم يومك

طيب حجة شو علاقتك بالمنسف ؟

تربطني به علاقة قوية لا يمكن ان تختل او يدخل فيها الشك ههههههههه بحبه كتير وطبعا بالبيت انا ما بنسأل سؤال شو جاي عبالكم تتغدوا ؟؟؟ لأنهم بعرفوا جوابي دايما منسف

شو اكتر طبخة بتعرفي تعمليها

كبسة ومقلوبة

كيفك انتي والعزايم

بحب العزايم والجمعات الي بالبيت بس برا البيت ما بحب اروح

بتحبي المناسبات .؟

حسب المناسبات يعني ازا خاصة وعائلية او صاحبات اه بحبهم بس

من مين الهدية " الساعة " يليي بالنسبة لالك احلى هدية من مين ؟

من بابا وماما

ردينا شو علاقتها بالكتابة والخوواطر والشعر

بحب اقرأهم بس ما بعرف اكتب

ردينا كتومة ؟

بالعادة ازا كان الاشي بخصني مو كتومة بس اشي اله علاقة بغيري كتومة لأبعد الحدود

ايش مواقف حسسك انك جريئة ؟

ما في مواقف محددة بس عندي الجرأة = المغامرة وانا كتير بغامر

ردينا بتحب تقعد بالمحاضرة قدام ولا باخر القاعة ولا وين ؟

بآخر اشي عشان اخد راحتي واكشف الكل ههههههههههه

عند الشباك ولا عند الباب ولا قبال الدكتور؟

اخر اشي ازا كان في باب او شباك
باب: بكون اسرع اشي بالطلعة من المحاضرة
وشباك : بنتفرج عالرايحة والجاية وبنتخوت شوي ههههههههه

شو نظرتك لمهنة ابوكي

بالنسبة الي احلى مهنة وانبلها ومو اي حدا بوصل الها فبمجرد الوصول لهاي المرتبة دليل على انه الواحد تعب وبذل كل طاقته وجهده وشبابه فيها للعلم (الوالد ضابط بالقوات المسلحة*لواء ركن)

مين اقرب لالك من عيلتك

جاوبت فوق انه الكل مقربين لإلي بس شكلك مصرة ع السؤال يا ستي اقرب شخص (الوالد)

ردينا شو اقل علامة عندك وكم التراكمي حاليا

وله صفاء شو هالسؤال المحرج
هههههههه اوطى علامة عندي والوحيده هي مصادر التزام d بس شكله هالفصل رح نصف وحده جنبها هههههههه
والمعدل التراكمي : 3.1 جيد جدا

كيف سرعتك بالطباعة عالنت

ما بعرف بالزبط بس سريعة كتير

وبتحسي حالك فضولية ؟

لا بالمرة

شو اسلوبك لتعرفي شي حابة تعرفيه

بسأل بشكل مباشر ازا عرفت كان بها وازا ما عرفت بستنى شوي بجيني الجواب لحاله هههههههههههه

شو بتعنيلك " تفقد احوال الرعية "

بشكل عام ولا بالنسبة الي مو فاهمة؟؟؟
ع كل حال هاي الجملة بحكيها دايما بحب اتفقد احوال الرعية واطمن انه الامور تجري على ما يرام مشان ما يصير اشي من وراي ما بعرفه هههههههههههه

ردينا لو اقترحو عليها تنزل لانتخابات يلي كانت اخر شي بترضى ؟

لا ، ما الي مصلحة ازا كان الهدف من الانتخابات هي تمثيل الطلاب ومساعدتهم فإحنا (lawjo) بنقوم بهالمهة تلقائيا بدون اي القاب

بعطيكي حيط ابيض والوان شو اللون يلي حتكتبي عليه وشو حتكتبي ع الحيط

بما انه اعطيتيني الوان فأكيد رح اختار اكتر من لون
الاخضر : دلالة ع العطاء والاستمرار
والبني: النضوج
والازرق:صفاء النية
رح اكتب بالاخضر والازرق

law jo

وبالبني ( ما استحق ان يولد من عاش لنفسه فقط)

اوصفيلي مغامرة من ايام التوجيهي

هي ما بسميها مغامرات بس مواقف هاد يا ستي كان عنا مديرة متعجرفة حرام تكون مديرة يعني ما ساعدتنا بإشي
وكان النا تكريم لأوائل المحافظة وكانت الكلمة الي.. طبعا ما رضيت اطلع الا لما تقرأ الكلمة وتتأكد انه اسمها موجود بالكامل وانه احكي الفضل برجع لإدارتها المصونة طبعا انا طلعت وما جبت سيرتها بالمرة ويا حرام كيف ضلت تستنى اني احكي اشي وانا ولا كأني هون هههههههههههه بتمنى ترجع الايام لورا حتى اتعامل معها بالطريقة الي بتستحقها مع انه ما قصرت معها

كم نسبة تذكرك للمواقف يعني ذاكرتك منيحة ولا لا ؟

الاشي الي بحب اتزكره بتزكره وفي اشياء عمدا بحاول انساها بس اجمالا بحس حالي بتغاضى بس ما بنسى اشي
ع فكرة في سؤال فوق امتى اخر مرة بكيت بحرارة ؟؟؟ ما حطيت فيه التاريخ بس هي اجى وقته
21\6\2008
يوم سبت -_-

شو اكتر كلمة بتحكيها ؟

((( شو ايضا ، والمهم)))

راجعتلك يختي بس هدول تمشاية حال

الله يخليكِ يا رب ما بتقصري هههههههههههه

[rodyna khliafat]

هلا بالحجه

بالمهلي ما يولي

1- شو علاقتك بالمستقبل ؟

انا الي بصنعه وبشكله وبتحكم فيه

2- بعنيلك اشي بكرى ؟

أكيد هو بكل يوم في اشي جديد بس انا بالعادة بعيش كل يوم بيومه

3- بالعاده بترسمي يومك ؟

طبعا .

4- اهدافك بتقسميها لاولويات ولا لأ ؟

اها ببلش من ابسط الاهداف لأكبرها وبالعادة ببلش بالاهداف البسيطة لحتى اوصل للكبيرة يعني (الاولويات)

5- كيف علاقتك بالوقت ؟

هيك وهيك بالنسبة للمواعيد بعجبك يعني بحاول ما أتأخر ولا دقيقة وازا وصلت ابكر بحاول استنى لحد ما يصير الموعد
اما ازا كان الاشي بخصني وهو علاقتي مع الوقت كردينا مرات بتجاهله وما بعطيه اهمية

6- بتحسي حالك منظمه ؟

حسب المزاج

7- انو اهم عندك بكرى ولا بعد بكرى ؟ ليش ؟

بعد بكرا لانه عندي امتحان ههههههههههههه لا عنجد
( اهم اشي عندي اليوم) يعني الواحد يعيش يومه صح وينجز فيه بكون مرتاح شو بعرفني ازا الله احياني لبكرا -_-

8- بتحاسبي حالك بالعاده ؟ متى ؟ (قبل ما انام انا مثلا بحاسب حالي مرات)

اه ، طبعا دايما قبل ما انام بتزكر كل اشي صار باليوم وازا في اشي مو مناسب بحاول اصلحه

9كيف بتوصلي لاهدافك ؟ (شخصيا المهم اوصل للهدف بغض النظر عن الطريقه)

هههههههه بالنسبة الي لازم تكون طريقة مشروعة وما اضر حدا بالمرة حتى اوصل للهدف واكون مرتاحة وانبسط فيه والهدف الي بده يخليني اوصل بطرق ملتوية ما بدي اياه -_-

- ردينا كيف مادة الاوراق ؟ هع هع

هيني رايحة ادرس لسه ما بلشت هههههههههههه

[سجا المومني]

شو اكتر مكان بتحبي تروحيلو بشكل عام؟
شو بعنيلك العيد؟
ردينا بتهتم بالتفاصيل الاموور ولا لا؟
شو بتحبي تسمي ولادك في المستقبل؟
انت برايك انو الحب الحقيقي بيجي مرة وحدة في المر ولا شو؟
بتأمني بلحب من النظرة الاولى؟
ردينا بتعتبر حالها عصبية ولا لا؟
ازا شفتي غلط قدامك بتحاولي تصححي ولا بتحكي ما الي دخل؟
كيف ردينا ممكن تحكم عالاشخاص من المرة الاولى ولا بدك مدة لتقدري تحكمي عليهم؟
احكيلنا عن احلاا يوم مر عليكي لهلااا ومستحيل تنسيه؟
شو اكتر صفة بتكرهيها وما بتتقبلي اي شخص فيو هادي الصفة؟

[Essa Amawi]

يغلق الموضوع لحين الانتهاء من الامتحانات

يله كله على دراسته

[Hosam Hawamdeh]

حسام يا حسام وقعت معي هههههههه
شب صريح لابعد الحدود وهاد اكتر اشي بخلي شخصيته مميزة مرح جدا عفوي جدا طيب جدا شاطر ومثقف بس للأسف بحسه ما بستغل هالاشي بالمكان المناسب الواحد بيرتاح معه لأبعد الحدود لأنه الي براسه ع لسانه وهيك شخصية ما حدا بيبعد عنها بس كتير بدخن ومن كتر ما بفكر بالدخان لو صحله يبطلع من المحاضرة يدخن ما بيحكي لأ هههههههه

شخصيته مميزة !! الله يحميك يا هالشب ...ردينة انا مقاطع الثقافة ..ومقاطع الدراسة من سنة ثانية ...وحالف يمين ما أدرس هذا الفاينل ..لأنو مش فارقة ..أذبح حالي وأنجلط وبالاخر شو رح يصير ؟ ولا اشي هيك هيك رح اتخرج وأتدرب وأصير محامي ..التميز مش بالعلامات ...ههههه مفكر ماشالله عني ...المهم كلامك كثير حلو وجد شكرا لهالمجاملة


قرأت الموضوع كله ..صفاء شو أحكي ؟؟ علينا دراسه !!! خليتيني أقضي ساعة من وقتي الثمين وانا أقرأ !!! قال يعني

ردينة شخصيتك مميزة حقا ..حاليا يراودني سؤال ...شو بدك تجيبيلي اشي زاكي بكرة ؟ ههههههههه

ردينة..بنت الجنوب ...المعتقة بعبق الصحراء والمتزينة بحلية الشهامة ..بنت الخنساء في ابائها وبنت الزهراء في حنانها ..كم انت رائعة يا بنت الصحراء..عنجد بتشرف اني بعرفك

[Essa Amawi]

1- ردينا كيف كان هالفصل معك ؟

2- حسيتي حالك احسن بهذا الفصل ولا لأ ؟

3- حرمت تاخذي مواد مع عماوي ولا لسه هع هع ؟

4- ردينا شو ما صار لها بتظل مبسوطه -ما شاء الله- شو السر ؟

5- بس برضه امرات بتعصب وهي بتضحك ، كيف بتقدري تجمعي التعصيب مع الضحك ؟

[rodyna khliafat]

شو اكتر مكان بتحبي تروحيلو بشكل عام؟

سجا بالنسبة الي مو مهم المكان وما في مكان محدد بحب اروح اله بس المهم مع مين اروح -_-

شو بعنيلك العيد؟

عجقة مع انه احنا طول السنة معجوقين بس بالعيد غير كمان شغلة بعنيلي يوم العيد انه ما في وجبة غدا هههههه

ردينا بتهتم بالتفاصيل الاموور ولا لا؟

أكيد بهتم لانه التفاصيل هي الي بتعطي رونق وبتكمل اي اشي

شو بتحبي تسمي ولادك في المستقبل؟

الولد : ثمين
والبنت : بعدني ما استقريت ع اسم -_-

انت برايك انو الحب الحقيقي بيجي مرة وحدة في العمر ولا شو؟

والله ما بعرف لسه ما جربت لا احب مرة ولا مرتين بس بتوقع انه بيجي الحب اكتر من مرة بس طبعا اله درجات وذكريات ممكن ما تنمحي

بتأمني بلحب من النظرة الاولى؟

لا ما بآمن بس هاد بكون اعجاب مو حب

ردينا بتعتبر حالها عصبية ولا لا؟

لا مو عصبية في مواقف بتمنى اكون فيها عصبية بس ما بسيطر ع الوضع بضل اضحك وهاد الاشي كتير بنكد علي

ازا شفتي غلط قدامك بتحاولي تصححي ولا بتحكي ما الي دخل؟

حسب نوع الغلط بس ازا بقدر اصححه ما بتردد

كيف ردينا ممكن تحكم عالاشخاص من المرة الاولى ولا بدك مدة لتقدري تحكمي عليهم؟

عادة بحكم من المرة الاولى والحمدلله بطلع الشخص متل ما بتوقع بس لا يخلوا الامر من انه مرات بحكم ع حدا اشي وبيطلع اشي تاني بس -_-

احكيلنا عن احلاا يوم مر عليكي لهلااا ومستحيل تنسيه؟

الحمدلله كل ايامي حلوة بس كل ما ييجي يوم بحكي هاد حلو ومستحيل انساه بيجي احلى منه

شو اكتر صفة بتكرهيها وما بتتقبلي اي شخص فيو هادي الصفة؟

البخل،والحقد،والانانية، والعصبية والي ما بهتم بالمواعيد هدول ما ممكن اتقبلهم

[rodyna khliafat]

ردينة..بنت الجنوب ...المعتقة بعبق الصحراء والمتزينة بحلية الشهامة ..بنت الخنساء في ابائها وبنت الزهراء في حنانها ..كم انت رائعة يا بنت الصحراء..عنجد بتشرف اني بعرفك

مشكور حسام الله يخليك يا رب وانا الي الشرف بمعرفتك يا خوك -_-

[rodyna khliafat]

1- ردينا كيف كان هالفصل معك ؟

ضروري اتزكرني هاد الفصل مستحيل انساه بحياتي كتير متعب وبايخ

2- حسيتي حالك احسن بهذا الفصل ولا لأ ؟

طبعا لأ ضغطت حالي كتير قطعت ساعات بس ما حققت درجات متل ما بدي -_-

3- حرمت تاخذي مواد مع عماوي ولا لسه هع هع ؟

هههههههه بالعكس انت الي حرمت توخد معي مواد لاني دايما بكسر الافرج -_-

4- ردينا شو ما صار لها بتظل مبسوطه -ما شاء الله- شو السر ؟

الحمدلله
بتوقع انه ما في اشي بالدنيا بستاهل نزعل عشانه الا ****

5- بس برضه امرات بتعصب وهي بتضحك ، كيف بتقدري تجمعي التعصيب مع الضحك ؟

من الله -_-
يعني مو انا الي بتحكم بالموضوع ههههههههه
ويااااما اتبهدلت ع هالشغلة اني دايما مبتسمة

[Essa Amawi]

ردينا يا ردينا كيفك ؟

نبلش

1- شو علاقتك بالتلفزيون ؟

2- بتحضري مسلسلات ؟ شو اكثر مسلسل حبيتيه بحياتك ؟

3- اكثر فلم عجبك ؟ ليش ؟

4- مريتي بفتره بحياتك كنت تقعدي على التلفزيون كثير ؟ متى ؟ وليش ؟
<< اذا ما بتقعدي كثير فليش ما بتقعدي كثير ؟

5- عمرك صوتي لواحد من هالي بطلعوا بالبرامج (مثل ستار اكاديمي) ؟ ليش ؟ واذا لأ كمان ليش ؟

[Nancy Otoom]

العتوم ملكة اللباقة واللسان الحلو بتغلب الكل بطريقتها ومعاملتها واسلوبها هادية كتير وبتحب الضحك وبتحب التميز بس مرات بتشتغل ع حالها ومرات بتنسى الموضوع حساسة كتير وما بتتحب تإذي حدا او تنجرح من حدا بتمنالها التوفيق وتحقق كل الي ببالها يا رب

رووودييييييي ولك والله انك على راسي يا عمري
انتي الزوووووء كله وجد هلأ اول مرة بعرف شغلة بحياتي من اول ما تعرفنا انا وياكي على بعض جد جد بحكي واللي هي: ما توقعت جد انه حدا من اعز صاحباتي المقربييييييييييييين كتير بيعرف هاي التفاصيل الكتير دقيقة عني بجد فاجئتيني
صح انا مرات بشتغل عحالي كتير ومرات بنسى بس بفكر اللي حولي ما بينتبهوا لهالشغلة
وبرضوا اني حساسة كتير وأي كلمة بتجرحني

ويسلمو عالمدح يا فلبي والله اعطيتيني اكبر من حجمي

========================================
جد بدي اكون عالكرسي عشان احكي عنك يا أصيلة
بدي اجرب اقعد عليه شوي قبل ما اسألك اذا بتسمحيلي
جد ردينة انتي أصيلة وبنت ناس وعالم بتحكمي عقلك قبل قلبك بالأمور اللي بتسير حوليكي
ممكن تبدي واجباتك والتزاماتك على حالك وممكن في بعض الاحيان تهملي حالك بسبب هالشي
المهم انك روووووووووعة وفاهميتني كتير وبتحبي تفصلي بين الصداقة والعمل
خلص ما رح احكي اكتر من هيك عشان اقوم عن الكرسي ههههههههههههههه
هسه صفاء بتموتني
حبيبتي صافي ما بمون عليكي؟؟؟؟!!

[Nancy Otoom]

ردينة رح ابلش أسألك متل بقية الزملاء:

1- شو رأيك بطلعتنا انا وياكي هداك اليوم؟؟كيف الجلول كانوا؟؟والمياه المباركه كيف كانت؟؟
كنت انا بدي حبة ضغط ارتفع ضغطي
هههههههههههههههههههههههههههههههههههههههههههههه

2-ممكن لو اتقدملك شخص في المستقبل القريب غني كتير كتير وتفكيره أو جنسيته ما بتعجبك أو حتى شخصيته
ممكن ترضي فيه؟؟
بالمناسبة شو رأيك بيرحة العطر اللي بالأصنصير؟؟ههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههه

عادي تحمليني

3-شو رأيك ب نامق ؟؟

4- اذا تألمتي من شغلة بتحبي تحكي لحد مقرب منك عشان ترتاحي؟؟

5- ايمتى رح تعملي فيس بوك ؟؟ والله زهقت ما في حدا يحشش معي عليه يا اسبيرين خخخخخ


6- ايش بتحبي اكتر : عمان ولا معان ولا الزرقا؟؟؟جاوبي بصراحة و وين بتحبي تسكني مستقبلا ان شاءالله ؟؟

راجعيتلك يا عمري جاوبي هلأ

[rodyna khliafat]

ردينا يا ردينا كيفك ؟

اهلين يا باشا الحمدلله منيحة كتير كتير كتير -_-

نبلش

يا ساتر

1- شو علاقتك بالتلفزيون ؟

كأنه هاد السؤال تكرر بس يلا معلش مو كتير بتابع تلفزيون مش لإشي بس لأنه مافي وقت

2- بتحضري مسلسلات ؟ شو اكثر مسلسل حبيتيه بحياتك ؟

يعني هيك وهيك في أكتر من مسلسل حبيته متل المحروس وقضية رأي عام .

3- اكثر فلم عجبك ؟ ليش ؟

فلم محمد هنيدي ((يانا يا خالتي)) لأنه كوميدي وواقعي

4- مريتي بفتره بحياتك كنت تقعدي على التلفزيون كثير ؟ متى ؟ وليش ؟

اه برمضان سنة الاول ثانوي عملت برنامج للمسلسلات هههههه

5- عمرك صوتي لواحد من هالي بطلعوا بالبرامج (مثل ستار اكاديمي) ؟ ليش ؟ واذا لأ كمان ليش ؟

طبعا صوتت لمحمد قويدر، يحيى صويص وايام ديانا كرزون لأنهم بمثلوا الاردن واصواتهم حلوة وبستاهلوا ينجحوا متزكرة ايام التوجيهي كنا نتجمع بقاعة الحاسوب وع اساس بندرس بس كنا نصوت -_-

[rodyna khliafat]

رووودييييييي ولك والله انك على راسي يا عمري
انتي الزوووووء كله وجد هلأ اول مرة بعرف شغلة بحياتي من اول ما تعرفنا انا وياكي على بعض جد جد بحكي واللي هي: ما توقعت جد انه حدا من اعز صاحباتي المقربييييييييييييين كتير بيعرف هاي التفاصيل الكتير دقيقة عني بجد فاجئتيني
صح انا مرات بشتغل عحالي كتير ومرات بنسى بس بفكر اللي حولي ما بينتبهوا لهالشغلة
وبرضوا اني حساسة كتير وأي كلمة بتجرحني

ويسلمو عالمدح يا فلبي والله اعطيتيني اكبر من حجمي

مش عارفة ليش بتستغربوا بس حدا يحكي عنكم
هاد الواقع يا عمري ولو مقصرين -_-

========================================

جد بدي اكون عالكرسي عشان احكي عنك يا أصيلة
بدي اجرب اقعد عليه شوي قبل ما اسألك اذا بتسمحيلي
جد ردينة انتي أصيلة وبنت ناس وعالم بتحكمي عقلك قبل قلبك بالأمور اللي بتسير حوليكي
ممكن تبدي واجباتك والتزاماتك على حالك وممكن في بعض الاحيان تهملي حالك بسبب هالشي
المهم انك روووووووووعة وفاهميتني كتير وبتحبي تفصلي بين الصداقة والعمل

ثانكس نانسي ويلا ان شاء الله عن قريب بنحطك ع هالكرسي -_-

[rodyna khliafat]

ردينة رح ابلش أسألك متل بقية الزملاء:

يييييييييييييييي ول ع اليهود ولك شو هدول الاسئلة ضروري الفضايح

1- شو رأيك بطلعتنا انا وياكي هداك اليوم؟؟كيف الجلول كانوا؟؟والمياه المباركه كيف كانت؟؟

ههههههههههه عنجد كانت طلعة بتجنن وكتير حلوة بس ما خلينا حدا من شرنا بالنسبة للمي وكرات الشوكولا انتِ الي كنتِ حاطة عينك عليهم

كنت انا بدي حبة ضغط ارتفع ضغطي
هههههههههههههههههههههههههههههههههههههههههههههه

2-ممكن لو اتقدملك شخص في المستقبل القريب غني كتير كتير وتفكيره أو جنسيته ما بتعجبك أو حتى شخصيته
ممكن ترضي فيه؟؟

طبعا ما باخده المصاري مش كل اشي وبتيجي وبتروح بس التفكير والشخصية اهم اشي بالحياة حتى تستمر العلاقة الزوجية

بالمناسبة شو رأيك بيرحة العطر اللي بالأصنصير؟؟ههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههه:(169) :

عادي تحمليني

كتير حلوة

3-شو رأيك ب نامق ؟؟

الله يعينكم مش عارفة كيف كنتوا متحملينوا طول الفصل والله لو انا ما بكمل بهالمادة

4- اذا تألمتي من شغلة بتحبي تحكي لحد مقرب منك عشان ترتاحي؟؟ 

أكيد لازم افضفض ولا بنجلط

5- ايمتى رح تعملي فيس بوك ؟؟ والله زهقت ما في حدا يحشش معي عليه يا بندول خخخخخ

والله قريبا رح ارجعه ان شاء الله

6- ايش بتحبي اكتر : عمان ولا معان ولا الزرقا؟؟

بالنسبة لعمان : تقريبا كل يوم بكون فيها
معان : أصلي وما بستغني عنها ودايما بحب اروح زيارات ع وادي موسى (البترا) هناك الجو كتير حلو ومريح وهادي
اما الزرقا: قضيت فيها ايام كتير حلوة وذكريات ما بنساها

و وين بتحبي تسكني مستقبلا ان شاءالله؟

بعمان